Realme Narzo N55: ಬೆಸ್ಟ್ ಫೋನ್, ಬಜೆಟ್ ದರಕ್ಕೆ ದೊರೆಯುತ್ತಿದೆ ರಿಯಲ್ಮಿ ಫೋನ್
Updated on: Apr 15, 2023 | 10:00 AM
ರಿಯಲ್ಮಿ ಹೊಸ ರಿಯಲ್ಮಿ ನಾರ್ಜೊ ಎನ್ 55 ಬಿಡುಗಡೆಯಾಗಿದ್ದು, 6.72 ಇಂಚಿನ ಐಪಿಎಸ್ ಎಲ್ಸಿಡಿ ಫುಲ್ ಹೆಚ್ಡಿ ಪ್ಲಸ್ ಡಿಸ್ಪ್ಲೇ ಹಾಗೂ ಮೀಡಿಯಾಟೆಕ್ ಹಿಲಿಯೋ G88 SoC ಪ್ರೊಸೆಸರ್ ಬೆಂಬಲವಿದೆ.
ರಿಯಲ್ಮಿ ಫೋನ್ಗಳಿಗೆ ಭಾರತದಲ್ಲಿ ಬೇಡಿಕೆ ಅಧಿಕ. ಬಜೆಟ್ ಮಾದರಿಯಿಂದ ತೊಡಗಿ, ಪ್ರೀಮಿಯಂ ಸರಣಿಯವರೆಗೆ ವಿವಿಧ ಮಾದರಿಗಳು ರಿಯಲ್ಮಿ ಸ್ಮಾರ್ಟ್ಫೋನ್ ಸರಣಿಯಲ್ಲಿ ದೊರೆಯುತ್ತವೆ. ರಿಯಲ್ಮಿ ನರ್ಜೋ ಸರಣಿಗೆ ಮಧ್ಯಮ ಮತ್ತು ಆರಂಭಿಕ ಬಜೆಟ್ ದರದ ಗ್ರಾಹಕರು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ರಿಯಲ್ಮಿ ಪ್ರೀಮಿಯಂ ಫೋನ್ಗಳಿಗೆ ಕಡಿಮೆಯಿಲ್ಲದಂತೆ ನರ್ಜೋ ಸರಣಿ ಸ್ಪರ್ಧೆ ಒಡ್ಡುತ್ತದೆ. ರಿಯಲ್ಮಿ ನರ್ಜೋ ಸರಣಿಯಲ್ಲಿ ಹೊಸದಾಗಿ ಮಾರುಕಟ್ಟೆಗೆ ಲಗ್ಗೆ ಇರಿಸಿರುವ ಎನ್55 ಸ್ಮಾರ್ಟ್ಫೋನ್ ಕುರಿತ ಹೆಚ್ಚಿನ ವಿವರ ಇಲ್ಲಿದೆ. ಭಾರತದಲ್ಲಿ ರಿಯಲ್ಮಿ ಹೊಸ ರಿಯಲ್ಮಿ ನಾರ್ಜೊ ಎನ್ 55 ಬಿಡುಗಡೆಯಾಗಿದ್ದು, 6.72 ಇಂಚಿನ ಐಪಿಎಸ್ ಎಲ್ಸಿಡಿ ಫುಲ್ ಹೆಚ್ಡಿ ಪ್ಲಸ್ ಡಿಸ್ಪ್ಲೇ ಹಾಗೂ ಮೀಡಿಯಾಟೆಕ್ ಹಿಲಿಯೋ G88 SoC ಪ್ರೊಸೆಸರ್ ಬೆಂಬಲವಿದೆ. ಜತೆಗೆ 4GB RAM + 64GB ಆವೃತ್ತಿಗೆ ₹10,999 ದರವಿದ್ದು, 6GB RAM + 128GB ಆವೃತ್ತಿಗೆ ₹12,999 ದರ ಹೊಂದಿದೆ. ಅಲ್ಲದೆ, ಏಪ್ರಿಲ್ 18 ರಿಂದ ರಿಯಲ್ಮಿ ನಾರ್ಜೊ ಎನ್ 55 ಖರೀದಿಗೆ ಸಿಗಲಿದ್ದು, ಅಮೆಜಾನ್ ಮತ್ತು ರಿಯಲ್ಮಿ ಅಧಿಕೃತ ವೆಬ್ಸೈಟ್ ಮೂಲಕ ಲಭ್ಯವಿದೆ. 64 ಮೆಗಾಪಿಕ್ಸೆಲ್ ಸೆನ್ಸಾರ್ ಜತೆಗೆ 2 ಮೆಗಾಪಿಕ್ಸೆಲ್ ಡೆಪ್ತ್ ಸೆನ್ಸಾರ್ ಕ್ಯಾಮೆರಾ ಹಾಗೂ 8 ಮೆಗಾಪಿಕ್ಸೆಲ್ ಸೆನ್ಸಾರ್ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವಿದೆ. 5,000mAh ಸಾಮರ್ಥ್ಯದ ಬ್ಯಾಟರಿ ಹಾಗೂ 33W ಸೂಪರ್ವೂಕ್ ಫಾಸ್ಟ್ ಚಾರ್ಜಿಂಗ್ ಬೆಂಬಲವಿದೆ.
