ಮಾರುಕಟ್ಟೆಗೆ ಬಂತು ಹೊಸ ಬಜೆಟ್ ಫೋನ್: ಬಂಪರ್ ಫೀಚರ್ಸ್​ನ ಪೋಕೋ C65 ಬಿಡುಗಡೆ

ಪ್ರಸಿದ್ಧ ಪೋಕೋ ಸಂಸ್ಥೆ ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡದೆ ಕೆಲವು ವಾರಗಳು ಕಳೆದಿತ್ತು. ಮುಂದಿನ ಫೋನ್ ಯಾವುದು ಎಂದು ಕಾಯುತ್ತಿದ್ದವರಿಗೆ ಸಂಸ್ಥೆ ದಿಢೀರ್ ಆಗಿ ಹೊಸ ಮೊಬೈಲ್ ಅನ್ನು ಪರಿಚಯಿಸಿದೆ. ಅದುವೇ ಪೋಕೋ C65. ಈ ಫೋನ್ ಇಂದು ಜಾಗತಿಕವಾಗಿ ಅನಾವರಣಗೊಂಡಿದೆ. ಪೋಕೋ C55 ಯ ಮುಂದಿನ ವರ್ಷನ್ ಪೋಕೋ ಸಿ65 (Poco C65) ಆಗಿದೆ. ಸಿ55 ಈ ವರ್ಷದ ಫೆಬ್ರವರಿಯಲ್ಲಿ ಮೀಡಿಯಾಟೆಕ್ ಹಿಲಿಯೊ G85 SoC ಮತ್ತು 5,000mAh ಬ್ಯಾಟರಿಯೊಂದಿಗೆ ಬಿಡುಗಡೆಯಾಗಿತ್ತು. ಪೋಕೋ C55 ಗೆ ಹೋಲಿಸಿದರೆ ಪೋಕೋ C65 ಕ್ಯಾಮೆರಾದಲ್ಲಿ ಬದಲಾವಣೆ ಮಾಡಲಾಗಿದೆ. ಈ ಹೊಸ ಸ್ಮಾರ್ಟ್‌ಫೋನ್ ಪ್ರಸ್ತುತ ಯುಎಸ್‌ನಲ್ಲಿ ರಿಲೀಸ್ ಆಗಿದೆ.

ಪೋಕೋ C65 ಬೆಲೆ:

ಪೋಕೋ C65 ಅನ್ನು ಎರಡು ಸ್ಟೋರೇಜ್ ರೂಪಾಂತರಗಳಲ್ಲಿ ರಿಲೀಸ್ ಮಾಡಲಾಗಿದೆ. ಇದರ 6GB + 128GB ರೂಪಾಂತರದ ಬೆಲೆ $129, ಅಂದರೆ ಭಾರತದಲ್ಲಿ ಇದರ ಬೆಲೆ ಸುಮಾರು ರೂ. 10,700 ಇರಬಹುದು. 8GB + 256GB ಆಯ್ಕೆಯು $149 (ಸುಮಾರು ರೂ. 12,400) ಕ್ಕೆ ಲಭ್ಯವಿದೆ. ಈ ಫೋನ್ ಕಪ್ಪು, ನೀಲಿ ಮತ್ತು ನೇರಳೆ ಮೂರು ಬಣ್ಣಗಳ ಆಯ್ಕೆಗಳಲ್ಲಿ ಖರೀದಿಸಬಹುದು.

ಹೊಸ ವೇರಿಯೆಂಟ್​ನಲ್ಲಿ ಬಿಡುಗಡೆ ಆಯಿತು ಗೂಗಲ್ ಪಿಕ್ಸೆಲ್ 8 ಪ್ರೊ: ಬೆಲೆ ಮಾತ್ರ 1,13,999 ರೂ.

ಪೋಕೋ C65 ಫೀಚರ್ಸ್:

ಡ್ಯುಯಲ್ ನ್ಯಾನೊ ಸಿಮ್-ಬೆಂಬಲಿತ ಪೋಕೋ C65 ಸ್ಮಾರ್ಟ್​ಫೋನ್ 6.74-ಇಂಚಿನ HD+ (1,600 x 720 ಪಿಕ್ಸೆಲ್‌ಗಳು) ಡಿಸ್‌ಪ್ಲೇಯನ್ನು ಹೊಂದಿದ್ದು, 90Hz ರಿಫ್ರೆಶ್ ದರ ಮತ್ತು 20.6:9 ಅನುಪಾತವನ್ನು ಹೊಂದಿದೆ. ಡಿಸ್ ಪ್ಲೇಯು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್‌ನಿಂದ ರಕ್ಷಣೆ ಪಡೆದಿದೆ. ಆಂಡ್ರಾಯ್ಡ್ 13 ಆಧಾರಿತ MIUI 14 ಮೂಲಕ ರನ್ ಆಗುತ್ತದೆ.

ಪೋಕೋದ ಈ ಹೊಸ C ಸರಣಿಯ ಸ್ಮಾರ್ಟ್‌ಫೋನ್‌ ಪೋಕೋ C55 ನಂತೆಯೇ ಮೀಡಿಯಾಟೆಕ್ ಹಿಲಿಯೊ G85 SoC ಅನ್ನು ಹೊಂದಿದೆ. C65 ನಲ್ಲಿರುವ ಚಿಪ್‌ಸೆಟ್ ಅನ್ನು ARM Mali-G52 2EEMC2 GPU ನೊಂದಿಗೆ ಜೋಡಿಸಲಾಗಿದೆ. ಇದು 8GB ವರೆಗೆ LPDDR4X RAM ಮತ್ತು 256GB ವರೆಗಿನ eMMC 5.1 ಅಂತರ್ಗತ ಸಂಗ್ರಹಣೆಯೊಂದಿಗೆ ಬರುತ್ತದೆ. ಎರಡನೆಯದು ಮೈಕ್ರೋ SD ಕಾರ್ಡ್ ಮೂಲಕ 1TB ವರೆಗೆ ವಿಸ್ತರಿಸಬಹುದು.

ಕ್ಯಾಮೆರಾ ವಿಭಾಗದಲ್ಲಿ, ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಘಟಕವು ಪೋಕೋ C65 ನಲ್ಲಿ ಲಭ್ಯವಿದೆ, ಇದು f/1.8 ರ ದ್ಯುತಿರಂಧ್ರದೊಂದಿಗೆ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕವನ್ನು ಮತ್ತು ಮ್ಯಾಕ್ರೋ ಲೆನ್ಸ್ f/2.4 ರ ದ್ಯುತಿರಂಧ್ರದೊಂದಿಗೆ 2-ಮೆಗಾಪಿಕ್ಸೆಲ್ ಸಂವೇದಕವನ್ನು ಒಳಗೊಂಡಿದೆ. ಮುಂಭಾಗದ ಕ್ಯಾಮರಾ, ವಾಟರ್‌ಡ್ರಾಪ್ ನಾಚ್‌ನಲ್ಲಿ ಇರಿಸಲಾಗಿದ್ದು, ಇದು f/2.0 ರ ದ್ಯುತಿರಂಧ್ರದೊಂದಿಗೆ 8-ಮೆಗಾಪಿಕ್ಸೆಲ್​ನಿಂದ ಕೂಡಿದೆ.

ಈ ಸ್ಮಾರ್ಟ್​ಫೋನ್ ಮೈಕ್ರೋ USB ಪೋರ್ಟ್ ಮೂಲಕ 18W ವೈರ್ಡ್ ಫಾಸ್ಟ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡಿದೆ. 4G VoLTE, Wi-Fi, ಬ್ಲೂಟೂತ್ 5.1, GPS ಮತ್ತು GLONASS ಸಂಪರ್ಕವನ್ನು ಸಹ ನೀಡುತ್ತದೆ. 3.5mm ಆಡಿಯೋ ಜ್ಯಾಕ್ ಮತ್ತು FM ರೇಡಿಯೋ ಬೆಂಬಲದೊಂದಿಗೆ ಬರುತ್ತದೆ. ಭದ್ರತೆಗಾಗಿ, ಸೈಡ್-ಮೌಂಟೆಡ್ ಫಿಂಗರ್ಪ್ರಿಂಟ್ ಸಂವೇದಕವನ್ನು ಹೊಂದಿದೆ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ