Video: ಬಹು ಅಂತಸ್ತಿನ ಕಟ್ಟಡ ಏರಿ ತುತ್ತ ತುದಿನಲ್ಲಿ ನಿಂತ ಶ್ವಾನ, ಮುಂದೇನಾಯ್ತು ನೋಡಿ

ಮೂಕ ಪ್ರಾಣಿಗಳೇ ಹಾಗೆ, ತಪ್ಪು ಯಾವುದು, ಸರಿ ಯಾವುದು ಎಂದು ತಿಳಿಯಲ್ಲ. ಇದೀಗ ಶ್ವಾನವೊಂದು (dog) ಬಹು ಅಂತಸ್ತಿನ ಕಟ್ಟಡ ಏರಿ ತುತ್ತ ತುದಿಯಲ್ಲಿ ನಿಂತು ಕೊಂಡಿದೆ. ಈ ನಾಯಿ ದೊಡ್ಡ ಬಿಲ್ಡಿಂಗ್ ಹೇಗೆ ಹತ್ತಿತು ಎನ್ನುವುದು ಪ್ರಶ್ನೆಯಾಗಿ ಕಂಡರೂ, ಮುಂದೇನಾಯ್ತು ಎಂದು ತಿಳಿದ್ರೆ ನೀವು ಅಚ್ಚರಿ ಪಡ್ತಿರಾ. ಸ್ಥಳೀಯರು ಜಾಣತನದಿಂದ ಕಟ್ಟಡದ ಮೇಲಿದ್ದ ಶ್ವಾನವನ್ನು ರಕ್ಷಿಸಿದ ವಿಡಿಯೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಬಹು ಅಂತಸ್ತಿನ ಕಟ್ಟಡ ಏರಿ ನಿಂತ ಶ್ವಾನ

ಘರ್ ಕೆ ಕಲೇಶ್ (Ghar Ke Kalesh) ಎಂಬ ಎಕ್ಸ್‌ ಖಾತೆಯಲ್ಲಿ ಬಿಲ್ಡಿಂಗ್ ಏರಿ ಬಾಲ್ಕನಿಯಲ್ಲಿ ಕುಳಿತ ಶ್ವಾನದ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋ ನೋಡಿದ್ರೆ ಹತ್ತಾರು ಅಂತಸ್ತಿನ ಕಟ್ಟಡವೊಂದು ನಿಮ್ಮ ಕಣ್ಣಿಗೆ ಕಾಣಿಸುತ್ತದೆ. ಈ ಬಹು ಅಂತಸ್ತಿನ ಮಹಡಿ ಹತ್ತಿ ಬಾಲ್ಕನಿಯಲ್ಲಿ ನಾಯಿ ನಿಂತಿದೆ. ಕೊನೆಯ ಹಂಚಿನಲ್ಲಿ ನಿಂತುಕೊಂಡಿದ್ದ ಈ ಶ್ವಾನವು ಅಪಾಯದಲ್ಲಿದೆ ಎಂದು ರಕ್ಷಣಾ ಕಾರ್ಯಕರ್ತರು ಅರಿತುಕೊಂಡಿದ್ದಾರೆ. ಕೊನೆಗೂ ಬುದ್ಧಿ ಉಪಯೋಗಿಸಿ ಈ ಶ್ವಾನವನ್ನು ಅಪಾಯಕಾರಿ ಸ್ಥಳದಿಂದ ಕೆಳಗಿಸುವಲ್ಲಿ ಯಶಸ್ವಿಯಾಗಿರುವುದನ್ನು ಕಾಣಬಹುದು.

ವೈರಲ್ ವಿಡಿಯೋ ಇಲ್ಲಿದೆ

Dogesh bhai was rescued from a high-storied building pic.twitter.com/76PFNbwAAN

— Ghar Ke Kalesh (@gharkekalesh) September 4, 2026

ಇದನ್ನೂ ಓದಿ: ನಾನು ನಿನ್ನ ಜೊತೆಗಿದ್ದೇನೆ; ಅನಾರೋಗ್ಯದಿಂದ ಬಳಲುತ್ತಿದ್ದ ಮಾಲೀಕನ ಜತೆಗೆ ನಿಂತ ಶ್ವಾನ

ಈ ವಿಡಿಯೋ ಎಂಭತ್ತು ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಈ ಶ್ವಾನವು ಬಿಲ್ಡಿಂಗ್ ಏರಿ ಸಿಟಿ ಸೌಂದರ್ಯವನ್ನು ಆಸ್ವಾದಿಸುತ್ತಿದೆ ಎಂದು ತಮಾಷೆ ಮಾಡಿದ್ದಾರೆ. ಮತ್ತೊಬ್ಬರು, ಪೆಂಟ್‌ಹೌಸ್ ಖರೀದಿಸುವ ಮೊದಲು ಸುತ್ತಲು ನೋಡಿ ಎಲ್ಲವನ್ನು ಪರಿಶೀಲಿಸುತ್ತಿದ್ದಾನೆ ಎಂದು ಹೇಳಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ