ಸ್ಯಾಮ್ಸಂಗ್ ಸ್ಮಾರ್ಟ್ಫೋನ್ ಬಳಕೆದಾರರಿಗೆ ಸರ್ಕಾರದಿಂದ ಅಲರ್ಟ್: ತಕ್ಷಣವೇ ಹೀಗೆ ಮಾಡಿ
Samsung Mobile Phone Users Alert: ಸ್ಯಾಮ್ಸಂಗ್ ಬಳಕೆದಾರರು ತಮ್ಮ ಸ್ಮಾರ್ಟ್ಫೋನ್ಗಳನ್ನು ಅಪ್ಡೇಟ್ ಮಾಡದಿದ್ದಲ್ಲಿ ಹ್ಯಾಕರ್ಗಳು ಬಳಕೆದಾರರಿಗೆ ತಿಳಿಯದಂತೆ ಅವರ ವೈಯಕ್ತಿಕ ಡೇಟಾವನ್ನು ಕದಿಯುವ ಸಂಭವವಿದೆ. ಆದ್ದರಿಂದ ಫೋನ್ ಸೆಟ್ಟಿಂಗ್‌ಗೆ ತೆರಳಿ ಇತ್ತೀಚಿನ ಸಾಫ್ಟ್‌ವೇರ್ ಅಪ್ಡೇಟ್ ಮಾಡಿ ಎಂದು ತಿಳಿಸಿದೆ.
Updated on: Dec 16, 2023 | 12:42 PM
ಸ್ಯಾಮ್ಸಂಗ್ (Samsung) ಸ್ಮಾರ್ಟ್ಫೋನ್ ಬಳಕೆದಾರರಿಗೆ ಕೇಂದ್ರ ಸರ್ಕಾರ ಎಚ್ಚರಿಕೆಯ ಸಂದೇಶ ರವಾನಿಸಿದೆ. ಕೇಂದ್ರ ಸರ್ಕಾರದ ಸೈಬರ್ ಸೆಕ್ಯುರಿಟಿ ಏಜೆನ್ಸಿಯು ಕಂಪನಿಯ ಸ್ಯಾಮ್ಸಂಗ್ ಸ್ಮಾರ್ಟ್ಫೋನ್ಗಳಲ್ಲಿ ಭದ್ರತಾ ಲೋಪವನ್ನು ಗುರುತಿಸಿದ್ದು, ತಕ್ಷಣವೇ ತಮ್ಮ ಫೋನ್‌ಗಳನ್ನು ಅಪ್ಡೇಟ್ ಮಾಡುವಂತೆ ಸೂಚಿಸಿದೆ. ಆಂಡ್ರಾಯ್ಡ್ 11, 12, 13 ಮತ್ತು 14 ಓಎಸ್ ಹೊಂದಿರುವ ಸ್ಯಾಮ್ಸಂಗ್ ಫೋನ್‌ಗಳಲ್ಲಿ ಭದ್ರತಾ ದೋಷವಿದೆ ಎಂದು ಸೈಬರ್ ಸೆಕ್ಯುರಿಟಿ ಏಜೆನ್ಸಿ ಹೇಳಿದೆ.
ಸ್ಯಾಮ್ಸಂಗ್ ಬಳಕೆದಾರರು ತಮ್ಮ ಸ್ಮಾರ್ಟ್ಫೋನ್ಗಳನ್ನು ಅಪ್ಡೇಟ್ ಮಾಡದಿದ್ದಲ್ಲಿ ಹ್ಯಾಕರ್ಗಳು ಬಳಕೆದಾರರಿಗೆ ತಿಳಿಯದಂತೆ ಅವರ ವೈಯಕ್ತಿಕ ಡೇಟಾವನ್ನು ಕದಿಯುವ ಸಂಭವವಿದೆ. ಹೀಗಾಗಿ ಐಟಿ ಸಚಿವಾಲಯದ Cert-In (CERT-In) ನಿಮ್ಮ ಸ್ಮಾರ್ಟ್ಫೋನ್ ಅನ್ನು ಇತ್ತೀಚಿನ ಭದ್ರತೆಯೊಂದಿಗೆ ತಕ್ಷಣವೇ ನವೀಕರಿಸಲು ಸೂಚಿಸಿದೆ.
ಕೊನೇ ಹಂತದಲ್ಲಿ ಫ್ಲಿಪ್ಕಾರ್ಟ್ ಇಯರ್ ಎಂಡ್ ಸೇಲ್: ಸ್ಮಾರ್ಟ್ಫೋನ್ಸ್ ಮೇಲಿನ ಆಫರ್ ಮಿಸ್ ಮಾಡ್ಬೇಡಿ
Cert-In ಪ್ರಕಾರ, ನಾಕ್ಸ್ ವೈಶಿಷ್ಟ್ಯಗಳ ಮೇಲಿನ ಕಂಟ್ರೋಲ್, ಫೇಸ್ ರೀಡರ್ ಸಾಫ್ಟ್‌ವೇರ್‌ನಲ್ಲಿನ ದೋಷಗಳು, AR ಎಮೋಜಿ ಅಪ್ಲಿಕೇಶನ್‌ನಲ್ಲಿ ಸಮಸ್ಯೆಗಳು ಮತ್ತು ನಾಕ್ಸ್ ಭದ್ರತಾ ಸಾಫ್ಟ್‌ವೇರ್‌ನಲ್ಲಿ ದೋಷಗಳನ್ನು ಸರಿಪಡಿಸದ ಕಾರಣ ಈ ಸಮಸ್ಯೆ ಉದ್ಭವಿಸಿದೆ. ಈ ನ್ಯೂನತೆಗಳಿಂದಾಗಿ, ದಾಳಿಕೋರರು ಭದ್ರತಾ ಅಡೆತಡೆಗಳನ್ನು ಉಲ್ಲಂಘಿಸುವ ಮತ್ತು ಸೂಕ್ಷ್ಮ ಮಾಹಿತಿಯನ್ನು ಹೊರಹಾಕುವ ಅಪಾಯವಿದೆ ಎಂದು ಹೇಳಿದೆ.
ಸ್ಯಾಮ್ಸಂಗ್ ಸ್ಮಾರ್ಟ್ಫೋನ್ಗಳಲ್ಲಿ ದೋಷಗಳು ಪತ್ತೆಯಾದರೆ, ಹ್ಯಾಕರ್ಗಳು ಮೊಬೈಲ್ನ ಕಂಟ್ರೊಲ್ ತೆಗೆದುಕೊಂಡು ಪಿನ್ ಮತ್ತು AR ಎಮೋಜಿ ಸ್ಯಾಂಡ್‌ಬಾಕ್ಸ್ ಡೇಟಾವನ್ನು ಓದಬಹುದು. ಸಿಸ್ಟಮ್ ಸಮಯವನ್ನು ಬದಲಾಯಿಸುವ ಮೂಲಕ ನಾಕ್ಸ್ ಗಾರ್ಡ್ ಲಾಕ್ ಅನ್ನು ಬೈಪಾಸ್ ಮಾಡಬಹುದು. ಫೈಲ್‌ಗಳು ಮತ್ತು ಸೂಕ್ಷ್ಮ ಮಾಹಿತಿ ಸೋರಿಕೆಯಾಗುವ ಅಪಾಯವಿದೆ ಎಂದು ಸೆರ್ಟ್-ಇನ್ ಹೇಳಿದೆ.
ಸೈಬರ್ ಸೆಕ್ಯುರಿಟಿ ಏಜೆನ್ಸಿಯ ಪ್ರಕಾರ, ಸ್ಯಾಮ್ಸಂಗ್ನ ಇತ್ತೀಚಿನ ಫೋನ್‌ಗಳಾದ ಗ್ಯಾಲಕ್ಸಿ S23, ಗ್ಯಾಲಕ್ಸಿ ಫ್ಲಿಪ್ 5 ಮತ್ತು ಗ್ಯಾಲಕ್ಸಿ ಫೋಲ್ಡ್ 5 ಸೇರಿದಂತೆ ಆಂಡ್ರಾಯ್ಡ್ 11, 12, 13, 14 ನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸ್ಮಾರ್ಟ್ಫೋನ್ಗಳ ಪರಿಣಾಮ ಬೀರುತ್ತವೆ. ಆದ್ದರಿಂದ ಫೋನ್ ಸೆಟ್ಟಿಂಗ್‌ಗೆ ತೆರಳಿ ಇತ್ತೀಚಿನ ಸಾಫ್ಟ್‌ವೇರ್ ಅಪ್ಡೇಟ್ ಮಾಡಿ ಎಂದು ತಿಳಿಸಿದೆ. ಭವಿಷ್ಯದಲ್ಲಿ ಇಂತಹ ಅಪಾಯವನ್ನು ತಪ್ಪಿಸಲು ಫೋನ್ ಅನ್ನು ಕಾಲಕಾಲಕ್ಕೆ ನವೀಕರಿಸಲು ಟೆಕ್ ತಜ್ಞರು ಸಲಹೆ ನೀಡಿದ್ದಾರೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
