Tech Tips: ಕದ್ದ ಮೊಬೈಲ್ ಅನ್ನು ಪೊಲೀಸರು ಹೇಗೆ ಟ್ರ್ಯಾಕ್ ಮಾಡುತ್ತಾರೆ ಗೊತ್ತೇ?

ಬೆಂಗಳೂರು (ಡಿ.10): ಇತ್ತೀಚಿನ ದಿನಗಳಲ್ಲಿ ಎಲ್ಲರ ಬಳಿಯೂ ಸ್ಮಾರ್ಟ್‌ಫೋನ್ (Smartphones) ಇದೆ. ನಿಮ್ಮ ಅಂಗೈಯಲ್ಲಿ ಹೊಂದಿಕೊಳ್ಳುವ ಈ ಫೋನ್‌ನಲ್ಲಿ ಇಡೀ ಜಗತ್ತೇ ಇದೆ. ಬ್ಯಾಂಕಿಂಗ್‌ನಿಂದ ಹಿಡಿದು ಬ್ರೇಕಿಂಗ್ ನ್ಯೂಸ್ ವರೆಗೆ ನೀವು ಕೇವಲ ಒಂದು ಕ್ಲಿಕ್‌ನಲ್ಲಿ ಎಲ್ಲವನ್ನೂ ಮಾಡಬಹುದು ನೋಡಬಹುದು. ಆದರೆ, ಯಾರಾದರೂ ನಿಮ್ಮ ಫೋನ್ ಅನ್ನು ಕದ್ದರೆ, ನೀವು ಬಹಳಷ್ಟು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಪೊಲೀಸರು ನಿಮಗೆ ಸಹಾಯ ಮಾಡಬಹುದು. ಪೊಲೀಸರು ನಿಮ್ಮ ಫೋನ್ ಇರುವ ಸ್ಥಳವನ್ನು ಟ್ರ್ಯಾಕ್ ಮಾಡಬಹುದು ಮತ್ತು ಅದನ್ನು ಹುಡುಕಿ ಕೊಡುವಲ್ಲಿ ಪ್ರಮುಖ ಪಾತ್ರವಹಿಸುತ್ತಾರೆ.

ಪೊಲೀಸರು ಇಲ್ಲಿಯವರೆಗೆ ಲಕ್ಷಾಂತರ ಕದ್ದ ಫೋನ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ. ಪೊಲೀಸರು ಫೋನ್ ಇರುವ ಸ್ಥಳವನ್ನು ಹೇಗೆ ಟ್ರ್ಯಾಕ್ ಮಾಡುತ್ತಾರೆ ಎಂದು ನಿಮಗೆ ಗೊತ್ತೇ. ಪ್ರತಿಯೊಂದು ಸ್ಮಾರ್ಟ್‌ಫೋನ್‌ಗೂ ವಿಶಿಷ್ಟ ಐಡಿ ಸಂಖ್ಯೆ ಇರುತ್ತದೆ. ಇದನ್ನು IMEI ಸಂಖ್ಯೆ ಎಂದು ಕರೆಯಲಾಗುತ್ತದೆ. ಈ ಸಂಖ್ಯೆಯ ಸಹಾಯದಿಂದ, ಮೊಬೈಲ್ ಇರುವ ಸ್ಥಳವನ್ನು ಟ್ರ್ಯಾಕ್ ಮಾಡಲಾಗುತ್ತದೆ. ಮೊಬೈಲ್‌ನಲ್ಲಿ ಬಳಸಲಾದ ಸಿಮ್ ಕಾರ್ಡ್ ಯಾವ ಟವರ್‌ನಿಂದ ಪಡೆಯುತ್ತಿದೆ ಎಂಬುದರ ಆಧಾರದ ಮೇಲೆ ಮೊಬೈಲ್ ಇರುವ ಸ್ಥಳವನ್ನು ಸಹ ಕಂಡುಹಿಡಿಯಲಾಗುತ್ತದೆ.

ಈ ಫೋನ್‌ನಲ್ಲಿ ಅಂತರ್ನಿರ್ಮಿತ ಗ್ಲೋಬಲ್ ಪೊಸಿಷನಿಂಗ್ ಸಿಸ್ಟಮ್ (GPS) ಇದೆ. ಈ ವ್ಯವಸ್ಥೆಯು ಸಕ್ರಿಯವಾಗಿದ್ದರೆ ಪೊಲೀಸರಿಗೆ ಫೋನ್‌ನ ಸ್ಥಳವನ್ನು ಕಂಡುಹಿಡಿಯುವುದು ಮತ್ತಷ್ಟು ಸುಲಭ. ನೀವು ಫೋನ್‌ಗೆ ಗೂಗಲ್ ಖಾತೆಯನ್ನು ಲಾಗಿನ್ ಮಾಡಿದ್ದರೆ, ಗೂಗಲ್ ಖಾತೆಯ ಸ್ಥಳದಿಂದ ಫೋನ್‌ನ ಸ್ಥಳವನ್ನು ಕಂಡುಹಿಡಿಯಬಹುದು. ಪೊಲೀಸರು ಕೆಲವೊಮ್ಮೆ ಫೋನ್‌ನಲ್ಲಿ ಸ್ಥಾಪಿಸಲಾದ ಅಪ್ಲಿಕೇಶನ್‌ಗಳು, ಸಾಮಾಜಿಕ ಮಾಧ್ಯಮ ಅಪ್ಲಿಕೇಶನ್‌ಗಳು, ಫೋನ್‌ನಲ್ಲಿನ ಕರೆಗಳು ಮತ್ತು ಸಂದೇಶಗಳ ಮೂಲಕ ನಿಮ್ಮ ಮೊಬೈಲ್ ಫೋನ್ ಸ್ಥಳವನ್ನು ಟ್ರ್ಯಾಕ್ ಮಾಡುತ್ತಾರೆ.

POCO C85 5G: 6000mAh ಬ್ಯಾಟರಿ, 50MP ಕ್ಯಾಮೆರಾ: ಕೇವಲ 12,499 ಕ್ಕೆ ದೇಶದಲ್ಲಿ ಹೊಸ ಸ್ಮಾರ್ಟ್​ಫೋನ್ ಬಿಡುಗಡೆ

ಮೊಬೈಲ್ ಕಳುವಾದರೆ ಸರ್ಕಾರದ ಸಂಚಾರ್ ಸಾಥಿ ಆ್ಯಪ್ ಮೂಲಕ ನಿಮ್ಮ ಫೋನ್ ನಿರ್ಬಂಧಿಸುವುದು. ಅಪ್ಲಿಕೇಶನ್‌ನಲ್ಲಿ ನಿಮ್ಮ ಫೋನ್ ಅನ್ನು “ಕಳೆದುಹೋಗಿದೆ / ಕದ್ದಿದೆ” ಎಂದು ಗುರುತಿಸಿದ ತಕ್ಷಣ, ದೇಶಾದ್ಯಂತದ ಎಲ್ಲಾ ಟೆಲಿಕಾಂ ಕಂಪನಿಗಳು ಫೋನ್‌ನ IMEI ಸಂಖ್ಯೆಯನ್ನು ನಿರ್ಬಂಧಿಸುತ್ತವೆ. ಇದರರ್ಥ ಯಾರೂ ಮತ್ತೊಂದು ಸಿಮ್ ಕಾರ್ಡ್ ಸೇರಿಸುವ ಮೂಲಕ ಫೋನ್ ಅನ್ನು ಬಳಸಲು ಸಾಧ್ಯವಿಲ್ಲ.

ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ