ಸದ್ದಿಲ್ಲದೆ ಬಿಡುಗಡೆ ಆಯಿತು ಒನ್ಪ್ಲಸ್ನ ಹೊಸ ಏಸ್ 3V ಫೋನ್: ಬೆಲೆ ಎಷ್ಟು?, ಏನಿದೆ ಫೀಚರ್ಸ್?
OnePlus Ace 3V Launched: ಒನ್ಪ್ಲಸ್ ಏಸ್ 3V ಸ್ಮಾರ್ಟ್ಫೋನ್ನಲ್ಲಿ ವಿಶೇಷವಾದ ಎಲರ್ಟ್ ಸ್ಲೈಡರ್ ಆಯ್ಕೆ ನೀಡಲಾಗಿದೆ. ಜೊತೆಗೆ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಬೆಂಬಲದೊಂದಿಗೆ ಡ್ಯುಯಲ್ ರಿಯರ್ ಕ್ಯಾಮೆರಾ ಘಟಕವನ್ನು ಹೊಂದಿದೆ. ಈ ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
Updated on: Mar 22, 2024 | 12:56 PM
ಪ್ರಸಿದ್ಧ ಒನ್ಪ್ಲಸ್ ಕಂಪನಿ ಸದ್ದಿಲ್ಲದೆ ಹೊಸ ಒನ್ಪ್ಲಸ್ ಏಸ್ 3V (OnePlus Ace 3V) ಸ್ಮಾರ್ಟ್ಫೋನ್ ಅನ್ನು ಬಿಡುಗಡೆ ಮಾಡಿದೆ. ಈ ಫೋನ್ ಕ್ವಾಲ್ಕಂನ ಸ್ನಾಪ್ಡ್ರಾಗನ್ 7+ Gen 3 ಚಿಪ್ಸೆಟ್ನಿಂದ ಚಾಲಿತವಾಗಿದೆ ಮತ್ತು ವೈರ್ಡ್ SuperVOOC ಚಾರ್ಜಿಂಗ್ಗೆ ಬೆಂಬಲದೊಂದಿಗೆ 5,500mAh ಬ್ಯಾಟರಿಯಿಂದ ಬೆಂಬಲಿತವಾಗಿದೆ. ಇದರಲ್ಲಿ ವಿಶೇಷವಾದ ಎಲರ್ಟ್ ಸ್ಲೈಡರ್ ಆಯ್ಕೆ ನೀಡಲಾಗಿದೆ. ಜೊತೆಗೆ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಬೆಂಬಲದೊಂದಿಗೆ ಡ್ಯುಯಲ್ ರಿಯರ್ ಕ್ಯಾಮೆರಾ ಘಟಕವನ್ನು ಹೊಂದಿದೆ. ಒನ್ಪ್ಲಸ್ ಏಸ್ 3V ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಒನ್ಪ್ಲಸ್ ಏಸ್ 3V ಬೆಲೆ, ಲಭ್ಯತೆ:
ಸದ್ಯಕ್ಕೆ ಚೀನಾದಲ್ಲಿ ರಿಲೀಸ್ ಆಗಿರುವ ಒನ್ಪ್ಲಸ್ ಏಸ್ 3V ಫೋನಿನ 12GB + 256GB ಆಯ್ಕೆಗೆ CNY 1,999 ಇದೆ. ಇದರ 12GB + 512GB ಮತ್ತು 16GB + 512GB ರೂಪಾಂತರಗಳ ಬೆಲೆ ಕ್ರಮವಾಗಿ CNY 2,299 ಮತ್ತು CNY 2,599. ಈ ಹ್ಯಾಂಡ್ಸೆಟ್ ಅನ್ನು ಮ್ಯಾಜಿಕ್ ಪರ್ಪಲ್ ಸಿಲ್ವರ್ ಮತ್ತು ಟೈಟಾನಿಯಂ ಏರ್ ಗ್ರೇ ಬಣ್ಣಗಳಲ್ಲಿ ನೀಡಲಾಗುತ್ತದೆ. ಬಳಕೆದಾರರು ಒಪ್ಪೋ ಚೀನಾ ಇ-ಸ್ಟೋರ್ ಮೂಲಕ ಈ ಫೋನ್ ಅನ್ನು ಮುಂಗಡವಾಗಿ ಬುಕ್ ಮಾಡಬಹುದು. ಮಾರ್ಚ್ 25 ರಂದು ಮೊದಲ ಸೇಲ್ ಕಾಣಲಿದೆ.
ರೈನ್ವಾಟರ್ ಸ್ಮಾರ್ಟ್ ಟಚ್ ವೈಶಿಷ್ಟ್ಯದ ರಿಯಲ್ ಮಿ ನಾರ್ಜೊ 70 ಪ್ರೊ ಇಂದಿನಿಂದ ಖರೀದಿಗೆ ಲಭ್ಯ
ಒನ್ಪ್ಲಸ್ ಏಸ್ 3V ಫೀಚರ್ಸ್:
ಒನ್ಪ್ಲಸ್ ಏಸ್ 3V ಸ್ಮಾರ್ಟ್ಫೋನ್ 2,772 x 1,240 ಪಿಕ್ಸೆಲ್ಗಳ ರೆಸಲ್ಯೂಶನ್, 120Hz ವರೆಗೆ ರಿಫ್ರೆಶ್ ದರ ಮತ್ತು 2,150 nits ಬ್ರೈಟ್ನೆಸ್ ಮಟ್ಟವನ್ನು ಹೊಂದಿರುವ 6.74-ಇಂಚಿನ AMOLED ಡಿಸ್ಪ್ಲೇಯನ್ನು ಹೊಂದಿದೆ. ಈ ಫೋನ್ನಲ್ಲಿ 16GB ಯ LPDDR5x RAM ಮತ್ತು 512GB ವರೆಗಿನ UFS 4.0 ಆನ್ಬೋರ್ಡ್ ಸಂಗ್ರಹಣೆಯೊಂದಿಗೆ ಸ್ನಾಪ್ಡ್ರಾಗನ್ 7+ Gen 3 SoC ಇದೆ. ಇದು ಆಂಡ್ರಾಯ್ಡ್ 14 ಆಧಾರಿತ ColorOS 14 ನೊಂದಿಗೆ ರನ್ ಆಗುತ್ತದೆ.
ಕ್ಯಾಮರಾ ವಿಭಾಗದಲ್ಲಿ, ಒನ್ಪ್ಲಸ್ ಏಸ್ 3V ಫೋನ್ OIS ಬೆಂಬಲದೊಂದಿಗೆ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ, 8-ಮೆಗಾಪಿಕ್ಸೆಲ್ ಸಂವೇದಕದೊಂದಿಗೆ ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್ ಮತ್ತು ಹಿಂಭಾಗದಲ್ಲಿ LED ಫ್ಲ್ಯಾಷ್ ಘಟಕವನ್ನು ಒಳಗೊಂಡಿದೆ. ಮತ್ತೊಂದೆಡೆ, ಮುಂಭಾಗದ ಕ್ಯಾಮೆರಾವು 16-ಮೆಗಾಪಿಕ್ಸೆಲ್ ಸಂವೇದಕವನ್ನು ಹೊಂದಿದೆ.
ಬಹುನಿರೀಕ್ಷಿತ ವಿವೋ T3 5G ಸ್ಮಾರ್ಟ್ಫೋನ್ ಬಿಡುಗಡೆ: ಬೆಲೆ ಕೇವಲ 19,999 ರೂ.
ಈ ಸ್ಮಾರ್ಟ್ಫೋನ್ 100W ವೈರ್ಡ್ SuperVOOC ಚಾರ್ಜಿಂಗ್ ಬೆಂಬಲದೊಂದಿಗೆ 5,500mAh ಬ್ಯಾಟರಿಯಿಂದ ಬೆಂಬಲಿತವಾಗಿದೆ. ಇದು 5G, 4G VoLTE, Wi-Fi 7, ಬ್ಲೂಟೂತ್ 5.4, NFC, ಮತ್ತು USB ಟೈಪ್-C ಸಂಪರ್ಕವನ್ನು ಸಹ ಬೆಂಬಲಿಸುತ್ತದೆ. ಭದ್ರತೆಗಾಗಿ, ಇದು ಇನ್-ಡಿಸ್ಪ್ಲೇ ಫಿಂಗರ್ಪ್ರಿಂಟ್ ಸ್ಕ್ಯಾನರ್ ಅನ್ನು ಹೊಂದಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
