RCB vs KKR, IPL 2021 Match 10 Result: ಹ್ಯಾಟ್ರಿಕ್ ಗೆಲುವು ದಾಖಲಿಸಿದ ಆರ್​ಸಿಬಿ, ಅಂಕಪಟ್ಟಿಯಲ್ಲಿ ಟಾಪ್!

ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 38 ರನ್​ಗಳ ಗೆಲುವು ದಾಖಲಿಸಿದೆ. ಈ ಮೂಲಕ ಟೂರ್ನಿಯಲ್ಲಿ ಸತತ 3 ಗೆಲುವು ಪಡೆದುಕೊಂಡು ಅಂಕಪಟ್ಟಿಯಲ್ಲಿ ಟಾಪ್ ಸ್ಥಾನ ಗಿಟ್ಟಿಸಿಕೊಂಡಿದೆ.

ಹರ್ಷಲ್ ಪಟೇಲ್ ಬಾಲ್​ಗೆ ರಸ್ಸೆಲ್ ಕ್ಲೀನ್ ಬೌಲ್ಡ್ ಆಗಿದ್ದಾರೆ. 20 ಬಾಲ್​ಗೆ 31 ರನ್ ಗಳಿಸಿ ಅವರು ನಿರ್ಗಮಿಸಿದ್ದಾರೆ. ಪಂದ್ಯ ಆರ್​ಸಿಬಿ ಪಾಲಿಗೆ ಆಗಿದೆ.

ಆರ್​ಸಿಬಿ ಪರ 19ನೇ ಓವರ್ ಬೌಲ್ ಮಾಡಿದ ಸಿರಾಜ್ ಕೇವಲ 1 ರನ್ ಬಿಟ್ಟುಕೊಟ್ಟು ಪಂದ್ಯವನ್ನು ಗೆಲುವಿನತ್ತ ತಂದಿದ್ದಾರೆ.

ಕೋಲ್ಕತ್ತಾ ಬ್ಯಾಟ್ಸ್​ಮನ್ ಕಮ್ಮಿನ್ಸ್ ಜಾಮಿಸನ್​ಗೆ ವಿಕೆಟ್ ಒಪ್ಪಿಸಿದ್ದಾರೆ. ಕೋಲ್ಕತ್ತಾ ಗೆಲ್ಲಲು 12 ಬಾಲ್​ಗೆ 48 ರನ್ ಬೇಕಿದೆ.

ಜಾಮಿಸನ್ ಬಾಲ್​ಗೆ ಶಕೀಬ್ ಅಲ್ ಹಸನ್ ಕ್ಲೀನ್ ಬೌಲ್ಡ್ ಆಗಿದ್ದಾರೆ. ಶಕೀಬ್ 25 ಬಾಲ್​ಗೆ 26 ರನ್ ಗಳಿಸಿ ನಿರ್ಗಮಿಸಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಗೆಲ್ಲಲು 18 ಬಾಲ್​ಗೆ 59 ರನ್ ಬೇಕಾಗಿದೆ. ಕೋಲ್ಕತ್ತಾ 17 ಓವರ್ ಅಂತ್ಯಕ್ಕೆ 146 ರನ್ ಗಳಿಸಿ 5 ವಿಕೆಟ್ ಕಳೆದುಕೊಂಡಿದ್ದಾರೆ.

ರಾಯಲ್ ಚಾಲೆಂಜರ್ಸ್ ವಿರುದ್ಧ ವೆಸ್ಟ್ ಇಂಡೀಸ್ ದೈತ್ಯ ರಸ್ಸೆಲ್ ಸ್ಫೋಟಕ ಆಟವಾಡುತ್ತಿದ್ದಾರೆ. ಚಹಾಲ್ ಬಾಲ್​ಗೆ ರಸ್ಸೆಲ್ 1 ಸಿಕ್ಸರ್ ಹಾಗೂ 3 ಬೌಂಡರಿ ಸಿಡಿಸಿ ಆಟವನ್ನು ರೋಚಕ ಹಂತದತ್ತ ಕೊಂಡೊಯ್ಯುತ್ತಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಗೆಲ್ಲಲು 24 ಬಾಲ್​ಗೆ 79 ರನ್ ಬೇಕಾಗಿದೆ. ತಂಡದ ಪರ ರಸ್ಸೆಲ್ ಹಾಗೂ ಶಕೀಬ್ ಬ್ಯಾಟಿಂಗ್ ಮಾಡುತ್ತಿರುವುದರಿಂದ ಕೋಲ್ಕತ್ತಾಗೆ ಗೆಲ್ಲುವ ಆಸೆ ಉಳಿದುಕೊಂಡಿದೆ. ಆರ್​ಸಿಬಿ ಬೌಲರ್ ವಿಕೆಟ್ ಕಿತ್ತರೆ ರಾಯಲ್ ಚಾಲೆಂಜರ್ಸ್ ಗೆಲ್ಲುವ ಸಾಧ್ಯತೆ ಇದೆ. ರನ್ ಗತಿ ಇಳಿಕೆ ಮಾಡುವುದು ಆರ್​ಸಿಬಿಗೆ ಅನಿವಾರ್ಯವಾಗಿದೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಗೆಲುವಿಗೆ 30 ಬಾಲ್​ಗೆ 84 ರನ್ ಬೇಕಾಗಿದೆ. ಕೆಕೆಆರ್ ತಂಡ 15 ಓವರ್​ಗಳ ಅಂತ್ಯಕ್ಕೆ 5 ವಿಕೆಟ್ ಕಳೆದುಕೊಂಡು 121 ರನ್ ಕಲೆಹಾಕಿದೆ. ಶಕೀಬ್ ಅಲ್ ಹಸನ್ 22 (20) ಹಾಗೂ ಆಂಡ್ರ್ಯೂ ರಸ್ಸೆಲ್ 1 (2) ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಬ್ಯಾಟ್ಸ್​ಮನ್ ಇಯಾನ್ ಮಾರ್ಗನ್ ವಿರಾಟ್ ಕೊಹ್ಲಿಗೆ ಕ್ಯಾಚ್ ಒಪ್ಪಿಸಿ ಔಟ್ ಆಗಿದ್ದಾರೆ. ಮಾರ್ಗನ್ 23 ಬಾಲ್​ಗೆ 29 ರನ್ ಗಳಿಸಿ ನಿರ್ಗಮಿಸಿದ್ದು, ಹರ್ಷಲ್ ಪಟೇಲ್ ಮುಖ್ಯ ವಿಕೆಟ್ ಪಡೆದಿದ್ದಾರೆ. 14 ಓವರ್ ಅಂತ್ಯಕ್ಕೆ ಕೋಲ್ಕತ್ತಾ ನೈಟ್ ರೈಡರ್ಸ್ 5 ವಿಕೆಟ್ ಕಳೆದುಕೊಂಡು 115 ರನ್ ಕಲೆಹಾಕಿದೆ. ಗೆಲ್ಲಲು 36 ಬಾಲ್​ಗೆ 90 ರನ್ ಬೇಕಿದೆ. ತಂಡದ ಪರ ಶಕೀಬ್ ಅಲ್ ಹಸನ್ ಹಾಗೂ ರಸ್ಸೆಲ್ ಬ್ಯಾಟ್ ಬೀಸುತ್ತಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಗೆಲುವಿಗೆ 48 ಬಾಲ್​ಗೆ 107 ರನ್ ಬೇಕಾಗಿದೆ. ಕೆಕೆಆರ್ 12 ಓವರ್ ಅಂತ್ಯಕ್ಕೆ 98 ರನ್ ಗಳಿಸಿ 4 ವಿಕೆಟ್ ಕಳೆದುಕೊಂಡಿದೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಗೆಲ್ಲಲು 54 ಬಾಲ್​ಗೆ 112 ರನ್ ಬೇಕಿದೆ. 11 ಓವರ್ ಅಂತ್ಯಕ್ಕೆ ಕೆಕೆಆರ್ ತಂಡ 4 ವಿಕೆಟ್ ಕಳೆದುಕೊಂಡು 93 ರನ್ ಗಳಿಸಿದೆ. ಶಕೀಬ್ ಅಲ್ ಹಸನ್ 6 (8) ಹಾಗೂ ಮಾರ್ಗನ್ 20 (16) ಆಟವಾಡುತ್ತಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ 10 ಓವರ್ ಅಂತ್ಯಕ್ಕೆ 4 ವಿಕೆಟ್ ಕಳೆದುಕೊಂಡು 83 ರನ್ ಕಲೆಹಾಕಿದೆ. ತಂಡದ ಪರ ಶಕೀಬ್ ಅಲ್ ಹಸನ್ ಹಾಗೂ ನಾಯಕ ಇಯಾನ್ ಮಾರ್ಗನ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

9 ಓವರ್ ಅಂತ್ಯಕ್ಕೆ ಕೋಲ್ಕತ್ತಾ ನೈಟ್ ರೈಡರ್ಸ್ 4 ವಿಕೆಟ್ ಕಳೆದುಕೊಂಡು 75 ರನ್ ಕಲೆಹಾಕಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತೊಂದು ವಿಕೆಟ್ ಕಳೆದುಕೊಂಡಿದೆ. ದಿನೇಶ್ ಕಾರ್ತಿಕ್ ಚಹಲ್​ಗೆ ಎಲ್​ಬಿಡಬ್ಲ್ಯು ಆಗಿದ್ದಾರೆ. 5 ಬಾಲ್​ಗೆ 2 ರನ್ ಗಳಿಸಿ ನಿರ್ಗಮಿಸಿದ್ದಾರೆ. ಶಕೀಬ್ ಅಲ್ ಹಸನ್ ಹಾಗೂ ಮಾರ್ಗನ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ 8 ಓವರ್​ಗಳ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 73 ರನ್ ದಾಖಲಿಸಿದೆ. ತಂಡದ ಪರ ಮಾರ್ಗನ್ 4 (5) ಹಾಗೂ ದಿನೇಶ್ ಕಾರ್ತಿಕ್ 2 (3) ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಆಟಗಾರ ನಿತೀಶ್ ರಾಣಾ 11 ಬಾಲ್​ಗೆ 18 ರನ್ ಗಳಿಸಿ ಔಟ್ ಆಗಿದ್ದಾರೆ. ಚಹಾಲ್ ಬೌಲಿಂಗ್​ಗೆ ದೇವದತ್ ಪಡಿಕ್ಕಲ್ ಕ್ಯಾಚ್ ಹಿಡಿದಿದ್ದಾರೆ. ನೈಟ್ ರೈಡರ್ಸ್ ನಾಯಕ ಇಯಾನ್ ಮೋರ್ಗನ್ ಹಾಗೂ ದಿನೇಶ್ ಕಾರ್ತಿಕ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ. 7 ಓವರ್ ಅಂತ್ಯಕ್ಕೆ ಕೆಕೆಆರ್ ತಂಡದ ಸ್ಕೋರ್ 69/3 ಆಗಿದೆ.

6 ಓವರ್​ಗಳ ಕೊನೆಗೆ ಕೋಲ್ಕತ್ತಾ ನೈಟ್ ರೈಡರ್ಸ್ ರನ್ 2 ವಿಕೆಟ್ ಕಳೆದುಕೊಂಡು 57 ಆಗಿದೆ. ನೈಟ್ ರೈಡರ್ಸ್ ಪರ ರಾಹುಲ್ ತ್ರಿಪಾಠಿ 20 ಬಾಲ್​ಗೆ 25 ರನ್ ಗಳಿಸಿ ವಿಕೆಟ್ ಒಪ್ಪಿಸಿದ್ದಾರೆ. ವಾಷಿಂಗ್ಟನ್ ಸುಂದರ್ ಬಾಲ್​ನ್ನು ಸಿರಾಜ್ ಕ್ಯಾಚ್ ಪಡೆದಿದ್ದಾರೆ.

ವಾಷಿಂಗ್ಟನ್ ಸುಂದರ್ ಬಾಲ್​ನ್ನು ನಿತೀಶ್ ರಾಣಾ ಸಿಕ್ಸರ್ ಬಾರಿಸಿದ್ದಾರೆ. ಕೋಲ್ಕತ್ತಾ ತಂಡದ ಮೊತ್ತ 5.3 ಓವರ್​ಗೆ 53/1 ಆಗಿದೆ.

ಕೆಕೆಆರ್ ಪರ ಸ್ಫೋಟಕ ಆಡವಾಡುತ್ತಿದ್ದ ಶುಬ್​ಮನ್ ಗಿಲ್ ಔಟ್ ಆದದ್ದು ಹೀಗೆ..

ಜಾಮಿಸನ್ ಬಾಲ್, ಕ್ರಿಶ್ಚಿಯನ್ ಕ್ಯಾಚ್

ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ 4 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 36 ರನ್ ದಾಖಲಿಸಿದೆ. ಆರ್​ಸಿಬಿ ಪರ ಕೈಲ್ ಜಾಮಿಸನ್ 1 ವಿಕೆಟ್ ಕಬಳಿಸಿದ್ದರೂ 1 ಓವರ್​ಗೆ 20 ರನ್ ನೀಡಿ ದುಬಾರಿ ಬೌಲರ್ ಅನಿಸಿಕೊಂಡಿದ್ದಾರೆ. ಚಹಾಲ್ 1 ಓವರ್​ಗೆ ಕೇವಲ 2 ರನ್ ನೀಡಿ ಬೌಲಿಂಗ್ ಮಾಡುತ್ತಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ 3 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 29 ರನ್ ದಾಖಲಿಸಿದೆ. ನಿತೀಶ್ ರಾಣಾ ಹಾಗೂ ರಾಹುಲ್ ತ್ರಿಪಾಠಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

2 ಸಿಕ್ಸರ್ ಹಾಗೂ 2 ಬೌಂಡರಿ ಸಿಡಿಸಿ ಭರ್ಜರಿ ಆಟಕ್ಕೆ ಮುಂದಾಗಿದ್ದ ಶುಬ್​ಮನ್ ಗಿಲ್ ಜಾಮಿಸನ್​ಗೆ ವಿಕೆಟ್ ಒಪ್ಪಿಸಿದ್ದಾರೆ. 9 ಬಾಲ್​ಗೆ 21 ರನ್ ಗಳಿಸಿ ನಿರ್ಗಮಿಸಿದ್ದಾರೆ. ಕೋಲ್ಕತ್ತಾ ತಂಡ 2 ಓವರ್ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 27 ರನ್ ದಾಖಲಿಸಿದೆ.

ಕೋಲ್ಕತ್ತಾ ತಂಡದ ಬ್ಯಾಟ್ಸ್​ಮನ್ ಶುಬ್​ಮನ್ ಗಿಲ್ 2ನೇ ಓವರ್​ಗೆ ಸ್ಫೋಟಕ ಆಟ ಆರಂಭಿಸಿದ್ದಾರೆ. ಜಾಮಿಸನ್ ಬಾಲ್​ಗೆ 1 ಬೌಂಡರಿ, 2 ಸಿಕ್ಸರ್ ಸಿಡಿಸಿದ್ದಾರೆ.

ಕೋಲ್ಕತ್ತಾ ನೈಟ್​ ರೈಡರ್ಸ್ 1 ಓವರ್ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 7 ರನ್ ದಾಖಲಿಸಿದೆ. ತಂಡದ ಪರ ಶುಬ್​ಮನ್ ಗಿಲ್ ಹಾಗೂ ನಿತೀಶ್ ರಾಣಾ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಆರ್​ಸಿಬಿ ಪರ ಸಿರಾಜ್ ಮೊದಲ ಓವರ್ ಬೌಲ್ ಮಾಡಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು 20 ಓವರ್ ಅಂತ್ಯಕ್ಕೆ 4 ವಿಕೆಟ್ ಕಳೆದುಕೊಂಡು 204 ರನ್ ದಾಖಲಿಸಿದೆ. ಡಿವಿಲಿಯರ್ಸ್ 34 ಬಾಲ್​ಗೆ 76 ರನ್ ದಾಖಲಿಸಿ ನಾಟ್ ಔಟ್ ಆಗಿ ಉಳಿದಿದ್ದಾರೆ. ಕೋಲ್ಕತ್ತಾ ನೈಟ್ ರೈಡರ್ಸ್ ಗೆಲ್ಲಲು 205 ರನ್ ಗುರಿ ತಲುಪಬೇಕಾಗಿದೆ.

ರಾಯಲ್ ಚಾಲೆಂಜರ್ಸ್ ಪರ ಎಬಿ ಡಿವಿಲಿಯರ್ಸ್ ಅರ್ಧಶತಕ ದಾಖಲಿಸಿದ್ದಾರೆ. 27 ಬಾಲ್​ಗೆ 6 ಬೌಂಡರಿ, 2 ಸಿಕ್ಸರ್ ಸಹಿತ 55 ರನ್ ಬಾರಿಸಿದ್ದಾರೆ. ಆರ್​ಸಿಬಿ ಮೊತ್ತ 19.2 ಓವರ್​ಗೆ 193/4 ಆಗಿದೆ.

ಆರ್​ಸಿಬಿ ಪರ ಎಬಿ ಡಿವಿಲಿಯರ್ಸ್ ಬೌಂಡರಿ- ಸಿಕ್ಸರ್​ಗಳ ಆಟ ಆಡುತ್ತಿದ್ದಾರೆ. ರಸ್ಸೆಲ್ ಬಾಲ್​ಗೆ ಡಿವಿಲಿಯರ್ಸ್ 2 ಬೌಂಡರಿ, 1 ಸಿಕ್ಸರ್ ಸಿಡಿಸಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮೊತ್ತ 18 ಓವರ್ ಅಂತ್ಯಕ್ಕೆ 165 ರನ್ ಗಳಿಸಿ 4 ವಿಕೆಟ್ ಕಳೆದುಕೊಂಡಿದೆ. ಡಿವಿಲಿಯರ್ಸ್ 26 ಬಾಲ್​ಗೆ 49 ರನ್ ಪೇರಿಸಿ ಅರ್ಧಶತಕದ ಅಂಚಿನಲ್ಲಿದ್ದಾರೆ.

ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿ ಆರ್​ಸಿಬಿ ಇನ್ನಿಂಗ್ಸ್ ಕಟ್ಟಿದ ಗ್ಲೆನ್ ಮ್ಯಾಕ್ಸ್​ವೆಲ್ ವಿಕೆಟ್ ಪತನವಾಗಿದೆ. 49 ಬಾಲ್​ಗೆ 78 ರನ್ ಗಳಿಸಿದ ಮ್ಯಾಕ್ಸ್​ವೆಲ್ ಕಮ್ಮಿನ್ಸ್​ಗೆ ವಿಕೆಟ್ ಒಪ್ಪಿಸಿದ್ದಾರೆ. ರಾಯಲ್ ಚಾಲೆಂಜರ್ಸ್ ತಂಡ 17 ಓವರ್​ಗಳ ಅಂತ್ಯಕ್ಕೆ 148 ರನ್ ಗಳಿಸಿ 4 ವಿಕೆಟ್ ಕಳೆದುಕೊಂಡಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು 16 ಓವರ್​ಗಳ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 145 ರನ್ ದಾಖಲಿಸಿದೆ. ತಂಡದ ಪರ ಮ್ಯಾಕ್ಸ್​ವೆಲ್ 45 ಬಾಲ್ 77 ಹಾಗೂ ಡಿವಿಲಿಯರ್ಸ್ 18 ಬಾಲ್ 31 ರನ್ ನೀಡಿ ಆಡುತ್ತಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 13 ಓವರ್​ಗಳ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 106 ರನ್ ಕಲೆಹಾಕಿದೆ. ಮ್ಯಾಕ್ಸ್​ವೆಲ್ 40 ಬಾಲ್​ಗೆ 63 ರನ್ ಗಳಿಸಿ ಕಣದಲ್ಲಿದ್ದಾರೆ. ಡಿವಿಲಿಯರ್ಸ್ 5 ಬಾಲ್​ಗೆ 8 ರನ್ ಪೇರಿಸಿದ್ದಾರೆ. ಮೊದಲೆರಡು ವಿಕೆಟ್ ಬಳಿಕ ಆರ್​ಸಿಬಿ ರನ್ ಗತಿ ಕಟ್ಟಿಹಾಕಲು ಕೋಲ್ಕತ್ತಾ ಬೌಲರ್​ಗಳು ಸಫಲವಾಗಿಲ್ಲ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು 12 ಓವರ್​ಗಳ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 101 ರನ್ ಪೇರಿಸಿದೆ. ತಂಡದ ಪರ ಮ್ಯಾಕ್ಸ್​ವೆಲ್ ಉತ್ತಮ ಆಟ ಆಡುತ್ತಿದ್ದಾರೆ. ಮಿಸ್ಟರ್ 360 ಎಬಿಡಿ ಕಣದಲ್ಲಿದ್ದಾರೆ.

ದೇವದತ್ ಪಡಿಕ್ಕಲ್ 28 ಬಾಲ್​ಗೆ 25 ರನ್ ಗಳಿಸಿ ನಿರ್ಗಮಿಸಿದ್ದಾರೆ. ಪ್ರಸಿದ್ಧ್ ಕೃಷ್ಣ ಬಾಲ್​ನ್ನು ಸಿಕ್ಸರ್​ಗೆ ಎತ್ತಿದ ಪಡಿಕ್ಕಲ್ ತ್ರಿಪಾಠಿಗೆ ಕ್ಯಾಚ್ ನೀಡಿ ಔಟ್ ಆಗಿದ್ದಾರೆ. ಮ್ಯಾಕ್ಸ್​ವೆಲ್ 34 ಬಾಲ್​ಗೆ 60 ರನ್ ಗಳಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಡಿವಿಲಿಯರ್ಸ್ ಮ್ಯಾಕ್ಸ್​ವೆಲ್ ಜೊತೆಯಾಗಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 11 ಓವರ್​ಗಳ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 95 ರನ್ ಕಲೆಹಾಕಿದೆ. ವಿರಾಟ್ ಕೊಹ್ಲಿ ಹಾಗೂ ಪಾಟೀದಾರ್ ನಂತರ ಬಂದ ಮ್ಯಾಕ್ಸ್​ವೆಲ್ ಮತ್ತು ಪಡಿಕ್ಕಲ್ ಉತ್ತಮ ಆಟ ಆಡುತ್ತಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಪರ ಗ್ಲೆನ್ ಮ್ಯಾಕ್ಸ್​ವೆಲ್ ಅರ್ಧಶತಕ ಸಿಡಿಸಿದ್ದಾರೆ. ಇದು ಅವರ 8ನೇ ಐಪಿಎಲ್ 50 ಆಗಿದ್ದು, 30 ಬಾಲ್​ಗೆ 51 ರನ್ ತಲುಪಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು 10 ಓವರ್ ಅಂತ್ಯಕ್ಕೆ 84 ರನ್ ಗಳಿಸಿ 2 ರನ್ ಕಳೆದುಕೊಂಡಿದ್ದಾರೆ.

8 ಓವರ್​ಗಳ ಅಂತ್ಯಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 2 ವಿಕೆಟ್ ಕಳೆದುಕೊಂಡು 67 ರನ್ ದಾಖಲಿಸಿದೆ. ಗ್ಲೆನ್ ಮ್ಯಾಕ್ಸ್​ವೆಲ್ 42 (24) ಅರ್ಧಶತಕದ ಹೊಸ್ತಿಲಲ್ಲಿ ಬ್ಯಾಟ್ ಬೀಸುತ್ತಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು 7 ಓವರ್ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 53 ರನ್ ಗಳಿಸಿದೆ. ಆರಂಭಿಕವಾಗಿ 2 ವಿಕೆಟ್ ಕಳೆದುಕೊಂಡರೂ ಈಗ ಸುಸ್ಥಿತಿ ಕಾಯ್ದುಕೊಂಡು ಆಡುತ್ತಿದೆ.

6 ಓವರ್​ಗಳ ಅಂತ್ಯಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 2 ವಿಕೆಟ್ ಕಳೆದುಕೊಂಡು 45 ರನ್ ದಾಖಲಿಸಿದೆ. ತಂಡದ ಪರ ಮ್ಯಾಕ್ಸ್​ವೆಲ್ 13 ಬಾಲ್​ಗೆ 24 ಹಾಗೂ ಪಡಿಕ್ಕಲ್ 16 ಬಾಲ್​ಗೆ 13 ರನ್ ಗಳಿಸಿ ಆಡುತ್ತಿದ್ದಾರೆ.

ರಾಯಲ್ ಚಾಲೆಂಜರ್ಸ್ ಬ್ಯಾಟ್ಸ್​ಮನ್ ಗ್ಲೆನ್ ಮ್ಯಾಕ್ಸ್​ವೆಲ್ ಪಂದ್ಯದ ಮೊದಲ ಸಿಕ್ಸ್ ಸಿಡಿಸಿದ್ದಾರೆ. ಶಕೀಬ್ ಅಲ್ ಹಸನ್ ಬೌಲಿಂಗ್​ನ 5.1ನೇ ಬಾಲ್​ನ್ನು ಮ್ಯಾಕ್ಸ್​ವೆಲ್ ಸಿಕ್ಸರ್ ಎತ್ತಿದ್ದಾರೆ. 5.1 ಓವರ್​ಗೆ ಆರ್​ಸಿಬಿ 34/2 ರನ್ ಗಳಿಸಿದೆ.

4 ಓವರ್ ಅಂತ್ಯಕ್ಕೆ ಆರ್​ಸಿಬಿ 19 ರನ್ ಗಳಿಸಿ 2 ವಿಕೆಟ್ ಕಳೆದುಕೊಂಡಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು 3 ಓವರ್ ಅಂತ್ಯಕ್ಕೆ 2 ವಿಕೆಟ್ ಕಳೆದುಕೊಂಡು 12 ರನ್ ಕಲೆಹಾಕಿದೆ. ರಾಯಲ್ ಚಾಲೆಂಜರ್ಸ್ ಪರ ಮ್ಯಾಕ್ಸ್​ವೆಲ್ ಹಾಗೂ ಪಡಿಕ್ಕಲ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಕೋಲ್ಕತ್ತಾ ಪರ ವರುಣ್ ಚಕ್ರವರ್ತಿ 2 ವಿಕೆಟ್ ಪಡೆದಿದ್ದಾರೆ. ಹರ್ಭಜನ್ ಸಿಂಗ್ ಹಾಗೂ ಶಕೀಬ್ ಅಲ್ ಹಸನ್ ಬೌಲಿಂಗ್ ಮಾಡಿದ್ದಾರೆ. ಕೋಲ್ಕತ್ತಾ ಪರ ಆರಂಭಿಕ ಓವರ್​ಗಳನ್ನು ಸ್ಪಿನ್ನರ್​ಗಳು ನಿರ್ವಹಿಸುತ್ತಿದ್ದಾರೆ.

ಆರ್​ಸಿಬಿ ನಾಯಕ ವಿರಾಟ್ ಕೊಹ್ಲಿ ಬಳಿಕ ರಜತ್ ಪಾಟೀದಾರ್ ಕೂಡ ವರುಣ್ ಚಕ್ರವರ್ತಿಗೆ ವಿಕೆಟ್ ಒಪ್ಪಿಸಿದ್ದಾರೆ. ಸ್ಪಿನ್ ಬಾಲ್​ಗೆ ಕ್ಲೀನ್ ಬೌಲ್ಡ್ ಆಗಿದ್ದಾರೆ. ಮ್ಯಾಕ್ಸ್​ವೆಲ್ ಹಾಗೂ ಪಡಿಕ್ಕಲ್ ಕ್ರೀಸ್​ನಲ್ಲಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು 2 ಓವರ್ ಅಂತ್ಯಕ್ಕೆ 9 ರನ್ ಗಳಿಸಿ 2 ವಿಕೆಟ್ ಕಳೆದುಕೊಂಡಿದೆ.

ರಾಯಲ್ ಚಾಲೆಂಜರ್ಸ್​ಗೆ ಆರಂಭಿಕ ಆಘಾತ ಎದುರಾಗಿದೆ. ವಿರಾಟ್ ಕೊಹ್ಲಿ 6 ಬಾಲ್​ಗೆ 5 ರನ್ ಗಳಿಸಿ ವರುಣ್ ಚಕ್ರವರ್ತಿಗೆ ವಿಕೆಟ್ ಒಪ್ಪಿಸಿದ್ದಾರೆ. ತ್ರಿಪಾಠಿ ಕಠಿಣ ಕ್ಯಾಚ್ ಹಿಡಿದು ಕೊಹ್ಲಿ ಔಟ್ ಮಾಡಿದ್ದಾರೆ. ದೇವದತ್ ಪಡಿಕ್ಕಲ್ ಹಾಗೂ ರಜತ್ ಪಾಟೀದಾರ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ನಿತೀಶ್ ರಾಣಾ, ಶುಬ್​ಮನ್ ಗಿಲ್, ರಾಹುಲ್ ತ್ರಿಪಾಠಿ, ಇಯೊನ್ ಮೋರ್ಗಾನ್ (ನಾಯಕ), ಶಕೀಬ್ ಅಲ್ ಹಸನ್, ದಿನೇಶ್ ಕಾರ್ತಿಕ್ (ವಿಕೆಟ್ ಕೀಪರ್), ಆಂಡ್ರೆ ರಸ್ಸೆಲ್, ಪ್ಯಾಟ್ ಕಮ್ಮಿನ್ಸ್, ಹರ್ಭಜನ್ ಸಿಂಗ್, ಪ್ರಸಾದ್ ಕೃಷ್ಣ, ವರುಣ್ ಚಕ್ರವರ್ತಿ

ವಿರಾಟ್ ಕೊಹ್ಲಿ (ನಾಯಕ), ದೇವದತ್ ಪಡಿಕ್ಕಲ್, ರಜತ್ ಪಾಟಿದಾರ್, ಗ್ಲೆನ್ ಮ್ಯಾಕ್ಸ್ವೆಲ್, ಎಬಿ ಡಿವಿಲಿಯರ್ಸ್ (ವಿಕೆಟ್ ಕೀಪರ್), ವಾಷಿಂಗ್ಟನ್ ಸುಂದರ್, ಶಹಬಾಜ್ ಅಹ್ಮದ್, ಕೈಲ್ ಜಾಮಿಸನ್, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್, ಯುಜ್ವೇಂದ್ರ ಚಾಹಲ್

ಅಭಿಮಾನಿಗಳ ಫೇವರಿಟ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಇಂದಿನ ಪಂದ್ಯದಲ್ಲೂ ಗೆಲುವು ಸಾಧಿಸುತ್ತಾ ಎಂಬ ಕುತೂಹಲದಲ್ಲಿ ಕ್ರಿಕೆಟ್ ಅಭಿಮಾನಿಗಳಿದ್ದಾರೆ.

ಚೆನ್ನೈ ಎಮ್.ಎ. ಚಿದಂಬರಂ ಮೈದಾನದಲ್ಲಿ ನಡೆಯುವ ರಾಯಲ್ ಚಾಲೆಂಜರ್ಸ್- ಕೋಲ್ಕತ್ತಾ ವಿರುದ್ಧದ ಪಂದ್ಯದಲ್ಲಿ ಟಾಸ್ ಗೆದ್ದ ರಾಯಲ್ ಚಾಲೆಂಜರ್ಸ್ ಬ್ಯಾಟಿಂಗ್ ಆಯ್ದುಕೊಂಡಿದೆ. ಕೋಲ್ಕತ್ತಾ ನೈಟ್ ರೈಡರ್ಸ್ ಬೌಲಿಂಗ್ ಮಾಡಲಿದೆ.