Pro Kabaddi League: ಹರಾಜಿಗೂ ಮುನ್ನ ತಮ್ಮ ನಾಯಕರನ್ನು ಕೈಬಿಟ್ಟ 9 ತಂಡಗಳು! ಬೆಂಗಳೂರಿನಲ್ಲೇ ಉಳಿದ ಪವನ್ ಶೆರಾವತ್

ಕೊರೊನಾ ವೈರಸ್‌ನಿಂದಾಗಿ ದೀರ್ಘಕಾಲದವರೆಗೆ ಮುಂದೂಡಲ್ಪಟ್ಟ ನಂತರ, ಅಂತಿಮವಾಗಿ ಪ್ರೊ ಕಬಡ್ಡಿ ಲೀಗ್ ಈ ವರ್ಷ ಅಖಾಡಕ್ಕೆ ಮರಳಲಿದೆ. ಹರಾಜಿಗೆ ಮುನ್ನ, ತಂಡಗಳು ತಾವು ಉಳಿಸಿಕೊಂಡ ಮತ್ತು ಬಿಡುಗಡೆ ಮಾಡಿದ ಆಟಗಾರರ ಪಟ್ಟಿಯನ್ನು ಬಿಡುಗಡೆ ಮಾಡಿವೆ. ಆದರೆ, ಈ ಬಾರಿ ಆಟಗಾರರನ್ನು ಉಳಿಸಿಕೊಳ್ಳುವ ವಿಧಾನವೂ ಸ್ವಲ್ಪ ಭಿನ್ನವಾಗಿದೆ. ಪಂದ್ಯಾವಳಿಯ ಎಂಟನೇ ಋತುವಿನಲ್ಲಿ ಆಟಗಾರರ ಹರಾಜು ದೃಷ್ಟಿಯಿಂದ, ಆಟಗಾರರನ್ನು ಮೂರು ವಿಭಾಗಗಳಲ್ಲಿ ಉಳಿಸಿಕೊಳ್ಳಲಾಗಿದೆ ಎಂದು ಲೀಗ್ ಅಧಿಕಾರಿಗಳು ಶುಕ್ರವಾರ ಹೇಳಿದ್ದಾರೆ. ಎಲೈಟ್ ಉಳಿಸಿಕೊಂಡ ಆಟಗಾರರು, ಉಳಿಸಿಕೊಂಡ ಯುವ ಆಟಗಾರರು ಮತ್ತು ಹೊಸ ಯುವ ಆಟಗಾರರ ವಿಭಾಗದಲ್ಲಿ ಆಟಗಾರರನ್ನು ಉಳಿಸಿಕೊಳ್ಳಲಾಗಿದೆ. ಕೊರೊನಾ ವೈರಸ್‌ನಿಂದಾಗಿ 2020 ರ ಲೀಗ್‌ ರದ್ದಾಗಿತ್ತು.

ಒಟ್ಟು 12 ತಂಡಗಳು 59 ಆಟಗಾರರನ್ನು ಉಳಿಸಿಕೊಂಡಿವೆ. 6 ಯುವ ಆಟಗಾರರು, 31 ಹೊಸ ಯುವ ಆಟಗಾರರು ಮತ್ತು 22 ಪ್ರಮುಖ ಆಟಗಾರರನ್ನು ಉಳಿಸಿಕೊಂಡಿದ್ದಾರೆ. ಜೈಪುರ ಪಿಂಕ್ ಪ್ಯಾಂಥರ್ಸ್ ಗರಿಷ್ಠ 7 ಆಟಗಾರರನ್ನು ಮತ್ತು ತಮಿಳು ತಲೈವಾಸ್ ಕನಿಷ್ಠ 4 ಆಟಗಾರರನ್ನು ಉಳಿಸಿಕೊಂಡಿದೆ. ಇದರ ಹೊರತಾಗಿ, ಪ್ರಮುಖ ಆಟಗಾರರನ್ನು ಉಳಿಸಿಕೊಂಡ ತಂಡದ ಪಟ್ಟಿಯಲ್ಲಿ ಯು ಮುಂಬಾ ಮೊದಲನೆಯದಾಗಿದೆ.

ಒಂಬತ್ತು ತಂಡಗಳು ತಮ್ಮ ನಾಯಕರನ್ನು ಬಿಡುಗಡೆಗೊಳಿಸಿದವು
ಈ ಬಾರಿ ಸೀಸನ್ ಕೂಡ ವಿಭಿನ್ನವಾಗಿರುತ್ತದೆ ಏಕೆಂದರೆ 9 ತಂಡಗಳು ತಮ್ಮ ತಂಡದ ಕ್ಯಾಪ್ಟನ್​ಗಳನ್ನೇ ಬಿಡುಗಡೆ ಮಾಡಿವೆ. ಅಂದರೆ ಈ ಬಾರಿ ತಂಡಗಳು ಹೊಸ ಶೈಲಿ ಮತ್ತು ನಾಯಕನೊಂದಿಗೆ ಕಾಣಿಸಿಕೊಳ್ಳುತ್ತವೆ. ಇದರಲ್ಲಿ ಪ್ರಮುಖ ಆಟಗಾರರಾದ ಪ್ರದೀಪ್ ನರ್ವಾಲ್, ರೋಹಿತ್ ಕುಮಾರ್, ದೀಪಕ್ ಹೂಡಾ ಅವರ ಹೆಸರುಗಳಿವೆ. ಇದಲ್ಲದೇ, ತಮಿಳು ತಲೈವಾಸ್ ತಮ್ಮ ತಂಡದ ಅತ್ಯಂತ ಅನುಭವಿ ಆಟಗಾರರಾದ ಅಜಯ್ ಠಾಕೂರ್, ರಾಹುಲ್ ಚೌಧರಿ ಮತ್ತು ಮಂಜೀತ್ ಚಿಲ್ಲರ್ ಅವರನ್ನು ಬಿಡುಗಡೆ ಮಾಡಿದೆ.

ಉಳಿಸಿಕೊಂಡಿರುವ ಆಟಗಾರರ ಪಟ್ಟಿ
ದಬಾಂಗ್ ಡೆಲ್ಲಿ ನವೀನ್ ಕುಮಾರ್ ಅನ್ನು ಉಳಿಸಿಕೊಂಡ ಯುವ ಆಟಗಾರರ ವಿಭಾಗದಲ್ಲಿ ಉಳಿಸಿಕೊಂಡಿದೆ. ಅನುಭವಿ ಆಟಗಾರರಾದ ಫಝಲ್ ಅತ್ರಾಚಲಿ (ಯು ಮುಂಬಾ), ಪರ್ವೇಶ್ ಭಾನ್ಸ್ವಾಲ್ ಮತ್ತು ಸುನೀಲ್ ಕುಮಾರ್ (ಗುಜರಾತ್ ಜೈಂಟ್ಸ್), ವಿಕಾಸ್ ಖಂಡೋಲಾ (ಹರಿಯಾಣ ಸ್ಟೀಲರ್ಸ್) ಮತ್ತು ನಿತೀಶ್ ಕುಮಾರ್ (ಯುಪಿ ಯೋಧ) ಅವರವನ್ನು ತಮ್ಮ ತಂಡಗಳಲ್ಲಿ ಉಳಿಸಿಕೊಳ್ಳಲಾಗಿದೆ. ಪ್ರದೀಪ್ ನರ್ವಾಲ್ (ಪಾಟ್ನಾ ಪೈರೇಟ್ಸ್), ದೀಪಕ್ ಹೂಡಾ (ಜೈಪುರ್ ಪಿಂಕ್ ಪ್ಯಾಂಥರ್ಸ್), ರಾಹುಲ್ ಚೌಧರಿ (ತಮಿಳು ತಲೈವಾಸ್), ಸಿದ್ಧಾರ್ಥ್ ದೇಸಾಯಿ (ತೆಲುಗು ಟೈಟಾನ್ಸ್) ಮತ್ತು ರೋಹಿತ್ ಕುಮಾರ್ (ಬೆಂಗಳೂರು ಬುಲ್ಸ್) ಹರಾಜಿನಲ್ಲಿ ಭಾಗವಹಿಸಲಿದ್ದಾರೆ. ಒಟ್ಟು 12 ತಂಡಗಳು 161 ಆಟಗಾರರನ್ನು ಬಿಡುಗಡೆಗೊಳಿಸಿದ್ದು, ಅದರಲ್ಲಿ ಬಂಗಾಳವು 20 ರಲ್ಲಿ 16 ಮತ್ತು ತೆಲುಗು 18 ಆಟಗಾರರಲ್ಲಿ 15 ಆಟಗಾರರನ್ನು ಕೈಬಿಟ್ಟಿದೆ.