Google Pixel 10 vs Google Pixel 9: ಪಿಕ್ಸೆಲ್ 10 vs ಪಿಕ್ಸೆಲ್ 9 ನಡುವಿನ ವ್ಯತ್ಯಾಸವೇನು?, ಯಾವುದು ಖರೀದಿಸಬಹುದು?
ಗೂಗಲ್ ಪಿಕ್ಸೆಲ್ 9 ರ ಅಪ್ಗ್ರೇಡ್ ಆವೃತ್ತಿಯಾದ ಗೂಗಲ್ ಪಿಕ್ಸೆಲ್ 10 ಅನ್ನು ಗ್ರಾಹಕರಿಗಾಗಿ ಕಂಪನಿ ಬಿಡುಗಡೆ ಮಾಡಲಾಗಿದೆ. ಆದರೆ ಎರಡು ಮಾದರಿಗಳ ನಡುವಿನ ವ್ಯತ್ಯಾಸವೇನು? ಇದನ್ನು ಅರ್ಥಮಾಡಿಕೊಳ್ಳುವುದು ಸಹ ಮುಖ್ಯವಾಗಿದೆ, ಎರಡರ ನಡುವಿನ ವ್ಯತ್ಯಾಸವನ್ನು ತಿಳಿದ ನಂತರವೇ, ನಿಮ್ಮ ಬಜೆಟ್ ಮತ್ತು ಅಗತ್ಯಕ್ಕೆ ಅನುಗುಣವಾಗಿ ಸರಿಯಾದ ಫೋನ್ ಎಂಬುದನ್ನು ಆಯ್ಕೆ ಮಾಡಿ.
ಬೆಂಗಳೂರು (ಆ. 22): ಗೂಗಲ್ನ (Google) ಹೊಸ ಸ್ಮಾರ್ಟ್ಫೋನ್ ಗೂಗಲ್ ಪಿಕ್ಸೆಲ್ 10 ಸರಣಿಯನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಸರಣಿಯಲ್ಲಿ ಬಿಡುಗಡೆಯಾದ ಪಿಕ್ಸೆಲ್ 10 ಹಲವು ಪ್ರಮುಖ ವೈಶಿಷ್ಟ್ಯಗಳನ್ನು ಹೊಂದಿದೆ. ನೀವು ಪಿಕ್ಸೆಲ್ ಸ್ಮಾರ್ಟ್ಫೋನ್ನ ಅಭಿಮಾನಿಯಾಗಿದ್ದರೆ, ಈ ಇತ್ತೀಚಿನ ಪಿಕ್ಸೆಲ್ ಸ್ಮಾರ್ಟ್ಫೋನ್ ಖರೀದಿಸುವ ಮೊದಲು, ಪಿಕ್ಸೆಲ್ 9 ಮತ್ತು ಪಿಕ್ಸೆಲ್ 10 ನಡುವಿನ ವ್ಯತ್ಯಾಸವೇನು ಎಂದು ತಿಳಿದುಕೊಳ್ಳಿ. ಎರಡೂ ಮಾದರಿಗಳ ನಡುವಿನ ವ್ಯತ್ಯಾಸವನ್ನು ತಿಳಿದ ಬಳಿಕ ನೀವು ಯಾವ ಫೋನ್ ಖರೀದಿ ಮಾಡಲು ಬಯಸುತ್ತೀರಿ ಎಂಬುದನ್ನು ನಿರ್ಧರಿಸಿ.
ಗೂಗಲ್ ಪಿಕ್ಸೆಲ್ 9 vs ಪಿಕ್ಸೆಲ್ 10 ಫೀಚರ್ಸ್
ಡಿಸ್ಪ್ಲೇ: ಗೂಗಲ್ ಪಿಕ್ಸೆಲ್ 9 ಮತ್ತು ಪಿಕ್ಸೆಲ್ 10 6.3-ಇಂಚಿನ OLED ಡಿಸ್ಪ್ಲೇಯನ್ನು ಹೊಂದಿದ್ದು ಅದು 60 ರಿಂದ 120 Hz ವರೆಗೆ ರಿಫ್ರೆಶ್ ದರವನ್ನು ಬೆಂಬಲಿಸುತ್ತದೆ. ಹೊಳಪಿನಲ್ಲಿ ನೀವು ದೊಡ್ಡ ವ್ಯತ್ಯಾಸವನ್ನು ನೋಡುತ್ತೀರಿ, ಪಿಕ್ಸೆಲ್ 10 ನಿಮಗೆ 3000 nits ಗರಿಷ್ಠ ಹೊಳಪನ್ನು ನೀಡುತ್ತದೆ ಮತ್ತು ಪಿಕ್ಸೆಲ್ 9 ನಿಮಗೆ 2700 nits ಗರಿಷ್ಠ ಹೊಳಪನ್ನು ನೀಡುತ್ತದೆ.
ಬ್ಯಾಟರಿ: ಪಿಕ್ಸೆಲ್ 10 ಶಕ್ತಿಶಾಲಿ 4970mAh ಬ್ಯಾಟರಿಯನ್ನು ಹೊಂದಿದ್ದು, ಇದು 30W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ. ಈ ಫೋನ್ 15W Qi2 ವೈರ್ಲೆಸ್ ಚಾರ್ಜಿಂಗ್ ಅನ್ನು ಸಹ ಬೆಂಬಲಿಸುತ್ತದೆ. ಮತ್ತೊಂದೆಡೆ, ಪಿಕ್ಸೆಲ್ 9 ಶಕ್ತಿಶಾಲಿ 4700mAh ಬ್ಯಾಟರಿಯನ್ನು ಹೊಂದಿದ್ದು, ಇದು 27W ವೈರ್ಡ್ ಮತ್ತು 15W ವೈರ್ಲೆಸ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.
ಚಿಪ್ಸೆಟ್: ಪಿಕ್ಸೆಲ್ 10 ವೇಗ ಮತ್ತು ಬಹುಕಾರ್ಯಕಕ್ಕಾಗಿ 3nm ಆಧಾರಿತ ಟೆನ್ಸರ್ G5 ಪ್ರೊಸೆಸರ್ನೊಂದಿಗೆ ಟೈಟಾನ್ M2 ಭದ್ರತಾ ಚಿಪ್ ಅನ್ನು ಹೊಂದಿದೆ. ಇತ್ತ, ನಾವು ಪಿಕ್ಸೆಲ್ 9 ಬಗ್ಗೆ ಮಾತನಾಡಿದರೆ, ಈ ಹ್ಯಾಂಡ್ಸೆಟ್ನಲ್ಲಿ ಟೆನ್ಸರ್ G4 ಪ್ರೊಸೆಸರ್ ಅನ್ನು ಬಳಸಲಾಗಿದೆ. ಪಿಕ್ಸೆಲ್ 10 ನಲ್ಲಿ ಬಳಸಲಾದ ಪ್ರೊಸೆಸರ್ ಹಿಂದಿನ ಪ್ರೊಸೆಸರ್ಗಿಂತ ಶೇಕಡಾ 34 ರಷ್ಟು ವೇಗವಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.
Apple Hebbal: ಬೆಂಗಳೂರಿನಲ್ಲಿ ಆಪಲ್ನ ಮೊದಲ ಚಿಲ್ಲರೆ ಅಂಗಡಿ: ಈ ದಿನಾಂಕದಂದು ಉದ್ಘಾಟನೆ
ಕ್ಯಾಮೆರಾ: ಗೂಗಲ್ ಪಿಕ್ಸೆಲ್ 10 ಫೋನ್ನಲ್ಲಿ 48 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ, 13 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆಂಗಲ್ ಕ್ಯಾಮೆರಾ ಸೆನ್ಸಾರ್ ಹೊಂದಿದ್ದರೆ, ಪಿಕ್ಸೆಲ್ 9 ಫೋನ್ನಲ್ಲಿ 50 ಮೆಗಾಪಿಕ್ಸೆಲ್ ಪ್ರಾಥಮಿಕ ಮತ್ತು 48 ಅಲ್ಟ್ರಾ ವೈಡ್ ಆಂಗಲ್ ಲೆನ್ಸ್ ಹೊಂದಿದೆ. ಮುಂಭಾಗದ ಕ್ಯಾಮೆರಾದ ಬಗ್ಗೆ ಹೇಳುವುದಾದರೆ, ಎರಡೂ ಮಾದರಿಗಳು 10.5 ಮೆಗಾಪಿಕ್ಸೆಲ್ ಸೆಲ್ಫೀ ಕ್ಯಾಮೆರಾ ಸೆನ್ಸಾರ್ ಹೊಂದಿವೆ.
ಭಾರತದಲ್ಲಿ ಗೂಗಲ್ ಪಿಕ್ಸೆಲ್ 10 ಬೆಲೆ vs ಪಿಕ್ಸೆಲ್ 9 ಬೆಲೆ
ಈ ಪಿಕ್ಸೆಲ್ ಸ್ಮಾರ್ಟ್ಫೋನ್ನ 256 GB ರೂಪಾಂತರದ ಬೆಲೆಯನ್ನು 79,999 ರೂ. ಗಳಿಗೆ ನಿಗದಿಪಡಿಸಲಾಗಿದೆ, ಈ ಹ್ಯಾಂಡ್ಸೆಟ್ನ ಒಂದೇ ರೂಪಾಂತರವನ್ನು ಬಿಡುಗಡೆ ಮಾಡಲಾಗಿದೆ. ಮತ್ತೊಂದೆಡೆ, ಪಿಕ್ಸೆಲ್ 9 ರ 256 GB ರೂಪಾಂತರವನ್ನು ಫ್ಲಿಪ್ಕಾರ್ಟ್ನಲ್ಲಿ 64,999 ರೂ. ಗಳಿಗೆ ಮಾರಾಟ ಮಾಡಲಾಗುತ್ತಿದೆ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ