ಬೆಲೆ ಕೇವಲ ರೂ. 148, 15 OTT ಅಪ್ಲಿಕೇಶನ್‌ಗಳ ಪ್ರಯೋಜನ: ಏರ್​ಟೆಲ್​ನಿಂದ ಧಮಾಕ ಆಫರ್

ಇಂದು ಒಟಿಟಿ ಅಪ್ಲಿಕೇಶನ್‌ಗಳನ್ನು ಹೆಚ್ಚಿನವರು ಬಳಸುತ್ತಿದ್ದಾರೆ. ವೆಬ್ ಸರಣಿಗಳು ಮತ್ತು ಸಿನಿಮಾಗಳನ್ನು ವೀಕ್ಷಿಸಲು ಒಟಿಟಿ ಆ್ಯಪ್​​ಗೆ ತಿಂಗಳಿಗೆ, ವರ್ಷಕ್ಕೆಂದು ಹಣ ಕಟ್ಟುವವರಿದ್ದಾರೆ. ಆದರೀಗ ದೇಶದ ಪ್ರಸಿದ್ಧ ಟೆಲಿಕಾಂ ಸಂಸ್ಥೆ ಭಾರ್ತಿ ಏರ್​ಟೆಲ್ (Bharti Airtel) ಬಂಪರ್ ಆಫರ್ ಒಂದನ್ನು ನೀಡಿದೆ. ನೀವು ಹೊಸದಾಗಿ ಒಟಿಟಿ ಅಪ್ಲಿಕೇಷನ್​ಗಳ ಪ್ರಯೋಜನ ಪಡೆಯುವ ಪ್ಲಾನ್​ನಲ್ಲಿದ್ದರೆ ಈ ಯೋಜನೆ ನಿಮಗೆ ಸಹಕಾರಿ ಆಗಲಿದೆ. ನೀವು ಏರ್‌ಟೆಲ್ ಕಂಪನಿಯ ಪ್ರಿಪೇಯ್ಡ್ ಸಂಖ್ಯೆಯನ್ನು ಹೊಂದಿದ್ದರೆ, ಕಂಪನಿಯು ನಿಮಗಾಗಿ ಉತ್ತಮ ಯೋಜನೆಯನ್ನು ತಂದಿದೆ. ಈ ಯೋಜನೆಯ ಬೆಲೆ ಕೇವಲ 148 ರೂ.

ಏರ್​ಟೆಲ್​ನ 148 ರೂ. ಪ್ರಿಪೇಯ್ಡ್ ಯೋಜನೆಯು ಬಳಕೆದಾರರಿಗೆ ಡೇಟಾವನ್ನು ಹೊರತುಪಡಿಸಿ 15 ಕ್ಕೂ ಹೆಚ್ಚು ಒಟಿಟಿ ಅಪ್ಲಿಕೇಶನ್‌ಗಳಿಗೆ ಉಚಿತ ಪ್ರವೇಶವನ್ನು ನೀಡುತ್ತದೆ. ಏರ್‌ಟೆಲ್‌ನ ಈ ಯೋಜನೆಯಲ್ಲಿ ನಿಮಗೆ ಯಾವ ಒಟಿಟಿ ಅಪ್ಲಿಕೇಶನ್‌ಗಳಿಗೆ ಉಚಿತ ಪ್ರವೇಶವನ್ನು ಪಡೆಯಬಹುದು ಎಂಬುದನ್ನು ನೋಡೋಣ.

ಏರ್‌ಟೆಲ್ 148 ಪ್ಲಾನ್ ವಿವರಗಳು

148 ರೂ. ಗಳ ಈ ಏರ್‌ಟೆಲ್ ಪ್ಲಾನ್‌ನೊಂದಿಗೆ, ನೀವು 15 GB ಹೈ ಸ್ಪೀಡ್ ಡೇಟಾದ ಪ್ರಯೋಜನವನ್ನು ಪಡೆಯುತ್ತೀರಿ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಇದು ಡೇಟಾ ಪ್ಲಾನ್ ಆಗಿದೆ, ಅಂದರೆ ಈ ಯೋಜನೆಯೊಂದಿಗೆ ನೀವು ಕರೆ ಮಾಡುವ ಅಥವಾ SMS ಮಾಡುವ ಪ್ರಯೋಜನವನ್ನು ಪಡೆಯುವುದಿಲ್ಲ.

ಸ್ವದೇಶಿ ಸ್ಮಾರ್ಟ್‌ಫೋನ್ ಲಾವಾ ಸ್ಟೋರ್ಮ್ 5G ಮಾರಾಟ ಆರಂಭ: ಇಂದೇ ಖರೀದಿಸಿ

ಏರ್‌ಟೆಲ್ 148 ಯೋಜನೆ ವ್ಯಾಲಿಡಿಟಿ

148 ರೂ. ಗಳ ಈ ಕೈಗೆಟುಕುವ ಯೋಜನೆಯು ನಿಮ್ಮ ಅಸ್ತಿತ್ವದಲ್ಲಿರುವ ಯೋಜನೆಯ ಮಾನ್ಯತೆಯಷ್ಟೇ ಇರುತ್ತದೆ. ಅಂದರೆ, ನಿಮ್ಮ ಅಸ್ತಿತ್ವದಲ್ಲಿರುವ ಪ್ಲಾನ್‌ನ ವ್ಯಾಲಿಡಿಟಿಯು ಫೆಬ್ರವರಿ 1 ರವರೆಗೆ ಇದ್ದರೆ ಮತ್ತು ನೀವು ಈ 148 ರೂಪಾಯಿಗಳ ಈ ರೀಚಾರ್ಜ್ ಯೋಜನೆಯನ್ನು ಇಂದು ಖರೀದಿಸಿದರೆ, ಈ ಪ್ಲಾನ್ 1 ನೇ ಫೆಬ್ರವರಿ 2024 ರವರೆಗೆ ಮಾನ್ಯವಾಗಿರುತ್ತದೆ.

ಹೆಚ್ಚುವರಿ ಪ್ರಯೋಜನಗಳು

148 ರೂ. ಗಳ ಏರ್‌ಟೆಲ್ ಪ್ರಿಪೇಯ್ಡ್ ಪ್ಲಾನ್‌ನೊಂದಿಗೆ, ಸೋನಿ LIV, ಲಯನ್ಸ್​ಗೇಟ್ ಪ್ಲೇ, ಫ್ಯಾನ್​ಕೋಡ್, ಎರಾಸ್ ನೌ, Hoichoi ಮತ್ತು ಮನೋರಮಾ ಮ್ಯಾಕ್ಸ್ ನಂತಹ ಒಟಿಟಿ ಪ್ಲಾಟ್‌ಫಾರ್ಮ್‌ಗಳಿಗೆ ಉಚಿತ ಪ್ರವೇಶವನ್ನು ನೀಡಲಾಗುತ್ತದೆ. ಈ ಪ್ಲಾನ್‌ನೊಂದಿಗೆ 15 GB ಡೇಟಾ ಲಭ್ಯವಿದೆ, ಆದರೆ ಡೇಟಾ ಖಾಲಿಯಾದ ನಂತರ ಪ್ರತಿ MB ಗೆ 50 ಪೈಸೆ ವಿಧಿಸಲಾಗುತ್ತದೆ.

ಜಿಯೋ 148 ಯೋಜನೆ

ಏರ್‌ಟೆಲ್‌ಗೆ ಪೈಪೋಟಿ ನೀಡಲು, ರಿಲಯನ್ಸ್ ಜಿಯೋ ರೂ. 148 ಡೇಟಾ ಯೋಜನೆಯನ್ನು ಹೊಂದಿದೆ. ಈ ಯೋಜನೆಯಲ್ಲಿ ನೀವು 15 ಕ್ಕೆ ಬದಲಾಗಿ 10 GB ಡೇಟಾವನ್ನು ಪಡೆಯುತ್ತೀರಿ. ಜಿಯೋ ಅಧಿಕೃತ ಸೈಟ್‌ನಲ್ಲಿ 12 OTT ಅಪ್ಲಿಕೇಶನ್‌ಗಳನ್ನು ಪಟ್ಟಿ ಮಾಡಲಾಗಿದೆ. ಈ ಯೋಜನೆಯು 28 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಇದರಲ್ಲಿ ಸೋನಿ ಲಿವ್, ಝೀ5, ಜಿಯೋ ಸಿನಿಮಾ ಪ್ರೀಮಿಯಂ, ಲಯನ್ಸ್​ಗೇಟ್ ಪ್ಲೇ, ಡಿಸ್ಕವರಿ ಪ್ಲಸ್, ಸ್ ನೆಕ್ಸ್ಟ್, Epic ON ನಂತಹ OTT ಅಪ್ಲಿಕೇಶನ್‌ಗಳಿಗೆ ಉಚಿತ ಪ್ರವೇಶವನ್ನು ನೀಡಲಾಗುತ್ತದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ