ಕುತೂಹಲ ಕೆರಳಿಸಿದ ಒನ್​ಪ್ಲಸ್ 12 5G ಸ್ಮಾರ್ಟ್​ಫೋನ್: ಬಿಡುಗಡೆ ಯಾವಾಗ?, ಏನಿದೆ ಫೀಚರ್ಸ್?

ಒನ್​ಪ್ಲಸ್ ಕಂಪನಿಯ ಸ್ಮಾರ್ಟ್​ಫೋನ್​ಗಳು ಬಿಡುಗಡೆ ಆಗುತ್ತಿದೆ ಎಂದಾದರೆ ಅದರಲ್ಲಿ ಏನಾದರು ಒಂದು ವಿಶೇಷತೆ ಇದ್ದೇ ಇರುತ್ತದೆ. ಅಪರೂಪಕ್ಕೆ ಆಕರ್ಷಕ ಮೊಬೈಲ್ ಅನ್ನು ಪರಿಚಯಿಸುವ ಒನ್​ಪ್ಲಸ್ ಇದೀಗ ತನ್ನ ಬಲಿಷ್ಠವಾದ ಒನ್​ಪ್ಲಸ್ 12 5ಜಿ (OnePlus 12 5G) ಸ್ಮಾರ್ಟ್​ಫೋನ್ ತಯಾರಿಯಲ್ಲಿದೆ. ಭಾರತದಲ್ಲಿ ಈ ಫೋನ್ ಈ ವರ್ಷಾಂತ್ಯಕ್ಕೆ ಅನಾವರಣಗೊಳ್ಳುವ ಸಾಧ್ಯತೆ ಇದೆ. ಒನ್​ಪ್ಲಸ್ ತನ್ನ ಮೊಟ್ಟ ಮೊದಲ ಒನ್​ಪ್ಲಸ್ ಓಪನ್ ಫೋಲ್ಡಬಲ್ ಫೋನ್ ಅನ್ನು ಮುಂಬರುವ ವಾರಗಳು ಅಥವಾ ತಿಂಗಳುಗಳಲ್ಲಿ ಬಿಡುಗಡೆ ಮಾಡುವ ಆಲೋಚನೆಯಲ್ಲಿರುವ ಕಾರಣ ಒನ್​ಪ್ಲಸ್ 12 5G ರಿಲೀಸ್ ಕೊಂಚ ತಡವಾಗಬಹುದು.

ಒನ್​ಪ್ಲಸ್ 12 5G ಸ್ಮಾರ್ಟ್​ಫೋನ್ ಒನ್​ಪ್ಲಸ್ 11 5G ಯ ಉತ್ತರಾಧಿಕಾರಿಯಾಗಿದೆ. ಒನ್​ಪ್ಲಸ್ 11 5G ಭಾರತದಲ್ಲಿ 56,999 ರೂ. ಗಳಿಂದ ಪ್ರಾರಂಭವಾಗುತ್ತದೆ. ಆದರೆ, ಒನ್​ಪ್ಲಸ್ 12 5G ಎಷ್ಟು ಬೆಲೆ ಹೊಂದಿರಬಹುದು ಎಂಬುದು ತಿಳಿದುಬಂದಿಲ್ಲ. ಕೆಲ ಫೀಚರ್ಸ್ ಕುರಿತ ಮಾಹಿತಿ ಮಾತ್ರ ಸೋರಿಕೆ ಆಗಿದೆ.

ಅತ್ಯಂತ ದುಬಾರಿ ಬೆಲೆಗೆ ಸೇಲ್ ಆಗಲಿದೆ ಒನ್​ಪ್ಲಸ್ ಕಂಪನಿಯ ಮೊಟ್ಟ ಮೊದಲ ಫೋಲ್ಡಬಲ್ ಸ್ಮಾರ್ಟ್‌ಫೋನ್

ಮುಂಬರುವ ಒನ್​ಪ್ಲಸ್ 12 5G ಸ್ಮಾರ್ಟ್‌ಫೋನ್ ಕ್ವಾಲ್ಕಾಮ್‌ನ ಇತ್ತೀಚಿನ ಸ್ನಾಪ್‌ಡ್ರಾಗನ್ ಪ್ರೊಸೆಸರ್‌ ಮೂಲಕ ಕಾರ್ಯನಿರ್ವಹಿಸಲಿದೆ. ಇದು ಕ್ವಾಲ್ಕಾಮ್‌ನ ಮುಂದಿನ-ಜನ್ ಸ್ನಾಪ್‌ಡ್ರಾಗನ್ 8 Gen 3 SoC ಅನ್ನು ಹೊಂದುವ ನಿರೀಕ್ಷೆಯಿದೆ. RAM ಸಾಮರ್ಥ್ಯದಲ್ಲಿ ಹೆಚ್ಚಳವಾಗಬಹುದು. ಒನ್​ಪ್ಲಸ್ 11 ಫೋನ್​ನಲ್ಲಿ 16GB ನೀಡಲಾಗಿತ್ತು. 6.70-ಇಂಚಿನ QHD+ AMOLED ಡಿಸ್ ಪ್ಲೇಯನ್ನು ಹೊಂದಿರುವ ಸಾಧ್ಯತೆ ಇದೆ. ದೊಡ್ಡದಾದ 5,400mAh ಬ್ಯಾಟರಿಯೊಂದಿಗೆ ಅನಾವರಣಗೊಳ್ಳಲಿದ್ದು, ವೇಗದ 100W ವೈರ್ಡ್ ಚಾರ್ಜಿಂಗ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಸಪೋರ್ಟ್ ಇರಲಿದೆ.

ಇನ್ನು ಚಾರ್ಜಿಂಗ್ ಅನ್ನು ವೇಗಗೊಳಿಸಲು, ಒನ್​ಪ್ಲಸ್ ಎರಡು ಬ್ಯಾಟರಿಗಳನ್ನು ಅಳವಡಿಸುವ ಸಾಧ್ಯತೆ ಇದೆ. ಒಂದು 5,400mAh ಆಗಿದ್ದರೆ ಮತ್ತೊಂದು 2,700mAh ಸಾಮರ್ಥ್ಯದೊಂದಿಗೆ ಇರಬಹುದು. ಕಂಪನಿಯು ಫೋನ್‌ನೊಂದಿಗೆ ಬಾಕ್ಸ್‌ನಲ್ಲಿ ಚಾರ್ಜರ್ ಅನ್ನು ನೀಡುತ್ತದೆ. ಇತ್ತೀಚೆಗೆ ಹಲವಾರು ದೊಡ್ಡ ಟೆಕ್ ಕಂಪನಿಗಳು ಸ್ಮಾರ್ಟ್​ಫೋನ್ ಜೊತೆಗೆ ಬಾಕ್ಸ್​ನಲ್ಲಿ ಚಾರ್ಜರ್ ಕೊಡುವುದನ್ನು ನಿಲ್ಲಿಸಿದೆ. ಆದರೆ, ಒನ್​ಪ್ಲಸ್ 12 ಜೊತೆಗೆ ಚಾರ್ಜರ್ ಕೂಡ ಇರಲಿದೆಯಂತೆ.

ಒನ್​ಪ್ಲಸ್ 12 ನ ಕ್ಯಾಮೆರಾ ಹಾರ್ಡ್‌ವೇರ್‌ ಅಪ್‌ಗ್ರೇಡ್ ಆಗುವ ನಿರೀಕ್ಷೆಯೂ ಇದೆ. ಹಿಂಬದಿ 50-ಮೆಗಾಪಿಕ್ಸೆಲ್ ವೈಡ್-ಆಂಗಲ್ ಪ್ರೈಮರಿ ಕ್ಯಾಮೆರಾ, 50-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಕ್ಯಾಮೆರಾ ಮತ್ತು ಪೆರಿಸ್ಕೋಪ್ ಲೆನ್ಸ್‌ನೊಂದಿಗೆ ಸಜ್ಜುಗೊಂಡ 64-ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ.

ಇದರಲ್ಲಿರುವ ಪ್ರಾಥಮಿಕ ಕ್ಯಾಮರಾ ಹೊಸ Sony IMX9xx ಸಂವೇದಕವನ್ನು ಹೊಂದಿರಬಹುದು, ಆದರೆ ಪೆರಿಸ್ಕೋಪ್ ಲೆನ್ಸ್ 3x ಆಪ್ಟಿಕಲ್ ಜೂಮ್ ಅನ್ನು ನೀಡುತ್ತದೆ. ಒನ್​ಪ್ಲಸ್ ಕ್ಯಾಮೆರಾ ಟ್ಯೂನಿಂಗ್‌ಗಾಗಿ Hasselblad ಜೊತೆ ತನ್ನ ಸಹಯೋಗವನ್ನು ಮುಂದುವರಿಸುವ ನಿರೀಕ್ಷೆಯಿದೆ. ಈ ಫೋನಿನ ಮುಂಭಾಗ 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಇರಲಿದೆ ಎಂಬ ಮಾತಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ