ಬೌಂಡರಿ ಲೈನ್​ನಲ್ಲಿ ಜಾದು ಮಾಡಿದ ಸ್ಮೃತಿ ಮಂಧನಾ; ಕಣ್ಸನ್ನೆ ಸುಂದರಿಯ ಡೈವಿಂಗ್ ಕ್ಯಾಚ್ ಈಗ ಸಖತ್ ವೈರಲ್

ಸಾಮಾನ್ಯವಾಗಿ ಅದ್ಭುತ ಫೀಲ್ಡಿಂಗ್, ಕಣ್ಮನ ಸೆಳೆಯುವ ಕ್ಯಾಚ್‌ಗಳು ಹೆಚ್ಚಾಗಿ ಪುರುಷರ ಕ್ರಿಕೆಟ್‌ನಲ್ಲಿ ಕಂಡುಬರುತ್ತವೆ. ಆದರೆ ಇಂಗ್ಲೆಂಡ್​ ವಿರುದ್ಧದ ಪಂದ್ಯದಲ್ಲಿ ಟೀಮ್ ಇಂಡಿಯಾ ಓಪನರ್ ಸ್ಮೃತಿ ಮಂಧನಾ ಅದೆಲ್ಲಾ ಮಾತುಗಳನ್ನು ಸುಳ್ಳು ಮಾಡಿದರು. ಇಂಗ್ಲೆಂಡ್ ವಿರುದ್ಧದ ಏಕದಿನ ಪಂದ್ಯವು ಮಂಧಾನ ಅವರ ಅದ್ಭುತ ಕ್ಯಾಚ್ ಮೂಲಕ ಎಲ್ಲರ ಗಮನ ಸೆಳೆಯಿತು. ಇದರ ಜೊತೆಗೆ ಟೀಮ್ ಇಂಡಿಯಾ ಪಂದ್ಯವನ್ನು ಗೆದ್ದುಕೊಂಡಿತು. ಹಾಗೆಯೇ ಮಂಧಾನ ಹಿಡಿದ ಕ್ಯಾಚ್ ಪಂದ್ಯದ ದಿಕ್ಕು ಬದಲಿಸಿತು. 49 ರನ್‌ಗಳೊಂದಿಗೆ ಉತ್ತಮ ಫಾರ್ಮ್‌ನಲ್ಲಿದ್ದ ನಕಲ್ಸ್, ಲಾಂಗ್ ಶಾಟ್‌ಗೆ ಪ್ರಯತ್ನಿಸಿದರು. ಆ ಸಮಯದಲ್ಲಿ ಬೌಂಡರಿ ಲೈನ್‌ನಲ್ಲಿದ್ದ ಸ್ಮೃತಿ ವೇಗವಾಗಿ ಓಡಿ ಬಂದು ಗಾಳಿಯಲ್ಲಿ ಹಾರಿ ಅದ್ಭುತ ಕ್ಯಾಚ್ ಹಿಡಿದರು. ಪ್ರಸ್ತುತ, ಸ್ಮೃತಿ ಕ್ಯಾಚ್‌ಗೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗಿದೆ.

ಫ್ಲೈ ಸ್ಮೃತಿ ಫ್ಲೈ ಗರ್ಲ್
ವೀಡಿಯೊವನ್ನು ವೀಕ್ಷಿಸಿದ ಕ್ರಿಕೆಟ್ ದಂತಕಥೆಗಳು ಅವರನ್ನು ಹೊಗಳಿದ್ದಾರೆ. ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಲಿಸಾ ಸ್ಟಾಲೇಕರ್, “ಫ್ಲೈ ಸ್ಮೃತಿ ಫ್ಲೈ ಗರ್ಲ್ .. ಫೆಂಟಾಸ್ಟಿಕ್ ಕ್ಯಾಚ್” ಎಂದು ಟ್ವೀಟ್ ಮಾಡಿದ್ದಾರೆ. ಅಭಿಮಾನಿಗಳು ಸ್ಮೃತಿಯನ್ನು ಹೊಗಳಿದ್ದಾರೆ. ಇದು ಅದ್ಭುತ ಕ್ಯಾಚ್ ಎಂದು ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ. ಈ ಪಂದ್ಯದಲ್ಲಿ ಸ್ಮೃತಿ ಫೀಲ್ಡಿಂಗ್‌ನಲ್ಲಿ ಮಾತ್ರವಲ್ಲದೆ ಬ್ಯಾಟಿಂಗ್‌ನಲ್ಲೂ ಉತ್ತಮ ಸಾಧನೆ ತೋರಿದ್ದಾರೆ. ಅವರು 57 ಎಸೆತಗಳಲ್ಲಿ 49 ರನ್ ಗಳಿಸಿದರು ಮತ್ತು ತಂಡದ ಗೆಲುವಿಗೆ ಪ್ರಮುಖ ಪಾತ್ರ ವಹಿಸಿದರು. ಆದರೆ, ಮೂರು ಪಂದ್ಯಗಳ ಏಕದಿನ ಸರಣಿಯ ಮೊದಲ ಎರಡು ಪಂದ್ಯಗಳನ್ನು ಇಂಗ್ಲೆಂಡ್ ಗೆದ್ದುಕೊಂಡಿತು.

ಸ್ಮೃತಿ ಬ್ಯಾಟಿಂಗ್‌ನಲ್ಲೂ ಅಬ್ಬರಿಸಿದರು
47 ಓವರ್‌ಗಳ ಈ ಪಂದ್ಯದಲ್ಲಿ ಇಂಗ್ಲೆಂಡ್‌ನ ಇಡೀ ತಂಡವನ್ನು 219 ರನ್‌ಗಳಿಗೆ ಆಲ್​ಔಟ್ ಮಾಡಲಾಯಿತು. ಫೀಲ್ಡಿಂಗ್ನಲ್ಲಿ ಅದ್ಭುತ ಪ್ರದರ್ಶನ ತೋರಿಸಿದ ನಂತರ, ಸ್ಮೃತಿ ಬ್ಯಾಟಿಂಗ್ನಲ್ಲಿ ತನ್ನ ಶಕ್ತಿಯನ್ನು ತೋರಿಸಿದರು. ಕಳೆದ ಎರಡು ಪಂದ್ಯಗಳ ನಿರಾಶೆಯನ್ನು ಬಿಟ್ಟು, ಭಾರತದ ಆರಂಭಿಕ ಆಟಗಾರ್ತಿ ಉತ್ತಮ ಬ್ಯಾಟಿಂಗ್ ಮಾಡಿ ಭಾರತಕ್ಕೆ ತ್ವರಿತ ಆರಂಭವನ್ನು ನೀಡಿದರು. ಆದರೆ, ಸ್ಮೃತಿ ಸ್ವತಃ ಅರ್ಧಶತಕ ಪೂರ್ಣಗೊಳಿಸಲು ಸಾಧ್ಯವಾಗಲಿಲ್. 57 ಎಸೆತಗಳಲ್ಲಿ 49 ರನ್ ಗಳಿಸಿ ಔಟಾದರು. ಸ್ಮೃತಿ ತನ್ನ ಇನ್ನಿಂಗ್ಸ್‌ನಲ್ಲಿ 8 ಬೌಂಡರಿ ಬಾರಿಸಿದರು.