Nothing Ear 2: ಗುಣಮಟ್ಟದ ಸಂಗೀತ ಅನುಭವಕ್ಕಾಗಿ ನಥಿಂಗ್ ಇಯರ್ 2
ಸ್ಟೈಲಿಶ್ ಆಗಿ ಪ್ರೀಮಿಯಂ ಸೌಂಡ್ ಅನುಭವ ಪಡೆಯಲು ನಥಿಂಗ್ ಹೊಸ ಇಯರ್ಬಡ್ಸ್ ಪರಿಚಯಿಸಿದೆ. ಭಾರತದ ಮಾರುಕಟ್ಟೆಯಲ್ಲಿ ಪ್ರೀಮಿಯಂ ಸೌಂಡ್ ಕ್ವಾಲಿಟಿಯ ಅನುಭವವನ್ನು ಬಳಕೆದಾರರಿಗೆ ಒದಗಿಸುವುದು ನಥಿಂಗ್ ಕಂಪನಿಯ ಗುರಿಯಾಗಿದೆ. ಜತೆಗೆ, ಪ್ರೀಮಿಯಂ ಸ್ಮಾರ್ಟ್ಫೋನ್ ವಿಭಾಗದಂತೆಯೇ, ಪ್ರೀಮಿಯಂ ಇಯರ್ಬಡ್ಸ್ ವೈಶಿಷ್ಟ್ಯವನ್ನು ನಥಿಂಗ್ ಗ್ರಾಹಕರಿಗೆ ಒದಗಿಸಲಿದೆ ಎಂದು ಕಂಪನಿ ಹೇಳಿದೆ.
ಇಯರ್ಫೋನ್ ಮತ್ತು ಏರ್ಪಾಡ್ಸ್ ವಿಭಾಗದಲ್ಲಿ ಪ್ರೀಮಿಯಂ ಆಗಿರುವ ಗ್ಯಾಜೆಟ್ಗಳ ಬೆಲೆ ಹೆಚ್ಚಿರುತ್ತದೆ. ಸಾಮಾನ್ಯವಾಗಿ ಹೆಚ್ಚಿನ ಗುಣಮಟ್ಟ ಬಯಸಿದರೆ, ಅದಕ್ಕೆ ಹೆಚ್ಚು ಬೆಲೆಯನ್ನೂ ತೆರಬೇಕಾಗುತ್ತದೆ. ಇದೇ ಪರಿಕಲ್ಪನೆಯನ್ನಿಟ್ಟುಕೊಂಡು ಒನ್ಪ್ಲಸ್ ಸಂಸ್ಥಾಪಕರು ಆರಂಭಿಸಿದ ನಥಿಂಗ್ ಬ್ರ್ಯಾಂಡ್, ಹೊಸ ನಥಿಂಗ್ ಇಯರ್ 2(Nothing Ear 2) ಅನ್ನು ಪರಿಚಯಿಸಿದೆ. ನಥಿಂಗ್ ಇಯರ್ 2 ಇಯರ್ಪಾಡ್ಸ್ ಬೆಲೆ, ಲಭ್ಯತೆ ವಿವರ ಇಲ್ಲಿದೆ.
ನಥಿಂಗ್ ಇಯರ್ 2 ಹೊಸ ಬಡ್ಸ್
ಆ್ಯಂಡ್ರಾಯ್ಡ್ ಮಾರುಕಟ್ಟೆಯ ಪ್ರೀಮಿಯಂ ಸ್ಮಾರ್ಟ್ಫೋನ್ ಬ್ರ್ಯಾಂಡ್ ಒನ್ಪ್ಲಸ್(OnePlus) ಸಹಸ್ಥಾಪಕ ಕಾರ್ಲ್ ಪೈ ರೂಪಿಸಿರುವ ನಥಿಂಗ್ ಬ್ರ್ಯಾಂಡ್, ಭಾರತದಲ್ಲಿ ಎರಡನೇ ಇಯರ್ಬಡ್ಸ್ ಮಾದರಿ ಪರಿಚಯಿಸಿದೆ. ಗ್ಯಾಜೆಟ್ ಮಾರುಕಟ್ಟೆಗೆ ನಥಿಂಗ್ ಇಯರ್ 2 ಬಿಡುಗಡೆಯಾಗಿದ್ದು, ಆ್ಯಕ್ಟಿವ್ ನಾಯ್ಸ್ ಕ್ಯಾನ್ಸಲೇಶನ್ ಆಯ್ಕೆಯನ್ನು ಹೊಂದಿದೆ. ಅಲ್ಲದೆ, ಗುಣಮಟ್ಟದ, ಸ್ಪಷ್ಟ ಧ್ವನಿಯನ್ನು ಬಳಕೆದಾರರಿಗೆ ಒದಗಿಸುವುದು ನಮ್ಮ ಗುರಿ ಎಂದು ಕಂಪನಿ ಸಿಇಒ ಕಾರ್ಲ್ ಪೈ ಹೇಳಿದ್ದಾರೆ.
ನಥಿಂಗ್ ಇಯರ್ 2 ಬೆಲೆ ಮತ್ತು ಲಭ್ಯತೆ
ನಥಿಂಗ್ ಇಯರ್ 2 ಬೆಲೆ ದೇಶದಲ್ಲಿ ₹9,999 ಇದೆ. ಫ್ಲಿಪ್ಕಾರ್ಟ್, ಮಿಂತ್ರಾ ಮತ್ತು ಆನ್ಲೈನ್ ಮೂಲಕ ಲಭ್ಯವಿದ್ದು, ಮಾರ್ಚ್ 28ರಿಂದ ಮಾರುಕಟ್ಟೆಯಲ್ಲಿ ದೊರೆಯಲಿದೆ ಎಂದು ನಥಿಂಗ್ ಹೇಳಿದೆ. ನಥಿಂಗ್ ಕಂಪನಿ ಈಗಾಗಲೇ ಭಾರತದಲ್ಲಿ ಎರಡು ಸ್ಮಾರ್ಟ್ಫೋನ್ ಮಾದರಿಗಳನ್ನು ಪರಿಚಯಿಸಿತ್ತು. ಅದಾದ ನಂತರ, ನಥಿಂಗ್ ಇಯರ್ಬಡ್ಸ್ ವಿಭಾಗದಲ್ಲಿ ಎರಡನೇ ಮಾದರಿ ಬಿಡುಗಡೆಯಾಗಿದೆ. ವಿನ್ಯಾಸದಲ್ಲಿ ಈ ಬಾರಿಯೂ ಕಂಪನಿ ವಿಶೇಷತೆಯನ್ನು ಕಾಯ್ದುಕೊಂಡಿದೆ.
ನಥಿಂಗ್ ಇಯರ್ 2 ವಿಶೇಷತೆ
IP54 ವಾಟರ್ ಮತ್ತು ಡಸ್ಟ್ ರೇಟಿಂಗ್ ಹೊಂದಿರುವ ನಥಿಂಗ್ ಇಯರ್ 2 ನಲ್ಲಿ 33mAh ಬ್ಯಾಟರಿ ಸಾಮರ್ಥ್ಯದ ಇಯರ್ಬಡ್ಸ್ ಇದ್ದು, 485mAh ಬ್ಯಾಟರಿ ಕೇಸ್ ಹೊಂದಿದೆ. ಅಲ್ಲದೆ, USB Type-C ಪೋರ್ಟ್, 2.5W ವೈರ್ಲೆಸ್ ಚಾರ್ಜಿಂಗ್ ಪೋರ್ಟ್ ಇದ್ದು, ಕಡಿಮೆ ಅವಧಿಯಲ್ಲೇ ಚಾರ್ಜ್ ಆಗುತ್ತದೆ. Android ಸ್ಮಾರ್ಟ್ಫೋನ್ ಮತ್ತು ಆ್ಯಪಲ್ ಐಫೋನ್ ಜತೆ ನಥಿಂಗ್ ಇಯರ್ 2 ಬಳಸಬಹುದು ಎಂದು ಕಂಪನಿ ಹೇಳಿದೆ.
Published On - 5:58 pm, Thu, 23 March 23