Wimbledon 2021: 30ನೇ ಗ್ರ್ಯಾನ್ಸ್ಲ್ಯಾಮ್ ಫೈನಲ್ಗೆ ಲಗ್ಗೆಯಿಟ್ಟ ನೊವಾಕ್ ಜೊಕೋವಿಕ್
ಫೈನಲ್ನಲ್ಲಿ ಜೊಕೋವಿಕ್ ಗೆದ್ದರೆ 6ನೇ ವಿಂಬಲ್ಡನ್, 20ನೇ ಗ್ರ್ಯಾನ್ಸ್ಲ್ಯಾಮ್ ವಿಜಯ ಸಾಧಿಸಿದ ವಿಶೇಷ ದಾಖಲೆ ನಿರ್ಮಾಣ ಮಾಡಲಿದ್ದಾರೆ.
Updated on: Jul 10, 2021 | 1:10 PM
ಹಾಲಿ ಚಾಂಪಿಯನ್, ಸರ್ಬಿಯಾ ಬಲಿಷ್ಠ ನೊವಾಕ್ ಜೊಕೋವಿಕ್ (Novak Djokovic) ತನ್ನ ವೃತ್ತಿ ಜೀವನದ 30ನೇ ಗ್ರ್ಯಾನ್ಸ್ಲ್ಯಾಮ್ ಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ. ಈ ಮೂಲಕ 30ನೇ ಗ್ರ್ಯಾನ್ಸ್ಲಾಮ್ ಫೈನಲ್ ಸಾಧನೆ ಮಾಡಿರುವ ಜೊಕೊವಿಕ್, ದಾಖಲೆಯ 20ನೇ ಕಿರೀಟದ ಹುಡುಕಾಟದಲ್ಲಿದ್ದಾರೆ.
ನಿನ್ನೆ ಜುಲೈ 9 ರಂದು ನಡೆದ ವಿಂಬಲ್ಡನ್ ಸೆಮಿಫೈನಲ್ ಕಾದಾಟದಲ್ಲಿ ಕೆನಡಾದ ಡೆನಿಸ್ ಶಪೋವೊಲೊವ್ ಅವರನ್ನು ಸೋಲಿಸುವ ಮೂಲಕ ಜೊಕೋವಿಕ್ ಈ ವಿಶೇಷ ಸಾಧಾನೆ ಮಾಡಿದ್ದಾರೆ.
Centre Court: Where a wild @DjokerNole roams…#Wimbledon
— Wimbledon (@Wimbledon) July 10, 2021
ಸೆಮಿಫೈನಲ್ನಲ್ಲಿ ಜೊಕೋವಿಕ್ ಅವರು ಡೆನಿಸ್ ಶಪೋವೊಲೊವ್ ವಿರುದ್ಧ 7-6 (7/3), 7-5, 7-5ರ ಜಯ ಗಳಿಸಿದರು. ವಿಶ್ವ ನಂ. 1 ಜೊಕೋವಿಕ್ಗೆ ಇದು 7ನೇ ವಿಂಬಲ್ಡನ್ ಫೈನಲ್ ಪಂದ್ಯ. ವಿಂಬಲ್ಡನ್ನಲ್ಲಿ ಜೊಕೋವಿಕ್ ಒಟ್ಟು ಐದು ಬಾರಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿದ್ದಾರೆ.
ಫೈನಲ್ನಲ್ಲಿ ಜೊಕೋವಿಕ್ ಗೆದ್ದರೆ 6ನೇ ವಿಂಬಲ್ಡನ್, 20ನೇ ಗ್ರ್ಯಾನ್ಸ್ಲ್ಯಾಮ್ ವಿಜಯ ಸಾಧಿಸಿದ ವಿಶೇಷ ದಾಖಲೆ ನಿರ್ಮಾಣ ಮಾಡಲಿದ್ದಾರೆ. 20 ಗ್ರ್ಯಾನ್ಸ್ಲ್ಯಾಮ್ ಗೆದ್ದರೆ ಈ ದಾಖಲೆ ಪಟ್ಟಿಯಲ್ಲಿರುವ ದಂತಕತೆಗಳಾದ ರೋಜರ್ ಫೆಡರರ್, ರಾಫೆಲ್ ನಡಾಲ್ ಸಾಲಿಗೆ ಜೊಕೋವಿಕ್ ಕೂಡ ಸೇರಿಕೊಳ್ಳಲಿದ್ದಾರೆ.
ಇದಕ್ಕೂ ಮೊದಲು ನಡೆದ ಸೆಮಿಫೈನಲ್ ಮುಖಾಮುಖಿಯಲ್ಲಿ ಬೆರೆಟಿನಿ ಅವರು ಪೋಲೆಂಡ್ನ ಹುಬರ್ತ್ ಹುರ್ಕಾಜ್ ಎದುರು 6–3, 6–0, 6–7 (3/7), 6–4ರಲ್ಲಿ ಗೆಲುವು ಸಾಧಿಸಿದರು. ಭಾನುವಾರ ನಡೆಯುವ ಫೈನಲ್ನಲ್ಲಿ ಜೊಕೋವಿಕ್ ಅವರು ಮ್ಯಾಟಿಯೊ ಬೆರೆಟಿನಿ ಸವಾಲು ಸ್ವೀಕರಿಸಲಿದ್ದಾರೆ.
IPL 2022 ರಲ್ಲಿ ಧೋನಿ ಆಡದಿದ್ರೆ ನಾನೂ ಕಣಕ್ಕಿಳಿಯಲ್ಲ ಎಂದ CSKಯ ಸ್ಟಾರ್ ಆಟಗಾರ
ಸಿಕ್ಸ್ ಲೈನ್ ಬಳಿ ಸೂಪರ್ ಮ್ಯಾನ್ನಂತೆ ಹಾರಿದ ಟೀಮ್ ಇಂಡಿಯಾ ಮಹಿಳಾ ಆಟಗಾರ್ತಿ: ರೋಚಕ ವಿಡಿಯೋ ಇಲ್ಲಿದೆ
