Viral Video: ಆಸ್ಟ್ರೇಲಿಯಾದ ಮನೆಯೊಂದರಲ್ಲಿ 8 ಅಡಿ ಉದ್ದದ ಹೆಬ್ಬಾವು ಪತ್ತೆ

Python: ಹೇಳಿಕೇಳಿ ಹಾವು! ಕಣ್ಮುಂದೆ ಪ್ರತ್ಯಕ್ಷವಾದಾಗಲೇ ಅವುಗಳ ಇರುವಿಕೆ ಅರಿವಿಗೆ ಬರುವುದು. ಸಾಮಾನ್ಯರಿಗೆ ಮೊದಲು ಆಗುವುದೇ ಭಯ. ಇನ್ನು ಹಾವುಪ್ರಿಯರಿಗೆ ಅದರ ಸೌಂದರ್ಯ ಗಮನಿಸುವ ಸಂಭ್ರಮ. ಹಾವು ಹಿಡಿಯುವವರಿಗೆ ಸವಾಲು. ಇದೀಗ ಈ  ದೊಡ್ಡ ಗಾತ್ರದ, ಆಕರ್ಷಕ ವಿನ್ಯಾಸದ ಮತ್ತು ಶಕ್ತಿಶಾಲಿಯಾದ ಹೆಬ್ಬಾವಿನ ಛಾಯಾಚಿತ್ರವೊಂದು ವೈರಲ್ ಆಗುತ್ತಿದೆ. ಕಾಡು ಬಿಟ್ಟು ಆಸ್ಟ್ರೇಲಿಯಾದ ಮನೆಯೊಂದರ ಒಳಹೊಕ್ಕು, ತನ್ನ ಅಸ್ತಿತ್ವವನ್ನು ನೆನಪಿಸಲು ಇದು ಬಂದಂತಿದೆ. ಆ ಮನೆಯವರು ತಕ್ಷಣವೇ ಹಾವುಹಿಡಿಯುವವರನ್ನು ಸಂಪರ್ಕಿಸಿ ಇದನ್ನು ರಕ್ಷಿಸಿದ್ದಾರೆ.

Jeremy’s Reptile Relocations Townsville ಇದನ್ನು ಪೋಸ್ಟ್ ಮಾಡಿದ್ದು 1,500ಕ್ಕಿಂತಲೂ ಹೆಚ್ಚು ಜನರು ಇಷ್ಟಪಟ್ಟಿದ್ದಾರೆ. ಸುಮಾರು 300 ಜನರು ಈ ಪೋಸ್ಟ್​ ಮರುಹಂಚಿಕೆ ಮಾಡಿಕೊಂಡಿದ್ದಾರೆ. ಅನೇಕರು ಭಯ ಮತ್ತು ಅಚ್ಚರಿಯಿಂದ ಪ್ರತಿಕ್ರಿಯಿಸಿದ್ಧಾರೆ. ನಮ್ಮ ಮನೆಗೇನಾದರೂ ಇದು ಬಂದಿದ್ದರೆ ನಾನೇ ಮನೆಯಿಂದ ಹೊರಗೋಡುತ್ತಿದ್ದೆ  ಅಂಥ ಭಯಾನಕವಾಗಿದೆ ಎಂದು ಒಬ್ಬರು. ಆಹಾ ಇದರ ಸೌಂದರ್ಯ ವರ್ಣನಾತೀತ ಎಂದು ಮತ್ತೊಬ್ಬರು.  ಈ ಫೋಟೋ ನೋಡಿದರೆ ಇದು 4 ಮೀಟರ್​ ಉದ್ದವಿರಬಹುದು ಎನ್ನಿಸುತ್ತಿದೆ ಎಂದು ಮಗದೊಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ : Viral Post: ಬಾಹ್ಯಾಕಾಶದಲ್ಲಿ ಹೂವೊಂದು ಅರಳಿದೆ; ನಾಸಾ ಬಿಡುಗಡೆ ಮಾಡಿದ ಚಿತ್ರವೀಗ ವೈರಲ್

ಈತನಕ ಸುಮಾರು 500 ಜನರು ಈ ಪೋಸ್ಟ್​ಗೆ ಪ್ರತಿಕ್ರಿಯಿಸಿದ್ದಾರೆ- ಅದ್ಭುತವಾದ ಪ್ರಾಣಿ, ನಾನಿದನ್ನು ತುಂಬಾ ಪ್ರೀತಿಸುತ್ತಿದ್ದೇನೆ. ಈ ಹೆಬ್ಬಾವು ಅತ್ಯಂತ ಸುಂದರವಾಗಿದೆ. ಆಹಾ ಇದರ ಸೌಂದರ್ಯ ನೋಡಲು ಎರಡು ಕಣ್ಣುಗಳು ಸಾಲವು ಅಂತೆಲ್ಲ. ಹೆಬ್ಬಾವು ಎದುರಿಗೆ ಇದ್ದರೆ ಹೀಗೆ ಹೇಳುತ್ತ ಕುಳಿತುಕೊಳ್ಳುತ್ತಿದ್ದರೆ? ಇದು ತನಗಾಗಿ ಮನೆಯೊಂದನ್ನು ಹುಡುಕುತ್ತಿದೆ. ಪಾಪ ಇದಕ್ಕೂ ನಮ್ಮಂತೆ ವಾಸಿಸಲು ಮನೆಯೊಂದು ಬೇಕಿದೆ ಎಂದು ಮತ್ತಷ್ಟು ಜನ ಹೇಳಿದ್ದಾರೆ. ಅವರುಗಳ ಮನೆಗೆ ಬಂದಿದ್ದರೆ ಮನೆಯನ್ನೇ ಇದಕ್ಕೆ ಬಿಟ್ಟುಕೊಡುತ್ತಿದ್ದರೆ?

ಏನಂತೀರಿ ನೀವು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ