Poco X5 5G: ದೇಶದ ಗ್ಯಾಜೆಟ್ ಲೋಕಕ್ಕೆ ಲೇಟೆಸ್ಟ್ ಎಂಟ್ರಿ ಪೋಕೊ ಫೋನ್

ಭಾರತದ ಗ್ಯಾಜೆಟ್ ಮಾರುಕಟ್ಟೆಗೆ ಪೋಕೊ ಹೊಸ ಎಕ್ಸ್ ಸರಣಿಯ ಸ್ಮಾರ್ಟ್​ಫೋನ್ ಪೈಕಿ ಹೊಸದಾಗಿ ಪರಿಚಯಿಸಲು ಸಜ್ಜಾಗಿದೆ. ಮಾರ್ಚ್ 14ರಂದು ಭಾರತದ ಗ್ಯಾಜೆಟ್ ಲೋಕಕ್ಕೆ ನೂತನ ಸ್ಮಾರ್ಟ್​ಫೋನ್ ಬಿಡುಗಡೆಯಾಗುತ್ತಿದೆ. ಈ ಕುರಿತು ಪೋಕೊ, ಟ್ವಿಟರ್​​ನಲ್ಲಿ ವಿವರ ನೀಡಿದೆ. ಎಕ್ಸ್ ಸರಣಿಯ ನೂತನ ಫೋನ್ ಕುರಿತು ಜನರಲ್ಲಿ ಕುತೂಹಲ ಉಂಟಾಗಿದೆ. ಪೋಕೊ, ಶಓಮಿ ಗ್ರೂಪ್​ನಿಂದ ಬೇರ್ಪಟ್ಟ ಬಳಿಕ ಪ್ರತ್ಯೇಕ ಸ್ಮಾರ್ಟ್​ಫೋನ್ ಬ್ರ್ಯಾಂಡ್ ಆಗಿ ಗುರುತಿಸಲ್ಪಟ್ಟಿದೆ. ಶಓಮಿ ಮತ್ತು ರೆಡ್ಮಿ ಫೋನ್​ಗಳಿಗೆ ಸರಿಸಾಟಿಯಾಗಿ, ಮಾರುಕಟ್ಟೆಯಲ್ಲಿ ಪೋಕೊ ಪೈಪೋಟಿ ನೀಡುತ್ತಿದೆ. ಪೋಕೊ ನೂತನ ಸ್ಮಾರ್ಟ್​ಫೋನ್​ನ ವಿವರ ಇಲ್ಲಿದೆ.

ಪೋಕೊ X5 5G

ಪೋಕೊ ನೂತನ ಎಕ್ಸ್ ಸರಣಿಯ ಸ್ಮಾರ್ಟ್​ಫೋನ್ X5 5G ಪರಿಚಯಿಸಲ್ಪಡುತ್ತಿದೆ. ಮಾರ್ಚ್ 14ರಂದು ಭಾರತದಲ್ಲಿ ಹೊಸ ಪೋಕೊ X5 5G ಬಿಡುಗಡೆಯಾಗುತ್ತಿದೆ. ಈ ಕುರಿತು ಕಂಪನಿ ವಿವರ ನೀಡಿದೆ. ನೂತನ ಪೋಕೊ X5 5G ಸ್ಮಾರ್ಟ್​ಫೋನ್​ನಲ್ಲಿ 6.67 ಇಂಚಿನ ಫುಲ್​ಎಚ್​ಡಿ+ ಡಿಸ್​ಪ್ಲೇ ಇದೆ. ಜತೆಗೆ, 48 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಸಹಿತ 8+2 ಮೆಗಾಪಿಕ್ಸೆಲ್​ನ ತ್ರಿವಳಿ ಕ್ಯಾಮೆರಾ ವ್ಯವಸ್ಥೆ ಹಾಗೂ 16 ಮೆಗಾಪಿಕ್ಸೆಲ್ ಸೆಲ್ಫಿ ಹೊಂದಿದೆ. 5,000mAh ಬ್ಯಾಟರಿ ಮತ್ತು 33W ಫಾಸ್ಟ್ ಚಾರ್ಜಿಂಗ್ ಸೌಲಭ್ಯ ಪೋಕೋ X5 5G ಸ್ಮಾರ್ಟ್​ಫೋನ್​ನಲ್ಲಿದೆ.

ಪೋಕೊ X5 5G ಬೆಲೆ ಮತ್ತು ಲಭ್ಯತೆ

ಫ್ಲಿಪ್​ಕಾರ್ಟ್ ಮೂಲಕ ಹೊಸ ಪೋಕೊ X5 5G ಸ್ಮಾರ್ಟ್​ಫೋನ್ ಲಭ್ಯವಾಗಲಿದೆ. 8 GB RAM +256 GB ಆವೃತ್ತಿಯಲ್ಲಿ ಪೋಕೊ ಫೋನ್ ದೊರೆಯಲಿದ್ದು, ಸ್ನ್ಯಾಪ್​ಡ್ರ್ಯಾಗನ್ 695 ಪ್ರೊಸೆಸರ್ ಬಳಕೆ ಮಾಡಲಾಗಿದೆ. ಭಾರತದಲ್ಲಿ ಅಂದಾಜು ₹20,000 ಬೆಲೆ ನಿಗದಿಪಡಿಸುವ ಸಾಧ್ಯತೆಯಿದೆ.