ಕ್ರಿಕೆಟ್ ವಿಶೇಷ: ಮೂರು ಸಹೋದರರ ಜೋಡಿ ಒಂದೇ ತಂಡದಲ್ಲಿ! ಪ್ರತಿಯೊಬ್ಬರ ಪ್ರದರ್ಶನ ಹೇಗಿತ್ತು ಗೊತ್ತಾ?

ಸ್ಟೀವ್ ವಾ ಮತ್ತು ಮಾರ್ಕ್ ವಾ, ಹಾರ್ದಿಕ್ ಪಾಂಡ್ಯ ಮತ್ತು ಕ್ರುನಾಲ್ ಪಾಂಡ್ಯ, ಸ್ಯಾಮ್ ಕುರ್ರನ್ ಮತ್ತು ಟಾಮ್ ಕುರ್ರನ್. ಪ್ರಸ್ತುತ ಕ್ರಿಕೆಟ್‌ನಲ್ಲಿ, ಇಬ್ಬರು ಸಹೋದರರು ಇತರ ತಂಡದಲ್ಲಿ ಆಡುತ್ತಿರುವುದನ್ನು ನೀವು ನೋಡುತ್ತೀರಿ. ಆದರೆ ಮೂರು ಸಹೋದರರ ಜೋಡಿ ಅಂದರೆ ಆರು ಸಹೋದರರು ಒಂದೇ ತಂಡಕ್ಕಾಗಿ ಆಡಿರುವುದನ್ನು ನಿವು ಎಂದಾದರೂ ನೋಡಿದ್ದೀರಾ? ಆದರೆ ಇದು ನಿಜವಾಗಿ ಸಂಭವಿಸಿದೆ. ಈ ವಿಶಿಷ್ಟ ಪಂದ್ಯವನ್ನು 1997-98ರಲ್ಲಿ ಹರಾರೆಯಲ್ಲಿ ಜಿಂಬಾಬ್ವೆ ಮತ್ತು ನ್ಯೂಜಿಲೆಂಡ್ ನಡುವೆ ಆಡಲಾಯಿತು.

ಕೇವಲ 211 ರನ್ ಗಳಿಸಲು ಸಾಧ್ಯವಾಯಿತು
ನಾವು ಮಾತನಾಡುತ್ತಿರುವ ಮೂವರು ಸಹೋದರ ಜೋಡಿ, ಆಂಡಿ ಫ್ಲವರ್ ಮತ್ತು ಗ್ರಾಂಟ್ ಫ್ಲವರ್, ಬ್ರಿಯಾನ್ ಸ್ಟ್ರಾಂಗ್ ಮತ್ತು ಪಾಲ್ ಸ್ಟ್ರಾಂಗ್, ಗೇವಿನ್ ರೆನ್ನಿ ಮತ್ತು ಜಾನ್ ರೆನ್ನಿ ಬಗ್ಗೆ. ಎಲ್ಲರೂ ಜಿಂಬಾಬ್ವೆ ತಂಡದ ಆಡುವ ಇಲೆವೆನ್‌ನ ಭಾಗವಾಗಿದ್ದರು. ಈ ಪಂದ್ಯದಲ್ಲಿ ನ್ಯೂಜಿಲೆಂಡ್ ಮೊದಲು ಬ್ಯಾಟಿಂಗ್ ಮಾಡಿ 7 ವಿಕೆಟ್‌ಗೆ 294 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ, ಜಿಂಬಾಬ್ವೆಯ ಇಡೀ ತಂಡವು 44.1 ಓವರ್‌ಗಳಲ್ಲಿ ಕೇವಲ 211 ರನ್ ಗಳಿಸಲು ಸಾಧ್ಯವಾಯಿತು ಮತ್ತು ಪಂದ್ಯವನ್ನು 83 ರನ್‌ಗಳಿಂದ ಕಳೆದುಕೊಂಡಿತು. ನ್ಯೂಜಿಲೆಂಡ್ ವಿರುದ್ಧದ ಈ ಐತಿಹಾಸಿಕ ಪಂದ್ಯದಲ್ಲಿ ಬ್ರಿಯಾನ್ ಸ್ಟ್ರಾಂಗ್ 10 ಓವರ್‌ಗಳಲ್ಲಿ 66 ರನ್‌ಗಳಿಗೆ ಮೂರು ವಿಕೆಟ್ ಪಡೆದರು ಮತ್ತು 15 ರನ್ ಗಳಿಸಿದರು. ಅವರ ಸಹೋದರ 27 ರನ್ ಗಳಿಸುವುದರ ಹೊರತಾಗಿ 10 ಓವರ್‌ಗಳನ್ನು ಬೌಲಿಂಗ್ ಮಾಡಿ 58 ರನ್ ನೀಡಿದರು.

ಆಂಡಿ ಫ್ಲವರ್ ಹೆಚ್ಚು ರನ್ ಗಳಿಸಿದರು
ಅದೇ ಸಮಯದಲ್ಲಿ, ಜಾನ್ ರೆನ್ನಿ 10 ಓವರ್‌ಗಳಲ್ಲಿ 54 ರನ್‌ಗಳಿಗೆ ಒಂದು ವಿಕೆಟ್ ಪಡೆದರು ಮತ್ತು ರನ್ ಔಟ್ ಆಗುವ ಮೊದಲು 6 ರನ್ ಗಳಿಸಿದರು. ಅವರ ಸಹೋದರ ಗೇವಿನ್ ರೆನ್ನಿಯವರ ಬ್ಯಾಟ್‌ನಿಂದ 17 ರನ್ ಬಂತು. ಈ ಪಂದ್ಯದಲ್ಲಿ ಆಂಡಿ ಫ್ಲವರ್ 44 ರನ್ ಗಳಿಸಿದರು ಮತ್ತು ಅವರು ಕೂಡ ರನ್ ಔಟ್​ಗೆ ಬಲಿಯಾದರು. ಗ್ರಾಂಟ್ ಫ್ಲವರ್ 24 ರನ್ ಗಳಿಸಿದರೆ. ಗ್ರಾಂಟ್ 5 ಓವರ್‌ಗಳಲ್ಲಿ 24 ರನ್‌ಗಳಿಗೆ ಒಂದು ವಿಕೆಟ್ ಪಡೆದರು. ಬ್ರಿಯಾನ್ ಜಿಂಬಾಬ್ವೆ ಪರ 26 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು, ಇದರಲ್ಲಿ ಅವರು 56 ವಿಕೆಟ್ ಪಡೆದಿದ್ದಾರೆ. ಅದೇ ಸಮಯದಲ್ಲಿ, 49 ಏಕದಿನ ಪಂದ್ಯಗಳಲ್ಲಿ 46 ರನ್ಗಳನ್ನು ಅವರ ಖಾತೆಯಲ್ಲಿ ದಾಖಲಿಸಲಾಗಿದೆ. ಇದಲ್ಲದೆ, 74 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 252 ಬ್ಯಾಟ್ಸ್‌ಮನ್‌ಗಳಿಗೆ ಬ್ರಿಯಾನ್ ಪೆವಿಲಿಯನ್‌ಗೆ ದಾರಿ ತೋರಿಸಿದರು. 78 ಲಿಸ್ಟ್ ಎ ಪಂದ್ಯಗಳಲ್ಲಿ ಸಹ ಅವರು 81 ವಿಕೆಟ್ ಪಡೆದಿದ್ದಾರೆ.

ಇದನ್ನೂ ಓದಿ:
ಕ್ರಿಕೆಟ್ ವಿಶೇಷ: ಕ್ರಿಕೆಟ್​ಗಾಗಿ ಮಾಲೀಕನ ಬಳಿ ಸುಳ್ಳು, ಹೆಸರು ಬದಲಿಸಿ ಮಸ್ತ್ ಬ್ಯಾಟಿಂಗ್; ಸತ್ಯ ತಿಳಿದ ಮಾಲೀಕ ಮಾಡಿದ್ದೇನು?

ಐಪಿಎಲ್​ಗಿಂತ ಪಾಕಿಸ್ತಾನ ಕ್ರಿಕೆಟ್ ಲೀಗ್​ನಲ್ಲಿ ವೇಗದ ಬೌಲರ್‌ಗಳ ಗುಣಮಟ್ಟ ಹೆಚ್ಚಿರುತ್ತದೆ; ಫಾಫ್ ಡು ಪ್ಲೆಸಿಸ್