Video: ಮೊದಲ ಬಾರಿಗೆ ದೋಸೆ ಸವಿದು ಕ್ಯೂಟ್ ರಿಯಾಕ್ಷನ್ ಕೊಟ್ಟ ವಿದೇಶಿಗ

ಇತ್ತೀಚಿನ ದಿನಗಳಲ್ಲಿ ಭಾರತೀಯ ಆಹಾರ ಪದ್ಧತಿ ಜಗತ್ತಿನಾದ್ಯಂತ ಭಾರಿ ಜನಪ್ರಿಯತೆ ಗಳಿಸುತ್ತಿದೆ.  ಹೀಗಾಗಿ ಭಾರತಕ್ಕೆ ಭೇಟಿ ನೀಡುವ ಅನೇಕ ವಿದೇಶಿ ಪ್ರವಾಸಿಗರು (foreign tourist) ಇಲ್ಲಿನ ವಿವಿಧ ಬಗೆಯ ತಿಂಡಿ ತಿನಿಸುಗಳನ್ನು ಸವಿಯದೇ ಇರಲಾರರು. ಇದೀಗ ವಿದೇಶಿಗನೊಬ್ಬ ದೋಸೆ ರುಚಿಗೆ ಫುಲ್ ಫಿದಾ ಆಗಿದ್ದಾನೆ. ದೋಸೆ ತಿಂದ ಬಳಿಕ ಆತ ಕೊಟ್ಟ ಕ್ಯೂಟ್ ರಿಯಾಕ್ಷನ್ ನೆಟ್ಟಿಗರ ಹೃದಯ ಗೆದ್ದಿದೆ. ಸದ್ಯಕ್ಕೆ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ಮೊದಲ ಬಾರಿಗೆ ದೋಸೆ ರುಚಿ ಸವಿದ ವಿದೇಶಿಗ

ಕ್ಲಿಟನ್ ಬಾಟ್ಸ್ (Clinton bates) ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾನೆ. ಭಾರತೀಯ ಸ್ನೇಹಿತೆ ಈ ವಿದೇಶಿಗನನ್ನು ಹೋಟೆಲ್ ಗೆ ಕರೆದುಕೊಂಡು ದೋಸೆ ತಿನಿಸಿದ್ದಾಳೆ. ಫಸ್ಟ್ ಟೈಮ್ ದೋಸೆ ತಿನ್ನುತ್ತಿರುವುದಲ್ವಾ ಎನ್ನುತ್ತಿದ್ದಂತೆ ಈತ ಹೌದು ಎಂದು ತಲೆ ಅಲ್ಲಾಡಿಸಿದ್ದಾನೆ. ಕೊನೆಗೆ ಪ್ಲೇಟ್‌ನಲ್ಲಿ ದೋಸೆಯನ್ನು ಎರಡು ಕೈಯಲ್ಲಿಡಿದು ತಿಂದಿದ್ದಾನೆ. ಆ ರುಚಿ ಸವಿದ ಬಳಿಕ ಮೊದಲ ರಿಯಾಕ್ಷನ್ ಕೊಟ್ಟಿದ್ದು, ಇಷ್ಟ ಆಗಿಲ್ಲ ಎನ್ನುವಂತೆ ತಲೆ ಅಲ್ಲಾಡಿಸಿದ್ದಾನೆ.

ವೈರಲ್ ವಿಡಿಯೋ ಇಲ್ಲಿದೆ

View this post on Instagram

A post shared by @raksh_ravikumar

ಇದನ್ನೂ ಓದಿ: ಭಾರತೀಯರೇ, ನೀವು ಎಲ್ಲವನ್ನೂ ವಿಶೇಷವಾಗಿಸಿದ್ದೀರಿ; ಕಣ್ಣೀರಿಡುತ್ತಾ ಭಾರತದಿಂದ ಹೊರಟ ವಿದೇಶಿ ಮಹಿಳೆ

ಈ ವಿಡಿಯೋ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ದೋಸೆ ಹೇಗೆ ತಿನ್ನುವುದೆಂದು ಕಲಿಸಿ ಕೊಡಿ ಎಂದಿದ್ದಾರೆ. ಇನ್ನೊಬ್ಬರು, ನೀವು ಮಾತಾಡೋ ಕನ್ನಡ ಭಾಷೆಯೇ ಚಂದ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ಅವರಿಗೆ ದೋಸೆ ತಿನ್ನೋದು ಹೇಗೆಂದು ತಿಳಿದಿಲ್ಲ ಎಂದು ಹೇಳಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ