Video: 2000ರಲ್ಲಿ ಇನ್ಫೋಸಿಸ್ ಉದ್ಯೋಗಿಗಳ ಜೀವನ ಹೇಗಿತ್ತು ನೋಡಿ

ಆ ಕಾಲದ ಸ್ನೇಹ, ಪ್ರೀತಿ ಹಾಗೂ ಸಹೋದ್ಯೋಗಿಗಳೊಂದಿಗಿನ ಆ ಬಾಂಧವ್ಯ ಇಂದಿನ ಸ್ಮಾರ್ಟ್‌ಫೋನ್ ಯುಗದಲ್ಲಿ ಸಿಗುವುದು ನಿಜಕ್ಕೂ ಅಪರೂಪ. ಇಂದಿನ ಡಿಜಿಟಲ್ ಹಾಗೂ ಒತ್ತಡದ ಬದುಕಿಗೆ ಹೋಲಿಸಿದ್ರೆ 25 ವರ್ಷಗಳ ಹಿಂದೆ ಇನ್ಫೋಸಿಸ್ ಉದ್ಯೋಗಿಗಳ (Infosys employees) ಜೀವನವೇ ಸುಂದರವಾಗಿತ್ತು ಎನ್ನುವುದಕ್ಕೆ ಈ ವಿಡಿಯೋನೇ ಸಾಕ್ಷಿ. ಅಂದುಇನ್ಫೋಸಿಸ್ ಕೇವಲ ಕೆಲಸದ ಸ್ಥಳವಾಗಿರದೇ ಹೊಸದಾಗಿ ಕಾಲೇಜು ಮುಗಿಸಿಕೊಂಡು ಬಂದ ಯುವ ಇಂಜಿನಿಯರ್ ಗಳಿಗೆ ಕನಸಿನ ಲೋಕವಾಗಿತ್ತು. ಉದ್ಯೋಗಿಗಳ ಸರಳತೆ ಹಾಗೂ ನೈಜ ನಗುವನ್ನೊಳಗೊಂಡ ವಿಡಿಯೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಮಸ್ತ್ ಗುರು ಆಫೀಷಿಯಲ್ (Masthguruofficial) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ 2000 ರಲ್ಲಿ ಇನ್ಫೋಸಿಸ್ ಉದ್ಯೋಗಿಗಳು ಯಾವುದೇ ಒತ್ತಡವಿಲ್ಲದೇ ಕ್ಯಾಂಪಸ್ ನಲ್ಲಿ ಓಡಾಡುವುದನ್ನು ಕಾಣಬಹುದು. ಯಾವುದೇ ಮೊಬೈಲ್ ಫೋನ್‌ಗಳ ಬಳಕೆಯಿಲ್ಲದೆ, ಉದ್ಯೋಗಿಗಳು ಮುಕ್ತವಾಗಿ ನಗುತ್ತಾ, ಹರಟೆ ಹೊಡೆಯುತ್ತಾ ನಡೆದುಕೊಂಡು ಕ್ಯಾಂಪಸ್‌ನಲ್ಲಿ ಹೋಗುತ್ತಿರುವುದನ್ನು ನೋಡಬಹುದು. ಈ ದೃಶ್ಯ ನೋಡಿದ್ರೆ ಕಾಲೇಜ್ ಕ್ಯಾಂಪಸ್ ಎಂಬಂತೆ ಭಾಸವಾಗುತ್ತದೆ.

ವೈರಲ್ ವಿಡಿಯೋ ಇಲ್ಲಿದೆ

View this post on Instagram

A post shared by Masth ಗುರು Official (@masthguruofficial)

ಇದನ್ನೂ ಓದಿ: ಮುಖಕ್ಕೆ ಫೇಸ್ ಪ್ಯಾಕ್‌ ಹಚ್ಚಿಕೊಂಡೇ ಆನ್ಲೈನ್ ಮೀಟಿಂಗ್‌ ಹಾಜರಾದ ಜೆನ್ ಝೆಡ್ ಉದ್ಯೋಗಿ

ಈ ವಿಡಿಯೋ ಅರವತ್ತು ನಾಲ್ಕು ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಕೈ ಎತ್ತಿ ಮುಗಿಬೇಕು ಹೆಣ್ಣು ಮಕ್ಕಳಿಗೆ ಎಂದಿದ್ದಾರೆ. ಇನ್ನೊಬ್ಬರು, ಮೊಬೈಲ್ ಇಲ್ಲದ ಜೀವನ, ಎಷ್ಟು ನೆಮ್ಮದಿಯ ಬದುಕು ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಈ ಉದ್ಯೋಗಿಗಳು ಈಗ ಯಾವ ಪೊಸಿಷನ್ ಹಾಗೂ ದೇಶದಲ್ಲಿ ಇದ್ದಾರೋ ಎಂದು ಕಾಮೆಂಟ್‌ನಲ್ಲಿ ಕೇಳಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ