FIFA World Cup: ಫಿಫಾ ವಿಶ್ವಕಪ್​ನಲ್ಲಿ ಗೋಲ್ಡನ್ ಬೂಟ್ ಪ್ರಶಸ್ತಿ ಗೆದ್ದ ಕಾಲ್ಚೆಂಡಿನ ಚತುರರು ಇವರೇ..

2022 ರ ಫಿಫಾ ವಿಶ್ವಕಪ್ (FIFA World Cup 2022) ನವೆಂಬರ್ 20 ರಿಂದ ಪ್ರಾರಂಭವಾಗುತ್ತಿದೆ. ವಿಶ್ವದ 32 ಅತ್ಯುತ್ತಮ ತಂಡಗಳು ವಿಶ್ವ ಚಾಂಪಿಯನ್ ಆಗಲು ಕತಾರ್‌ನಲ್ಲಿ ಸ್ಪರ್ಧಿಸಲಿವೆ. ಈ ದೊಡ್ಡ ಟೂರ್ನಿಯಲ್ಲಿ ಪ್ರಮುಖ ಪ್ರಶಸ್ತಿಯನ್ನೂ ನೀಡಲಾಗುತ್ತದೆ. ಅದರ ಹೆಸರು ಗೋಲ್ಡನ್ ಬೂಟ್ (Golden Boot). ಫಿಫಾ ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು ಗೋಲು ಬಾರಿಸಿದ ಆಟಗಾರನಿಗೆ ಈ ಪ್ರಶಸ್ತಿಯನ್ನು ನೀಡಲಾಗುತ್ತದೆ. ಈ ಪ್ರಶಸ್ತಿಯನ್ನು ಅಧಿಕೃತವಾಗಿ 1982 ರ ವಿಶ್ವಕಪ್‌ನಲ್ಲಿ ಪ್ರಾರಂಭಿಸಲಾಯಿತು. 2006 ರ ವಿಶ್ವಕಪ್​ವರೆಗೆ ಈ ಪ್ರಶಸ್ತಿಯನ್ನು ಗೋಲ್ಡನ್ ಶೂ ಎಂದು ಕರೆಯಲಾಗುತ್ತಿತ್ತು.

ಆದರೆ 2010 ರ ಫಿಫಾ ವಿಶ್ವಕಪ್​ನಲ್ಲಿ ಈ ಪ್ರಶಸ್ತಿಯನ್ನು ಗೋಲ್ಡನ್ ಬೂಟ್ ಎಂದು ಮರುನಾಮಕರಣ ಮಾಡಲಾಯಿತು. ಈ ಪ್ರಶಸ್ತಿಯನ್ನು ಸ್ವೀಕರಿಸುವುದು ಅಷ್ಟು ಸುಲಭವಲ್ಲ. ಏಕೆಂದರೆ 32 ತಂಡಗಳಲ್ಲಿ ಹೆಚ್ಚು ಗೋಲು ಗಳಿಸಿದ ಆಟಗಾರನಿಗೆ ಪ್ರಶಸ್ತಿ ನೀಡಲಾಗುತ್ತದೆ. ಫಿಫಾ ವಿಶ್ವಕಪ್ ಇತಿಹಾಸದಲ್ಲಿ ಇದುವರೆಗೆ 27 ಆಟಗಾರರು ಈ ಪ್ರಶಸ್ತಿಯನ್ನು ಪಡೆದಿದ್ದು, ಅವರ ಸಂಪೂರ್ಣ ಪಟ್ಟಿ ಇಲ್ಲಿದೆ.

ಗೋಲ್ಡನ್ ಬೂಟ್ ಪ್ರಶಸ್ತಿ ವಿಜೇತರ ಪಟ್ಟಿ..

1930ರ ಫಿಫಾ ವಿಶ್ವಕಪ್ – ಗಿಲ್ಲೆರ್ಮೊ ಸ್ಟೆಬೈಲ್ (ಅರ್ಜೆಂಟೀನಾ) – 8 ಗೋಲುಗಳು

1934ರ ಫಿಫಾ ವಿಶ್ವಕಪ್ – ಓಲ್ಡೆರಿಚ್ ನೆಜೆಡ್ಲಿ (ಜೆಕೊಸ್ಲೊವಾಕಿಯಾ)- 5 ಗೋಲುಗಳು

1938ರ ಫಿಫಾ ವಿಶ್ವಕಪ್ – ಲಿಯೊನಿಡಾಸ್ (ಬ್ರೆಜಿಲ್) – 7 ಗೋಲುಗಳು

1950ರ ಫಿಫಾ ವಿಶ್ವಕಪ್ – ಅಡೆಮಿರ್ (ಬ್ರೆಜಿಲ್) – 8 ಗೋಲುಗಳು

1954ರ ಫಿಫಾ ವಿಶ್ವಕಪ್ – ಸ್ಯಾಂಡರ್ ಕೊಕಾಕ್ಸ್ (ಹಂಗೇರಿ) – 11 ಗೋಲುಗಳು

1958ರ ಫಿಫಾ ವಿಶ್ವಕಪ್ – ಜಸ್ಟ್ ಫಾಂಟೈನ್ (ಫ್ರಾನ್ಸ್) – 13 ಗೋಲುಗಳು

1962ರ ಫಿಫಾ ವಿಶ್ವಕಪ್ – ಫ್ಲೋರಿಯನ್ ಆಲ್ಬರ್ಟ್ (ಹಂಗೇರಿ), ವ್ಯಾಲೆಂಟಿನ್ ಇವನೊವ್ (ರಷ್ಯಾ), ಗರಿಂಚಾ, ವಾವಾ (ಬ್ರೆಜಿಲ್), ಡ್ರಾಸನ್ ಡಿಜೆರ್ಕೊವಿಕ್ (ಕ್ರೊಯೇಷಿಯಾ), ಲಿಯೋನೆಲ್ ಸ್ಯಾಂಚೆಜ್ (ಚಿಲಿ) – 4 ಗೋಲುಗಳು

1966ರ ಫಿಫಾ ವಿಶ್ವಕಪ್ – ಇಸೆಬಿಯೊ (ಪೋರ್ಚುಗಲ್) – 9 ಗೋಲುಗಳು

1970ರ ಫಿಫಾ ವಿಶ್ವಕಪ್ – ಗೆರಾಡ್ ಮುಲ್ಲರ್ (ಜರ್ಮನಿ) – 10 ಗೋಲುಗಳು

1974ರ ಫಿಫಾ ವಿಶ್ವಕಪ್ – ಗ್ರ್ಜೆಗೋರ್ಜ್ ಲಾಟೊ (ಪೋಲೆಂಡ್) – 7 ಗೋಲುಗಳು

1978ರ ಫಿಫಾ ವಿಶ್ವಕಪ್ – ಮಾರಿಯೋ ಕ್ಯಾಂಪ್ಸ್ (ಅರ್ಜೆಂಟೀನಾ) – 6 ಗೋಲುಗಳು

1982ರ ಫಿಫಾ ವಿಶ್ವಕಪ್ – ಪಾವೊಲೊ ರೊಸ್ಸಿ (ಇಟಲಿ) – 6 ಗೋಲುಗಳು

1986ರ ಫಿಫಾ ವಿಶ್ವಕಪ್ – ಗ್ಯಾರಿ ಲಿನೆಕರ್ (ಇಂಗ್ಲೆಂಡ್) – 6 ಗೋಲುಗಳು

1990ರ ಫಿಫಾ ವಿಶ್ವಕಪ್ – ಸಾಲ್ವಟೋರ್ ಸಿಲಾಚಿ (ಇಟಲಿ) – 6 ಗೋಲುಗಳು

1994ರ ಫಿಫಾ ವಿಶ್ವಕಪ್ – ಒಲೆಗ್ ಸಲೆಂಕೊ (ರಷ್ಯಾ), ಹ್ರಿಸ್ಟೊ ಸ್ಟೊಯಿಚ್ಕೊವ್ (ಬಲ್ಗೇರಿಯಾ) – 6 ಗೋಲುಗಳು

1998ರ ಫಿಫಾ ವಿಶ್ವಕಪ್ – ದಾವರ್ ಸುಕರ್ (ಕ್ರೊಯೇಷಿಯಾ) – 6 ಗೋಲುಗಳು

2002ರ ಫಿಫಾ ವಿಶ್ವಕಪ್ – ರೊನಾಲ್ಡೊ ನರಾಜಿಯೊ (ಬ್ರೆಜಿಲ್) – 8 ಗೋಲುಗಳು

2006ರ ಫಿಫಾ ವಿಶ್ವಕಪ್ – ಮಿರೋಸ್ಲಾವ್ ಕ್ಲೋಸ್ (ಜರ್ಮನಿ) – 5 ಗೋಲುಗಳು

2010ರ ಫಿಫಾ ವಿಶ್ವಕಪ್ – ಥಾಮಸ್ ಮುಲ್ಲರ್ (ಜರ್ಮನಿ) – 6 ಗೋಲುಗಳು

2014ರ ಫಿಫಾ ವಿಶ್ವಕಪ್ – ಜೇಮ್ಸ್ ರೊಡ್ರಿಗಸ್ (ಕೊಲಂಬಿಯಾ) – 6 ಗೋಲುಗಳು

2018ರ ಫಿಫಾ ವಿಶ್ವಕಪ್ – ಹ್ಯಾರಿ ಕೇನ್ (ಇಂಗ್ಲೆಂಡ್) – 6 ಗೋಲುಗಳು.

ನವೆಂಬರ್ 20 ರಿಂದ ಕತಾರ್​ನಲ್ಲಿ ಫುಟ್ಬಾಲ್ ವಿಶ್ವಕಪ್ ಆರಂಭವಾಗಲಿದೆ. ಈ ಫುಟ್ಬಾಲ್ ಸಂಭ್ರಮದಲ್ಲಿ 32 ತಂಡಗಳು ತಮ್ಮ ಅದೃಷ್ಟವನ್ನು ಪರೀಕ್ಷಿಸಲಿವೆ. ಈ ಬಾರಿಯ ಫುಟ್ಬಾಲ್ ವಿಶ್ವಕಪ್​ನ ಒಟ್ಟು ಬಹುಮಾನದ ಮೊತ್ತ ರೂ.3568 ಕೋಟಿ ತಲುಪಿದೆ. ಇದರಲ್ಲಿ ವಿಜೇತ ತಂಡ 344 ಕೋಟಿ ರೂ. ಪಡೆದರೆ, ರನ್ನರ್ ಅಪ್ ತಂಡ 245 ಕೋಟಿ ರೂ. ಬಹುಮಾನ ಪಡೆಯಲಿದೆ.

Published On - 3:30 pm, Fri, 18 November 22