ತುಪ್ಪಳದ ಹೊದಿಕೆ; ನಿಮ್ಮ ಪ್ರೀತಿಯ ನಾಯಿ ಇನ್ನೆಂದೂ ನಿಮ್ಮನ್ನಗಲುವುದೇ ಇಲ್ಲ
Dog Love : ಈ ವಿಡಿಯೋದಲ್ಲಿರುವ ತುಪ್ಪಳದ ಹೊದಿಕೆ ಆಸ್ಟ್ರೇಲಿಯಾದಲ್ಲಿ ತೀರಿಹೋದ ಗೋಲ್ಡನ್ ರಿಟ್ರೈವರ್ ನಾಯಿಯದು. ನಿಮ್ಮ ನಿಮ್ಮ ಸಾಕುಪ್ರಾಣಿಗಳನ್ನು ಹೀಗೆ ಈ ರೂಪದಲ್ಲಿ ನಿಮ್ಮೊಂದಿಗೆ ಕೊನೆತನಕ ಇರಿಸಿಕೊಳ್ಳಬಹುದಾಗಿದೆ.
Updated on:Nov 03, 2022 | 5:27 PM
Viral Video : ಪ್ರಾಣಿಗಳನ್ನು ಸಾಕುವುದಕ್ಕಿಂತ ಅವುಗಳನ್ನು ಕಳೆದುಕೊಂಡಾಗ ಅನುಭವಿಸುವ ನೋವು ದೊಡ್ಡದು. ಅದು ನಮ್ಮ ಜೀವವಿರುವವರೆಗೂ ನಮ್ಮನ್ನು ಕಾಡುತ್ತದೆ. ಹಾಗಾಗಿ ಪ್ರಾಣಿಪ್ರಿಯರು ತಮ್ಮ ಸಾಕುಪ್ರಾಣಿಗಳನ್ನು ಹಲವಾರು ವಿಧಗಳಲ್ಲಿ ನೆನಪಿನಲ್ಲಿಟ್ಟಕೊಳ್ಳಲು ಬಯಸುತ್ತಾರೆ. ಆದರೆ ಆಸ್ಟ್ರೇಲಿಯಾದ ಒಂದು ಕುಟುಂಬ ಮಾತ್ರ ತಮ್ಮ ನಾಯಿಯ ನೆನಪನ್ನು ಮಾತ್ರ ವಿಶಿಷ್ಟವಾಗಿ ಇರಿಸಿಕೊಂಡಿದೆ. ತೀರಿಹೋದ ಅವರ ನಾಯಿ ಅವರೊಂದಿಗೇ ಇರುತ್ತದೆ. ಹೇಗಂತೀರಾ? ನೋಡಿ ವಿಡಿಯೋ.
View this post on Instagram
chimerataxidermy ಎಂಬ ಇನ್ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿರುವ ಈ ತುಪ್ಪಳದ ಹೊದಿಕೆ ತೀರಿಹೋದ ಗೋಲ್ಡನ್ ರಿಟ್ರೈವರ್ ನಾಯಿಯದು. ನಾಯಿಯ ತಲೆ ಮತ್ತು ಉಗುರುಗಳು ಹಾಗೆಯೇ ಇವೆ. ಈ ಇಡಿಯಾದ ಹೊದಿಕೆಯನ್ನು ಬಹುಕಾಲದವರೆಗೆ ಸಂರಕ್ಷಿಸಿ ಇಡಲು ಸಾಧ್ಯವಿದೆ.
ಈ ತನಕ ಈ ವಿಡಿಯೋ ಅನ್ನು 29,000 ಕ್ಕಿಂತಲೂ ಹೆಚ್ಚು ಜನ ನೋಡಿದ್ದಾರೆ. ಆದರೆ ಇದನ್ನು ನೋಡಿ ಅಚ್ಚರಿ ಆತಂಕ ವ್ಯಕ್ತಪಡಿಸಿದವರೇ ಹೆಚ್ಚು. ಸಾಕಷ್ಟು ಜನ ಈ ವಿಧಾನವನ್ನು ನೋಡಿ ಕೋಪಗೊಂಡಿದ್ದಾರೆ, ಅಸಹ್ಯಪಟ್ಟುಕೊಂಡಿದ್ದಾರೆ. ಈ ನಾಯಿಯ ಆತ್ಮಕ್ಕೆ ಅವರು ಶಾಂತಿ ಕೋರುವ ಬದಲಾಗಿ ಹೀಗಿಟ್ಟುಕೊಂಡಿರುವುದು ಸರಿಯಲ್ಲ ಎಂದಿದ್ದಾರೆ.
ಇನ್ನೂ ಕೆಲವರು, ಇದನ್ನು ನೋಡಿ ಖುಷಿಯಾಗುತ್ತಿದೆ. ಅನೇಕ ಜನ ಈ ವಿಧಾನವನ್ನು ಅನುಸರಿಸುತ್ತಿದ್ದಾರೆ ಎಂದಿದ್ದಾರೆ. ಕೆಲವರು ಈ ಪ್ರಕ್ರಿಯೆಗೆ ಒಳಪಡಿಸಲು ಎಷ್ಟು ಹಣ ಖರ್ಚಾಗುತ್ತದೆ ಎಂದು ವಿಚಾರಿಸಿದ್ದಾರೆ.
ನಾಯಿ ಕಳೆದುಕೊಂಡ ನೋವು ಬಹಳ ದೊಡ್ಡದು. ಅದನ್ನು ವಿವರಿಸಲು ಅಸಾಧ್ಯ. ಹೀಗಾದರೂ ಕಣ್ಣಮುಂದೆ ಇದೆಯಲ್ಲ ಎಂದು ಸಮಾಧಾನಪಟ್ಟುಕೊಳ್ಳಲು ಇದಕ್ಕಿಂತ ಉತ್ತಮ ಮಾರ್ಗ ಇನ್ನೊಂದಿಲ್ಲ ಎಂದಿದ್ದಾರೆ ಕೆಲವರು.
ನಿಮಗೇನು ಅನ್ನಿಸುತ್ತದೆ ಇದನ್ನು ನೋಡುತ್ತಿದ್ದರೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 5:14 pm, Thu, 3 November 22
