Tokyo Olympics: ಕ್ವಾರ್ಟರ್ ಫೈನಲ್​ಗೆ ಲಗ್ಗೆಯಿಟ್ಟ ಕುಸ್ತಿಪಟು ಭಜರಂಗ್‌ ಪುನಿಯ: ಸೀಮಾ ಬಿಸ್ಲಾಗೆ ಸೋಲು

ಟೋಕಿಯೋ ಒಲಿಂಪಿಕ್ಸ್ 2020 ರಲ್ಲಿ ಭಾರತದ ಕುಸ್ತಿಪಟು ಭಜರಂಗ್‌ ಪುನಿಯ ಕ್ವಾರ್ಟರ್ ಫೈನಲ್​ಗೆ ಲಗ್ಗೆಯಿಟ್ಟಿದ್ದಾರೆ. ಈ ಮೂಲಕ ಪದಕದ ಭರವಸೆ ಮೂಡಿಸಿದ್ದಾರೆ. ಇತ್ತ ಮಹಿಳೆಯರ ಕುಸ್ತಿ 50 ಕೆಜಿ ವಿಭಾಗದಲ್ಲಿ ಭಾರತದ ಸೀಮಾ ಬಿಸ್ಲಾ ಅವರು ಸೋಲು ಕಂಡಿದ್ದಾರೆ. ಶುಕ್ರವಾರ ಮುಂಜಾನೆ ನಡೆದ ಪಂದ್ಯದಲ್ಲಿ ಟುನೀಷಿಯಾದ ಸರ್ರಾ ಹಮ್ದಿ ವಿರುದ್ಧ  3-1 ಅಂತರದಿಂದ ಸೋತು ಟೋಕಿಯೊ ಒಲಿಂಪಿಕ್ಸ್​ನ ಆರಂಭಿಕ ಪಂದ್ಯವನ್ನು ಕಳೆದುಕೊಂಡಿದ್ದಾರೆ.

ಪುರುಷರ 65 ಕೆಜಿ ವಿಭಾಗದ ಫ್ರೀಸ್ಟೈಲ್​ನಲ್ಲಿ ಕ್ರಿಗಿಸ್ತಾನದ ಎರ್ನಾಜರ್ ಅಕ್ಮತಾಲೀವ್ ವಿರುದ್ಧ ಭಜರಂಗ್ ಅವರು 3-3 ಅಂತರದ ಸಮಬಲ ಸಾಧಿಸಸಿದರು. ಆದರೆ, ಎರಡನೇ ಅವದಿಯಲ್ಲಿ ಹೆಚ್ಚು ಅಂಕ ಗಳಿಸಿದ ಆಧಾರದ ಮೇಲೆ ಭಜರಂಗ್​ಗೆ ಗೆಲುವು ದಕ್ಕಿತು.