PBKS vs DC, IPL 2021 Match 29 Result: ಶಿಖರ್ ಧವನ್ ಬೊಂಬಾಟ್ ಆಟ; ಗೆಲುವಿನ ಓಟ ಮುಂದುವರಿಸಿದ ಡೆಲ್ಲಿ!

ಪಂಜಾಬ್ ಕಿಂಗ್ಸ್ ವಿರುದ್ಧದ 29ನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 7 ವಿಕೆಟ್​ಗಳ ಭರ್ಜರಿ ಗೆಲುವು ದಾಖಲಿಸಿದೆ.

11 ಬಾಲ್​ಗೆ 14 ರನ್ ಗಳಿಸಿ ಡೆಲ್ಲಿ ಕ್ಯಾಪಿಟಲ್ಸ್ ನಾಯಕ ರಿಷಭ್ ಪಂತ್ ಔಟ್ ಆಗಿದ್ದಾರೆ. ಕ್ರಿಸ್ ಜೋರ್ಡನ್ ಬೌಲಿಂಗ್​ಗೆ ಮಯಾಂಕ್ ಅಗರ್​ವಾಲ್​ಗೆ ಕ್ಯಾಚ್ ನೀಡಿ ವಿಕೆಟ್ ಒಪ್ಪಿಸಿದ್ದಾರೆ. ಶಿಖರ್ ಧವನ್ ಹಾಗೂ ಶಿಮ್ರನ್ ಹೆಟ್ಮಿಯರ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ತಂಡ ಗೆಲ್ಲಲು 18 ಬಾಲ್​ಗೆ 19 ರನ್ ಬೇಕಿದೆ. ತಂಡದ ಮೊತ್ತ 17 ಓವರ್​ಗೆ 148/3 ಆಗಿದೆ.

ಪಂಜಾಬ್ ಕಿಂಗ್ಸ್ ಗೆಲುವಿಗೆ 24 ಬಾಲ್​ಗೆ 23 ರನ್ ಬೇಕಾಗಿದೆ. ತಂಡ ಉತ್ತಮ ಆಟ ಪ್ರದರ್ಶಿಸಿ ಗೆಲುವಿನ ಸನಿಹಕ್ಕೆ ತಲುಪಿದೆ. ಮೆರೆಡಿತ್ ಹಾಗೂ ಹರ್​ಪ್ರೀತ್ ಬ್ರರ್ ಹೊರತುಪಡಿಸಿ ಇತರ ಬೌಲರ್​ಗಳು ಉತ್ತಮ ಪ್ರದರ್ಶನ ತೋರಿಲ್ಲ. ಮುಖ್ಯವಾಗಿ ಡೆಲ್ಲಿ ವಿಕೆಟ್ ಪಡೆಯುವಲ್ಲಿ ಪಂಜಾಬ್ ವಿಫಲವಾಗಿದೆ.

ಪಂಜಾಬ್ ಕಿಂಗ್ಸ್ ತಂಡ 15 ಓವರ್​ಗಳ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 139 ರನ್ ದಾಖಲಿಸಿದೆ. ತಂಡದ ಪರವಾಗಿ ಶಿಖರ್ ಧವನ್ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸುತ್ತಿದ್ದಾರೆ. ಶಿಖರ್ ಧವನ್ 40 ಬಾಲ್​ಗೆ 62 ರನ್ ದಾಖಲಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಮತ್ತೊಂದು ಕಡೆಯಲ್ಲಿ ನಾಯಕ ರಿಷಭ್ ಪಂತ್ ಬ್ಯಾಟಿಂಗ್​ನಲ್ಲಿದ್ದಾರೆ.

ಇಂದು ರವಿ ಬಿಷ್ಣೋಯ್ ಅವರ ಆಟ ಉತ್ತಮವಾಗಿಲ್ಲ. ದೆಹಲಿ ಬ್ಯಾಟ್ಸ್‌ಮನ್‌ಗಳು ತಮ್ಮ ಪ್ರತಿ ಓವರ್‌ನಲ್ಲಿ ಸುಲಭವಾಗಿ ರನ್ ಗಳಿಸಲು ಸಮರ್ಥರಾಗಿದ್ದಾರೆ. ಈ ಬಾರಿ ಧವನ್ ಸ್ಲಾಗ್​ನಲ್ಲಿ ಹೊಡೆದರು ಮತ್ತು ಡೀಪ್ ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಿದರು. ಇದರೊಂದಿಗೆ ದೆಹಲಿಯ 100 ರನ್ ಕೂಡ ಪೂರ್ಣಗೊಂಡಿತು.

ಮಯಾಂಕ್ ಅಗರ್​ವಾಲ್ ಭರ್ಜರಿ ಬ್ಯಾಟಿಂಗ್​ ಸಹಾಯದಿಂದಾಗಿ ಪಂಜಾಬ್ ಕಿಂಗ್ಸ್ 20 ಓವರ್​ಗಳ ಅಂತ್ಯಕ್ಕೆ 166 ರನ್ ಗಳಿಸಿದೆ. ಈ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್ ಗೆಲ್ಲಲು 167 ರನ್ ಟಾರ್ಗೆಟ್ ನೀಡಿದೆ. ಮಯಾಂಕ್ ಅಗರ್​ವಾಲ್ 99 ರನ್ ಗಳಿಸಿ ಔಟಾಗದೆ ಉಳಿದಿದ್ದಾರೆ. ಈ ಮೂಲಕ ಇನ್ನಿಂಗ್ಸ್ ಕಟ್ಟಲು ನೆರವಾಗಿದ್ದಾರೆ. ಆದರೆ, 1 ರನ್​ನಿಂದ ಶತಕವಂಚಿತರಾಗಿದ್ದಾರೆ.

ರಬಾಡ ಬೌಲಿಂಗ್​ಗೆ ಲಲಿತ್ ಯಾದವ್​ಗೆ ಕ್ಯಾಚ್ ನೀಡಿ 3 ಬಾಲ್​ಗೆ 2 ರನ್ ಗಳಿಸಿದ್ದ ಜೋರ್ಡನ್ ಔಟ್ ಆಗಿದ್ದಾರೆ. ಮಯಾಂಕ್ ಅಗರ್​ವಾಲ್ ಏಕಾಂಗಿ ಹೋರಾಟ ಮುಂದುವರಿದಿದೆ. 19 ಓವರ್​ಗೆ ಪಂಜಾಬ್ ಸ್ಕೋರ್ 143/6 ಆಗಿದೆ.

5 ಬಾಲ್​ಗೆ 4 ರನ್ ಗಳಿಸಿ ಶಾರುಖ್ ಖಾನ್ ವಿಕೆಟ್ ಒಪ್ಪಿಸಿದ್ದಾರೆ. ಅವೇಶ್ ಖಾನ್ ಬೌಲಿಂಗ್​ಗೆ ಹೆಟ್ಮಿಯರ್ ಕ್ಯಾಚ್ ಪಡೆದು ಶಾರುಖ್ ವಿಕೆಟ್ ಕಬಳಿಸಿದ್ದಾರೆ. ತಂಡದ ಮೊತ್ತ 18 ಓವರ್​ಗೆ 5 ವಿಕೆಟ್ ಕಳೆದುಕೊಂಡು 132 ರನ್ ಆಗಿದೆ. ನಾಯಕ ಮಯಾಂಕ್ ಅಗರ್​ವಾಲ್ ಏಕಾಂಗಿ ಹೋರಾಟ ಮುಂದುವರಿಸಿದ್ದಾರೆ. ಅವರಿಗೆ ಕ್ರಿಸ್ ಜೋರ್ಡಾನ್ ಜೊತೆಯಾಗಿದ್ದಾರೆ.

ಪಂಜಾಬ್ ಕಿಂಗ್ಸ್ ಪರ ಮಯಾಂಕ್ ಅಗರ್​ವಾಲ್ ಏಕಾಂಗಿ ಹೋರಾಟ ಮಾಡುತ್ತಿದ್ದಾರೆ. 38 ಬಾಲ್​ಗೆ 4 ಬೌಂಡರಿ, 1 ಸಿಕ್ಸರ್ ಸಹಿತ 52 ರನ್ ದಾಖಲಿಸಿ ಅರ್ಧಶತಕ ಪೂರೈಸಿದ್ದಾರೆ. 16 ಓವರ್​ನ ಅಂತ್ಯಕ್ಕೆ ಪಂಜಾಬ್ ಕಿಂಗ್ಸ್ ತಂಡದ ಸ್ಕೋರ್ 117/4 ಆಗಿದೆ. ಬೌಂಡರಿ ಬಾರಿಸಿ ಅರ್ಧಶತಕ ದಾಖಲಿಸಿದ ಮಯಾಂಕ್, ಒಂದು ಸಿಕ್ಸರ್ ಕೂಡ ಸಿಡಿಸಿದ್ದಾರೆ.

ಪಂಜಾಬ್ ಕಿಂಗ್ಸ್ ತಂಡ 15 ಓವರ್​ಗಳ ಅಂತ್ಯಕ್ಕೆ 102 ರನ್ ದಾಖಲಿಸಿದೆ. 4 ವಿಕೆಟ್ ಕಳೆದುಕೊಂಡಿದೆ. ಮಯಾಂಕ್ ಅಗರ್​ವಾಲ್ 47 ರನ್ ಗಳಿಸಿ ಅರ್ಧಶತಕದ ಅಂಚಿನಲ್ಲಿದ್ದಾರೆ. ಜವಾಬ್ದಾರಿಯುತ ಆಟ ಆಡುತ್ತಿದ್ದಾರೆ.

ಮಲನ್ ಬಳಿಕ ಕ್ರೀಸ್​ಗೆ ಆಗಮಿಸಿದ ದೀಪಕ್ ಹೂಡಾ 1 ಬಾಲ್​ಗೆ 1 ರನ್ ಗಳಿಸುವಷ್ಟರಲ್ಲಿ ಔಟ್ ಆಗಿದ್ದಾರೆ. ರನ್ ಔಟ್ ಆಗಿ ನಿರ್ಗಮಿಸಿದ್ದಾರೆ. ಪಂಜಾಬ್ ಆತಂಕದ ಸ್ಥಿತಿಯಲ್ಲಿದೆ. ನಾಯಕ ಮಯಾಂಕ್ ಅಗರ್​ವಾಲ್ ಏಕಾಂಗಿ ಹೋರಾಟಕ್ಕೆ ಮುಂದಾದಂತಿದೆ. 14 ಓವರ್​ಗೆ ಪಂಜಾಬ್ ಕಿಂಗ್ಸ್ 90 ರನ್ ಗಳಿಸಿ 4 ವಿಕೆಟ್ ಕಳೆದುಕೊಂಡಿದೆ. ಇನ್ನೂ 6 ಓವರ್​ಗಳು ಬಾಕಿ ಉಳಿದಿವೆ.

26 ಬಾಲ್​ಗೆ 26 ರನ್ ಗಳಿಸಿದ್ದ ಡೇವಿಡ್ ಮಲನ್ ಅಕ್ಸರ್ ಪಟೇಲ್ ಬೌಲಿಂಗ್​ಗೆ ಬೌಲ್ಡ್ ಆಗಿದ್ದಾರೆ. ಈ ಮೂಲಕ ಪಂಜಾಬ್ ಕಿಂಗ್ಸ್ ತನ್ನ 3 ವಿಕೆಟ್ ಕಳೆದುಕೊಂಡಿದೆ. ನಾಯಕ ಮಯಾಂಕ್ ಅಗರ್​ವಾಲ್ 29 ಬಾಲ್​ಗೆ 35 ರನ್ ಗಳಿಸಿ ಆಡುತ್ತಿದ್ದಾರೆ. ದೀಪಕ್ ಹೂಡಾ ಕ್ರೀಸ್​ಗೆ ಇಳಿದಿದ್ದಾರೆ.

ಪಂಜಾಬ್ ಕಿಂಗ್ಸ್ ತಂಡ 12ನೇ ಓವರ್​ನ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 78 ರನ್ ದಾಖಲಿಸಿದೆ. ಇಶಾಂತ್ ಶರ್ಮಾ ಬೌಲಿಂಗ್​ಗೆ ಮಲನ್ ಒಂದು ಸಿಕ್ಸರ್ ಹಾಗೂ ಬೌಂಡರಿ ಸಿಡಿಸಿದ್ದಾರೆ.

2 ವಿಕೆಟ್​ಗಳನ್ನು ಕಳೆದುಕೊಂಡ ಬಳಿಕ ಪಂಜಾಬ್ ಕಿಂಗ್ಸ್ ಶಿಸ್ತುಬದ್ಧ ಆಟಕ್ಕೆ ಮುಂದಾಗಿದೆ. ನಾಯಕ ಮಯಾಂಕ್ ಅಗರ್​ವಾಲ್ 21 ಬಾಲ್​ಗೆ 27 ಮತ್ತು ಡೇವಿಡ್ ಮಲನ್ 14 ಬಾಲ್​ಗೆ 10 ರನ್ ಗಳಿಸಿದ್ದಾರೆ. ತಂಡದ ಮೊತ್ತ 10 ಓವರ್​ಗೆ 2 ವಿಕೆಟ್ ಕಳೆದುಕೊಂಡು 63 ಆಗಿದೆ. ಇಶಾಂತ್ ಶರ್ಮಾ ಹಾಗೂ ಅಕ್ಸರ್ ಪಟೇಲ್ ಕಡಿಮೆ ರನ್ ನೀಡಿ ಉತ್ತಮ ದಾಳಿ ನಡೆಸಿದ್ದಾರೆ.

ಪಂಜಾಬ್ ಕಿಂಗ್ಸ್ ತಂಡ 8 ಓವರ್​ಗಳ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 53 ರನ್ ದಾಖಲಿಸಿದೆ. ತಂಡದ ಪರವಾಗಿ ಮಯಾಂಕ್ ಅಗರ್​ವಾಲ್ 23 (17) ಹಾಗೂ ಡೇವಿಡ್ ಮಲನ್ 7 (7) ರನ್ ಗಳಿಸಿ ಕ್ರೀಸ್​ನಲ್ಲಿದ್ದಾರೆ. ದೀಪಕ್ ಹೂಡಾ, ಶಾರುಖ್ ಖಾನ್, ಹರ್​ಪ್ರೀತ್ ಬ್ರರ್ ಬ್ಯಾಟಿಂಗ್​ ಮಾಡಲು ಬಾಕಿ ಇದ್ದಾರೆ.

ಪಂಜಾಬ್ ಕಿಂಗ್ಸ್ ತನ್ನ ಮುಖ್ಯ 2 ವಿಕೆಟ್ ಕಳೆದುಕೊಳ್ಳುವ ಮೂಲಕ ಆಘಾತ ಎದುರಿಸಿದೆ. ಪವರ್​ಪ್ಲೇ ಅಂತ್ಯಕ್ಕೆ ಕೇವಲ 39 ರನ್ ಗಳಿಸಿರುವ ಪಂಜಾಬ್ 2 ವಿಕೆಟ್ ಕಳೆದುಕೊಂಡಿದೆ. ಕ್ರಿಸ್ ಗೈಲ್ 9 ಬಾಲ್​ಗೆ 13 ರನ್ ಗಳಿಸಿ ರಬಾಡ ಬೌಲಿಂಗ್​ಗೆ ಬೌಲ್ಡ್ ಆಗಿದ್ದಾರೆ. ಮಯಾಂಕ್ ಅಗರ್​ವಾಲ್ ಹಾಗೂ ಡೇವಿಡ್ ಮಲನ್ ಬ್ಯಾಟಿಂಗ್​ ಮಾಡುತ್ತಿದ್ದಾರೆ.

ಪಂಜಾಬ್ ಕಿಂಗ್ಸ್ ತನ್ನ ಮೊದಲ ವಿಕೆಟ್ ಕಳೆದುಕೊಂಡಿದೆ. ಪ್ರಭ್​ಸಿಮ್ರನ್ ಸಿಂಗ್ 16 ಬಾಲ್​ಗೆ 12 ರನ್ ಗಳಿಸಿ ರಬಾಡಗೆ ವಿಕೆಟ್ ಒಪ್ಪಿಸಿದ್ದಾರೆ. ಪಂಜಾಬ್ ಕಿಂಗ್ಸ್ 4 ಓವರ್​ಗೆ 18 ರನ್ ಗಳಿಸಿ 1 ವಿಕೆಟ್ ಕಳೆದುಕೊಂಡಿದೆ. ಮಯಾಂಕ್ ಅಗರ್​ವಾಲ್ ಹಾಗೂ ಕ್ರಿಸ್ ಗೈಲ್ ಆಡುತ್ತಿದ್ದಾರೆ.

ಪಂಜಾಬ್ ಕಿಂಗ್ಸ್ ತಂಡ ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದೆ. ತಂಡದ ಪರವಾಗಿ ಪ್ರಭ್​ಸಿಮ್ರನ್ ಸಿಂಗ್ ಮತ್ತು ಮಯಾಂಕ್ ಅಗರ್​ವಾಲ್ ಕ್ರೀಸ್ ಕಾಯ್ದುಕೊಂಡಿದ್ದಾರೆ. 2 ಓವರ್​ಗಳ ಅಂತ್ಯಕ್ಕೆ ಪಂಜಾಬ್ ತಂಡದ ಮೊತ್ತ ವಿಕೆಟ್ ನಷ್ಟವಿಲ್ಲದೆ 6 ರನ್ ಗಳಿಸಿದೆ. ಪಂಜಾಬ್ ನಿಧಾನಗತಿಯ ಆಟಕ್ಕೆ ಮುಂದಾಗಿದೆ. ಇಶಾಂತ್ ಶರ್ಮಾ ಹಾಗೂ ಸ್ಟೋಯಿನಿಸ್ ಮೊದಲೆರಡು ಓವರ್ ಬೌಲಿಂಗ್ ಮಾಡಿದ್ದಾರೆ.

ಪಂಜಾಬ್ ಕಿಂಗ್ಸ್ ನಾಯಕ ಕೆ.ಎಲ್. ರಾಹುಲ್ ಇಂದಿನ ಪಂದ್ಯಕ್ಕೆ ಅಲಭ್ಯರಾಗಿದ್ದಾರೆ. ಆರೋಗ್ಯ ಸಮಸ್ಯೆ ಕಂಡುಬಂದ ಕಾರಣ ಅವರಿಂದು ಆಡುತ್ತಿಲ್ಲ. ರಾಹುಲ್ ಬದಲಾಗಿ ಮಯಾಂಕ್ ಅಗರ್​ವಾಲ್ ನಾಯಕತ್ವ ವಹಿಸಿಕೊಂಡಿದ್ದಾರೆ.

ಪಂಜಾಬ್ ಕಿಂಗ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಪ್ಲೇಯಿಂಗ್ ಇಲೆವೆನ್ ಈ ರೀತಿ ಇದೆ..

ಪಂಜಾಬ್ ಕಿಂಗ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡಿದೆ. ಪಂಜಾಬ್ ಕಿಂಗ್ಸ್ ಮೊದಲು ಬ್ಯಾಟಿಂಗ್ ಮಾಡಲಿದೆ.