ಫೋನ್ ಚಾರ್ಜ್ ಮಾಡಲು ಕರೆಂಟ್ ಬೇಡ: ಬಂದಿದೆ ಸೂರ್ಯನ ಬೆಳಕಲ್ಲಿ ಚಾರ್ಜ್ ಮಾಡುವ ಪವರ್ ಬ್ಯಾಂಕ್
ಪ್ರಯಾಣ ಮಾಡುವಾಗ ನೀವು ಈ ಪವರ್ ಬ್ಯಾಂಕ್ ಅನ್ನು ಬಳಸಬಹುದು. ಈ ಚಾರ್ಜಿಂಗ್ ಸಾಧನವು 22.5W ವೇಗದ ಚಾರ್ಜಿಂಗ್ ಔಟ್ಪುಟ್ ಅನ್ನು ಬೆಂಬಲಿಸುತ್ತದೆ. ಸೋಲಾರ್ 10ಕೆ ಇ-ಕಾಮರ್ಸ್ ಪ್ಲಾಟ್ಫಾರ್ಮ್ ಅಮೆಜಾನ್, ಫ್ಲಿಪ್ಕಾರ್ಟ್ ಮತ್ತು ಅಂಬ್ರೇನ್ ಇಂಡಿಯಾದ ವೆಬ್ಸೈಟ್ಗಳಲ್ಲಿ ಲಭ್ಯವಿರುತ್ತದೆ.
Updated on: Oct 22, 2024 | 11:53 AM
ಇಂದು ಪವರ್ ಬ್ಯಾಂಕ್ಗಳಿಗೆ ಭರ್ಜರಿ ಬೇಡಿಕೆ ಇದೆ. ಕೆಲಸದ ನಿಮಿತ್ತ ಅನೇಕರು ಹೊರಗಡೆಯೇ ಇರುವ ಕಾರಣ ಇದು ತುಂಬಾ ಸಹಕಾರಿ ಆಗಿದೆ. ಇದನ್ನು ಮನಗಂಡು ಪ್ರಮುಖ ಎಲೆಕ್ಟ್ರಾನಿಕ್ಸ್ ಬ್ರ್ಯಾಂಡ್ ಅಂಬ್ರೇನ್ ವಿಶೇಷ ಪವರ್ ಬ್ಯಾಂಕ್ ‘ಸೋಲಾರ್ 10 ಕೆ’ ಅನ್ನು ಬಿಡುಗಡೆ ಮಾಡಿದೆ. ಇದು ಕಂಪನಿಯ ಮೊದಲ ಸೋಲಾರ್ ಪವರ್ ಬ್ಯಾಂಕ್ ಆಗಿದ್ದು, 10,000mAh ಶಕ್ತಿಯನ್ನು ಹೊಂದಿರುತ್ತದೆ. ನಾಲ್ಕು ಪಟ್ಟು ಸೌರ ಫಲಕವನ್ನು ಹೊಂದಿರುವ ಇದರ ವಿನ್ಯಾಸವು ತುಂಬಾ ವಿಶಿಷ್ಟವಾಗಿದೆ.
ಪ್ರಯಾಣ ಮಾಡುವಾಗ ನೀವು ಈ ಪವರ್ ಬ್ಯಾಂಕ್ ಅನ್ನು ಬಳಸಬಹುದು. ಈ ಚಾರ್ಜಿಂಗ್ ಸಾಧನವು 22.5W ವೇಗದ ಚಾರ್ಜಿಂಗ್ ಔಟ್ಪುಟ್ ಅನ್ನು ಬೆಂಬಲಿಸುತ್ತದೆ. ಸೋಲಾರ್ 10ಕೆ ಇ-ಕಾಮರ್ಸ್ ಪ್ಲಾಟ್ಫಾರ್ಮ್ ಅಮೆಜಾನ್, ಫ್ಲಿಪ್ಕಾರ್ಟ್ ಮತ್ತು ಅಂಬ್ರೇನ್ ಇಂಡಿಯಾದ ವೆಬ್ಸೈಟ್ಗಳಲ್ಲಿ ರೂ 2,799 ಕ್ಕೆ ಲಭ್ಯವಿರುತ್ತದೆ.
ವಿಶೇಷವಾಗಿ ವಿನ್ಯಾಸಗೊಳಿಸಿದ ಸೌರ ಫಲಕವನ್ನು ಬಳಸಿಕೊಂಡು ಸೋಲಾರ್ 10k ಪವರ್ ಬ್ಯಾಂಕ್ ಅನ್ನು 5 ದಿನಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಮಾಡಬಹುದು (ಸೂರ್ಯನ ಬೆಳಕಿನ ಪರಿಸ್ಥಿತಿಗಳನ್ನು ಅವಲಂಬಿಸಿ). ಇದು ಗರಿಷ್ಠ ದಕ್ಷತೆಯಲ್ಲಿ 8.5W ವರೆಗೆ ಸೌರ ಇನ್ಪುಟ್ ಅನ್ನು ಒದಗಿಸುತ್ತದೆ. ತ್ವರಿತವಾಗಿ ಚಾರ್ಜ್ ಮಾಡಲು 20W PD ಚಾರ್ಜರ್ಗೆ ಬೆಂಬಲವನ್ನು ಸಹ ಒದಗಿಸಲಾಗಿದೆ.
ವಿದ್ಯುತ್ ಇಲ್ಲದೆ ಫೋನ್ ಚಾರ್ಜ್ ಮಾಡಿ:
ಮಡಚಬಹುದಾದ ಸೌರ ಫಲಕದಿಂದಾಗಿ, ನೀವು ಅದನ್ನು ಎಲ್ಲಿ ಬೇಕಾದರೂ ಸುಲಭವಾಗಿ ಇರಿಸಬಹುದು ಮತ್ತು ತೆಗೆದುಕೊಂಡು ಹೋಗಬಹುದು. ಇದಲ್ಲದೆ, ಸೂರ್ಯನ ಬೆಳಕಿನೊಂದಿಗೆ ಸಾಧನವನ್ನು ಚಾರ್ಜ್ ಮಾಡುವ ಪ್ರಯೋಜನವನ್ನು ನೀವು ಪಡೆಯಬಹುದು. ಇದು ಸೌರಶಕ್ತಿಯಿಂದ ಚಾರ್ಜ್ ಆಗುವ ಕಾರಣ, ವಿದ್ಯುತ್ ಅಗತ್ಯವಿರುವುದಿಲ್ಲ. ಇದನ್ನು ವಿಶೇಷವಾಗಿ ಟ್ರಕಿಂಗ್ ಹೋಗುವವರಿಗೆ ಮತ್ತು ಸದಾ ಟ್ರಾವೆಲ್ ಮಾಡುತ್ತಿರುವವರಿಗಾಗಿ ವಿನ್ಯಾಸಗೊಳಿಸಲಾಗಿದೆ.
10,000mAh ಬ್ಯಾಟರಿ
ನಿಮ್ಮ ರೋಮಾಂಚಕಾರಿ ಪ್ರಯಾಣದಲ್ಲಿ ಫೋನ್-ಟ್ಯಾಬ್ಲೆಟ್ ಅನ್ನು ಚಾರ್ಜ್ ಮಾಡಲು ಈ ಬಲವಾದ ಪವರ್ ಬ್ಯಾಂಕ್ ಸಹಾಯ ಮಾಡುತ್ತದೆ. 10,000mAh ಬ್ಯಾಟರಿಯು ಸ್ಮಾರ್ಟ್ಫೋನ್ಗಳು, ಟ್ಯಾಬ್ಲೆಟ್ಗಳು ಮತ್ತು ಇತರ USB ಟೈಪ್-C ಅಥವಾ USB-A ಸಾಧನಗಳನ್ನು 2-3 ಬಾರಿ ಚಾರ್ಜ್ ಮಾಡಬಹುದು. ಇದರ ಗರಿಷ್ಠ ಉತ್ಪಾದನೆಯು 22.5W ಆಗಿದೆ, ಇದು ಆಂಬ್ರೇನ್ನ ಸ್ವಾಮ್ಯದ ಬೂಸ್ಟೆಡ್ಸ್ಪೀಡ್ ತಂತ್ರಜ್ಞಾನವನ್ನು ಹೊಂದಿದೆ.
ವೈಶಿಷ್ಟ್ಯಗಳು, ಬೆಲೆ ಮತ್ತು ವಾರಂಟಿ
ಸೋಲಾರ್ ಪವರ್ ಬ್ಯಾಂಕ್ ಎಸ್ಒಎಸ್ ಸಿಗ್ನಲಿಂಗ್, ಫ್ಲ್ಯಾಷ್ಲೈಟ್ ಕಾರ್ಯ ಮತ್ತು ಡಿಜಿಟಲ್ ಎಲ್ಇಡಿ ಡಿಸ್ಪ್ಲೇಯಂತಹ ಹೆಚ್ಚುವರಿ ತುರ್ತು ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು ತುರ್ತು ಸಂದರ್ಭಗಳಲ್ಲಿ ಸಹಾಯಕವಾಗಿದೆ. ಈ ಪವರ್ ಬ್ಯಾಂಕ್ನೊಂದಿಗೆ ನೀವು ಅನೇಕ ಸಾಧನಗಳನ್ನು ಏಕಕಾಲದಲ್ಲಿ ಚಾರ್ಜ್ ಮಾಡಬಹುದು. ಪ್ರಸ್ತುತ ಇದರ ಬೆಲೆ 2,799 ರೂ.. ಇದನ್ನು ಖರೀದಿಸಿದರೆ ನೀವು 180 ದಿನಗಳ ವಾರಂಟಿಯನ್ನು ಸಹ ಪಡೆಯುತ್ತೀರಿ.
