ಭಾರತದಲ್ಲಿ ಐಫೋನ್ 15, ಐಫೋನ್ 15 ಪ್ಲಸ್ ಬೆಲೆ ಎಷ್ಟು?, ಫೀಚರ್ಸ್ ಏನಿದೆ?: ಇಲ್ಲಿದೆ ಮಾಹಿತಿ

ಆ್ಯಪಲ್ ಕಂಪನಿ ತನ್ನ ವಂಡರ್‌ಲಸ್ಟ್ ಈವೆಂಟ್​ನಲ್ಲಿ ಬಹುನಿರೀಕ್ಷಿತ ಐಫೋನ್ 15 ಸರಣಿಯನ್ನು (iPhone 15 Series) ಅನಾವರಣ ಮಾಡಿದೆ. ಬಿಡುಗಡೆಗೂ ಮುನ್ನ ಸಾಕಷ್ಟು ರೋಚಕತೆ ಸೃಷ್ಟಿಸಿದ್ದ ನೂತನ ಐಫೋನ್​ನಲ್ಲಿ ನಾಲ್ಕು ಹೊಸ ಮಾದರಿಗಳಿವೆ. ಇವು ಐಫೋನ್ 15, ಐಫೋನ್ 15 ಪ್ಲಸ್, ಐಫೋನ್ 15 ಪ್ರೊ ಮತ್ತು ಐಫೋನ್ 15 ಪ್ರೊ ಮ್ಯಾಕ್ಸ್ ಆಗಿದೆ. ಸದ್ಯ ಐಫೋನ್ 15 ಹಾಗೂ ಐಫೋನ್ 15 ಪ್ಲಸ್ ಸ್ಮಾರ್ಟ್​ಫೋನ್​ನ ಬೆಲೆ ಎಷ್ಟು, ಇದರಲ್ಲಿ ಏನೆಲ್ಲ ಫೀಚರ್ಸ್ ನೀಡಲಾಗಿದೆ ಎಂಬುದನ್ನು ನೋಡೋಣ.

ಭಾರತದಲ್ಲಿ ಐಫೋನ್ 15 ಮತ್ತು ಐಫೋನ್ 15 ಪ್ಲಸ್ ಬೆಲೆ:

• ಐಫೋನ್ 15- 128GB- 79,900 ರೂ.
• ಐಫೋನ್ 15- 256GB- 89,900 ರೂ.
• ಐಫೋನ್ 15- 512GB- 1,09,900 ರೂ.
• ಐಫೋನ್ 15 ಪ್ಲಸ್- 128GB – 89,900 ರೂ.
• ಐಫೋನ್ 15 ಪ್ಲಸ್- 256GB – 99,900 ರೂ.
• ಐಫೋನ್ 15 ಪ್ಲಸ್- 512GB – 1,19,900 ರೂ.ನೀವು ಐಫೋನ್ 15 ಮತ್ತು ಐಫೋನ್ 15 ಪ್ಲಸ್ ಅನ್ನು ಸೆಪ್ಟೆಂಬರ್ 15 ಸಂಜೆ 5:30 ರಿಂದ ಭಾರತದಲ್ಲಿ ಮುಂಗಡವಾಗಿ ಆರ್ಡರ್ ಮಾಡಬಹುದು, ಮಾರಾಟವು ಸೆಪ್ಟೆಂಬರ್ 22 ರಿಂದ ಪ್ರಾರಂಭವಾಗುತ್ತದೆ.

ದಿನದಿಂದ ದಿನಕ್ಕೆ ರೋಚಕತೆ ಸೃಷ್ಟಿಸುತ್ತಿದೆ ಗೂಗಲ್ ಪಿಕ್ಸೆಲ್ 8 ಸರಣಿಯ ಸ್ಮಾರ್ಟ್​ಫೋನ್ಸ್

ಐಫೋನ್ 15 ಮತ್ತು ಐಫೋನ್ 15 ಪ್ಲಸ್ ವಿನ್ಯಾಸ:

• ಐಫೋನ್ 15 ಮತ್ತು ಐಫೋನ್ 15 ಪ್ಲಸ್ ಡೈನಾಮಿಕ್ ಐಲ್ಯಾಂಡ್ ಡಿಸ್ ಪ್ಲೇಗಳನ್ನು ಹೊಂದಿದೆ.
• ಆ್ಯಪಲ್ ಅಂತಿಮವಾಗಿ ಲೈಟ್ನಿಂಗ್ ಪೋರ್ಟ್‌ಗೆ ವಿದಾಯ ಹೇಳಿದ್ದು ಐಫೋನ್ 15 ಸರಣಿಯಲ್ಲಿ USB-C ಅನ್ನು ನೀಡುರುವುದು ಮತ್ತೊಂದು ದೊಡ್ಡ ಅಪ್‌ಗ್ರೇಡ್ ಆಗಿದೆ.
• ಐಫೋನ್ 15 ಮತ್ತು ಐಫೋನ್ 15 ಪ್ಲಸ್ ಎರಡೂ OLED ಸೂಪರ್ ರೆಟಿನಾ ಡಿಸ್ ಪ್ಲೇ ಜೊತೆಗೆ 2000 nits ಗರಿಷ್ಠ ಬ್ರೈಟ್​ನೆಸ್ ಹೊಂದಿದೆ.
• ಈ ಎರಡೂ ಫೋನ ಒಟ್ಟು ಐದು ಬಣ್ಣಗಳಲ್ಲಿ ಬರುತ್ತವೆ – ಪಿಂಕ್, ಹಳದಿ, ಹಸಿರು, ನೀಲಿ ಮತ್ತು ಕಪ್ಪು. ಹೊಸ ಐಫೋನ್‌ಗಳು ಟೆಕ್ಸ್ಚರ್ಡ್ ಮ್ಯಾಟ್ ಫಿನಿಶ್ ಮತ್ತು ಸೆರಾಮಿಕ್ ಶೀಲ್ಡ್‌ನಲ್ಲಿ ನೀಡಲಾಗಿದೆ.

ಐಫೋನ್ 15 ಮತ್ತು ಐಫೋನ್ 15 ಪ್ಲಸ್ ಫೀಚರ್ಸ್:

ಡಿಸ್ ಪ್ಲೇ: ಐಫೋನ್ 15 6.1-ಇಂಚಿನ ಸೂಪರ್ ರೆಟಿನಾ XDR OLED ಡಿಸ್ ಪ್ಲೇಯನ್ನು ಹೊಂದಿದೆ, ಆದರೆ ಪ್ಲಸ್ ಮಾದರಿಯು 6.7-ಇಂಚಿನ ದೊಡ್ಡ ಡಿಸ್ ಪ್ಲೇ, 2000 nits ಗರಿಷ್ಠ ಬ್ರೈಟ್​ನೆಸ್ ಹೊಂದಿದೆ. ಆದಾಗ್ಯೂ, ಆಪಲ್ 120Hz ಡಿಸ್ ಪ್ಲೇಗಳನ್ನು ಪ್ರೊ ಮಾದರಿಗಳಿಗೆ ನೀಡಿದ್ದು, ಐಫೋನ್ 15 ಮತ್ತು ಐಫೋನ್ 15 ಪ್ಲಸ್​ನಲ್ಲಿ 60Hz ಅನ್ನು ಇರಿಸಿದೆ.

ಪ್ರೊಸೆಸರ್: ಐಫೋನ್ 15 ಮತ್ತು ಐಫೋನ್ 15 ಪ್ಲಸ್, ಐಫೋನ್ 14 ಪ್ರೊ ಮತ್ತು ಪ್ರೊ ಮ್ಯಾಕ್ಸ್​ನಲ್ಲಿ ಇರುವ A16 ಬಯೋನಿಕ್ ಚಿಪ್‌ನಿಂದ ಚಾಲಿತವಾಗಿದೆ.

ಕ್ಯಾಮೆರಾಗಳು: 48MP ಪ್ರಾಥಮಿಕ ಸಂವೇದಕ ಮತ್ತು 12MP ಟೆಲಿಫೋಟೋ ಲೆನ್ಸ್ ಅನ್ನು ಒಳಗೊಂಡಿರುವ ಐಫೋನ್ 15 ಸರಣಿಯಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಟಪ್ ಇದೆ. ಮುಂಭಾಗದಲ್ಲಿ, 12MP ಮುಂಭಾಗದ ಕ್ಯಾಮೆರಾ ಇದೆ.

ಬ್ಯಾಟರಿ ಬಾಳಿಕೆ: ಐಫೋನ್ 15 ಇಡೀ ದಿನದ ಬ್ಯಾಟರಿ ಅವಧಿಯೊಂದಿಗೆ ಬರುತ್ತದೆ ಎಂದು ಆ್ಯಪಲ್ ಹೇಳಿದೆ, ಆದರೆ ಐಫೋನ್ 15 ಪ್ಲಸ್​ನಲ್ಲಿ ದೊಡ್ಡ ಬ್ಯಾಟರಿ ನೀಡಲಾಗಿದೆ. ನಿಖರವಾದ ಬ್ಯಾಟರಿ ಸಾಮರ್ಥ್ಯವನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲ.

ಕನೆಕ್ಟಿವಿಟಿ: ಐಫೋನ್ 15 ಮತ್ತು ಐಫೋನ್ 15 ಪ್ಲಸ್ ಲೈಟ್ನಿಂಗ್ ಪೋರ್ಟ್ ಬದಲಿಗೆ ಟೈಪ್-ಸಿ ಪೋರ್ಟ್‌ನೊಂದಿಗೆ ಬರುತ್ತದೆ. ಹೆಚ್ಚುವರಿಯಾಗಿ, ಐಫೋನ್‌ಗಳು MagSafe ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತವೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ