Tech Tips: ಕರ್ವ್ಡ್ ಅಥವಾ ಫ್ಲಾಟ್ ಡಿಸ್​ಪ್ಲೇ: ಯಾವ ಸ್ಮಾರ್ಟ್​ಫೋನ್ ಖರೀದಿಸಲು ಉತ್ತಮ ಮತ್ತು ಏಕೆ?

ಭಾರತೀಯ ಮಾರುಕಟ್ಟೆಯಲ್ಲಿ ಸ್ಮಾರ್ಟ್‌ಫೋನ್‌ಗಳ ಬೇಡಿಕೆ ವೇಗವಾಗಿ ಹೆಚ್ಚುತ್ತಿದೆ. ಮೊಬೈಲ್ ಕಂಪನಿಗಳು ದಿನದಿಂದ ದಿನಕ್ಕೆ ಗ್ರಾಹಕರಿಗೆ ಸೊಗಸಾದ ಫೋನ್‌ಗಳನ್ನು ತಯಾರಿಸಿ ಬಿಡುಗಡೆ ಮಾಡುತ್ತಿವೆ. ಮುಖ್ಯವಾಗಿ ಇಂದು ಸ್ಟೈಲಿಶ್ ಸ್ಮಾರ್ಟ್​ಫೋನ್​ಗೆ ಭರ್ಜರಿ ಡಿಮ್ಯಾಂಡ್ ಇದೆ. ಇವು ನೋಡಲು ಸೊಗಸಾದ ಮತ್ತು ಉತ್ತಮ ವೈಶಿಷ್ಟ್ಯಗಳಿದ್ದರೆ ಎಗ್ಗಿಲ್ಲದಂತೆ ಸೇಲ್ ಆಗುತ್ತವೆ. ಸದ್ಯ ಮಾರುಕಟ್ಟೆಯಲ್ಲಿ ಬಾಗಿದ ಡಿಸ್​ಪ್ಲೇ ಫೋನ್ ಮತ್ತು ಫ್ಲಾಟ್ ಸ್ಕ್ರೀನ್ ಮೊಬೈಲ್ ಫೋನ್ ಲಭ್ಯವಿದೆ.

ಈಗ ಫ್ಲಾಟ್ ಸ್ಕ್ರೀನ್ ಫೋನ್ ಖರೀದಿಸಬೇಕೇ ಅಥವಾ ಬಾಗಿದ ಡಿಸ್​ಪ್ಲೇಯ ಫೋನ್ ಖರೀದಿಸಬೇಕೇ ಎಂಬ ಪ್ರಶ್ನೆ ಉದ್ಭವಿಸುತ್ತದೆ. ಇವೆರಡರಲ್ಲಿ ಯಾವುದು ಸ್ಟೈಲಿಶ್ ಆಗಿ ಕಾಣಿಸುತ್ತದೆ, ಯಾವ ಫೋನ್ ಅನ್ನು ಖರೀದಿಸುವುದು ಲಾಭದಾಯಕ ಎಂಬ ಗೊಂದಲ ನಿಮ್ಮಲ್ಲಿದ್ದರೆ, ಇದಕ್ಕೆ ಉತ್ತರ ಇಲ್ಲಿದೆ.

ನೀವು ಹೊಸ ಫೋನ್ ಖರೀದಿಸುವ ಮೊದಲು ಈ ಎರಡೂ ಫೋನ್‌ಗಳ ಅನುಕೂಲಗಳು ಮತ್ತು ಅನಾನುಕೂಲಗಳನ್ನು ತಿಳಿದುಕೊಳ್ಳಬೇಕು. ಫ್ಲಾಟ್ ಮತ್ತು ಬಾಗಿದ ಎರಡೂ ಡಿಸ್ ಪ್ಲೇಗಳು ತಮ್ಮದೇ ಆದ ಅನುಕೂಲಗಳು ಮತ್ತು ಅನಾನುಕೂಲಗಳನ್ನು ಹೊಂದಿವೆ, ನಿಮ್ಮ ಅಗತ್ಯತೆಗಳು ಮತ್ತು ಬಜೆಟ್​ಗೆ ಅನುಗುಣವಾಗಿ ನಿಮಗೆ ಸರಿ ಹೊಂದುವ ಡಿಸ್ ಪ್ಲೇಯ ಫೋನ್ ಅನ್ನು ಆಯ್ಕೆ ಮಾಡಬಹುದು.

ಫ್ಲಾಟ್ ಸ್ಕ್ರೀನ್ ಫೋನಿನ ಅನುಕೂಲಗಳು ಮತ್ತು ಅನಾನುಕೂಲಗಳು:

ಮೊದಲ ಪ್ರಯೋಜನ: ಫ್ಲಾಟ್ ಡಿಸ್ ಪ್ಲೇನಲ್ಲಿ ಟೆಂಪರ್ಡ್ ಗ್ಲಾಸ್ ಅನ್ನು ಸ್ಥಾಪಿಸುವುದು ಸುಲಭ ಮತ್ತು ಇದು ಸುರಕ್ಷಿತವಾಗಿದೆ. ಏಕೆಂದರೆ ಈ ಡಿಸ್ ಪ್ಲೇ ಮೇಲೆ ಗುಳ್ಳೆಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಕಡಿಮೆ.
ಎರಡನೇ ಪ್ರಯೋಜನ: ಸಾಮಾನ್ಯವಾಗಿ, ಫ್ಲಾಟ್ ಡಿಸ್ ಪ್ಲೇ ಹೊಂದಿರುವ ಫೋನ್ ಗಳು ಬಾಗಿದ ಡಿಸ್ ಪ್ಲೇ ಹೊಂದಿರುವ ಫೋನ್ ಗಳಿಗಿಂತ ಕಡಿಮೆ ವೆಚ್ಚದಲ್ಲಿರುತ್ತವೆ.

ಮೊದಲ ಅನಾನುಕೂಲತೆ: ಬಾಗಿದ ಡಿಸ್ ಪ್ಲೇಗೆ ಹೋಲಿಸಿದರೆ ಫ್ಲಾಟ್ ಡಿಸ್ ಪ್ಲೇ ಹೊಂದಿರುವ ಫೋನುಗಳು ಕಡಿಮೆ ಆಕರ್ಷಕವಾಗಿ ಕಾಣಿಸಬಹುದು.

ಎರಡನೇ ಅನನುಕೂಲವೆಂದರೆ: ಬಾಗಿದ ಡಿಸ್ ಪ್ಲೇಗೆ ಹೋಲಿಸಿದರೆ ಫ್ಲಾಟ್ ಡಿಸ್ ಪ್ಲೇ ಯಲ್ಲಿ ವಿಡಿಯೋಗಳನ್ನು ನೋಡುವಾಗ ವಾವ್ ಎಂಬಂತಹ ಅನುಭವ ನೀಡುವುದಿಲ್ಲ.

ಕರ್ವ್ಡ್ ಸ್ಕ್ರೀನ್ ಡಿಸ್‌ಪ್ಲೇ ಫೋನ್‌ನ ಅನುಕೂಲಗಳು ಮತ್ತು ಅನಾನುಕೂಲಗಳು:

ಮೊದಲ ಪ್ರಯೋಜನ: ಬಾಗಿದ ಡಿಸ್ ಪ್ಲೇ ಹೊಂದಿರುವ ಫೋನ್ ಗಳು ನೋಟದಲ್ಲಿ ಸಾಕಷ್ಟು ಆಕರ್ಷಕವಾಗಿವೆ.

ಎರಡನೇ ಪ್ರಯೋಜನ: ಬಾಗಿದ ಡಿಸ್ ಪ್ಲೇ ಹೊಂದಿರುವ ಫೋನ್ ನಲ್ಲಿ ವಿಡಿಯೋಗಳನ್ನು ನೋಡುವ ಅನುಭವ ಅದ್ಭುತವಾಗಿದೆ.

ಮೊದಲ ಅನನುಕೂಲವೆಂದರೆ: ಬಾಗಿದ ಡಿಸ್ ಪ್ಲೇ ಹೊಂದಿರುವ ಫೋನ್ ಗಳು ಸಾಮಾನ್ಯವಾಗಿ ಫ್ಲಾಟ್ ಡಿಸ್ ಪ್ಲೇಗಳೊಂದಿಗಿನ ಫೋನುಗಳಿಗಿಂತ ಹೆಚ್ಚು ದುಬಾರಿಯಾಗಿದೆ.

ಎರಡನೇ ಅನನುಕೂಲವೆಂದರೆ: ಬಾಗಿದ ಡಿಸ್ ಪ್ಲೇ ಹೊಂದಿರುವ ಫೋನ್ ಗಳಲ್ಲಿ ಟೆಂಪರ್ಡ್ ಗ್ಲಾಸ್ ಅನ್ನು ಸ್ಥಾಪಿಸುವುದು ಕಷ್ಟ ಮತ್ತು ಅದು ಬೇಗನೆ ಹಾಳಾಗುತ್ತದೆ. ಇದನ್ನು ಹಾಕುವುದ ಕೂಡ ಕಷ್ಟ.

ಮತ್ತಷ್ಟು ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ