Viral Video: ಅಮೆಜಾನ್ ವ್ಯಾನ್​ನಿಂದ ರಹಸ್ಯವಾಗಿ ಹೊರಬಂದ ಯುವತಿಯ ವಿಡಿಯೊ ವೈರಲ್; ಚಾಲಕನನ್ನು ಕೆಲಸದಿಂದ ವಜಾಗೊಳಿಸಿದ ಕಂಪನಿ

ಅಮೆಜಾನ್ ಡೆಲಿವರಿ ವ್ಯಾನ್​ನಿಂದ ಹೊರಗಿಳಿದ ಯುವತಿಯ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆಯೇ ಅಮೆಜಾನ್ ಡೆಲಿವರಿ ಬಾಯ್ಅನ್ನು ಕೆಲಸದಿಂದ ವಜಾಗೊಳಿಸಲಾಗಿದೆ. ಮೂಲತಃ ಟಿಕ್​ ಟಾಕ್​ನಲ್ಲಿ ಪೋಸ್ಟ್ ಮಾಡಲಾದ 11 ಸೆಕೆಂಡುಗಳ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ. 11.3 ಮಿಲಿಯನ್ ವೀಕ್ಷಣಿಗಳನ್ನು ಗಳಿಸಿಕೊಂಡಿದ್ದು, ವ್ಯಾನ್​ನಿಂದ ಯುವತಿ ಇಳಿಯುತ್ತಿರುವುದು ರಹಸ್ಯವೆನಿಸುತ್ತಿದೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. ಘಟನೆ ಅಮೆರಿಕಾದ ಫ್ಲೋರಿಡಾದಲ್ಲಿ ನಡೆದಿದ್ದು ಅಮೆಜಾನ್ ಡೆಲಿವರಿ ಬಾಯ್ಅನ್ನು ಕೆಲಸದಿಂದ ವಜಾಗೊಳಿಸಲಾಗಿದೆ.

ವಿಡಿಯೊದಲ್ಲಿ ಗಮನಿಸುವಂತೆ ರಸ್ತೆ ಮಧ್ಯದಲ್ಲಿ ಅಮೆಜಾನ್ ಡೆಲಿವರಿ ವ್ಯಾನ್ ನಿಂತಿದೆ. ಡೆಲಿವರಿ ಬಾಯ್ ವ್ಯಾನ್​ನ ಹಿಂಬದಿಯ ಬಾಗಿಲನ್ನು ತೆಗೆದುತ್ತಿದ್ದಂತೆಯೇ ಯುವತಿಯೊಬ್ಬಳು ಕೆಳಗಿಳಿದು ಮೊಬೈಲ್ ನೋಡುತ್ತಾ ಮುಂದೇ ಸಾಗಿದ್ದಾಳೆ. ಈ ದೃಶ್ಯ ಕ್ಯಾಮರಾದಲ್ಲಿ ಸೆರೆಯಾಗಿದ್ದು ವಿಡಿಯೊ ಫುಲ್ ವೈರಲ್ ಆಗಿದೆ.

ಈ ಘಟನೆಯ ಕುರಿತು ಪ್ರತಿಕ್ರಿಯಿಸಿದ ಅಮೆಜಾನ್, ಚಾಲಕನು ಇನ್ನು ಮುಂದೆ ಕಂಪನಿಯೊಂದಿಗೆ ಸಂಬಂಧ ಹೊಂದಿರುವುದಿಲ್ಲ. ಅಮೆಜಾನ್​ ವಸ್ತು ವಿತರಣಾ ವ್ಯಾನ್​ಗಳಲ್ಲಿ ಇತರನ್ನು ಕರೆದೊಯ್ಯುವಂತಿಲ್ಲ ಎಂದು ಕಂಪನಿ ಉತ್ತರಿಸಿದೆ. ಏತನ್ಮಧ್ಯೆ ಸಾಮಾಜಿಕ ಜಾಲತಾಣದಲ್ಲಿ ಬಳಕೆದಾರರು, ನಿಗೂಢ ಮಹಿಳೆ ಮತ್ತು ಅವಳ್ಯಾಕೆ ವ್ಯಾನ್​ನಲ್ಲಿದ್ದಳು? ಎಂದು ಪ್ರಶ್ನಿಸಿದ್ದಾರೆ. ಚಾಲಕನು ತನ್ನ ಸ್ನೇಹಿತೆಗೆ ಡ್ರಾಪ್ ನೀಡುತ್ತಿದ್ದಾನೆ ಎಂದು ಕೆಲವರು ಹೇಳಿದ್ದಾರೆ. ಕೆಲವರು ಚಾಲಕನ ಬಗ್ಗೆ ತಮಾಷೆ ಮಾಡಿ ನಕ್ಕಿದ್ದಾರೆ.

ಅಮೆಜಾನ್ ಡೆಲಿವರಿ ವ್ಯಾನ್ ಚಾಲಕರು ಸುದ್ದಿಯಲ್ಲಿರುವುದು ಇದೇ ಮೊದಲಲ್ಲ. ಈ ಹಿಂದೆ ಮಹಿಳೆ ಸ್ನಾನ ಮಾಡುವುದನ್ನು ನೋಡಲು ಮಹಿಳೆಯಂತೆ ಉಡುಗೆ ತೊಟ್ಟು ಶೂ ಧರಿಸಿ, ಶೂಗಳಿಗೆ ಪೆನ್ ಕ್ಯಾಮರಾವನ್ನು ಜೋಡಿಸಿದ ಆರೋಪದ ಮೇಲೆ ಅಮೆಜಾನ್ ಚಾಲಕನನ್ನು ಸೆಪ್ಟೆಂಬರ್ ತಿಂಗಳಿನಲ್ಲಿ ಬಂಧಿಸಲಾಯಿತು. ಮತ್ತೊಂದು ವಿಡಿಯೊದಲ್ಲಿ ಅಮೆಜಾನ್ ಪಾರ್ಸಲ್​ಗಳನ್ನು ವ್ಯಕ್ತಿ ಬಿಸಾಡಿ ನಡೆದುಕೊಂಡು ಹೋಗುತ್ತಿರುವ ದೃಶ್ಯ ಫುಲ್ ವೈರಲ್ ಆಗಿತ್ತು.

ಇದನ್ನೂ ಓದಿ:

Shocking News: ತಾನೇ ಮುಂದೆ ನಿಂತು ಹೆಂಡತಿಯನ್ನು ಆಕೆಯ ಪ್ರೇಮಿಯೊಂದಿಗೆ ಮದುವೆ ಮಾಡಿಸಿದ ಗಂಡ!

Shocking News: ಮಹಿಳೆಯ ಕಿವಿಯೊಳಗೆ ರಾತ್ರಿಯಿಡೀ ವಾಸವಿದ್ದ ಜೇಡರ ಹುಳು; ಅಪರೂಪದ ಕೇಸ್​ ಕಂಡು ವೈದ್ಯರಿಗೇ ಶಾಕ್!