ಸಿಎಸ್​ಕೆ ತಂಡಕ್ಕೆ ಜಾಧವ್ ಮೇಲಿರುವ ವ್ಯಾಮೋಹ ಅರ್ಥವಾಗುತ್ತಿಲ್ಲ

ಸೂಪರ್ ಸಂಡೆಯ ಮೂರು ರೋಮಾಂಚಕ ಸೂಪರ್ ಓವರ್​ಗಳನ್ನು ಕಂಡ ಎರಡು ಪಂದ್ಯಗಳ ನಂತರ ಇಂಡಿಯನ್ ಪ್ರಿಮೀಯರ್ ಲೀಗ್​ನಲ್ಲಿ ಇಂದು ಟೂರ್ನಿಯ 37ನೇ ಪಂದ್ಯ ಮೂರು ಬಾರಿ ಚಾಂಪಿಯನ್​ಶಿಪ್ ಗೆದ್ದಿರುವ ಚೆನೈ ಸೂಪರ್ ಕಿಂಗ್ಸ್ ಮತ್ತು ಲೀಗ್​ನ ಉದ್ಘಾಟನಾ ಆವೃತಿಯನ್ನು ಗೆದ್ದ ರಾಜಸ್ತಾನ ರಾಯಲ್ಸ್ ನಡುವೆ ನಡೆಯಲಿದೆ. ಎರಡು ತಂಡಗಳೂ ಈ ಸೀಸನ್​ನಲ್ಲಿ ತಮ್ಮ ಅಭಿಯಾನವನ್ನು ಗೆಲುವಿನೊಂದಿಗೆ ಪ್ರಾರಂಭಿಸಿದ್ದವು. ಸಿಎಸ್​ಕೆ, ಕಳೆದ ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಟೀಮನ್ನು ಸೋಲಿಸಿದರೆ, ಇದೇ ಚೆನೈ ತಂಡವನ್ನು ರಾಯಲ್ಸ್ ತಾನಾಡಿದ ಮೊದಲ ಪಂದ್ಯದಲ್ಲಿ ಸೋಲಿಸಿತ್ತು. ಪಾಯಿಂಟ್ಸ್ ಟೇಬಲ್​ನಲ್ಲಿ ಇವೆರಡರ ಸ್ಥಾಗಳನ್ನು ನೋಡುವುದಾದರೆ ಆರಾರು ಅಂಕಗಳೊಂದಿಗೆ ತಳಭಾಗದಲ್ಲಿವೆ. ರಾಯಲ್ಸ್ 8ನೇ ಸ್ಥಾನದಲ್ಲಿದ್ದರೆ ಚೆನೈ ಅದಕ್ಕಿಂತ ಒಂದು ಸ್ಥಾನ ಮಾತ್ರ ಮೇಲಿದೆ. ಇಂದು ಗೆಲ್ಲುವ ಟೀಮು ಟೇಬಲ್​ನಲ್ಲಿ 5 ನೇ ಸ್ಥಾನಕ್ಕೆ ಜಿಗಿಯಲಿದೆ.
[yop_poll id=”15″]

ಭರ್ಜರಿ ನೋಟ್​ನೊಂದಿಗೆ ಅಭಿಯಾನ ಶುರಮಾಡಿದ ರಾಯಲ್ಸ್ ಎರಡು ಪಂದ್ಯಗಳಲ್ಲಿ ಜಯ ಕಂಡ ನಂತರ ಗೆಲ್ಲುವುದನ್ನು ಮರೆತುಹೋದವರಂತೆ ಆಡಿದೆ. ಆಮೇಲೆ ಆಡಿದ 7 ಪಂದ್ಯಗಳಲ್ಲಿ ಅದು ಕೇವಲ ಒಂದನ್ನು ಮಾತ್ರ ಗೆದ್ದಿದೆ. ಅದೇ ಮಾತು ಎಮ್ ಎಸ್ ಧೋನಿಯ ಟೀಮಿಗೂ ಅನ್ವಯಿಸುತ್ತದೆ.

ರಾಯಲ್ಸ್ ಮೊದಲಿನರೆಡು ಪಂದ್ಯಗಳನ್ನು ಗೆಲ್ಲಲು ಪ್ರಮುಖವಾಗಿ ನೆರವಾಗಿದ್ದು ಸಂಜು ಸ್ಯಾಮ್ಸನ್ ಅವರ ವಿಸ್ಮಯಕಾರಿ ಹಿಟ್ಟಿಂಗ್. ಆದರೆ ಮುಂದಿನ 7 ಪಂದ್ಯಗಳಲ್ಲಿ ಅವರು, ಆ ಸ್ಯಾಮ್ಸನ್ ಇವರೇನಾ ಎಂಬಂತೆ ಆಡಿದ್ದಾರೆ. ಈ ಏಳು ಗೇಮ್​ಗಳಲ್ಲಿ ಅವರ ಬ್ಯಾಟ್​ನಿಂದ ಕೇವಲ 77ರನ್ ಮಾತ್ರ ಬಂದಿವೆ, ಅವರ ವೈಫಲ್ಯ ಟೀಮಿನ ಒಟ್ಟಾರೆ ಪ್ರದರ್ಶನದ ಮೇಲೆ ಭಾರಿ ಪರಿಣಾಮ ಬೀರಿದೆ.

ಕಳೆದ ಪಂದ್ಯದಿಂದ ಆರಂಭ ಆಟಗಾರನಾಗಿ ಆಡುತ್ತಿರುವ ರಾಬಿನ್ ಉತ್ತಪ್ಪ ಇಂದು ಸಹ ಆದೇ ಸ್ಥಾನದಲ್ಲಿ ಮುಂದುವರಿಯುವ ನಿರೀಕ್ಷೆಯಿದೆ. ಓದುಗರಿಗೆ ಗೊತ್ತಿರುವಂತೆ, ಉತ್ತಪ್ಪ ಬೇಸಿಕಲ್ಲಿ ಒಬ್ಬ ಓಪನರ್. ಅದನ್ನವರು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಆಡಿದ ಎರಡನೆ ಸುತ್ತಿನ ಪಂದ್ಯದಲ್ಲಿ (22 ಎಸೆತಗಳಲ್ಲಿ 42 ರನ್) ಪ್ರೂವ್ ಮಾಡಿದರು. ಆದರೆ ಅವರ ಜೊತೆಗಾರನಾಗಿ ಬೆನ್ ಸ್ಟೋಕ್ಸ್ ಅವರನ್ನು ಆಡಿಸುತ್ತಿರುವುದು ವಿವೇಚನಾಹೀನ ನಡೆ. ಸ್ಟೋಕ್ಸ್, ಮಿಡ್ಲ್ ಆರ್ಡರ್​ನಲ್ಲಿ ಫಿಟ್ ಆಗುತ್ತಾರೆ, ಹಾಗಾಗಿ ಅವರನ್ನು ಕೆಳ ಕ್ರಮಾಂಕದಲ್ಲಿಆಡಿಸಿ ಮೂಲತಃ ಓಪನರ್ ಅಗಿರುವ ಜೊಸ್ ಬಟ್ಲರ್ ಅವರನ್ನು ಉತ್ತಪ್ಪನ ಜೊತೆಗಾರನನ್ನಾಗಿ ಕಳಿಸಿದರೆ ಟೀಮಿಗೆ ಲಾಭವಾಗಬಹುದು. 

ಮೂರ್ನಾಲ್ಕು ಬ್ಯಾಟಿಂಗ್ ವೈಫಲ್ಯಗಳ ನಂತರ ನಾಯಕ ಸ್ಟಿವೆನ್ ಸ್ಮಿತ್ ಆರ್​ಸಿಬಿ ವಿರುದ್ಧ ಚೆನ್ನಾಗಿ ಆಡಿದರು. ರಿಯಾನ್ ಪರಾಗ್ ಮತ್ತು ರಾಹುಲ್ ತೆವಾಟಿಯಾ ಅವರ ಬ್ಯಾಟಿಂಗ್ ಪ್ರದರ್ಶನಗಳಲ್ಲಿ ಸ್ಥಿರತೆಯ ಕೊರತೆಯಿದೆ. ಟೀಮಿನ ಅಲ್​ರೌಂಡರ್​ಗಳು ತಮ್ಮಿಂದ ನಿರೀಕ್ಷಿಸಿರುವುದನ್ನು ನೀಡದೆ ನಿರಾಶೆಗೊಳಿಸುತ್ತಿದ್ದಾರೆ.

ಬೌಲಿಂಗ್ ವಿಭಾಗದಲ್ಲಿ ಕೇವಲ ಜೊಫ್ರಾ ಆರ್ಚರ್ ಮಾತ್ರ ತಮ್ಮ ಸ್ಥಾನಕ್ಕೆ ನ್ಯಾಯ ಒದಗಿಸುತ್ತಿದ್ದಾರೆ. ಸ್ಟೋಕ್ಸ್​ಗೆ ತಮ್ಮ ಲು ಕೊಂಡುಕೊಳ್ಳಲು ಇನ್ನೂ ಸಾಧ್ಯವಾಗಿಲ್ಲ. ಇನ್ನು ಮುಂದೆ ಆಡುವ ಪಂದ್ಯಗಳು ಮಾಡು ಇಲ್ಲವೇ ಮಡಿ ಸ್ವರೂಪದವಾಗಿರುವುದರಿಂದ ಬೌಲರ್​ಗಳು ಕಾಂಟ್ರಿಬ್ಯೂಟ್ ಮಾಡಲೇಬೇಕಾಗಿದೆ.

ಅತ್ತ ಚೆನೈ ಟೀಮಿಗೂ ಅಂಥದ್ದೇ ಸ್ಥಿತಿ ಎದುರಾಗಿದೆ. ಕಳೆದ 12 ಐಪಿಎಲ್​ ಸೀಸನ್​ಗಳಲ್ಲಿ ಧೋನಿಯ ಪಡೆ ಎಂದೂ ಈಗಿರುವಂಥ ಸ್ಥಿಯಲ್ಲಿರಲಿಲ್ಲ. ಸುರೇಶ್ ರೈನಾ ಮತ್ತು ಹರ್ಭಜನ್ ಸಿಂಗ್ ಅವರ ಅನುಪಸ್ಥಿತಿ ಟೀಮನ್ನು ಬಹಳ ದುರ್ಬಲಗೊಳಿಸಿದೆ. ಫಫ್ ಡು ಪ್ಲೆಸ್ಸಿ ಮತ್ತು ಶೇನ್ ವಾಟ್ಸನ್ ಉತ್ತಮ ಆರಂಭಗಳನ್ನು ಒದಗಿದರೂ ಮಿಡ್ಲ್ ಅರ್ಡರ್ ಅದನ್ನು ಕನ್ಸಾಲಿಡೇಟ್ ಮಾಡುತ್ತಿಲ್ಲ. ಅಂಬಟಿ ರಾಯುಡು ಅವರನ್ನು ಬಿಟ್ಟರೆ ಉಳಿದವರಿಂದ ರನ್ ಬರುತ್ತಿಲ್ಲ. ಆದರೆ, ಗಮನಿಸಬೇಕಾಗಿರುವ ಸಂಗತಿಯೇನೆಂದರೆ ಕಳೆದ ಪಂದ್ಯದಿಂದ ಧೋನಿ ಟೀಮಿನ ಧೋರಣೆ ಬದಲಾಗಿರುವುದು.

ಹೌದು, ಚೆನೈ ತಂಡದ ಆಟಗಾರರು ರಕ್ಷಣಾತ್ಮಕ ಧೋರಣೆಯನ್ನು ಬದಿಗಿಟ್ಟು ಆಕ್ರಮಣಕಾರಿ ಪ್ರವೃತ್ತಿಯನ್ನು ಪ್ರದರ್ಶಿಸುತ್ತಿದ್ದಾರೆ. ಚೆನೈ ಹೆಚ್ಚು ಜನಪ್ರಿಯವಾಗಿರುವುದು ಮತ್ತು ಹೆಚ್ಚೆಚ್ಚು ಪಂದ್ಯಗಳನ್ನು ಗೆದ್ದಿರುವುದೇ ಅಂಥ ಧೋರಣೆಯಿಂದ. ಧೋನಿ ಮತ್ತು ಜಡೇಜಾ ಸನ್​ರೈಸರ್ಸ್ ಹೈದರಾಬಾದ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕ್ರೀಸಿಗೆ ಆಗಮಿಸಿದ ಕೂಡಲೇ ಆಕ್ರಮಣಕಾರಿ ಆಟವಾಡಿದರು. ಈ ಇಬ್ಬರು ಸೀನಿಯರ್ ಆಟಗಾರರು ಮತ್ತು ಉಳಿದವರು ಅದೇ ಮನಸ್ಥಿತಿಯಿಂದ ಆಡಿದರೆ ಟೀಮಿಗೆ ಪ್ರಯೋಜನವಾಗಬಹುದು.

ಕ್ರಿಕೆಟ್ ಪ್ರೇಮಿಗಳಿಗೆ ಅದರಲ್ಲೂ ವಿಶೇಕಷವಾಗಿ ಸಿಎಸ್​ಕೆ ಅಭಿಮಾನಿಗಳಿಗೆ ಅರ್ಥವಾಗದಿರುವ ಅಂಶವೆಂದರೆ, ಕೇದಾರ್ ಜಾಧವ್ ಅವರನ್ನು ಸತತ ವೈಫಲ್ಯಗಳ ಹೊರತಾಗಿಯೂ ಆಡಿಸುತ್ತಿರುವುದು. ಟೀಮ್ ಮ್ಯಾನೇಜ್ಮೆಂಟ್​ಗೆ ಅವರ ಮೇಲೆ ಅದೇನು ಪ್ರೀತಿಯೋ? ಅವರ ಸ್ಥಾನದಲ್ಲಿ ಮತ್ತೊಬ್ಬ ಬೌಲರ್​ನನ್ನು ಆಡಿಸಿದರೆ, ಕನಿಷ್ಠಪಕ್ಷ ಈ ವಿಭಾಗವಾದರೂ ಬಲಿಷ್ಠವಾಗುತ್ತದೆ. ಜೊಷ್ ಹೆಜೆಲ್​ವುಡ್​ ಮತ್ತು ಲುಂಗಿ ಎನ್ಗಿಡಿ ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ.