IND vs SL: ಏಕದಿನ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ ಇಶಾನ್ ಕಿಶನ್; ಜನ್ಮದಿನದಂದು ಈ ಅವಕಾಶ ಪಡೆದ 2ನೇ ಭಾರತೀಯ
IND vs SL: ಇಶಾನ್ ತಮ್ಮ ಜನ್ಮದಿನದಂದು ಪಾದಾರ್ಪಣೆ ಮಾಡಿದ ಎರಡನೇ ಭಾರತೀಯ ಮತ್ತು 16 ನೇ ಆಟಗಾರ. ಭಾರತಕ್ಕಾಗಿ, ಗುರ್ಷರನ್ ಸಿಂಗ್ 1990 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಹ್ಯಾಮಿಲ್ಟನ್‌ನಲ್ಲಿ ಹುಟ್ಟುಹಬ್ಬದ ದಿನದಂದು ಪಾದಾರ್ಪಣೆ ಮಾಡಿದರು.
ಶಿಖರ್ ಧವನ್ ನಾಯಕತ್ವದಲ್ಲಿರುವ ಭಾರತೀಯ ತಂಡ ಪ್ರಸ್ತುತ ಶ್ರೀಲಂಕಾ ಪ್ರವಾಸದಲ್ಲಿದ್ದು, ಭಾನುವಾರ ಸರಣಿಯ ಮೊದಲ ಏಕದಿನ ಪಂದ್ಯವನ್ನು ಆಡುತ್ತಿದೆ. ಭಾರತದ ಪ್ರಮುಖ ಆಟಗಾರರಿರುವ ತಂಡವು ಪ್ರಸ್ತುತ ಇಂಗ್ಲೆಂಡ್‌ನಲ್ಲಿದೆ, ಅಲ್ಲಿ ಐದು ಪಂದ್ಯಗಳ ಟೆಸ್ಟ್ ಸರಣಿಯನ್ನು ಆಡಬೇಕಾಗಿದೆ. ಅಂತಹ ಪರಿಸ್ಥಿತಿಯಲ್ಲಿ, ಯುವ ಆಟಗಾರರಿಂದ ಕೂಡಿರುವ ತಂಡವನ್ನು ಶ್ರೀಲಂಕಾ ಪ್ರವಾಸಕ್ಕೆ ಆಯ್ಕೆ ಮಾಡಲಾಗಿದೆ. ಹೀಗಾಗಿ ಈ ತಂಡದಲ್ಲಿ ಕೆಲವು ಆಟಗಾರರು ಶ್ರೀಲಂಕಾದಲ್ಲಿ ಪಾದಾರ್ಪಣೆ ಮಾಡುವ ಅವಕಾಶವನ್ನು ಪಡೆಯುತ್ತಾರೆ ಎಂದು ನಿರೀಕ್ಷಿಸಲಾಗಿತ್ತು. ಅದೂ ಕೂಡ ಸಂಭವಿಸಿದೆ. ಮೊದಲ ಏಕದಿನ ಪಂದ್ಯಕ್ಕಾಗಿ, 19 ವರ್ಷದೊಳಗಿನವರ ವಿಶ್ವಕಪ್‌ನಲ್ಲಿ ಭಾರತದ ನಾಯಕತ್ವ ವಹಿಸಿರುವ ಮತ್ತು ಐಪಿಎಲ್‌ನಲ್ಲಿ ಸತತವಾಗಿ ಬ್ಯಾಟ್‌ನಿಂದ ರನ್ ಗಳಿಸುತ್ತಿರುವ ಆಟಗಾರನಿಗೆ ಧವನ್ ಅವಕಾಶ ನೀಡಿದ್ದಾರೆ. ಆತ ಬೇರೆ ಯಾರು ಅಲ್ಲ, ಅವನೇ ಯುವ ಬ್ಯಾಟ್ಸ್ಮನ್ ಇಶಾನ್ ಕಿಶನ್.
ಭಾರತದ ಉದಯೋನ್ಮುಖ ಬ್ಯಾಟ್ಸ್‌ಮನ್‌ಗಳಲ್ಲಿ ಇಶಾನ್ ಕೂಡ ಒಬ್ಬರಾಗಿದ್ದಾರೆ. ಅವರನ್ನು ದೇಶದ ಭವಿಷ್ಯ ಆಟಗಾರ ಎಂದೂ ಕರೆಯುತ್ತಾರೆ. ಈ ವರ್ಷದ ಮಾರ್ಚ್ 14 ರಂದು ಇಂಗ್ಲೆಂಡ್ ವಿರುದ್ಧ ಭಾರತ ತಂಡದಲ್ಲಿ ಇಶಾನ್ ತಮ್ಮ ಮೊದಲ ಟಿ 20 ಅಂತರರಾಷ್ಟ್ರೀಯ ಪಂದ್ಯವನ್ನು ಆಡಿದರು. ತಮ್ಮ ಮೊದಲ ಟಿ 20 ಯಲ್ಲಿ ಐವತ್ತು ರನ್ ಗಳಿಸಿದರು. ಈಗ ಅವರು ಏಕದಿನ ಪಂದ್ಯಗಳಿಗೆ ಪಾದಾರ್ಪಣೆ ಮಾಡುವ ಅವಕಾಶವನ್ನು ಪಡೆಯುತ್ತಿದ್ದಾರೆ. ಜೊತೆಗೆ ಇಶಾನ್ ಅವರಿಗೆ ಒಂದು ಒಳ್ಳೆಯ ವಿಷಯವೆಂದರೆ ಅವರು ತಮ್ಮ ಜನ್ಮದಿನದಂದು ಈ ಅವಕಾಶವನ್ನು ಪಡೆಯುತ್ತಿದ್ದಾರೆ. ಇಂದು ಅಂದರೆ ಜುಲೈ 18 ಇಶಾನ್ ಅವರ ಜನ್ಮದಿನ ಮತ್ತು ಈ ವಿಶೇಷ ದಿನದಂದು ಅವರು ಮೊದಲ ಬಾರಿಗೆ ಟೀಮ್ ಇಂಡಿಯಾದ ಜರ್ಸಿಯನ್ನು ಏಕದಿನ ಸ್ವರೂಪದಲ್ಲಿ ಧರಿಸಿದ್ದಾರೆ. ಟಿ 20 ಚೊಚ್ಚಲ ಪಂದ್ಯದಂತೆಯೇ ಇಶಾನ್ ಏಕದಿನ ಚೊಚ್ಚಲ ಪಂದ್ಯದಲ್ಲಿ ತಮ್ಮ ಛಾಪು ಮೂಡಿಸಲು ಪ್ರಯತ್ನಿಸಲಿದ್ದಾರೆ. ಇಶಾನ್ ತಮ್ಮ ಜನ್ಮದಿನದಂದು ಪಾದಾರ್ಪಣೆ ಮಾಡಿದ ಎರಡನೇ ಭಾರತೀಯ ಮತ್ತು 16 ನೇ ಆಟಗಾರ. ಭಾರತಕ್ಕಾಗಿ, ಗುರ್ಷರನ್ ಸಿಂಗ್ 1990 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಹ್ಯಾಮಿಲ್ಟನ್‌ನಲ್ಲಿ ಹುಟ್ಟುಹಬ್ಬದ ದಿನದಂದು ಪಾದಾರ್ಪಣೆ ಮಾಡಿದರು.
ಐಪಿಎಲ್‌ನಲ್ಲಿ ಅಬ್ಬರಿಸಿದ್ದಾರೆ
ಇಶಾನ್ ತಮ್ಮ ಉತ್ತಮ ಪ್ರದರ್ಶನದೊಂದಿಗೆ ಟೀಮ್ ಇಂಡಿಯಾದ ಬಾಗಿಲನ್ನು ನಿರಂತರವಾಗಿ ತಟ್ಟುತ್ತಿದ್ದರು. ಇದಕ್ಕೆ ಕಾರಣ ಐಪಿಎಲ್‌ನಲ್ಲಿ ಅವರ ಸಾಧನೆ. ಗುಜರಾತ್ ಲಯನ್ಸ್ ಪರ ಐಪಿಎಲ್ ಚೊಚ್ಚಲ ಪಂದ್ಯವಾಡಿದ ಅವರು ಈಗ ಹಾಲಿ ವಿಜೇತರಾದ ಮುಂಬೈ ಇಂಡಿಯನ್ಸ್‌ಗೆ ಪ್ರಮುಖ ಬ್ಯಾಟ್ಸ್ಮನ್ ಆಗಿದ್ದಾರೆ. ಅವರು 2016 ರಲ್ಲಿ ತಮ್ಮ ಮೊದಲ ಐಪಿಎಲ್ ಪಂದ್ಯವನ್ನು ಆಡಿದ್ದಾರೆ. ಈ ಲೀಗ್‌ನಲ್ಲಿ ಇದುವರೆಗೆ ಒಟ್ಟು 56 ಪಂದ್ಯಗಳನ್ನು ಆಡಿದ್ದಾರೆ, ಇದರಲ್ಲಿ ಅವರು 27.31 ರ ಸರಾಸರಿಯಲ್ಲಿ 1284 ರನ್ ಗಳಿಸಿದ್ದಾರೆ. ಈ ಸಮಯದಲ್ಲಿ ಅವರು ಏಳು ಅರ್ಧಶತಕಗಳನ್ನು ಗಳಿಸಿದ್ದಾರೆ.
ಐಪಿಎಲ್ -2020 ರಲ್ಲಿ ಅದ್ಭುತ ಸಿಕ್ಸರ್‌ಗಳು
ಈ ಯುವ ಎಡಗೈ ಬ್ಯಾಟ್ಸ್ಮನ್ ತನ್ನ ಬಿರುಗಾಳಿಯ ಬ್ಯಾಟಿಂಗ್‌ಗೆ ಮತ್ತು ದೊಡ್ಡ ಹೊಡೆತಗಳಿಗೆ ಹೆಸರುವಾಸಿಯಾಗಿದ್ದಾನೆ. ಐಪಿಎಲ್ -2020 ರಲ್ಲಿ ಇಶಾನ್ ಅತಿ ಹೆಚ್ಚು ಸಿಕ್ಸರ್ ಬಾರಿಸಿದ್ದರು. ಆ ಋತುವಿನಲ್ಲಿ, ಈ ಬ್ಯಾಟ್ಸ್ಮನ್ ಮುಂಬೈ ಪರ ಆಡುವಾಗ 14 ಪಂದ್ಯಗಳಲ್ಲಿ 30 ಸಿಕ್ಸರ್‌ಗಳನ್ನು ಹೊಡೆದಿದ್ದರೆ, ಐಪಿಎಲ್‌ನಲ್ಲಿ ಹೆಚ್ಚು ಸಿಕ್ಸರ್‌ಗಳನ್ನು ಹೊಡೆದ ಗೇಲ್ ಅವರನ್ನು ಹಿಮ್ಮೆಟ್ಟಿಸಿದ್ದಾರೆ.
ನಾಯಕತ್ವದಲ್ಲಿ ತಂಡವನ್ನು ಫೈನಲ್‌ಗೆ ಕರೆದೊಯ್ದರು
ಇಶಾನ್ 2016 ರಲ್ಲಿ ಅಂಡರ್ -19 ತಂಡದ ನಾಯಕತ್ವ ವಹಿಸಿ ತಂಡವನ್ನು ಫೈನಲ್‌ಗೆ ಕರೆದೊಯ್ದರು ಆದರೆ ಫೈನಲ್‌ನಲ್ಲಿ ಪಂದ್ಯ ಗೆಲ್ಲಲು ಅವರಿಗೆ ಸಾಧ್ಯವಾಗಲಿಲ್ಲ. ಆದರೆ, ಅವರು ಮುನ್ನಡೆಸುವ ಸಾಮರ್ಥ್ಯ ಮತ್ತು ದೊಡ್ಡ ಬ್ಯಾಟ್ಸ್ಮನ್ ಆಗುವ ಸಾಮರ್ಥ್ಯವಿದೆ ಎಂದು ಇಲ್ಲಿಂದ ಸಾಬೀತುಪಡಿಸಿದ್ದರು. ಈ ವಿಶ್ವಕಪ್ ನಂತರ ಅವರು ಐಪಿಎಲ್ ಗೆ ಹೆಜ್ಜೆ ಹಾಕುವಲ್ಲಿ ಯಶಸ್ವಿಯಾದರು.