IND W VS ENG W: ಆಂಗ್ಲರ ಮುಂದೆ ಮಂಡಿಯೂರಿದ ಭಾರತ! ಮಹಿಳಾ ವಿಶ್ವಕಪ್ನಲ್ಲಿ 2ನೇ ಸೋಲು
Womens World Cup 2022: 022ರ ಮಹಿಳಾ ವಿಶ್ವಕಪ್‌ನ 15ನೇ ಪಂದ್ಯದಲ್ಲಿ ಟೀಂ ಇಂಡಿಯಾ ಹೀನಾಯ ಸೋಲನುಭವಿಸಿದೆ. ಹಾಲಿ ಚಾಂಪಿಯನ್ ಇಂಗ್ಲೆಂಡ್ ತಂಡ ಭಾರತವನ್ನು 4 ವಿಕೆಟ್‌ಗಳಿಂದ ಸೋಲಿಸಿತು.
2022ರ ಮಹಿಳಾ ವಿಶ್ವಕಪ್ (Women’s World Cup 2022)ನ 15ನೇ ಪಂದ್ಯದಲ್ಲಿ ಟೀಂ ಇಂಡಿಯಾ ಹೀನಾಯ ಸೋಲನುಭವಿಸಿದೆ. ಹಾಲಿ ಚಾಂಪಿಯನ್ ಇಂಗ್ಲೆಂಡ್ ತಂಡ ಭಾರತವನ್ನು (England Women vs India Women) 4 ವಿಕೆಟ್‌ಗಳಿಂದ ಸೋಲಿಸಿತು. ಟೀಂ ಇಂಡಿಯಾದ ಬ್ಯಾಟಿಂಗ್ ವಿಫಲವಾಗಿದ್ದು ತಂಡ ಕೇವಲ 36.2 ಓವರ್‌ಗಳಲ್ಲಿ 134 ರನ್‌ಗಳಿಗೆ ಆಲೌಟಾಯಿತು. ಸ್ಮೃತಿ ಮಂಧಾನ ಗರಿಷ್ಠ 35 ರನ್ ಗಳಿಸಿದರೆ ರಿಚಾ ಘೋಷ್ 33 ರನ್ ಗಳಿಸಿದರು. ಜೂಲನ್ ಗೋಸ್ವಾಮಿ 20 ರನ್ ಗಳಿಸಿದರು, ಇವರನ್ನು ಹೊರತುಪಡಿಸಿ ಯಾಸ್ತಿಕಾ ಭಾಟಿಯಾ, ಮಿಥಾಲಿ ರಾಜ್, ದೀಪ್ತಿ ಶರ್ಮಾ, ಸ್ನೇಹ ರಾಣಾ ಎಲ್ಲರೂ ವಿಫಲರಾದರು. ಇಂಗ್ಲೆಂಡ್ ಪರ ಆಫ್ ಸ್ಪಿನ್ನರ್ ಶಾರ್ಲೆಟ್ ಡೀನ್ 4 ವಿಕೆಟ್ ಕಬಳಿಸುವ ಮೂಲಕ ಅದ್ಭುತ ಪ್ರದರ್ಶನ ನೀಡಿದರು. ಬ್ಯಾಟಿಂಗ್ನಲ್ಲಿ ಇಂಗ್ಲೆಂಡ್ ತಂಡದ ನಾಯಕಿ ಹೀದರ್ ನೈಟ್ 52 ಹಾಗೂ ಸಿವೆರ್ 45 ರನ್ ಗಳಿಸಿದರು.
ಸತತ ಮೂರು ಸೋಲುಗಳನ್ನು ಅನುಭವಿಸಿದ ಇಂಗ್ಲೆಂಡ್ 2022 ರ ಮಹಿಳಾ ವಿಶ್ವಕಪ್ನಲ್ಲಿ ತನ್ನ ಮೊದಲ ಜಯ ಸಾಧಿಸಿದೆ. ಇದೇ ವೇಳೆ ಭಾರತ 4 ಪಂದ್ಯಗಳಲ್ಲಿ ಎರಡನೇ ಸೋಲು ಕಂಡಿದೆ. ನ್ಯೂಜಿಲೆಂಡ್ ವಿರುದ್ಧದ ಪಂದ್ಯದಲ್ಲೂ ಟೀಂ ಇಂಡಿಯಾ ಸೋತಿತ್ತು. ಅದೇ ಸಮಯದಲ್ಲಿ, ಪಾಕಿಸ್ತಾನ ಮತ್ತು ವೆಸ್ಟ್ ಇಂಡೀಸ್ ಅನ್ನು ಸೋಲಿಸುವಲ್ಲಿ ಭಾರತ ಯಶಸ್ವಿಯಾಗಿತ್ತು. ಪಾಯಿಂಟ್ಸ್ ಟೇಬಲ್ ಬಗ್ಗೆ ಮಾತನಾಡುವುದಾದರೆ, ಇಂಗ್ಲೆಂಡ್ ತಂಡವು ಈ ಗೆಲುವಿನೊಂದಿಗೆ ಬಾಂಗ್ಲಾದೇಶವನ್ನು ಹಿಂದಿಕ್ಕಿ ಆರನೇ ಸ್ಥಾನವನ್ನು ತಲುಪಿದೆ. ಆದರೆ ಉತ್ತಮ ನಿವ್ವಳ ರನ್ ರೇಟ್‌ನಿಂದ ಟೀಮ್ ಇಂಡಿಯಾ ಇನ್ನೂ ಮೂರನೇ ಸ್ಥಾನದಲ್ಲಿದೆ. ಕಿವೀಸ್ ತಂಡವು 4 ಪಂದ್ಯಗಳಲ್ಲಿ 2 ಗೆಲುವುಗಳನ್ನು ಪಡೆದಿದ್ದರು ರನ್ ರೇಟ್ ವಿಚಾರದಲ್ಲಿ ಭಾರತಕ್ಕಿಂದ ಹಿಂದಿದೆ.
ಬ್ಯಾಟಿಂಗ್ ವೈಫಲ್ಯ
ಮೌಂಟ್ ಮೌಂಗನುಯಿ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ನಾಯಕಿ ಹೀದರ್ ನೈಟ್ ಭಾರತವನ್ನು ಬ್ಯಾಟಿಂಗ್ ಮಾಡಲು ಆಹ್ವಾನಿಸಿದರು. ಭಾರತದ ಆರಂಭ ಕೆಟ್ಟದಾಗಿದ್ದು, ನಾಲ್ಕನೇ ಓವರ್‌ನಲ್ಲಿ ಯಾಸ್ತಿಕಾ ಭಾಟಿಯಾ ಕೇವಲ 8 ರನ್ ಗಳಿಸಿ ಶ್ರಬ್‌ಸೋಲ್‌ಗೆ ಬಲಿಯಾದರು. ಇದಾದ ನಂತರ ನಾಯಕಿ ಮಿಥಾಲಿ ರಾಜ್ ಕೇವಲ 5 ಎಸೆತಗಳನ್ನು ಆಡಿ ಕೇವಲ ಒಂದು ರನ್ ಗಳಿಸಿ ಔಟಾದರು. ದೀಪ್ತಿ ಶರ್ಮಾ ಶೂನ್ಯಕ್ಕೆ ರನೌಟ್ ಆದರು. ಇದರ ನಂತರ, ಹರ್ಮನ್‌ಪ್ರೀತ್ ಕೌರ್ ಮತ್ತು ಸ್ಮೃತಿ ಮಂಧಾನ ಅವರಿಂದ ಉತ್ತಮ ಜೊತೆಯಾಟವನ್ನು ನಿರೀಕ್ಷಿಸಲಾಗಿತ್ತು. ಇಬ್ಬರೂ ಕೂಡ 33 ರನ್ ಸೇರಿಸಿದರು ಆದರೆ ಚಾರ್ಲೊಟ್ ಡೀನ್, ಹರ್ಮನ್‌ಪ್ರೀತ್ ಅವರನ್ನು ಔಟ್ ಮಾಡುವ ಮೂಲಕ ಟೀಮ್ ಇಂಡಿಯಾಕ್ಕೆ ದೊಡ್ಡ ಹೊಡೆತ ನೀಡಿದರು. ಡೀನ್ ಅವರು ಸ್ನೇಹ ರಾಣಾ ಅವರನ್ನು ಶೂನ್ಯಕ್ಕೆ ಔಟ್ ಮಾಡಿದರು. ಮಿಥಾಲಿ ರಾಜ್ ತಂಡದ 5 ವಿಕೆಟ್‌ಗಳು ಕೇವಲ 61 ರನ್‌ಗಳಿಗೆ ಪತನಗೊಂಡವು.
22ನೇ ಓವರ್‌ನಲ್ಲಿ ಮಂಧಾನ 35 ರನ್‌ಗಳ ವೈಯಕ್ತಿಕ ಸ್ಕೋರ್‌ನಲ್ಲಿ ಎಕ್ಲೆಸ್ಟೋನ್ ಮೂಲಕ ಎಲ್ಬಿಡಬ್ಲ್ಯೂ ಆಗಿ ಔಟಾದಾಗ ಭಾರತಕ್ಕೆ ದೊಡ್ಡ ಪೆಟ್ಟು ಬಿದ್ದಿತು. ಇವರ ನಂತರ ರೀಟಾ ಘೋಷ್ 33 ಮತ್ತು ಜೂಲನ್ 20 ರನ್ ಗಳಿಸಿ ಟೀಮ್ ಇಂಡಿಯಾವನ್ನು 100ರ ಗಡಿ ದಾಟಿಸಿದರು. ಟೀಮ್ ಇಂಡಿಯಾ ಕೇವಲ 134 ರನ್‌ಗಳಿಗೆ ಆಲೌಟ್ ಆಯಿತು.
ಇಂಗ್ಲೆಂಡ್‌ನ ಕಳಪೆ ಆರಂಭ
ಇಂಗ್ಲೆಂಡ್ ಅತ್ಯಂತ ಕಳಪೆ ಆರಂಭ ಮಾಡಿತ್ತು. ಜೂಲನ್ ಗೋಸ್ವಾಮಿ ಮತ್ತು ಮೇಘನಾ ಸಿಂಗ್ ಇಂಗ್ಲೆಂಡ್‌ಗೆ ಎರಡು ಹೊಡೆತಗಳನ್ನು ನೀಡಿದರು. ಇಂಗ್ಲೆಂಡ್ ಕೇವಲ 3 ಓವರ್‌ಗಳಲ್ಲಿ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಆದರೆ ನಂತರ ಹೀದರ್ ನೈಟ್ ಮತ್ತು ನಟಾಲಿ ಸ್ಕಿವರ್ 65 ರನ್ ಸೇರಿಸಿ ಇಂಗ್ಲೆಂಡ್‌ಗೆ ನೆರವಾದರು. ಈ ಜೊತೆಯಾಟವು ಟೀಮ್ ಇಂಡಿಯಾಕ್ಕೆ ಕೇವಲ 137 ರನ್‌ಗಳ ಗುರಿಗೆ ಭಾರವಾಗಿತ್ತು. ಮೇಘನಾ ಸಿಂಗ್ ಸೋಫಿಯಾ ಡಂಕ್ಲಿ ಮತ್ತು ಕ್ಯಾಥರೀನ್ ಬರ್ಂಟ್ ಅವರನ್ನು ಮಧ್ಯಮ ಓವರ್‌ನಲ್ಲಿ ಔಟ್ ಮಾಡಿದರು. ಆದರೆ ಹೀದರ್ ನೈಟ್ ಅವರ ಅಜೇಯ ಅರ್ಧಶತಕವು ಇಂಗ್ಲೆಂಡ್‌ಗೆ ಪಂದ್ಯಾವಳಿಯಲ್ಲಿ ಮೊದಲ ಜಯವನ್ನು ತಂದುಕೊಟ್ಟಿತು.
ಇದನ್ನೂ ಓದಿ;IND W VS ENG W: ಮಹಿಳಾ ವಿಶ್ವಕಪ್ನಲ್ಲಿ ಮತ್ತೊಂದು ವಿಶ್ವ ದಾಖಲೆ ಬರೆದ ಜೂಲನ್ ಗೋಸ್ವಾಮಿ..!
Published On - 11:47 am, Wed, 16 March 22