ಮೊಬೈಲ್ ಬೇಕಿದ್ದರೆ ಇದೇ ತಿಂಗಳು ಖರೀದಿಸಿ: ಬಿಡುಗಡೆ ಆಗುತ್ತಿದೆ ಬರೋಬ್ಬರಿ 11 ಫೋನುಗಳು
Smartphone launches in November 2023: ಈ ತಿಂಗಳು ಅಕ್ಟೋಬರ್‌ಗಿಂತ ವಿಭಿನ್ನವಾಗಿದೆ. ವರದಿಗಳ ಪ್ರಕಾರ, ಈ ನವೆಂಬರ್ ತಿಂಗಳು 12 ರಿಂದ 15 ಸ್ಮಾರ್ಟ್ಫೋನ್ಗಳು ಮಾರುಕಟ್ಟೆಗೆ ಪ್ರವೇಶಿಸಲಿದೆ. ಬಜೆಟ್ ಶ್ರೇಣಿಯಿಂದ ಹಿಡಿದು ಪ್ರೀಮಿಯಂವರೆಗೆ, ನೀವು ಹೊಸ ಸ್ಮಾರ್ಟ್ಫೋನ್ ನೋಡಬಹುದು. ನವೆಂಬರ್ನಲ್ಲಿ ಬಿಡುಗಡೆ ಆಗಲಿರುವ ಫೋನುಗಳ ಪಟ್ಟಿ ಇಲ್ಲಿದೆ ನೋಡಿ.
Updated on: Nov 03, 2023 | 2:21 PM
2023ನೇ ವರ್ಷದಲ್ಲಿ ಕೆಲವು ಅದ್ಭುತ ಸ್ಮಾರ್ಟ್ಫೋನ್ಗಳು (Smartphones) ಬಿಡುಗಡೆ ಆಗಿದೆ. ಇನ್ನೂ ಕೆಲವೊಂದು ರಿಲೀಸ್ ಆಗಬೇಕಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಮೊಬೈಲ್ಗಳ ಬಿಡುಗಡೆ ಸಂಖ್ಯೆ ಕೂಡ ಏರಿಕೆ ಆಗಿದೆ. ಸದ್ಯ ಅನಾವರಣಗೊಳ್ಳುತ್ತಿರುವ ಸ್ಮಾರ್ಟ್ಫೋನ್ಗಳು ಒಂದಲ್ಲ ಒಂದು ವಿಶೇಷ ಫೀಚರ್ಗಳಿಂದ ಆವೃತ್ತವಾಗಿದೆ. ನವೆಂಬರ್ ಪ್ರಾರಂಭವಾಗುತ್ತಿದ್ದಂತೆ, ಟೆಕ್ ದೈತ್ಯರು ತಮ್ಮ ಹೊಸ ಸ್ಮಾರ್ಟ್ಫೋನ್ ಬಿಡುಗಡೆಗೆ ಸಿದ್ಧರಾಗಿದ್ದಾರೆ. ಈ ತಿಂಗಳು ಅಕ್ಟೋಬರ್‌ಗಿಂತ ವಿಭಿನ್ನವಾಗಿದೆ. ವರದಿಗಳ ಪ್ರಕಾರ, ಈ ತಿಂಗಳು 11 ರಿಂದ 15 ಸ್ಮಾರ್ಟ್ಫೋನ್ಗಳು ಮಾರುಕಟ್ಟೆಗೆ ಪ್ರವೇಶಿಸಲಿದೆ. ಬಜೆಟ್ ಶ್ರೇಣಿಯಿಂದ ಹಿಡಿದು ಪ್ರೀಮಿಯಂವರೆಗೆ, ನೀವು ಹೊಸ ಸ್ಮಾರ್ಟ್ಫೋನ್ ನೋಡಬಹುದು. ನವೆಂಬರ್ನಲ್ಲಿ ಬಿಡುಗಡೆ ಆಗಲಿರುವ ಫೋನುಗಳ ಪಟ್ಟಿ ಇಲ್ಲಿದೆ ನೋಡಿ.
ಐಕ್ಯೂ 12 ಸರಣಿ: ಈ ಸ್ಮಾರ್ಟ್ಫೋನ್ ನವೆಂಬರ್ 7, 2023 ರಂದು ಚೀನಾದಲ್ಲಿ ಬಿಡುಗಡೆ ಆಗಲಿದೆ. ಇದರಲ್ಲಿ ಎರಡು ಸ್ಮಾರ್ಟ್ಫೋನ್ಗಳು ಇರಲಿದೆ. ಐಕ್ಯೂ 12 ಮತ್ತು ಐಕ್ಯೂ 12 ಪ್ರೊ. ಇದು LPDDR5x RAM ನೊಂದಿಗೆ ಜೋಡಿಸಲಾದ ಕ್ವಾಲ್ಕಂ ಸ್ನಾಪ್ಡ್ರಾಗನ್ 8 Gen 3 ಚಿಪ್ ಅನ್ನು ಒಳಗೊಂಡಿರುವ ನಿರೀಕ್ಷೆಯಿದೆ.
ಒಪ್ಪೋ A2: ಒಪ್ಪೋದ ಈ ಹೊಸ ಸ್ಮಾರ್ಟ್ಫೋನ್ ನವೆಂಬರ್ 11, 2023 ರಂದು ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಇದು ಮೀಡಿಯಾ ಟೆಕ್ ಡೈಮೆನ್ಸಿಟಿ 6020 ಚಿಪ್ ಜೊತೆಗೆ 12GB RAM ಮತ್ತು 512GB ಸ್ಟೋರೇಜ್ ಅನ್ನು ಒಳಗೊಂಡಿದೆ. 5000mAh ಬ್ಯಾಟರಿಯೊಂದಿಗೆ ಬೆಂಬಲಿತವಾಗಿದೆ.
ಬಜೆಟ್ ಪ್ರಿಯರಿಗೆ ಬಂಪರ್ ಫೋನ್: 9,999 ರೂ. ಗೆ ಲಾವಾ ಬ್ಲೇಜ್ 2 5G ಫೋನ್ ಅನಾವರಣ
ವಿವೋ X100 ಸರಣಿ: ಇದು ನವೆಂಬರ್ 17, 2023 ರಂದು ಅಥವಾ ಐಕ್ಯೂ 12 ಜೊತೆಗೆ ಅನಾವರಣಗೊಳ್ಳಲಿದೆ. ಈ ಸರಣಿಯು ಮೂರು ಸ್ಮಾರ್ಟ್‌ಫೋನ್‌ಗಳನ್ನು ಹೊಂದಿದೆ. ವಿವೋ X100 , ವಿವೋ X100 ಪ್ರೊ ಮತ್ತು ವಿವೋ X100 ಪ್ರೊ ಪ್ಲಸ್. ಪ್ರೊ ಪ್ಲಸ್ ಮಾದರಿಯು ಕ್ವಾಲ್ಕಂ ಸ್ನಾಪ್ಡ್ರಾಗನ್ 8 Gen 3 ಚಿಪ್ ಅನ್ನು ಒಳಗೊಂಡಿರುವ ನಿರೀಕ್ಷೆಯಿದೆ.
ರಿಯಲ್ ಮಿ ಜಿಟಿ 5 ಪ್ರೊ: ಈ ಸ್ಮಾರ್ಟ್‌ಫೋನ್‌ನ ಬಿಡುಗಡೆ ದಿನಾಂಕವನ್ನು ಘೋಷಿಸಲಾಗಿಲ್ಲ, ಆದಾಗ್ಯೂ, ಇದು ನವೆಂಬರ್ನಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. GizmoChina ವರದಿ ಮಾಡಿದಂತೆ ಈ ಸ್ಮಾರ್ಟ್ಫೋನ್ ಸ್ನಾಪ್ಡ್ರಾಗನ್ 8 Gen 3 ಚಿಪ್ ಮತ್ತು 5400 mAh ಬ್ಯಾಟರಿಯಿಂದ 100W ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.
ಒನ್ಪ್ಲಸ್ 12: ಈ ಸ್ಮಾರ್ಟ್ಫೋನ್ ನವೆಂಬರ್ ಅಂತ್ಯದ ವೇಳೆಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಇದು 2600nits ಪೀಕ್ ಬ್ರೈಟ್‌ನೆಸ್‌ನೊಂದಿಗೆ ಬೃಹತ್ 6.82-ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿರುತ್ತದೆ. ಇದು ಕೂಡ ಸ್ನಾಪ್ಡ್ರಾಗನ್ 8 Gen 3 ಚಿಪ್‌ನೊಂದಿಗೆ ಚಾಲಿತವಾಗಿರಬಹುದು.
ರೆಡ್ಮಿ K70 ಸರಣಿ: ಈ ಸ್ಮಾರ್ಟ್ಫೋನ್ ನವೆಂಬರ್ ತಿಂಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ, ಆದರೆ ದಿನಾಂಕವನ್ನು ಇನ್ನೂ ಘೋಷಿಸಲಾಗಿಲ್ಲ. ಈ ಸರಣಿಯು ಮೂರು ರೂಪಾಂತರಗಳೊಂದಿಗೆ ಬರಬಹುದು. ಉನ್ನತ-ಮಟ್ಟದ ಪ್ರೊ ಆವೃತ್ತಿಯು ಸ್ನಾಪ್ಡ್ರಾಗನ್ 8 ಜನ್ 3 ಚಿಪ್ ಅನ್ನು ಒಳಗೊಂಡಿರುವ ನಿರೀಕ್ಷೆಯಿದೆ, ಆದರೆ ಪ್ರೊ ಆವೃತ್ತಿಯು ಸ್ನಾಪ್ಡ್ರಾಗನ್ 8 ಜನ್ 2 ಚಿಪ್ ಅನ್ನು ಹೊಂದಿರಲಿದೆ ಎನ್ನಲಾಗಿದೆ.
ರೆಡ್ಮಿ 13C: ಈ ಸ್ಮಾರ್ಟ್ಫೋನ್ 90Hz ರಿಫ್ರೆಶ್ ದರದೊಂದಿಗೆ 6.74-ಇಂಚಿನ ಡಿಸ್‌ಪ್ಲೇಯನ್ನು ಒಳಗೊಂಡಿರುವ ನಿರೀಕ್ಷೆಯಿದೆ. ಇದು ಮೀಡಿಯಾಟೆಕ್ ಹಿಲಿಯೊ G85 ಚಿಪ್ ಮತ್ತು 18W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುವ 5000mAh ಬ್ಯಾಟರಿಯೊಂದಿಗೆ ಬರುತ್ತದೆ.
ಸ್ಯಾಮ್ಸಂಗ್ ಗ್ಯಾಲಕ್ಸಿ A15: ಸ್ಯಾಮ್ಸಂಗ್ನ ಈ ಸ್ಮಾರ್ಟ್ಫೋನ್ 90Hz ರಿಫ್ರೆಶ್ ದರದೊಂದಿಗೆ 6.5-ಇಂಚಿನ FHD+ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 5000mAh ಬ್ಯಾಟರಿ ಮತ್ತು 25W ಚಾರ್ಜಿಂಗ್ ಬೆಂಬಲದಿಂದ ಕೂಡಿದೆ. 50MP ಮುಖ್ಯ ಕ್ಯಾಮರಾ ಮತ್ತು 5G ಆವೃತ್ತಿಗಾಗಿ ಮೀಡಿಯಾ ಟೆಕ್ ಡೈಮೆನ್ಸಿಟಿ 6100 ಪ್ಲಸ್ ಚಿಪ್ ಅನ್ನು ಒಳಗೊಂಡಿದೆ.
ಹಾನರ್ X50 GT: ಇದು ನವೆಂಬರ್ ಎರಡನೇ ವಾರದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಈ ಸ್ಮಾರ್ಟ್ಫೋನ್ 6.81-ಇಂಚಿನ FHD+ OLED ಡಿಸ್ಪ್ಲೇ ಮತ್ತು ಸ್ನಾಪ್ಡ್ರಾಗನ್ 888 SoC ಅನ್ನು ಹೊಂದಿದೆ. 50MP ಹಿಂಬದಿಯ ಕ್ಯಾಮೆರಾ ಮತ್ತು 16MP ಮುಂಭಾಗದ ಕ್ಯಾಮೆಮರಾವನ್ನು ಹೊಂದಿದೆ.
ಇನ್ಫಿನಿಕ್ಸ್ ಸ್ಮಾರ್ಟ್ 8: ಈ ಸ್ಮಾರ್ಟ್‌ಫೋನ್‌ನ ಬಗ್ಗೆ ಹೆಚ್ಚು ಮಾಹಿತಿ ಬಹಿರಂಗವಾಗಿಲ್ಲ, ಆದಾಗ್ಯೂ, ಇದು ಯುನಿಸಕ್ T606 ಚಿಪ್, 5,000mAh ಬ್ಯಾಟರಿ ಮತ್ತು 10W ಚಾರ್ಜಿಂಗ್‌ನೊಂದಿಗೆ ನವೆಂಬರ್ನಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.
ಟೆಕ್ನೋ ಸ್ಪಾರ್ಕ್ 20 ಸರಣಿ: ಇದು ವಿಭಿನ್ನ ಚಿಪ್‌ಸೆಟ್‌ಗಳೊಂದಿಗೆ ಎರಡು ಸ್ಮಾರ್ಟ್‌ಫೋನ್‌ಗಳನ್ನು ಹೊಂದುವ ನಿರೀಕ್ಷೆಯಿದೆ. ಒಂದು ಹಿಲಿಯೊ G85 ಅನ್ನು ಹೊಂದಿರಬಹುದು ಮತ್ತು ಇನ್ನೊಂದು ಹಿಲಿಯೊ P35 ಪ್ರೊಸೆಸರ್‌ಗಳನ್ನು ಹೊಂದಿರುತ್ತದೆ. ಈ ಫೋನ್ ಬಜೆಟ್ ಬೆಲೆಯಿಂದ ಕೂಡಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
