Xiaomi 11 Lite NE 5G: ಶವೋಮಿ 11 ಲೈಟ್ NE 5G ಸ್ಮಾರ್ಟ್ಫೋನ್ ಮೇಲೆ ಬಂಪರ್ ಡಿಸ್ಕೌಂಟ್: ಈ ಆಫರ್ ಮಿಸ್ ಮಾಡಲೇ ಬೇಡಿ
Xiaomi Flagship Days Sale: ಶವೋಮಿ ಫ್ಲಾಗ್ಶಿಪ್ ಡೇಸ್ ಸೇಲ್ ನಡೆಯುತ್ತಿದ್ದು ಇದರಲ್ಲಿ ಶವೋಮಿ 11 ಲೈಟ್ ಎನ್ಇ 5ಜಿ (Xiaomi 11 Lite NE 5G) ಸ್ಮಾರ್ಟ್ಫೋನ್ ಆಕರ್ಷಕ ರಿಯಾಯಿತಿ ದರದಲ್ಲಿ ಮಾರಾಟ ಆಗುತ್ತಿದೆ.
Updated on: Jan 06, 2022 | 2:43 PM
ಶವೋಮಿ ಕಂಪನಿ ಇಂದು ಶವೋಮಿ 11ಐ ಹೈಪರ್ ಚಾರ್ಜರ್ (Xiaomi 11i) ಹೊಂದಿರುವ ಸ್ಮಾರ್ಟ್ಫೋನನ್ನು ಬಿಡುಗಡೆ ಮಾಡಲಿದೆ. ಇದು ಶವೋಮಿಯ ಹೊಸ ವರ್ಷದ ಮೊದಲ ಫೋನ್ ಆಗಿದೆ. ಹೀಗಿರುವಾಗ ಕಂಪನಿ ಕಳೆದ ವರ್ಷ ಸಪ್ಟೆಂಬರ್ನಲ್ಲಿ ರಿಲೀಸ್ ಮಾಡಿ ಭಾರೀ ಯಶಸ್ಸು ಸಾಧಿಸಿರುವ ಶವೋಮಿ 11 ಲೈಟ್ ಎನ್ಇ 5ಜಿ (Xiaomi 11 Lite NE 5G) ಸ್ಮಾರ್ಟ್ಫೋನ್ ಅನ್ನು ಭರ್ಜರಿ ಡಿಸ್ಕೌಂಟ್ನಲ್ಲಿ ಸೇಲ್ ಮಾಡುತ್ತಿದೆ. ಶವೋಮಿ ಫ್ಲಾಗ್ಶಿಪ್ ಡೇಸ್ ಸೇಲ್ (Xiaomi Flagship Days Sale) ನಡೆಯುತ್ತಿದ್ದು ಇದರಲ್ಲಿ ಈ ಫೋನ್ ಆಕರ್ಷಕ ರಿಯಾಯಿತಿ ದರದಲ್ಲಿ ಮಾರಾಟ ಆಗುತ್ತಿದೆ. ಅತ್ಯುತ್ತಮ ಫೀಚರ್ಗಳನ್ನು ಹೊಂದಿದ್ದು, ಬಜೆಟ್ ಬೆಲೆಯ ಫೋನನ್ನು ಎದುರು ನೋಡುವವರಿಗೆ ಇದೊಂದು ಬೆಸ್ಟ್ ಆಯ್ಕೆ. ಶವೋಮಿ 11 ಲೈಟ್ NE 5G ಬಲಿಷ್ಠ ಸ್ನಾಪ್‌ಡ್ರಾಗನ್ ಪ್ರೊಸೆಸರ್, ಟ್ರಿಪಲ್ ರಿಯರ್‌ ಕ್ಯಾಮೆರಾ ರಚನೆ ಸೇರಿದಂತೆ ಅತ್ಯುತ್ತಮ ಬ್ಯಾಟರ್ ಬ್ಯಾಕಪ್ ಅನ್ನು ಹೊಂದಿದೆ.
ಶವೋಮಿ 11 ಲೈಟ್ 5G NE ಸ್ಮಾರ್ಟ್ಫೋನನ್ನು ನೀವು ಶವೋಮಿ ಫ್ಲಾಗ್ಶಿಪ್ ಡೇಸ್ ಸೇಲ್ ಕೇವಲ 21,499 ರೂ. ಗೆ ಪಡೆದುಕೊಳ್ಳಬಹುದು. ಈ ಸೇಲ್ ಜನವರಿ 4ಕ್ಕೆ ಆರಂಭವಾಗಿದ್ದು ಜ. 10ರ ವರೆಗೆ ನಡೆಯುತ್ತಿದೆ. ಈ ಫೋನಿನ 6GB RAM ಮತ್ತು 128GB ವೇರಿಯಂಟ್ ಬೆಲೆಯು 26,999 ರೂ. ಆಗಿದೆ. ಆದರೆ, ಸದ್ಯ ಆಫರ್ನಲ್ಲಿ ಇದು 21,499 ರೂ. ಗೆ ಸೇಲ್ ಆಗುತ್ತಿದೆ. ಜೊತೆಗೆ ನಿಮ್ಮ ಹಳೇ ಫೋನಿಗೆ 3,000 ರೂ. ಡಿಸ್ಕೌಂಟ್ ನೀಡಲಾಗಿದೆ.
ಈ ಸ್ಮಾರ್ಟ್ಫೋನ್ 1080 x 2400 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ 6.55 ಇಂಚಿನ ಫುಲ್‌ ಹೆಚ್‌ಡಿ + OLED ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ 20:9 ರಚನೆಯ ಅನುಪಾತವನ್ನು ಒಳಗೊಂಡಿದ್ದು ಜೊತೆಗೆ 90Hz ರಿಫ್ರೆಶ್ ರೇಟ್ನಿಂದ ಕೂಡಿದೆ. ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 780G SoC ಪ್ರೊಸೆಸರ್ ಸಾಮರ್ಥ್ಯವನ್ನು ಪಡೆದಿದ್ದು, ಇದಕ್ಕೆ ಪೂರಕವಾಗಿ ಆಂಡ್ರಾಯ್ಡ್‌ 11 ಬೆಂಬಲವನ್ನು ಒಳಗೊಂಡಿದೆ.
ಶವೋಮಿ 11 ಲೈಟ್ ಸ್ಮಾರ್ಟ್ಫೋನ್ ಟ್ರಿಪಲ್ ರಿಯರ್‌ ಕ್ಯಾಮೆರಾ ಸೆಟಅಪ್ ಅನ್ನು ಹೊಂದಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 64 ಮೆಗಾ ಪಿಕ್ಸೆಲ್‌ ಸೆನ್ಸಾರ್‌, ಎರಡನೇ ಕ್ಯಾಮೆರಾ 8 ಮೆಗಾ ಪಿಕ್ಸೆಲ್‌ ಸೆನ್ಸಾರ್‌ ಮತ್ತು ಮೂರನೇ ಕ್ಯಾಮೆರಾ 5 ಮೆಗಾ ಪಿಕ್ಸೆಲ್‌ ಸೆನ್ಸಾರ್‌ ಸಾಮರ್ಥ್ಯದಲ್ಲಿವೆ. ಇದಲ್ಲದೆ 20 ಮೆಗಾ ಪಿಕ್ಸೆಲ್‌ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಈ ಫೋನ್ ಒಳಗೊಂಡಿದೆ. 4,250mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದಕ್ಕೆ ಪೂರಕವಾಗಿ ಈ ಫೋನ್ 33W ಫಾಸ್ಟ್‌ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಹಾಟ್‌ಸ್ಪಾಟ್‌, ವೈಫೈ, ಬ್ಲೂಟೂತ್‌, ಯುಎಸ್‌ಬಿ ಟೈಪ್‌ ಸಿ 2 ಯನ್ನು ಬೆಂಬಲಿಸುತ್ತದೆ.
Vivo Y21T: 50MP ಕ್ಯಾಮೆರಾ, 5000mAh ಬ್ಯಾಟರಿ: ವಿವೋದಿಂದ ಭಾರತದಲ್ಲಿ ಕಡಿಮೆ ಬೆಲೆಯ ಬೆಸ್ಟ್ ಫೋನ್ ಬಿಡುಗಡೆ
