Tokyo Olympics: ನಿಮ್ಮನ್ನು ಬೆಂಬಲಿಸುತ್ತಿರುವುದಕ್ಕೆ ಹೆಮ್ಮೆಪಡುತ್ತೇವೆ; ಭಾರತದ ಹಾಕಿಗೆ ಮರುಜೀವ ಕೊಟ್ಟ ನವೀನ್ ಪಟ್ನಾಯಕ್

ಟೋಕಿಯೋ ಒಲಿಂಪಿಕ್ಸ್ (Tokyo Olympics) 2020 ರಲ್ಲಿ ಭಾರತ ಪುರುಷರ ಹಾಕಿ ತಂಡ ಐತಿಹಾಸಿಕ ಸಾಧನೆ ಮಾಡಿದೆ. ಕಂಚಿನ ಪದಕ್ಕಾಗಿ ಜರ್ಮನಿ ವಿರುದ್ಧ ನಡೆದ ರೋಚಕ ಪಂದ್ಯದಲ್ಲಿ ಮನ್​ಪ್ರೀತ್ ಪಡೆ 4-5 ಗೋಲುಗಳ ಅಂತರದಲ್ಲಿ ಗೆದ್ದು ಬೀಗಿದ್ದು, ಭಾರತಕ್ಕೆ ನಾಲ್ಕನೇ ಪದಕ ಸಿಕ್ಕಿದೆ. ಈ ಮೂಲಕ ಬರೋಬ್ಬರಿ 41 ವರ್ಷಗಳ ಬಳಿಕ ಒಲಿಂಪಿಕ್ ಹಾಕಿಯಲ್ಲಿ ಭಾರತ ಚೊಚ್ಚಲ ಪದಕಕ್ಕೆ ಕೊರಳೊಡ್ಡಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಭಾರತೀಯರು ಹಾಕಿ ತಂಡವನ್ನು ಶ್ಲಾಘಿಸಿದರೆ, ಭಾರತೀಯ ಪುರುಷರು ಮತ್ತು ಮಹಿಳೆಯರ ಹಾಕಿ ತಂಡವನ್ನು ನಿರಂತರವಾಗಿ ಬೆಂಬಲಿಸುತ್ತಿರುವುದಕ್ಕಾಗಿ ಒಡಿಶಾ ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಅವರಿಗೆ ಧನ್ಯವಾದಗಳನ್ನು ಅರ್ಪಿಸುವ ಪೋಸ್ಟ್‌ಗಳೊಂದಿಗೆ ಟ್ವಿಟರ್ ತುಂಬಿ ಹೋಗಿದೆ.

ವಾಸ್ತವವಾಗಿ, ಆಗಸ್ಟ್ 2 ರಂದು, ಶ್ರೀ ಪಟ್ನಾಯಕ್ ಅವರು ಒಡಿಶಾದ ಜನರು 2014 ರಿಂದಲೂ ಎರಡೂ ರಾಷ್ಟ್ರೀಯ ತಂಡಗಳನ್ನು ಬೆಂಬಲಿಸುತ್ತಿರುವುದಕ್ಕೆ ಹೆಮ್ಮೆಪಡುತ್ತಾರೆ ಎಂದು ಹೇಳಿದರು. ವರದಿಗಳ ಪ್ರಕಾರ, ಒಡಿಶಾ ರಾಜ್ಯ ಸರ್ಕಾರವು 2018 ರಿಂದ ಪುರುಷರು ಮತ್ತು ಮಹಿಳಾ ಹಾಕಿ ತಂಡವನ್ನು ಪ್ರಾಯೋಜಿಸಿದೆ. ಜೊತೆಗೆ ಸುಮಾರು 150 ಕೋಟಿ ರೂಗಳಷ್ಟು ಹಣವನ್ನು ಹಾಕಿ ತಂಡಗಳ ಮೇಲೆ ಹೂಡಿಕೆ ಮಾಡಿದೆ.

ಮುಂದಿನ ಭವಿಷ್ಯಕ್ಕೆ ಶುಭ ಹಾರೈಸುತ್ತೇವೆ ನಮ್ಮ ಹಾಕಿ ತಂಡಕ್ಕೆ ಅಭಿನಂದನೆಗಳು.. ಒಡಿಶಾದಂತೆ ಇಡೀ ಭಾರತವು ತುಂಬಾ ಉತ್ಸುಕವಾಗಿದೆ. ನಾವೆಲ್ಲರೂ ನಿಮ್ಮ ಹಿಂದೆ ಇದ್ದೇವೆ ಮತ್ತು ನಿಮಗೆ ಶುಭ ಹಾರೈಸುತ್ತೇವೆ ಎಂದು ಶ್ರೀ ಪಟ್ನಾಯಕ್ ತಂಡದ ಸದಸ್ಯರೆಲ್ಲರಿಗೂ ವೀಡಿಯೊ ಸಂವಾದದಲ್ಲಿ ಅಭಿನಂದನೆ ಸಲ್ಲಿಸಿದರು.

#WATCH Odisha CM Naveen Patnaik spoke to Indian men's hockey team and congratulated them for winning the Bronze medal in match against Germany

"We are looking forward to receiving the Indian Olympic hockey team on 16th August in Bhubaneswar," he said#OlympicGames pic.twitter.com/vh7wVtdSzK

— ANI (@ANI) August 5, 2021

16 ರಂದು ಭುವನೇಶ್ವರದಲ್ಲಿ ನಮ್ಮ ಹಾಕಿ ತಂಡವನ್ನು ಸ್ವಾಗತಿಸಲು ನಾವು ಎದುರು ನೋಡುತ್ತಿದ್ದೇವೆ. ಮತ್ತೊಮ್ಮೆ, ನಿಮ್ಮೆಲ್ಲರಿಗೂ ಮತ್ತು ನಿಮ್ಮ ಮುಂದಿನ ಭವಿಷ್ಯಕ್ಕೆ ಶುಭ ಹಾರೈಸುತ್ತೇವೆ ಎಂದು ಶ್ರೀ ಪಟ್ನಾಯಕ್ ಹೇಳಿದರು. ಟೋಕಿಯೊದಲ್ಲಿ ಭಾರತದ ಹಾಕಿ ತಂಡಗಳ ಯಶಸ್ಸಿಗೆ ಒಡಿಶಾ ರಾಜ್ಯ ಕ್ರೀಡೆಗೆ ನೀಡುತ್ತಿರುವ ಬೆಂಬಲಕ್ಕೆ ಸಾಕಷ್ಟು ಋಣಿಯಾಗಿದ್ದು, ಇದು ರಾಷ್ಟ್ರೀಯ ತಂಡವನ್ನು ಪ್ರಾಯೋಜಿಸಿದ ಏಕೈಕ ರಾಜ್ಯವಾಗಿದೆ.

ಹಾಕಿಯನ್ನು ರಾಜ್ಯದ ಸಂಸ್ಕೃತಿಯ ಅವಿಭಾಜ್ಯ ಅಂಗವೆಂದು ಪರಿಗಣಿಸಲಾಗಿದೆ ಮತ್ತು ಒಡಿಶಾ ಸರ್ಕಾರವು ಭುವನೇಶ್ವರದಲ್ಲಿ ಪುರುಷರ ವಿಶ್ವಕಪ್ ಸೇರಿದಂತೆ ಹಲವಾರು ಪ್ರಮುಖ ಪಂದ್ಯಾವಳಿಗಳನ್ನು ನಡೆಸಿದೆ. ಭಾರತ ಮಹಿಳಾ ಹಾಕಿ ತಂಡವು ಕಂಚಿನ ಪದಕದ ಪಂದ್ಯದಲ್ಲಿ ಗ್ರೇಟ್ ಬ್ರಿಟನ್ ವಿರುದ್ಧ ಹೋರಾಡಿ ಗೆದ್ದು ಇತಿಹಾಸ ಬರೆಯಲಿದೆ. ಮೊದಲ ಬಾರಿಗೆ ಕೊನೆಯ ನಾಲ್ಕರಲ್ಲಿ ಅರ್ಹತೆ ಪಡೆದ ಮಹಿಳಾ ತಂಡವು ತಮ್ಮ ಸೆಮಿಫೈನಲ್‌ನಲ್ಲಿ ಅರ್ಜೆಂಟೀನಾ ವಿರುದ್ಧ 1-2 ಅಂತರದ ಸೋಲು ಅನುಭವಿಸಿತು.