AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Huawei Watch Buds 2-in-1: ಸ್ಮಾರ್ಟ್​ವಾಚ್​ನಲ್ಲಿಯೇ ಲಭ್ಯವಾಗುತ್ತಿದೆ ಆಕರ್ಷಕ ಇಯರ್​ಬಡ್ಸ್!

ಸ್ಮಾರ್ಟ್​ವಾಚ್ ಮತ್ತು ಇಯರ್​​ಬಡ್ಸ್ ಗ್ಯಾಜೆಟ್ ಮಾರುಕಟ್ಟೆಯ ಈಗಿನ ಟ್ರೆಂಡ್. ಅದರಲ್ಲೂ ಯುವಜನತೆ, ಸ್ಟೈಲಿಶ್ ಆಗಿ ಕಾಣಬಯಸುವ ಜತೆಗೆ, ಫಿಟ್ನೆಸ್ ಕಾಳಜಿ, ಆರೋಗ್ಯ, ದೇಹದ ಸ್ಥಿತಿಗತಿಯನ್ನು ಸ್ಮಾರ್ಟ್​ ಆಗಿ ಟ್ರ್ಯಾಕ್ ಮಾಡಲು ಸ್ಮಾರ್ಟ್​ಗ್ಯಾಜೆಟ್​ ಬಳಸುತ್ತಾರೆ. ಉಳಿದಂತೆ, ಫೋನ್ ಕರೆ, ನೋಟಿಫಿಕೇಶನ್, ಟೈಮರ್, ರಿಮೈಂಡರ್ ಹೀಗೆ ಹತ್ತು ಹಲವು ಪ್ರಯೋಜನಗಳನ್ನು ಸ್ಮಾರ್ಟ್​ವಾಚ್ ನೀಡುತ್ತದೆ. ಈ ಬಾರಿ ಹುವೈ, ಸ್ಮಾರ್ಟ್​ವಾಚ್ ಜತೆಗೇ, ಇಯರ್​ಬಡ್ಸ್ ಕೂಡ ನೀಡಿದೆ.

Huawei Watch Buds 2-in-1: ಸ್ಮಾರ್ಟ್​ವಾಚ್​ನಲ್ಲಿಯೇ ಲಭ್ಯವಾಗುತ್ತಿದೆ ಆಕರ್ಷಕ ಇಯರ್​ಬಡ್ಸ್!
ಹುವೈ ವಾಚ್ ಬಡ್ಸ್ 2 ಇನ್ 1
ಕಿರಣ್​ ಐಜಿ
|

Updated on:Feb 17, 2023 | 4:46 PM

Share

ಟೆಕ್ ಲೋಕದಲ್ಲಿ ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಸದ್ದು ಮಾಡುತ್ತಿರುವುದು ಸ್ಮಾರ್ಟ್​ವಾಚ್ ಮತ್ತು ಇಯರ್​ಬಡ್ಸ್. ಹೊಸ ವಿನ್ಯಾಸ ಮತ್ತು ಫೀಚರ್ ಸಹಿತ ಮಾರುಕಟ್ಟೆಗೆ ಬರುತ್ತಿರುವ ಅವುಗಳನ್ನು ಖರೀದಿಸಲು ಜನರು ಹೆಚ್ಚು ಉತ್ಸಾಹ ತೋರುತ್ತಿದ್ದಾರೆ. ಚೀನಾ ಮೂಲದ ಹುವೈ, ಇಂಗ್ಲೆಂಡ್​ನಲ್ಲಿ ಹುವೈ ವಾಚ್ ಬಡ್ಸ್ 2 ಇನ್ 1(Huawei Watch Buds 2 in 1) ಸ್ಮಾರ್ಟ್​ವಾಚ್ ಅನ್ನು ಬಿಡುಗಡೆ ಮಾಡಿದೆ. ಸ್ಮಾರ್ಟ್​ವಾಚ್ ಜತೆಗೇ, ಅದರಲ್ಲಿಯೇ ಇಯರ್​ಬಡ್ಸ್ ಇರುವ ಆಕರ್ಷಕ ವಿನ್ಯಾಸವನ್ನು ಹುವೈ ಪರಿಚಯಿಸಿದೆ. ವೃತ್ತಾಕಾರದ ವಿನ್ಯಾಸ ಮತ್ತು ಲೆದರ್ ಸ್ಟ್ರಾಪ್ ಹೊಸ ಹುವೈ ವಾಚ್ ಬಡ್ಸ್ ಸ್ಮಾರ್ಟ್​ವಾಚ್ ವಿಶೇಷತೆಯಾಗಿದೆ.

ಹುವೈ ವಾಚ್ ಬಡ್ಸ್ 2 ಇನ್ 1 ವಿಶೇಷತೆಗಳೇನು?

ಸ್ಮಾರ್ಟ್​ವಾಚ್ ಒಂದು, ಇಯರ್​ಬಡ್ಸ್ ಇನ್ನೊಂದು ಎಂದು ಪ್ರತ್ಯೇಕವಾಗಿ ಇನ್ನು ಒಯ್ಯಬೇಕಿಲ್ಲ. ಬದಲಿಗೆ, ಇಯರ್​ಬಡ್ಸ್ ಈಗ ಸ್ಮಾರ್ಟ್​ವಾಚ್​ನಲ್ಲಿಯೇ ಇರಲಿದೆ. ಅದಕ್ಕಾಗಿಯೇ ಹುವೈ, ಆಕರ್ಷಕ ವಿನ್ಯಾಸದ ವಾಚ್ ಬಡ್ಸ್ ಬಿಡುಗಡೆ ಮಾಡಿದೆ. ಅಂದರೆ, ಹುವೈ ಸ್ಮಾರ್ಟ್​​ವಾಚ್ (Huawei Smartwatch) ಜತೆಗೇ ಇಯರ್​ಬಡ್ಸ್​ ಇರಲಿದೆ. ಸ್ಮಾರ್ಟ್​ವಾಚ್ ವೃತ್ತಾಕಾರದ ಡಯಲ್ ಕೆಳಭಾಗದಲ್ಲಿ ಇಯರ್​ಬಡ್ಸ್ ಇರಿಸಲು ವ್ಯವಸ್ಥೆ ಇದೆ. ಮ್ಯಾಗ್ನೆಟ್ ಕ್ಯಾಪ್ ತೆರೆದಾಗ, ಅಲ್ಲಿ ಬಡ್ಸ್ ಇರಲಿದೆ. ಅವುಗಳನ್ನು ಬಳಸಿ, ಮತ್ತೆ ಅಲ್ಲಿಯೇ ಇರಿಸಿದರೆ, ಚಾರ್ಜ್ ಆಗಲಿದೆ.

1.43 ಇಂಚಿನ ಅಮೊಲೆಡ್ ಡಿಸ್​ಪ್ಲೇ ಇರುವ ಹುವೈ ಸ್ಮಾರ್ಟ್​ವಾಚ್​ನಲ್ಲಿ ಬ್ಲೂಟೂತ್ ಕಾಲಿಂಗ್ ವ್ಯವಸ್ಥೆ ಇದೆ. ಅದರ ಜತೆಗೇ, IP54 ರೇಟಿಂಗ್​ನ ವಾಟರ್ ಪ್ರೂಫ್ ಮತ್ತು ಡಸ್ಟ್ ರೆಸಿಸ್ಟ್ ವ್ಯವಸ್ಥೆ ಇದ್ದು, ಹೊರಗಡೆ ಯಾವುದೇ ಸಮಸ್ಯೆಯಿಲ್ಲದೇ ಬಳಸಬಹುದು ಎಂದು ಕಂಪನಿ ಹೇಳಿದೆ. ಒಮ್ಮೆ ಪೂರ್ತಿ ಚಾರ್ಜ್ ಮಾಡಿದರೆ, 3 ದಿನ ಸ್ಮಾರ್ಟ್​ವಾಚ್ ಬ್ಯಾಟರಿ ಬಾಳಿಕೆ ಹಾಗೂ 4 ಗಂಟೆಯವರೆಗೆ ಇಯರ್​ಬಡ್ಸ್ ಬ್ಯಾಟರಿ ಬಾಳಿಕೆ ಬರುತ್ತದೆ. ಫಿಟ್ನೆಸ್ ಮತ್ತು ಆರೋಗ್ಯದ ಕಾಳಜಿ ವಹಿಸುವವರಿಗೆ ಹಾಗೂ ಇಯರ್​ಬಡ್ಸ್ ಕೂಡ ಜತೆಗೇ ಇರಬೇಕು ಎನ್ನುವವರಿಗೆ ಹುವೈ ವಾಚ್ ಬಡ್ಸ್ 2 ಇನ್ 1 ಸ್ಮಾರ್ಟ್​ವಾಚ್ ಉತ್ತಮ ಆಯ್ಕೆಯಾಗಿರಲಿದೆ.

ಹುವೈ ವಾಚ್ ಬಡ್ಸ್ 2 ಇನ್ 1 ಬೆಲೆ ಎಷ್ಟಿದೆ?

ನೂತನ ಸ್ಮಾರ್ಟ್​ವಾಚ್ ದರ ಇಂಗ್ಲೆಂಡ್ ಮಾರುಕಟ್ಟೆಯಲ್ಲಿ 449.99 ಪೌಂಡ್ ಇದೆ. ಭಾರತದ ಮಾರುಕಟ್ಟೆಗೆ ಹೋಲಿಸಿದರೆ, ಅಂದಾಜು ₹45,000 ದರವಿರಲಿದೆ. ಅಲ್ಲಿ ಈಗಾಗಲೇ ಪ್ರಿ-ಆರ್ಡರ್ ಆರಂಭವಾಗಿದ್ದು, ಮಾರ್ಚ್ 1ರಿಂದ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ. ಭಾರತದಲ್ಲಿ ಯಾವಾಗ ಬಿಡುಗಡೆ ಮತ್ತು ದರ ಎಷ್ಟಿರಲಿದೆ ಎನ್ನುವುದನ್ನು ಕಂಪನಿ ಬಹಿರಂಗಪಡಿಸಿಲ್ಲ.

Published On - 4:46 pm, Fri, 17 February 23

ಕಾರ್ ರೇಸಿಂಗ್ ಕ್ಷೇತ್ರಕ್ಕೆ ಸುದೀಪ್ ಎಂಟ್ರಿ; ಮಾಹಿತಿ ನೀಡಿದ ಕಿಚ್ಚ
ಕಾರ್ ರೇಸಿಂಗ್ ಕ್ಷೇತ್ರಕ್ಕೆ ಸುದೀಪ್ ಎಂಟ್ರಿ; ಮಾಹಿತಿ ನೀಡಿದ ಕಿಚ್ಚ
ಬೇರೆ ಬೇರೆ ಪಕ್ಷಗಳ ದೊಡ್ಡ ನಾಯಕರು ಜೆಡಿಎಸ್ ಮೂಲಕ ಬೆಳೆದವರು: ಶಾಸಕ
ಬೇರೆ ಬೇರೆ ಪಕ್ಷಗಳ ದೊಡ್ಡ ನಾಯಕರು ಜೆಡಿಎಸ್ ಮೂಲಕ ಬೆಳೆದವರು: ಶಾಸಕ
ಜಬಲ್ಪುರದಲ್ಲಿ ನದಿಯಲ್ಲಿ ಕೊಚ್ಚಿ ಹೋದ ಎಲ್‌ಪಿಜಿ ಸಿಲಿಂಡರ್ ತುಂಬಿದ ಟ್ರಕ್
ಜಬಲ್ಪುರದಲ್ಲಿ ನದಿಯಲ್ಲಿ ಕೊಚ್ಚಿ ಹೋದ ಎಲ್‌ಪಿಜಿ ಸಿಲಿಂಡರ್ ತುಂಬಿದ ಟ್ರಕ್
ಜಲಾಶಯದಲ್ಲಿ ಹೆಚ್ಚು ನೀರು ಸ್ಟೋರ್ ಮಾಡಲಾಗಲ್ಲ, ಹರಿಬಿಡುವುದು ಅನಿವಾರ್ಯ
ಜಲಾಶಯದಲ್ಲಿ ಹೆಚ್ಚು ನೀರು ಸ್ಟೋರ್ ಮಾಡಲಾಗಲ್ಲ, ಹರಿಬಿಡುವುದು ಅನಿವಾರ್ಯ
ಗುಜರಾತ್​ನ ಖೇಡಾದಲ್ಲಿ ಬೆಂಕಿ ಅವಘಡ; ಹೊತ್ತಿ ಉರಿದ ಅಕ್ಕಿ ಗಿರಣಿ
ಗುಜರಾತ್​ನ ಖೇಡಾದಲ್ಲಿ ಬೆಂಕಿ ಅವಘಡ; ಹೊತ್ತಿ ಉರಿದ ಅಕ್ಕಿ ಗಿರಣಿ
ಕೇಂದ್ರದಲ್ಲಿ ಇನ್ಯಾವತ್ತೂ ಕಾಂಗ್ರೆಸ್ ಅಧಿಕಾರಕ್ಕೆ ಬರಲಾರದು: ಜೋಶಿ
ಕೇಂದ್ರದಲ್ಲಿ ಇನ್ಯಾವತ್ತೂ ಕಾಂಗ್ರೆಸ್ ಅಧಿಕಾರಕ್ಕೆ ಬರಲಾರದು: ಜೋಶಿ
ರಂಗನಾಥ್ ಆತ್ಮಹತ್ಯೆ ಮಾಡಿಕೊಳ್ಳುವ ಪ್ರಮೇಯ ಉದ್ಭವಿಸಲ್ಲ: ಸುರೇಶ್ ಗೌಡ
ರಂಗನಾಥ್ ಆತ್ಮಹತ್ಯೆ ಮಾಡಿಕೊಳ್ಳುವ ಪ್ರಮೇಯ ಉದ್ಭವಿಸಲ್ಲ: ಸುರೇಶ್ ಗೌಡ
ಕಾರ್ ರೇಸಿಂಗ್ ತಂಡಕ್ಕೆ ಕಿಚ್ಚ ಸುದೀಪ್ ಮಾಲೀಕ; ಸುದ್ದಿಗೋಷ್ಠಿ ಲೈವ್ ನೋಡಿ..
ಕಾರ್ ರೇಸಿಂಗ್ ತಂಡಕ್ಕೆ ಕಿಚ್ಚ ಸುದೀಪ್ ಮಾಲೀಕ; ಸುದ್ದಿಗೋಷ್ಠಿ ಲೈವ್ ನೋಡಿ..
ರವಿಕುಮಾರ್ ವಿಷಯವನ್ನು ಕಾನೂನು ಇಲಾಖೆ ನೋಡಿಕೊಳ್ಳುತ್ತದೆ: ಸಿದ್ದರಾಮಯ್ಯ
ರವಿಕುಮಾರ್ ವಿಷಯವನ್ನು ಕಾನೂನು ಇಲಾಖೆ ನೋಡಿಕೊಳ್ಳುತ್ತದೆ: ಸಿದ್ದರಾಮಯ್ಯ
ಕೋವಿಡ್ ಲಸಿಕೆ ಹಾಕಿಸಿಕೊಳ್ಳಿ ಎಂದ ಸಿದ್ದರಾಮಯ್ಯಗೆ ಈಗ ಅದರ ಮೇಲೆಯೇ ಶಂಕೆ
ಕೋವಿಡ್ ಲಸಿಕೆ ಹಾಕಿಸಿಕೊಳ್ಳಿ ಎಂದ ಸಿದ್ದರಾಮಯ್ಯಗೆ ಈಗ ಅದರ ಮೇಲೆಯೇ ಶಂಕೆ