ಹೊಸ ವೇರಿಯೆಂಟ್ನಲ್ಲಿ ಬಿಡುಗಡೆ ಆಯಿತು ಗೂಗಲ್ ಪಿಕ್ಸೆಲ್ 8 ಪ್ರೊ: ಬೆಲೆ ಮಾತ್ರ 1,13,999 ರೂ.
Google Pixel 8 Pro New Variant Launched: ಗೂಗಲ್ ಕಂಪನಿಯು ಭಾರತದಲ್ಲಿ ಗೂಗಲ್ ಪಿಕ್ಸೆಲ್ 8 ಪ್ರೊ ಸ್ಮಾರ್ಟ್‌ಫೋನ್‌ನ 12GB RAM ಮತ್ತು 256GB ಸ್ಟೋರೇಜ್ ರೂಪಾಂತರವನ್ನು ಬಿಡುಗಡೆ ಮಾಡಿದೆ. ಪಿಕ್ಸೆಲ್ 8 ಪ್ರೊ ಹೊಸ ಸ್ಟೋರೇಜ್ ಮಾದರಿಯ ಬೆಲೆ 1,13,999 ರೂ. ಆಗಿದೆ.
Updated on: Nov 04, 2023 | 2:30 PM
ಪ್ರಸಿದ್ಧ ಗೂಗಲ್ ಕಂಪನಿ ಕಳೆದ ತಿಂಗಳು ತನ್ನ ಮೇಡ್ ಬೈ ಗೂಗಲ್ 2023 ಈವೆಂಟ್‌ನಲ್ಲಿ ಗೂಗಲ್ ಪಿಕ್ಸೆಲ್ 8 ಪ್ರೊ (Google Pixel 8 Pro) ಅನ್ನು ಭಾರತದಲ್ಲಿ ಅನಾವರಣ ಮಾಡಿತ್ತು. ಅಕ್ಟೋಬರ್ 12 ರಿಂದ ಖರೀದಿಗೆ ಸಿಗುತ್ತಿರುವ ಗೂಗಲ್ ಪಿಕ್ಸೆಲ್ 8 ಸರಣಿಯ 8 ಪ್ರೊ ಸ್ಮಾರ್ಟ್ಫೋನ್ ಇದೀಗ ಹೊಸ ಸ್ಟೋರೇಜ್ ವೇರಿಯೆಂಟ್ನಲ್ಲಿ ಬಿಡುಗಡೆ ಆಗಿದೆ. ಅಕ್ಟೋಬರ್ನಲ್ಲಿ ಕಂಪನಿಯು 12GB RAM + 128GB ಸ್ಟೋರೇಜ್ ರೂಪಾಂತರದಲ್ಲಿ ಮಾತ್ರ 8 ಪ್ರೊ ರೂಪಾಂತರವನ್ನು ರಿಲೀಸ್ ಮಾಡಿತ್ತು. ಇದರ ಬೆಲೆ 1,06,999ರೂ. ಆಗಿದೆ.
ಟಿಪ್‌ಸ್ಟರ್ ಇಶಾನ್ ಅಗರ್ವಾಲ್ (@ishanagarwal24) X ನಲ್ಲಿ ಪೋಸ್ಟ್ ಮಾಡಿದಂತೆ, ಕಂಪನಿಯು ಭಾರತದಲ್ಲಿ ಗೂಗಲ್ ಪಿಕ್ಸೆಲ್ 8 ಪ್ರೊ ಸ್ಮಾರ್ಟ್‌ಫೋನ್‌ನ 12GB RAM ಮತ್ತು 256GB ಸ್ಟೋರೇಜ್ ರೂಪಾಂತರವನ್ನು ಬಿಡುಗಡೆ ಮಾಡಿದೆ. ಪಿಕ್ಸೆಲ್ 8 ಪ್ರೊ ಹೊಸ ಸ್ಟೋರೇಜ್ ಮಾದರಿಯ ಬೆಲೆ 1,13,999 ರೂ. ಆಗಿದೆ. ಇದರೊಂದಿಗೆ ಬ್ಯಾಂಕ್ ಕೊಡುಗೆಗಳನ್ನು ಸಹ ಪಡೆಯಬಹುದು. SBI ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಮೂಲಕ ಮಾಡಿದ ಖರೀದಿಗೆ 9,000 ರೂ. ಡಿಸ್ಕೌಂಟ್ ಇದೆ.
Smartphone Tips: ಸ್ಮಾರ್ಟ್‌ಫೋನ್‌ನ ಬ್ಯಾಕ್ ಕ್ಯಾಮೆರಾ ಪಕ್ಕದಲ್ಲಿ ಈ ಸಣ್ಣ ಹೋಲ್ ಯಾಕಿದೆ ಗೊತ್ತೇ?
ಭಾರತದಲ್ಲಿ, ಗೂಗಲ್ ಪಿಕ್ಸೆಲ್ 8 ಪ್ರೊನ ಹೊಸ ರೂಪಾಂತರವು ಅಬ್ಸಿಡಿಯನ್ ಬಣ್ಣ ಆಯ್ಕೆಯಲ್ಲಿ ಮಾತ್ರ ಬರುತ್ತದೆ. ಉಳಿದ ವೇರಿಯೆಂಟ್ ಮೂರು ಬಣ್ಣದ ರೂಪಾಂತರಗಳಲ್ಲಿ ಲಭ್ಯವಿದೆ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಗೂಗಲ್ ಪಿಕ್ಸೆಲ್ 8 ಪ್ರೊ 12GB RAM ಮತ್ತು 128GB ಸ್ಟೋರೇಜ್ ಮಾದರಿಯನ್ನು 1,06,999 ರೂ. ಗೆ ಬ್ಯಾಂಕ್ ಕೊಡುಗೆ ಮೂಲಕ ನಿಮ್ಮದಾಗಿಸಬಹುದು.
ಈ ಹ್ಯಾಂಡ್‌ಸೆಟ್ ಆಂಡ್ರಾಯ್ಡ್ 14 ಔಟ್-ಆಫ್-ದಿ-ಬಾಕ್ಸ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು 6.7-ಇಂಚಿನ Quad-HD (1,344×2,992 ಪಿಕ್ಸೆಲ್‌ಗಳು) ಸ್ಕ್ರೀನ್ ಮತ್ತು 120Hz ರಿಫ್ರೆಶ್ ದರವನ್ನು ಹೊಂದಿದೆ. ಗೂಗಲ್ ಪಿಕ್ಸೆಲ್ 8 ಪ್ರೊ ಗೂಗಲ್ನ ಟೆನ್ಸರ್ G3 SoC ಮತ್ತು Titan M2 ಭದ್ರತಾ ಚಿಪ್‌ನಿಂದ ಚಾಲಿತವಾಗಿದೆ .
ಇದು ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಘಟಕವನ್ನು ಹೊಂದಿದೆ, 50-ಮೆಗಾಪಿಕ್ಸೆಲ್ ಮುಖ್ಯ ಸಂವೇದಕ ಮತ್ತು ಎರಡು 48-ಮೆಗಾಪಿಕ್ಸೆಲ್ ಸಂವೇದಕಗಳನ್ನು ಹೊಂದಿದೆ. ಏತನ್ಮಧ್ಯೆ, ಸೆಲ್ಫಿಗಳಿಗಾಗಿ, 10.5-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾ ಇದೆ. ಗೂಗಲ್ ಪಿಕ್ಸೆಲ್ 8 ಪ್ರೊ 30W ವೈರ್ಡ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 5050mAh ಬ್ಯಾಟರಿಯಿಂದ ಬೆಂಬಲಿತವಾಗಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
