ಫಿಂಚ್ ವೇಪಿಂಗ್ ಕೆಮೆರಾದಲ್ಲಿ ಸೆರೆಯಾಯಿತು!

ಭಾರತವೂ ಸೇರಿದಂತೆ ಹಲವಾರು ರಾಷ್ಟ್ರಗಳಲ್ಲಿ ವೇಪಿಂಗ್ (ಈ-ಸಿಗರೇಟ್) ನಿಷೇಧಿಸಲಾಗಿದೆ. ಮುಸ್ಲಿಂ ರಾಷ್ಟ್ರಗಳಲ್ಲಂತೂ ವೇಪಿಂಗ್ ಕುರಿತು ಮಾತಾಡುವುದು ಕೂಡ ನಿಷಿದ್ಧ. ಪರಿಸ್ಥಿತಿ ಹೀಗಿರುವಾಗ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಟೀಮಿನ ಆರಂಭ ಆಟಗಾರ ಆಸ್ಟ್ರೇಲಿಯಾದ ಆರನ್ ಫಿಂಚ್ ರಾಜಸ್ತಾನ ರಾಯಲ್ಸ್ ವಿರುದ್ಧ ಶನಿವಾರದಂದು ನಡೆದ ಪಂದ್ಯದ ಕೊನೆಯ ಆತಂಕದ ಮತ್ತು ರೋಮಾಂಚಕ ಕ್ಷಣಗಳಲ್ಲಿ ಡ್ರೆಸ್ಸಿಂಗ್ ರೂಮಲ್ಲಿ ಕೂತು ವೇಪ್ ಮಾಡುತ್ತಿರುವುದು ಕೆಮೆರಾದಲ್ಲಿ ಸೆರೆಯಾಗಿದೆ. ಫಿಂಚ್ ವೇಪ್ ಮಾಡುತ್ತಿರುವ ವಿಡಿಯೊ ಕೇವಲ 8-10 ಸೆಕೆಂಡುಗಳ ಅವಧಿಯದ್ದಾಗಿದೆ. ಅತ್ತ ಮೈದಾನದಲ್ಲಿ ಆರ್ಸಿಬಿಯ ಚಾಂಪಿಯನ್ […]

ಅರುಣ್ ಕುಮಾರ್ ಬೆಳ್ಳಿ | Updated By: ಆಯೇಷಾ ಬಾನು|
Updated on:Oct 20, 2020 | 9:25 AM

ಭಾರತವೂ ಸೇರಿದಂತೆ ಹಲವಾರು ರಾಷ್ಟ್ರಗಳಲ್ಲಿ ವೇಪಿಂಗ್ (ಈ-ಸಿಗರೇಟ್) ನಿಷೇಧಿಸಲಾಗಿದೆ. ಮುಸ್ಲಿಂ ರಾಷ್ಟ್ರಗಳಲ್ಲಂತೂ ವೇಪಿಂಗ್ ಕುರಿತು ಮಾತಾಡುವುದು ಕೂಡ ನಿಷಿದ್ಧ. ಪರಿಸ್ಥಿತಿ ಹೀಗಿರುವಾಗ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಟೀಮಿನ ಆರಂಭ ಆಟಗಾರ ಆಸ್ಟ್ರೇಲಿಯಾದ ಆರನ್ ಫಿಂಚ್ ರಾಜಸ್ತಾನ ರಾಯಲ್ಸ್ ವಿರುದ್ಧ ಶನಿವಾರದಂದು ನಡೆದ ಪಂದ್ಯದ ಕೊನೆಯ ಆತಂಕದ ಮತ್ತು ರೋಮಾಂಚಕ ಕ್ಷಣಗಳಲ್ಲಿ ಡ್ರೆಸ್ಸಿಂಗ್ ರೂಮಲ್ಲಿ ಕೂತು ವೇಪ್ ಮಾಡುತ್ತಿರುವುದು ಕೆಮೆರಾದಲ್ಲಿ ಸೆರೆಯಾಗಿದೆ.

ಫಿಂಚ್ ವೇಪ್ ಮಾಡುತ್ತಿರುವ ವಿಡಿಯೊ ಕೇವಲ 8-10 ಸೆಕೆಂಡುಗಳ ಅವಧಿಯದ್ದಾಗಿದೆ. ಅತ್ತ ಮೈದಾನದಲ್ಲಿ ಆರ್ಸಿಬಿಯ ಚಾಂಪಿಯನ್ ಬ್ಯಾಟ್ ಎಬಿ ಡಿ ವಿಲಿಯರ್ಸ್ ರಾಯಲ್ಸ್ ತಂಡದ ಜಯದೇವ್ ಉನಾಡ್ಕಟ್ ಅವರ ಬೌಲಿಂಗ್ನಲ್ಲಿ ಸಿಕ್ಸರ್ ಮೇಲೆ ಸಿಕ್ಸರ್ ಬಾರಿಸಿ ಟೀಮಿಗೆ ಗೆಲುವು ತಂದುಕೊಡುತ್ತಿದ್ದರೆ, ಫಿಂಚ್ ಒಮ್ಮೆ ಹೊಗೆಯುಗುಳಿ ಮತ್ತೊಮ್ಮೆ ದಮ್ ಎಳೆಯುವುದನ್ನು ಒಬ್ಬ ಕೆಮೆರಾಮನ್ ಶೂಟ್ ಮಾಡಿದ್ದಾರೆ.

ಹಾಗೆ ನೋಡಿದರೆ, ವೇಪಿಂಗ್ ಮಾಡುವಾಗ ಸಿಕ್ಕಿಬಿದ್ದಿರುವವರಲ್ಲಿ ಫಿಂಚ್ ಮೊದಲನೆಯವರೇನಲ್ಲ. ಇದಕ್ಕೆ ಮೊದಲು ನ್ಯೂಜಿಲೆಂಡ್ನ ಬ್ರೆಂಡನ್ ಮೆಕಲ್ಲಮ್ ಒಮ್ಮೆ ದಕ್ಷಿಣ ಆಫ್ರಿಕಾ ವಿರುದ್ಧ ಆಡುವಾಗ ಟಾಯ್ಲೆಟ್ನಲ್ಲಿ ಸ್ಮೋಕ್ ಮಾಡಿರುವುದನ್ನು ಒಪ್ಪಿಕೊಂಡಿದ್ದರು.