Washington Sundar: ಕುಂಬ್ಳೆ-ಅಶ್ವಿನ್ರಂತಹ ದಂತಕಥೆಗಳು ಕನಸು ಕಾಣುತ್ತಿದ್ದ ದಾಖಲೆ ವಾಷಿಂಗ್ಟನ್ ಸುಂದರ್ ಮಾಡಿದರು
England vs India 3rd Test: ಕಳೆದ 54 ವರ್ಷಗಳಲ್ಲಿ, ಲಾರ್ಡ್ಸ್ ಮೈದಾನದಲ್ಲಿ ಯಾವುದೇ ಭಾರತೀಯ ಸ್ಪಿನ್ನರ್ಗಳು ನಾಲ್ಕು ವಿಕೆಟ್ಗಳನ್ನು ಪಡೆಯಲು ಸಾಧ್ಯವಾಗಿಲ್ಲ. 1971 ರಲ್ಲಿ ಇಲ್ಲಿ ನಡೆದ ಟೆಸ್ಟ್ನಲ್ಲಿ ಶ್ರೀನಿವಾಸ್ ವೆಂಕಟರಾಘವನ್ ಮತ್ತು ಬಿಷನ್ ಸಿಂಗ್ ಬೇಡಿ ತಲಾ 4 ವಿಕೆಟ್ಗಳನ್ನು ಕಬಳಿಸಿದ್ದರು. ಈಗ ವಾಷಿಂಗ್ಟನ್ ಸುಂದರ್ ಈ ಸಾಧನೆ ಮಾಡಿದ್ದಾರೆ.
ಬೆಂಗಳೂರು (ಜು. 14): ಲಾರ್ಡ್ಸ್ ಟೆಸ್ಟ್ನ ನಾಲ್ಕನೇ ದಿನದಂದು ಭಾರತ ತಂಡದ ಆಫ್-ಸ್ಪಿನ್ನರ್ ವಾಷಿಂಗ್ಟನ್ ಸುಂದರ್ (Washington Sundar) ಅದ್ಭುತ ಬೌಲಿಂಗ್ ಮಾಡಿದರು. ಅವರು ಕೇವಲ 22 ರನ್ಗಳಿಗೆ ನಾಲ್ವರು ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳನ್ನು ಔಟ್ ಮಾಡಿದರು. ನಾಯಕ ಶುಭ್ಮನ್ ಗಿಲ್, ಸುಂದರ್ಗೆ ಬೌಲಿಂಗ್ ಕೊಟ್ಟಾಗಿನಿಂದ ಮಾರಕವಾಗಿ ಪರಿಣಮಿಸಿದರು. ಸುಂದರ್ ತಮ್ಮ ಮೂರನೇ ಓವರ್ನಲ್ಲಿಯೇ ಭಾರತಕ್ಕೆ ದೊಡ್ಡ ಯಶಸ್ಸನ್ನು ತಂದುಕೊಟ್ಟರು. ಮೊದಲ ಇನ್ನಿಂಗ್ಸ್ನಲ್ಲಿ ಶತಕ ಗಳಿಸಿದ ಜೋ ರೂಟ್ ಅವರನ್ನು ಸುಂದರ್ ಬೌಲ್ಡ್ ಮಾಡಿದರು. ರೂಟ್ ಪಿಚ್ನಲ್ಲಿ ಸೆಟ್ ಆಗಿ 40 ರನ್ಗಳ ಇನ್ನಿಂಗ್ಸ್ ಆಡುತ್ತಿದ್ದ ವೇಳೆ ಸುಂದರ್ ಸ್ಪಿನ್ ಮ್ಯಾಜಿಕ್ ತೋರಿಸಿದರು.
ಸ್ಟೋಕ್ಸ್ ಮತ್ತು ಸ್ಮಿತ್ ಕೂಡ ಔಟಾದರು
ಜೋ ರೂಟ್ ಅವರನ್ನು ಔಟ್ ಮಾಡಿದ ನಂತರ, ವಾಷಿಂಗ್ಟನ್ ಸುಂದರ್ ಅವರು ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ ಅವರ ವಿಕೆಟ್ ಪಡೆದರು. ಅವರೂ ಕೂಡ ಬೌಲ್ಡ್ ಆದರು. ಈ ಸರಣಿಯಲ್ಲಿ ಇಂಗ್ಲೆಂಡ್ ಪರ ಅತಿ ಹೆಚ್ಚು ರನ್ ಗಳಿಸಿದ ಜೇಮೀ ಸ್ಮಿತ್ ಅವರಿಗೂ ಸುಂದರ್ ಅವರ ಎಸೆತಕ್ಕೆ ಯಾವುದೇ ಉತ್ತರವಿರಲಿಲ್ಲ. ಸ್ಮಿತ್ ಕೇವಲ 8 ರನ್ ಗಳಿಸಲು ಸಾಧ್ಯವಾಯಿತು. ಇಂಗ್ಲೆಂಡ್ನ ಕೊನೆಯ ಬ್ಯಾಟ್ಸ್ಮನ್ ಶೋಯೆಬ್ ಬಶೀರ್ ಅವರನ್ನು ಬೌಲ್ಡ್ ಮಾಡುವ ಮೂಲಕ ಸುಂದರ್ ಇನ್ನಿಂಗ್ಸ್ ಅನ್ನು ಕೊನೆಗೊಳಿಸಿದರು. ಇಂಗ್ಲೆಂಡ್ ತನ್ನ ಎರಡನೇ ಇನ್ನಿಂಗ್ಸ್ನಲ್ಲಿ 192 ರನ್ ಗಳಿಸಿತು.
Washington Sundar: 4 ವಿಕೆಟ್ ಪತನವಾದರೂ ಭಾರತ ಗೆದ್ದೇ ಗೆಲ್ಲುತ್ತೆ..: ವಾಷಿಂಗ್ಟನ್ ಸುಂದರ್ ದಿಟ್ಟ ಹೇಳಿಕೆ
54 ವರ್ಷಗಳ ನಂತರ ನಾಲ್ಕು ವಿಕೆಟ್ ಪಡೆದ ಭಾರತೀಯ ಸ್ಪಿನ್ನರ್!
ಕಳೆದ 54 ವರ್ಷಗಳಲ್ಲಿ, ಲಾರ್ಡ್ಸ್ ಮೈದಾನದಲ್ಲಿ ಯಾವುದೇ ಭಾರತೀಯ ಸ್ಪಿನ್ನರ್ಗಳು ನಾಲ್ಕು ವಿಕೆಟ್ಗಳನ್ನು ಪಡೆಯಲು ಸಾಧ್ಯವಾಗಿಲ್ಲ. ಈ ಸಮಯದಲ್ಲಿ ಅನಿಲ್ ಕುಂಬ್ಳೆ, ಹರ್ಭಜನ್ ಸಿಂಗ್, ಆರ್. ಅಶ್ವಿನ್ ಮತ್ತು ರವೀಂದ್ರ ಜಡೇಜಾ ಅವರಂತಹ ಸ್ಪಿನ್ನರ್ಗಳು ಈ ಮೈದಾನದಲ್ಲಿ ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. 1971 ರಲ್ಲಿ ಇಲ್ಲಿ ನಡೆದ ಟೆಸ್ಟ್ನಲ್ಲಿ ಶ್ರೀನಿವಾಸ್ ವೆಂಕಟರಾಘವನ್ ಮತ್ತು ಬಿಷನ್ ಸಿಂಗ್ ಬೇಡಿ ತಲಾ 4 ವಿಕೆಟ್ಗಳನ್ನು ಕಬಳಿಸಿದ್ದರು. ಈಗ ವಾಷಿಂಗ್ಟನ್ ಸುಂದರ್ ಈ ಸಾಧನೆ ಮಾಡಿದ್ದಾರೆ. ಈ ಮೂವರನ್ನು ಹೊರತುಪಡಿಸಿ, ಲಾರ್ಡ್ಸ್ ಮೈದಾನದಲ್ಲಿ ಇನ್ನಿಂಗ್ಸ್ನಲ್ಲಿ ನಾಲ್ಕು ಅಥವಾ ಅದಕ್ಕಿಂತ ಹೆಚ್ಚು ವಿಕೆಟ್ಗಳನ್ನು ಪಡೆದ ಏಕೈಕ ಭಾರತೀಯ ಸ್ಪಿನ್ನರ್ಗಳು ವಿನೂ ಮಂಕಡ್ ಮತ್ತು ಬಿಎಸ್ ಚಂದ್ರಶೇಖರ್.
135 ರನ್ ಗುರಿ ಮುಟ್ಟುತ್ತಾ ಅಥವಾ 6 ವಿಕೆಟ್ಗಳು ಬೀಳುತ್ತಾ?
ಲಾರ್ಡ್ಸ್ ಮೈದಾನದಲ್ಲಿ ಭಾರತ ಮತ್ತು ಇಂಗ್ಲೆಂಡ್ ನಡುವೆ ನಡೆಯುತ್ತಿರುವ ಟೆಸ್ಟ್ ಪಂದ್ಯ ರೋಚಕತೆ ಸೃಷ್ಟಿಸಿದೆ. ಪಂದ್ಯದ ಕೊನೆಯ ಇನ್ನಿಂಗ್ಸ್ನಲ್ಲಿ ಭಾರತ ಗೆಲ್ಲಲು 193 ರನ್ಗಳ ಗುರಿಯನ್ನು ನೀಡಿತು. ನಾಲ್ಕನೇ ದಿನದಾಟದ ಸ್ಟಂಪ್ಗಳ ಸಮಯದಲ್ಲಿ, ಭಾರತದ ಸ್ಕೋರ್ 4 ವಿಕೆಟ್ಗಳಿಗೆ 58 ರನ್ಗಳಾಗಿದೆ. ತಂಡಕ್ಕೆ ಗೆಲ್ಲಲು ಇನ್ನೂ 135 ರನ್ಗಳ ಅಗತ್ಯವಿದೆ. ಮತ್ತೊಂದೆಡೆ, ಪಂದ್ಯವನ್ನು ಗೆಲ್ಲಲು ಇಂಗ್ಲೆಂಡ್ಗೆ 6 ವಿಕೆಟ್ಗಳ ಅಗತ್ಯವಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 10:05 am, Mon, 14 July 25