IPL 2021: ಆರ್ಸಿಬಿಗೆ ವಿಲನ್ ಆದ ಹರ್ಷಲ್ ಪಟೇಲ್! ಕಡೆಯ ಓವರ್ನಲ್ಲಿ ಕೊಟ್ಟಿದ್ದು ಬರೋಬ್ಬರಿ 37 ರನ್
IPL 2021: 19ನೇ ಓವರ್ ಮುಕ್ತಾಯಕ್ಕೆ ಚೆನ್ನೈ 154 ರನ್ಗಳಿಸಿತ್ತು. ಇಲ್ಲಿಯವರೆಗೂ ಪಂದ್ಯ ಆರ್ಸಿಬಿ ಹಿಡಿತದಲ್ಲೇ ಇತ್ತು. ಆದರೆ ಕಡೆಯ ಓವರ್ ಎಸೆಯಲು ಬಂದ ಹರ್ಷಲ್ ಜಡೇಜಾ ಅವರಿಗೆ ಸುಲಭ ತುತ್ತಾದರು.
Updated on: Apr 25, 2021 | 5:57 PM
ಇಂದು ನಡೆಯುತ್ತಿರುವ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಮುಖಾಮುಖಿಯಾಗಿವೆ. ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಚೆನ್ನೈ ತಂಡ ಡು ಪ್ಲೆಸಿಸ್ ಹಾಗೂ ಜಡೇಜಾ ಅವರ ಅಬ್ಬರದ ಬ್ಯಾಟಿಂಗ್ನಿಂದಾಗಿ 20 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 191 ರನ್ಗಳಿಸಿದೆ. ಆರ್ಸಿಬಿ ಪರ ಹರ್ಷಲ್ ಪಟೇಲ್ 3 ವಿಕೆಟ್ ಪಡೆದರೆ, ಚಹಲ್ 1 ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು.
19ನೇ ಓವರ್ವರೆಗೂ ಆರ್ಸಿಬಿ ಪರವಿದ್ದ ಪಂದ್ಯಕ್ಕೆ ವಿಲನ್ ಆಗಿದ್ದು ರವೀಂದ್ರ ಜಡೇಜಾ. ಕೊನೆಯ ಓವರ್ ಎಸೆಯಲು ಬಂದ ಹರ್ಷಲ್ ಪಟೇಲ್ ಎಸೆತಗಳನ್ನು ಸಿಕ್ಸರ್ಗೆ ಅಟ್ಟಲು ಶುರು ಮಾಡಿದ್ದರು. ಇದರ ಫಲವಾಗಿ ಚೆನ್ನೈ ಕೊನೆಯ ಓವರ್ ಸಹಾಯದಿಂದ 191 ರನ್ಗಳ ಬೃಹತ್ ಮೊತ್ತ ಕಲೆ ಹಾಕಿತು. ತಾನು ಎಸೆದ 3 ಓವರ್ಗಳಲ್ಲಿ ಉತ್ತಮ ಸ್ಪೆಲ್ ಮಾಡಿದ್ದ ಹರ್ಷಲ್ ಕೊನೆಯ ಓವರ್ನಲ್ಲಿ ಎಡವಿದರು. ಸಾಲದೆಂಬಂತೆ ಕೊನೆಯ ಓವರ್ನಲ್ಲಿ ಒಂದು ನೋಬಾಲ್ ಸಹ ಎಸೆದರು.
ಅಂತಿಮ ಓವರ್ನಲ್ಲಿ ಚೆನ್ನೈ 37 ರನ್ 19ನೇ ಓವರ್ ಮುಕ್ತಾಯಕ್ಕೆ ಚೆನ್ನೈ 154 ರನ್ಗಳಿಸಿತ್ತು. ಇಲ್ಲಿಯವರೆಗೂ ಪಂದ್ಯ ಆರ್ಸಿಬಿ ಹಿಡಿತದಲ್ಲೇ ಇತ್ತು. ಆದರೆ ಕಡೆಯ ಓವರ್ ಎಸೆಯಲು ಬಂದ ಹರ್ಷಲ್ ಜಡೇಜಾ ಅವರಿಗೆ ಸುಲಭ ತುತ್ತಾದರು. ಎಸೆತ ಮೊದಲ ಬಾಲ್ನಿಂದ 3ನೇ ಎಸೆತಗಳವರೆಗೂ ಜಡೇಜಾ ಅಷ್ಟು ಎಸೆತಗಳನ್ನು ಸಿಕ್ಸರ್ಗೆ ಅಟ್ಟಿದರು. ಇದು ಸಾಲದೆಂಬಂತೆ ಹರ್ಷಲ್ 3ನೇ ಎಸೆತವನ್ನು ನೋಬಾಲ್ ಎಸೆದರು. ಜಡೇಜಾ ಈ ಎಸೆತಕ್ಕೆ ಸಿಕ್ಸರ್ ಬಾರಿಸಿದರು. ಫ್ರೀ ಹಿಟ್ ಆಗಿದ್ದ ನಂತರದ ಎಸೆತವನ್ನು ಜಡೇಜಾ ಸೀದಾ ಸಿಕ್ಸರ್ ಬಾರಿಸಿದರು. 5ನೇ ಎಸೆತವನ್ನು ಡಬಲ್ ಓಡಿದ ಧೋನಿ, ಜಡೇಜಾ, ಅಂತಿಮ ಎಸೆತವನ್ನು ಸಹ ಬೌಂಡರಿ ಬಾರಿಸಿದರು. ಇದರ ಮೂಲಕ ಅಂತಿಮ ಓವರ್ನಲ್ಲಿ ಚೆನ್ನೈ 37 ರನ್ ಗಳಿಸಿತು.
ಆರಂಬದಲ್ಲೇ ಜಡೇಜಾ ಔಟಾಗಬೇಕಿತ್ತು.. ಡು ಪ್ಲೆಸಿಸ್ ವಿಕೆಟ್ ಬಳಿಕ ಮೈದಾನಕ್ಕೆ ಬಂದ ಜಡೇಜಾ ಕೇವಲ 5 ರನ್ ಇದ್ದಾಗಲೇ ಸುಂದರ್ ಬೌಲಿಂಗ್ನಲ್ಲಿ ಸುಲಭವಾದ ಕ್ಯಾಚ್ ನೀಡಿದ್ದರು. ಆದರೆ ಸುಲಭವಾದ ಕ್ಯಾಚನ್ನು ಡ್ಯಾನಿಯಲ್ ಕ್ರಿಶ್ಚಿಯನ್ ಹಿಡಿಯುವಲ್ಲಿ ವಿಫಲರಾದರು. ಇದರಿಂದ ತಂಡ ಸರಿಯಾದ ಬೆಲೆಯನ್ನೇ ಕಟ್ಟಬೇಕಾಯ್ತು. ಜೀವದಾನ ಪಡೆದ ಜಡೇಜಾ ಅರ್ಧ ಶತಕವನ್ನು ಬಾರಿಸಿದರು. ಅಂತಿಮವಾಗಿ ಜಡೇಜಾ ಔಟಾಗದೆ ಕೇವಲ 28 ಎಸೆತಗಳಲ್ಲಿ 62 ರನ್ಗಳಿಸಿ ಆರ್ಸಿಬಿ ಪಾಲಿಗೆ ವಿಲನ್ ಆದರು. ಜೊತೆಗೆ ತಂಡದಲ್ಲಿದ್ದುಕೊಂಡೆ ಹರ್ಷಲ್ ಪಟೇಲ್ ಆರ್ಸಿಬಿಯ ಸುಲಭ ಗೆಲುವಿಗೆ ತೊಡಕಾಗಿದ್ದಾರೆ.
