ICC Rankings: T20 ರ‍್ಯಾಂಕಿಂಗ್ನಲ್ಲಿ 4ನೇ ಸ್ಥಾನಕ್ಕೇರಿದ ಕಿಂಗ್ ಕೊಹ್ಲಿ.. ಮತ್ತೆ ಕುಸಿತ ಕಂಡ ಕನ್ನಡಿಗ ಕೆ. ಎಲ್ ರಾಹುಲ್!

Virat Kohli: ಕೊಹ್ಲಿ ಕಳೆದ ಒಂದೂವರೆ ವರ್ಷದಿಂದ ಯಾವುದೇ ಶತಕವನ್ನು ಗಳಿಸದಿರಬಹುದು, ಆದರೆ ಯಾರೂ ಅವರನ್ನು ಮೊದಲ ಸ್ಥಾನದಿಂದ ಅಲುಗಾಡಿಸಲು ಸಾಧ್ಯವಾಗಲಿಲ್ಲ.

ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ

ಪೃಥ್ವಿಶಂಕರ |
Updated on: Mar 24, 2021 | 3:15 PM

ಬ್ಯಾಟಿಂಗ್ ಫಾರ್ಮ್ ಬಗ್ಗೆ ಎದ್ದಿರುವ ಪ್ರಶ್ನೆಗಳಿಗೆ ಭಾರತೀಯ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಉತ್ತಮ ಉತ್ತರ ನೀಡಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಟಿ 20 ಸರಣಿಯಲ್ಲಿ, ನಾಯಕ ಕೊಹ್ಲಿ ಬ್ಯಾಟ್‌ನೊಂದಿಗೆ ಸಾಕಷ್ಟು ರನ್ ಗಳಿಸಿದರು ಮತ್ತು ಆ ರನ್ಗಳು ಟೀಮ್ ಇಂಡಿಯಾದ 3-2 ರಿಂದ ಸರಣಿಯ ಗೆಲುವಿಗೆ ಕಾರಣವಾಯಿತು. ಈ ಪ್ರದರ್ಶನದೊಂದಿಗೆ, ಕೊಹ್ಲಿ ಅವರ ಬ್ಯಾಟಿಂಗ್ ಬಗ್ಗೆ ಎದ್ದಿರುವ ಎಲ್ಲಾ ಕಳವಳಗಳು ದೂರವಾಗಿದ್ದವು. ಅದೇ ಸಮಯದಲ್ಲಿ, ಟೀಂ ಇಂಡಿಯಾದ ನಾಯಕನಿಗೂ ಅದರ ಪ್ರತಿಫಲ ಸಿಕ್ಕಿದೆ. ಐಸಿಸಿ ಬಿಡುಗಡೆ ಮಾಡಿದ ರ್ಯಾಂಕಿಂಗ್‌ನಲ್ಲಿ ಭಾರತದ ನಾಯಕ ಕೊಹ್ಲಿ ಈಗ ಟಿ 20 ಬ್ಯಾಟ್ಸ್‌ಮನ್‌ಗಳಲ್ಲಿ ನಾಲ್ಕನೇ ಸ್ಥಾನವನ್ನು ತಲುಪಿದ್ದಾರೆ. ಕೊಹ್ಲಿ ಈ ಮೊದಲು ಐದನೇ ಸ್ಥಾನದಲ್ಲಿದ್ದರು, ಆದರೆ ಅವರು ಇಂಗ್ಲೆಂಡ್ ವಿರುದ್ಧ ಹೆಚ್ಚು ರನ್ ಗಳಿಸುವ ಮೂಲಕ ಒಂದು ಸ್ಥಾನದಿಂದ ತಮ್ಮ ಶ್ರೇಯಾಂಕವನ್ನು ಸುಧಾರಿಸಿದ್ದಾರೆ.

ಇಂಗ್ಲೆಂಡ್ ವಿರುದ್ಧದ ಟಿ 20 ಸರಣಿಯ ಮೊದಲ ಪಂದ್ಯದಲ್ಲಿ ಶೂನ್ಯಕ್ಕೆ ಔಟಾದ ನಂತರ ವಿರಾಟ್ ಅವರ ಫಾರ್ಮ್ ಪ್ರಶ್ನಾರ್ಹವಾಗಿತ್ತು. ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಕೊಹ್ಲಿ 3 ಬಾರಿ ಶೂನ್ಯಕ್ಕೆ ಔಟ್ ಆಗಿದ್ದರು. ಆದರೆ ಅದರ ನಂತರ ಭಾರತದ ನಾಯಕ ಅದ್ಭುತ ರೀತಿಯಲ್ಲಿ ಫಾರ್ಮ್ಗೆ ಮರಳಿದರು. ಮುಂದಿನ 4 ಪಂದ್ಯಗಳಲ್ಲಿ ಕೊಹ್ಲಿ 3 ಅರ್ಧಶತಕಗಳನ್ನು ಗಳಿಸಿದರು ಮತ್ತು ಮೂರು ಬಾರಿ ಔಟಾಗಲಿಲ್ಲ. ಈ ರೀತಿಯಾಗಿ, ಕೊಹ್ಲಿ ಸರಣಿಯಲ್ಲಿ 231 ರನ್ ಗಳಿಸಿದರು ಮತ್ತು ಮ್ಯಾನ್ ಆಫ್ ದಿ ಸೀರೀಸ್ ಪ್ರಶಸ್ತಿಯನ್ನೂ ಪಡೆದರು.

ಕೊಹ್ಲಿ ರಾಹುಲ್ ಅವರನ್ನು ಹಿಂದಿಕ್ಕಿದ್ದಾರೆ ಈ ಸಾಧನೆಗಾಗಿ ಕೊಹ್ಲಿಗೆ ಬಹುಮಾನ ನೀಡಲಾಯಿತು ಮತ್ತು ಐಸಿಸಿ ಶ್ರೇಯಾಂಕದಲ್ಲಿ ಬಡ್ತಿಯೂ ಸಿಕ್ಕಿದೆ. ಕೊಹ್ಲಿ ಈಗ 762 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ ನಾಲ್ಕನೇ ಸ್ಥಾನವನ್ನು ತಲುಪಿದ್ದಾರೆ. ಆದರೆ, ಕೊಹ್ಲಿಯ ಈ ಸಾಧನೆಯು ಐದನೇ ಸ್ಥಾನಕ್ಕೆ ಕುಸಿದಿರುವ ಕೆಎಲ್ ರಾಹುಲ್ ಅವರಿಗೆ ನಷ್ಟವನ್ನುಂಟು ಮಾಡಿತು. ಟಿ 20 ಸರಣಿಯಲ್ಲಿ ರಾಹುಲ್ ಕೇವಲ 15 ರನ್ ಗಳಿಸಿದ್ದು, ಇದರಲ್ಲಿ 2 ಬಾರಿ ಶೂನ್ಯಕ್ಕೆ ಔಟಾದರು.

↗️ Batsmen Virat Kohli, Devon Conway move up ↗️ Adil Rashid climbs up one spot in bowlers rankings

The weekly updates of the @MRFWorldwide ICC Men's T20I Player Rankings are out!

Full list: https://t.co/EdMBsm6zwM pic.twitter.com/IzroX6YUqT

— ICC (@ICC) March 24, 2021

ಮೊದಲ ಸ್ಥಾನದಲ್ಲಿ ಇನ್ನೂ ಇಂಗ್ಲೆಂಡ್‌ನ ಡೇವಿಡ್ ಮಲನ್ ಇದ್ದು, ಈ ಸರಣಿಯಲ್ಲಿ ಅವರ ಸಾಧನೆ ಉತ್ತಮವಾಗಿರಲಿಲ್ಲ. ಸರಣಿಗೂ ಮೊದಲು ಅವರು 917 ಪಾಯಿಂಟ್‌ಗಳನ್ನು ಹೊಂದಿದ್ದರು, ಅದು 892 ಕ್ಕೆ ಇಳಿದಿದೆ. ಆಸ್ಟ್ರೇಲಿಯಾದ ನಾಯಕ ಆರನ್ ಫಿಂಚ್ (830) ಎರಡನೇ ಸ್ಥಾನದಲ್ಲಿದ್ದರೆ ಪಾಕಿಸ್ತಾನದ ನಾಯಕ ಬಾಬರ್ ಅಜಮ್ (801) ಮೂರನೇ ಸ್ಥಾನದಲ್ಲಿದ್ದಾರೆ.

ರೋಹಿತ್ ಸ್ಥಾನ ಕಳೆದುಕೊಂಡರು ಮತ್ತೊಂದೆಡೆ, ಪುಣೆಯಲ್ಲಿ ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಕೇವಲ 28 ರನ್ ಗಳಿಸಿರುವ ಭಾರತದ ಉಪನಾಯಕ ರೋಹಿತ್ ಶರ್ಮಾ ಕೂಡ ಶ್ರೇಯಾಂಕದಲ್ಲಿ ಸೋಲು ಅನುಭವಿಸಿದ್ದಾರೆ. ದೀರ್ಘಕಾಲ ಏಕದಿನ ಶ್ರೇಯಾಂಕದಲ್ಲಿ ಎರಡನೇ ಸ್ಥಾನದಲ್ಲಿರುವ ರೋಹಿತ್ ಈಗ ಮೂರನೇ ಸ್ಥಾನಕ್ಕೆ ಕುಸಿದಿದ್ದಾರೆ. ರೋಹಿತ್ 836 ಅಂಕಗಳನ್ನು ಹೊಂದಿದ್ದರೆ, ಪಾಕಿಸ್ತಾನ ನಾಯಕ ಬಾಬರ್ ಅಜಮ್ 837 ಅಂಕಗಳೊಂದಿಗೆ ಎರಡನೇ ಸ್ಥಾನವನ್ನು ತಲುಪಿದ್ದಾರೆ.

ಅದೇ ಸಮಯದಲ್ಲಿ, ಕೊಹ್ಲಿ ಕಳೆದ ಒಂದೂವರೆ ವರ್ಷದಿಂದ ಯಾವುದೇ ಶತಕವನ್ನು ಗಳಿಸದಿರಬಹುದು, ಆದರೆ ಯಾರೂ ಅವರನ್ನು ಮೊದಲ ಸ್ಥಾನದಿಂದ ಅಲುಗಾಡಿಸಲು ಸಾಧ್ಯವಾಗಲಿಲ್ಲ. ಮೊದಲ ಪಂದ್ಯದಲ್ಲಿ 56 ರನ್ ಗಳಿಸಿದ ಇನ್ನಿಂಗ್ಸ್ ಆಡಿದ ಕೊಹ್ಲಿ ತಮ್ಮ ಅಗ್ರ ಶ್ರೇಯಾಂಕವನ್ನು ಉಳಿಸಿಕೊಂಡಿದ್ದಾರೆ ಮತ್ತು 868 ಅಂಕಗಳನ್ನು ಹೊಂದಿದ್ದಾರೆ. ಅದೇ ಸಮಯದಲ್ಲಿ, ಭಾರತ ವಿರುದ್ಧ 94 ರನ್ ಗಳಿಸಿದ ಇಂಗ್ಲೆಂಡ್ ಓಪನರ್ ಜಾನಿ ಬೈರ್‌ಸ್ಟೋವ್ 4 ಸ್ಥಾನಗಳ ಜಿಗಿತ ಏಳನೇ ರ್ಯಾಂಕ್ ತಲುಪಿದ್ದಾರೆ.

England's @jbairstow21 makes significant gains, enters top 10 in the latest @MRFWorldwide ICC Men's ODI Rankings for batting.

Full list: https://t.co/sipiRJgcGu pic.twitter.com/kK1QBUkYmV

— ICC (@ICC) March 24, 2021