Viral: ನನ್ನನ್ನು ದತ್ತು ತೆಗೆದುಕೊಳ್ಳುತ್ತೀರೋ? ನಿಮ್ಮ ಕೈಲಾಡೋ ಬೊಂಬೆ ಮಸ್ಕಯ್ಯ

Artificial Intelligence: ಎಐ ಕಲಾವಿದರಂತೂ ಇತ್ತೀಚೆಗೆ ಎಲಾನ್ ಮಸ್ಕ್​ನನ್ನು (Elon Musk) ಆವಾಹಿಸಿಕೊಂಡ ಹಾಗಿದೆ. ಮೊನ್ನೆಯಷ್ಟೇ ಉತ್ತರ ಭಾರತೀಯ ವರನಂತೆ ಎಲಾನ್​ನನ್ನು ಸೃಷ್ಟಿಸಿ ಸಿಂಗರಿಸಿ ಕುಣಿಸಿ ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಮೆರವಣಿಗೆ ಮಾಡಿದ್ದಾಯಿತು. ಅದು ಅಷ್ಟಕ್ಕೇ ಸಂಪನ್ನಗೊಳ್ಳದೆ ಎಲಾನ್ I Love it ಎಂದದ್ದೂ ಆಯಿತು. ಮುಂದೇನು ಎಂದು ಕುತೂಹಲದಿಂದ ಕಾಯ್ದು ಕುಳಿತ ನಿಮ್ಮೆದುರಿಗೆ ಈಗ ಮಾಸ್ಟರ್​ ಎಲಾನ್​ನನ್ನು ಕೈಹಿಡಿದು ಕರೆದುಕೊಂಡು ಬಂದಿದ್ದೇವೆ.

ಎರಡೂವರೆ ಮೂರು ವರ್ಷದ ಮಗು ಎಲಾನ್​ ಡಂಗ್ರಿ ಡ್ರೆಸ್​ನಲ್ಲಿ ಕಾಣಿಸಿಕೊಂಡಿದೆ. ಲಕ್ಷಾಂತರ ಜನರು ಈ ಫೋಟೋ ನೋಡಿ ನಕ್ಕಿದ್ದಾರೆ, ಮುದ್ದಿಸಿದ್ದಾರೆ, ಕಾಲೆಳೆದಿದ್ದಾರೆ, ತೋಚಿದಂತೆ ಪ್ರತಿಕ್ರಿಯಿಸಿದ್ಧಾರೆ. ಆಹಾ ಇದು ಕ್ಯೂರಿಯಸ್​ ಕೇಸ್​ ಆಫ್​ ಬೆಂಜಮಿನ್​ ಬಟನ್​ ಚಿತ್ರದ ಹಾಗಿಲ್ಲವೆ? ಇದು ಬಹಳ ಮುದ್ದಾಗಿದೆ, ದತ್ತು ಪಡೆದುಕೊಳ್ಳಬಹುದೆ? ನಾನು ಈ ಮಗುವನ್ನು ಈಗಲೇ ಕಿಡ್ನ್ಯಾಪ್​ ಮಾಡುತ್ತೇನೆ ಅಂತೆಲ್ಲ ಪ್ರತಿಕ್ರಿಯಿಸಿದ್ಧಾರೆ ನೆಟ್ಟಿಗರು. ಮಜಾ ಎಂದರೆ, ಮಗುವಿದ್ದಾಗಿನಿಂದ ಹಿಡಿದು ಹದಿಹರೆಯದ ತನಕವೂ ವಿವಿಧ ಭಂಗಿಗಳಲ್ಲಿ ಮಸ್ಕ್​ನ ಎಐ ಚಿತ್ರಗಳನ್ನು ಈ ಕೆಳಗಿನ ಟ್ವೀಟ್​ನಲ್ಲಿ ನೋಡಬಹುದಾಗಿದೆ.

ಇನ್ನು ಎಐ ಕಲಾವಿದರ ಕೈಯಲ್ಲಾಡೋ ಬೊಂಬೆಯಂತಾಗಿರುವ ಎಲಾನ್​ ಮಸ್ಕ್​ ತನ್ನ ಈ ಅವತಾರಗಳನ್ನೆಲ್ಲ ಖುಷಿಯಿಂದ ಅನುಭವಿಸುತ್ತಿದ್ದಾನೆ, ರೀಟ್ವೀಟ್ ಕೂಡ ಮಾಡುತ್ತಿದ್ದಾನೆ. ಅಬ್ಬಾ ಬೆಳಗ್ಗೆಯಿಂದ ನಾನು ಯಾಕೋ ಸಪ್ಪಗಿದ್ದೆ. ಈಗ ನಿಜಕ್ಕೂ ಇದನ್ನು ನೋಡಿ ನಗುತ್ತಿದ್ದೇನೆ. ಮಸ್ಕ್​ ಮತ್ತು ಕಲಾವಿದರಿಗೆ ಧನ್ಯವಾದ ಎಂದಿದ್ದಾರೆ ಒಬ್ಬರು. ಅನೇಕರು ವಿವಿಧ ಸೆಲೆಬ್ರಿಟಿಗಳ ಎಐ ಕಲಾಕೃತಿಗಳನ್ನು ಈ ಥ್ರೆಡ್​ನಲ್ಲಿ ಟ್ವೀಟ್ ಮಾಡಿದ್ದಾರೆ.

ಈ ಎಲಾನ್​ ಮರಿಯನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ