PV Sindhu: ಕೋರ್ಟ್ ಮೆಟ್ಟಿಲೇರಲು ಪಿವಿ ಸಿಂಧೂ ನಿರ್ಧಾರ: ಬ್ಯಾಡ್ಮಿಂಟನ್ ಕೋರ್ಟ್ ಅಲ್ಲ!

ಇತ್ತೀಚೆಗಷ್ಟೆ ಟೋಕಿಯೋ ಒಲಿಂಪಿಕ್ಸ್ 2020 ರಲ್ಲಿ ಕಂಚಿನ ಪದಕ ಜಯಿಸಿದ್ದ ಭಾರತ ಪ್ರಸಿದ್ಧ ಬ್ಯಾಡ್ಮಿಂಟನ್ ತಾರೆ ಪಿವಿ ಸಿಂಧೂ ಅವರು ಸದ್ಯ ನ್ಯಾಯಾಲಯದ ಮೆಟ್ಟಿಲೇರಲು ನಿರ್ಧರಿಸಿದ್ದಾರೆ. ಇದಕ್ಕೆ ಕಾರಣ, ಸಿಂಧೂ ಅನುಮತಿ ಇಲ್ಲದೆ ಅವರ ಸದ್ಯದ ಜನಪ್ರಿಯತೆ ಬಳಕೆ ಮಾಡಿಕೊಂಡು ತಮ್ಮ ಮಾರುಕಟ್ಟೆಯನ್ನು ಹೆಚ್ಚಿಸುವ ಕೆಲಸ ಕೆಲ‌ ಕಂಪೆನಿಗಳು ಮಾಡುತ್ತಿವೆ. ಹೀಗಾಗಿ ಆ ಕಂಪೆನಿಗಳ ವಿರುದ್ಧ ಸಿಂಧೂ ಕೋರ್ಟ್​ಗೆ ತೆರಳಲು ನಿರ್ಧರಿಸಿದ್ದಾರೆ ಎಂದು ವರದಿಯಾಗಿದೆ.

ಸಿಂಧೂ ಅವರ ಎಲ್ಲಾ ವಾಣಿಜ್ಯ ವ್ಯವಹಾರಗಳನ್ನು ನೋಡಿಕೊಳ್ಳುವ ಕ್ರೀಡಾ ಮಾರುಕಟ್ಟೆ ಸಂಸ್ಥೆ ಬೇಸ್‌ಲೈನ್ ವೆಂಚರ್ಸ್ ಈ ಬಗ್ಗೆ ಮಾಹಿತಿ ನೀಡಿದ್ದು, ಪರ್ಫೆಟ್ಟಿ ವ್ಯಾನ್ ಮೆಲ್, ಪಿ&ಜಿ, ಪಾನ್ ಬಹಾರ್ ಮತ್ತು ಆದಿತ್ಯ ಬಿರ್ಲಾ ಗ್ರೂಪ್ ಸಿಂಧೂ ಅನುಮತಿ ಇಲ್ಲದೆ ಅವರ ಹೆಸರನ್ನು ಬಳಸಿ ಮಾರುಕಟ್ಟೆ ನಡೆಸುತ್ತಿದೆ ಎಂದು ಹೇಳಿದೆ. ಈ ಪ್ರತಿಯೊಂದು ಕಂಪೆನಿಯಿಂದ ನಮಗೆ ಸುಮಾರು 5 ಕೋಟಿಯಷ್ಟು ನಷ್ಟವಾಗಿದೆ ಎಂದು ಬೇಸ್‌ಲೈನ್ ವೆಂಚರ್ಸ್ ತಿಳಿಸಿದೆ.

“ಭಾರತದ ಇಂತಹ ಪ್ರಮುಖ ಜಾಗತಿಕ ಸಂಸ್ಥೆಗಳು ಅನುಮತಿ ಇಲ್ಲಿದೆ ಪಿವಿ ಸಿಂಧೂ ಹೆಸರನ್ನು ಬಳಸಿ ಮಾರ್ಕೆಂಟಿಂಗ್ ಮಾಡುತ್ತಿರುವುದು ನಮಗೆ ಆಶ್ಚರ್ಯವನ್ನುಂಟು ಮಾಡಿದೆ. ಇದು ಅವರ ಐಪಿಆರ್ ಮತ್ತು ಗೌಪ್ಯತೆಯನ್ನು ಸಂಪೂರ್ಣವಾಗಿ ಉಲ್ಲಂಘಿಸುತ್ತದೆ. ಇದರಿಂದ ಕ್ರೀಡಾಪಟುಗಳು ಬ್ರ್ಯಾಂಡ್ ಆಗಿ ಒಪ್ಪಿಕೊಂಡಿರುವ ಇತರೆ ಕಂಪೆನಿಗಳಿಗೆ ಹಿನ್ನಡೆಯಾಗುತ್ತದೆ. ಈರೀತಿ ನಡೆಯುತ್ತಿರುವುದು ಇದೇ ಮೊದಲೇನಲ್ಲ ಮತ್ತು ಸಿಂಧೂ ಅವರಿಗೆ ಮಾತ್ರವಲ್ಲ, ಅನೇಕ ಕ್ರಿಕೆಟಿಗರು ಕೂಡ ಇಂಥಹ ಸಮಸ್ಯೆ ಎದುರಿಸುತ್ತಿದ್ದಾರೆ. ಈರೀತಿಯ ಕಾನೂನು ಬಾಹಿರವಾದ ನಿಯಮಗಳ ಎದುರು ನಿಲ್ಲುವ ಸಮಯ ಬಂದಿದೆ. ನಮ್ಮ ಕ್ರೀಡಾಪಟುಗಳ ಹಕ್ಕುಗಳನ್ನು ರಕ್ಷಿಸಲು ನಾವು ಸಾಧ್ಯವಿರುವ ಎಲ್ಲವನ್ನೂ ಮಾಡುತ್ತೇವೆ” ಎಂದು ಬೇಸ್‌ಲೈನ್ ವೆಂಚರ್ಸ್ ವ್ಯವಸ್ಥಾಪಕ ನಿರ್ದೇಶಕ ತುಹಿನ್ ಮಿಶ್ರಾ ಹೇಳಿದ್ದಾರೆ.

ಟೋಕಿಯೋ ಒಲಿಂಪಿಕ್ಸ್ 2020 ಕ್ರೀಡಾಕೂಟದಲ್ಲಿ ಚಿನ್ನದ ಪದಕದ ಮೇಲೆ ಕಣ್ಣಿಟ್ಟಿದ್ದ ಪಿವಿ ಸಿಂಧೂ ಸೆಮಿಫೈನಲ್ ಪಂದ್ಯದಲ್ಲಿ ಮುಗ್ಗರಿಸಿದರು. ಹೀಗಾಗಿ ಕಂಚಿನ ಪದಕ್ಕಾಗಿ ನಡೆದ ಹೋರಾಟದಲ್ಲಿ ಗೆಲ್ಲುವ ಮೂಲಕ ಭಾರತಕ್ಕೆ 2ನೇ ಪದಕ ಗೆದ್ದುಕೊಟ್ಟಿದ್ದರು. ಚೀನಾದ ಹಿ ಬಿಂಗ್ ಜಿಯಾವೋ ಎದುರು 21-13, 21-15 ನೇರ ಗೇಮ್‌ಗಳಲ್ಲಿ ಗೆಲುವು ಸಾಧಿಸಿದರು.

Virat Kohli: ಐಪಿಎಲ್ ಹರಾಜಿನಲ್ಲಿ ಕೊಹ್ಲಿಯನ್ನ ಆರ್​ಸಿಬಿ ಖರೀದಿಸುವ ಮುನ್ನ ನಡೆದ ಡ್ರಾಮ ನಿಮಗೆ ಗೊತ್ತೇ?

Tokyo Olympics: ಕೂದಲೆಳೆಯಲ್ಲಿ ಭಾರತಕ್ಕೆ ಪದಕ ಮಿಸ್: ಗಾಲ್ಫ್​ನಲ್ಲಿ ಕರ್ನಾಟಕದ ಅದಿತಿ ಅಶೋಕ್​ಗೆ ಸೋಲು

(PV Sindhu may take certain brands to court for capitalising on her popularity without permission)

Published On - 1:05 pm, Sat, 7 August 21