5G Speed: ಶುರುವಾದ ಎರಡೇ ವರ್ಷಕ್ಕೆ ಕುಸಿತ ಕಂಡ 5G ವೇಗ: ಜಿಯೋ-ಏರ್‌ಟೆಲ್ಗೆ ಭಾರೀ ಹೊಡೆತ
5G ತಂತ್ರಜ್ಞಾನದ ತ್ವರಿತ ಅಳವಡಿಕೆ ಮತ್ತು ಡೇಟಾ ಬಳಕೆಯ ಹೆಚ್ಚಳದಿಂದಾಗಿ, ನೆಟ್‌ವರ್ಕ್ ದಟ್ಟಣೆಯ ಸಮಸ್ಯೆ ಹೆಚ್ಚಿದೆ. ಇದರಿಂದಾಗಿ ಸರಾಸರಿ 5G ಡೌನ್‌ಲೋಡ್ ವೇಗವು ಕುಸಿದಿದೆ. 5G ಬಳಕೆದಾರರಲ್ಲಿ ಕೇವಲ 16 ಪ್ರತಿಶತದಷ್ಟು ಜನರು 700MHz ಆವರ್ತನ ಬ್ಯಾಂಡ್ ಅನ್ನು ಬಳಸುತ್ತಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಒಂದೆಡೆ ಭಾರತ 6G ತಯಾರಿಯಲ್ಲಿ ನಿರತವಾಗಿದ್ದರೆ, ಮತ್ತೊಂದೆಡೆ 5ಜಿ ನೆಟ್‌ವರ್ಕ್‌ನಲ್ಲಿ ಸರಿಯಾದ ವೇಗ ಸಿಗದೆ ಸಮಸ್ಯೆ ಎದುರಿಸುತ್ತಿರುವವರು ಇನ್ನೂ ಅನೇಕರಿದ್ದಾರೆ. ರಿಲಯನ್ಸ್ ಜಿಯೋ ಮತ್ತು ಏರ್‌ಟೆಲ್ ದೇಶದಲ್ಲಿ 5G ನೆಟ್‌ವರ್ಕ್ ಅನ್ನು ಮೊದಲು ಪ್ರಾರಂಭಿಸಿದವು, 5G ನೆಟ್‌ವರ್ಕ್ ಪ್ರಾರಂಭವಾಗಿ ಎರಡು ವರ್ಷಗಳು ಕಳೆದಿವೆ. ಆದರೆ, ಅಚ್ಚರಿ ಎಂಬಂತೆ ಇತ್ತೀಚಿನ ವರದಿಯೊಂದರ ಪ್ರಕಾರ ದೇಶದಲ್ಲಿ 5G ವೇಗ ಕುಸಿತ ಕಂಡಿದೆ ಎಂದು ಹೇಳಲಾಗಿದೆ.
ವರದಿಯ ಪ್ರಕಾರ, 5G ತಂತ್ರಜ್ಞಾನದ ತ್ವರಿತ ಅಳವಡಿಕೆ ಮತ್ತು ಡೇಟಾ ಬಳಕೆಯ ಹೆಚ್ಚಳದಿಂದಾಗಿ, ನೆಟ್‌ವರ್ಕ್ ದಟ್ಟಣೆಯ ಸಮಸ್ಯೆ ಹೆಚ್ಚಿದೆ. ಇದರಿಂದಾಗಿ ಸರಾಸರಿ 5G ಡೌನ್‌ಲೋಡ್ ವೇಗವು ಕುಸಿದಿದೆ. Opensignal ನ ವರದಿಯ ಪ್ರಕಾರ, ಉತ್ತಮ 5G ಅನುಭವಕ್ಕಾಗಿ ಬಳಕೆ ಮತ್ತು ಸ್ಪೆಕ್ಟ್ರಮ್ ನಿರ್ವಹಣೆಯಂತಹ ಅಂಶಗಳು ಮುಖ್ಯವಾಗಿವೆ.
5G ಬಳಕೆದಾರರಲ್ಲಿ ಕೇವಲ 16 ಪ್ರತಿಶತದಷ್ಟು ಜನರು 700MHz ಆವರ್ತನ ಬ್ಯಾಂಡ್ ಅನ್ನು ಬಳಸುತ್ತಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಇದು ದೊಡ್ಡ ಪ್ರದೇಶಗಳಲ್ಲಿ ಹೆಚ್ಚಿನ ವ್ಯಾಪ್ತಿಯನ್ನು ಒದಗಿಸುತ್ತದೆ. ಈ ಆವರ್ತನ ಬ್ಯಾಂಡ್‌ನೊಂದಿಗೆ ಕವರೇಜ್ ಲಭ್ಯವಿದೆ ಆದರೆ ಬಳಕೆದಾರರು ನಿಧಾನ 5G ವೇಗವನ್ನು ಅನುಭವಿಸುತ್ತಾರೆ.
ಮತ್ತೊಂದೆಡೆ, 84 ಪ್ರತಿಶತ ಬಳಕೆದಾರರು 3.5 GHz ಬ್ಯಾಂಡ್ ಅನ್ನು ಬಳಸುತ್ತಾರೆ, ಇದು ಉತ್ತಮ ವೇಗವನ್ನು ನೀಡುತ್ತದೆ. ಆದರೆ ಸೀಮಿತ ವ್ಯಾಪ್ತಿಯ ಪ್ರದೇಶವನ್ನು ಹೊಂದಿದೆ. ಡೇಟಾಗೆ ಹೆಚ್ಚುತ್ತಿರುವ ಬೇಡಿಕೆಯ ನಡುವೆ, ಸೇವಾ ಪೂರೈಕೆದಾರರು ಸ್ಪೆಕ್ಟ್ರಮ್ ಸಂಪನ್ಮೂಲಗಳನ್ನು ನಿರ್ವಹಿಸುವಲ್ಲಿ ಬಹಳಷ್ಟು ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ.
ಏರ್ಟೆಲ 5G vs ಜಿಯೋ 5G ಡೌನ್‌ಲೋಡ್ ವೇಗದಲ್ಲಿ ಯಾರು ಮುಂದಿದ್ದಾರೆ?:
ವರದಿಯ ಪ್ರಕಾರ, ಏರ್‌ಟೆಲ್‌ನ 5G ವೇಗವು ರಿಲಯನ್ಸ್ ಜಿಯೋಗಿಂತ 6.6 ಪಟ್ಟು ವೇಗವಾಗಿದೆ. ಏರ್‌ಟೆಲ್‌ನ 5G ಡೌನ್‌ಲೋಡ್ ವೇಗ 239.7Mbps ಆಗಿದ್ದರೆ, ಜಿಯೋದ 5G ಡೌನ್‌ಲೋಡ್ ವೇಗ 224.8Mbps ಆಗಿದೆ.
ಇದನ್ನೂ ಓದಿ: ಫೋನ್ ಚಾರ್ಜ್ ಮಾಡಲು ಕರೆಂಟ್ ಬೇಡ: ಬಂದಿದೆ ಸೂರ್ಯನ ಬೆಳಕಲ್ಲಿ ಚಾರ್ಜ್ ಮಾಡುವ ಪವರ್ ಬ್ಯಾಂಕ್
ಏರ್‌ಟೆಲ್ ಮತ್ತು ಜಿಯೋ ಬಳಕೆದಾರರಿಗೆ ಆತಂಕ:
ರಿಲಯನ್ಸ್ ಜಿಯೋ ಮತ್ತು ಏರ್‌ಟೆಲ್ ಕಂಪನಿಯ 5G ವೇಗದ ಕುಸಿತದಿಂದಾಗಿ, ಅನೇಕ ಬಳಕೆದಾರರು ಮೈಕ್ರೋಬ್ಲಾಗಿಂಗ್ ಪ್ಲಾಟ್‌ಫಾರ್ಮ್ X ನಲ್ಲಿ ಅಸಮಾಧಾನಗೊಂಡಿದ್ದಾರೆ ಮತ್ತು ದೂರುತ್ತಿದ್ದಾರೆ. ಈ ಬಗ್ಗೆ ದೂರಿದ್ದಾರೆ.
The biggest problem of Jio is of network, it is just for the sake of saying that it has 5G but the speed is not even like 3G, please improve the network speed a bit, just making the recharge expensive will not work.
Poor network but internet pack price is expensive.@JioCare— AAS. Rajput 𝕏 (@ayushabhishek99) October 22, 2024
ಏರ್ಟೆಲ 5G vs ಜಿಯೋ 5G ಅಪ್‌ಲೋಡ್ ವೇಗದಲ್ಲಿ ಯಾರು ಮುಂದಿದ್ದಾರೆ?:
ಡೌನ್‌ಲೋಡ್ ವೇಗದಲ್ಲಿ ಏರ್‌ಟೆಲ್ ಗೆದ್ದರೆ, ರಿಲಯನ್ಸ್ ಜಿಯೋ ಅಥವಾ ಏರ್‌ಟೆಲ್ ಅಪ್‌ಲೋಡ್ ವೇಗದಲ್ಲಿ ಯಾವ ಕಂಪನಿ ಮುಂದಿದೆ ಎಂಬುದನ್ನು ನೋಡುವುದಾದರೆ, ಏರ್‌ಟೆಲ್‌ನೊಂದಿಗೆ, ಬಳಕೆದಾರರು 23.3Mbps ಅಪ್‌ಲೋಡ್ ವೇಗದಿಂದ ತೃಪ್ತರಾಗಿದ್ದಾರೆ ಮತ್ತು ಜಿಯೋ ಬಳಕೆದಾರರು 12.7Mbps ಅಪ್‌ಲೋಡ್ ವೇಗ ಪಡೆದುಕೊಂಡಿದೆ. ಜೂನ್ 1 ರಿಂದ ಆಗಸ್ಟ್ 29 ರವರೆಗಿನ ವರದಿ ಇದಾಗಿದೆ.