ಹೂವುಗಳಿಂದ ತುಂಬಿದ ಗಾಡಿಯಲ್ಲಿ ಗ್ರ್ಯಾಂಡ್ ಎಂಟ್ರಿ ಪಡೆದ ವಧು: ವಿಡಿಯೋ ವೈರಲ್
ಕೆಂಪು ಲೆಹಂಗಾ ಧರಿಸಿರುವ ವಧು ಸಂಪೂರ್ಣ ಹೂವಿನಿಂದ ಅಲಂಕೃತವಾದ ಬಿಳಿಯ ಗಾಡಿಯಲ್ಲಿ ಅದ್ದೂರಿಯಾಗಿ ಬರುತ್ತಿರುವುದನ್ನು ಕಾಣಬಹುದು. ಈ ವೇಳೆ ವಧು ಕುಳಿತಲ್ಲೇ ಸಖತ್ ಆಗಿ ಡ್ಯಾನ್ಸ್ ಮಾಡಿದ್ಧಾರೆ.
Updated on:Mar 03, 2022 | 1:26 PM
ಮದುವೆ (Wedding) ಪ್ರತೀ ಹುಡುಗಿಯ ಕನಸು ನನಸಾಗುವ ದಿನ. ಮೆಚ್ಚಿದ ಹುಡಗನನ್ನು ವರಿಸಿ ಹೊಸ ಜೀವನಕ್ಕೆ ತೆರೆದುಕೊಳ್ಳುವ ಸಂದರ್ಭ. ಭಾರತಿಯ ಮದುವೆಗಳು ಸದಾ ಹೊಸತನದಿಂದ ಕೂಡಿರುತ್ತದೆ. ವಿಭಿನ್ನ ಕಲ್ಪನೆಗಳ ಮೂಲಕ ವಧು ವರರನ್ನು ಮದುವೆಯ ಮಂಟಪಕ್ಕೆ ಕರೆತರುವುದು ಈಗಿನ ಟ್ರೆಂಡ್ ಆಗಿದೆ, ಈ ಹಿಂದೆ ಅದ್ದೂರಿ ಪಲ್ಲಕ್ಕಿಯ ಮೇಲೆ ವಧುವನ್ನು ಕರೆದುಕೊಂಡು ಬಂದಿರುವ ವಿಡಿಯೋ ವೈರಲ್ ಆಗಿತ್ತು. ಇದೀಗ ಹೂವಿನಿಂದ ತುಂಬಿದ ಗಾಡಿಯಲ್ಲಿ ವಧುವನ್ನು ಕೂರಿಸಿಕೊಂಡು ಬರುತ್ತಿದ್ದು, ಖುಷಿಯಿಂದ ವಧು ಕುಳಿತಲ್ಲೇ ಡ್ಯಾನ್ಸ್ ಮಾಡುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇನ್ಸ್ಟಾಗ್ರಾಮ್ನಲ್ಲಿ ವಧುವಿನ ಡ್ಯಾನ್ಸ್ ವಿಡಿಯೋ ವೈರಲ್ ಆಗಿದೆ. weddingsfever ಎನ್ನುವ ಇನ್ಸ್ಟಾಗ್ರಾಮ್ ಖಾತೆ ವಿಡಿಯೋವನ್ನು ಹಂಚಿಕೊಂಡಿದೆ.
View this post on Instagram
ವಿಡಿಯೋದಲ್ಲಿ ಕೆಂಪು ಲೆಹೆಂಗಾ ಧರಿಸಿರುವ ವಧು ಸಂಪೂರ್ಣ ಹೂವಿನಿಂದ ಅಲಂಕೃತವಾದ ಬಿಳಿಯ ಗಾಡಿಯಲ್ಲಿ ಅದ್ದೂರಿಯಾಗಿ ಬರುತ್ತಿರುವುದನ್ನು ಕಾಣಬಹುದು. ಈ ವೇಳೆ ವಧು ಕುಳಿತಲ್ಲೇ ಸಖತ್ ಆಗಿ ಡ್ಯಾನ್ಸ್ ಮಾಡಿದ್ಧಾರೆ. ಇದು ನೋಡುಗರನ್ನು ಸೆಳೆದಿದ್ದು ವಿಡಿಯೋ ಸಖತ್ ವೈರಲ್ ಆಗಿದೆ. ಬಾಲಿವುಡ್ನ ಆಜ್ಕಲ್ ಚಿತ್ರದ ಥೋಡಾ ಥೋಡಾ ಪ್ಯಾರ್ ಹಾಡಿಗೆ ಸ್ಟೆಪ್ ಹಾಕಿದ್ದಾಳೆ. ಆಜ್ಕಲ್ ಚಿತ್ರದಲ್ಲಿ ಸಲ್ಮಾನ್ ಖಾನ್ ಮತ್ತು ಜಿಸೆಲ್ಲಿ ಮೊಂಟೆರೊ ಕಾಣಿಸಕೊಂಡಿದ್ದಾರೆ. ಹಾಡನ್ನು ಸುನಿಧಿ ಚೌವಾಣ್ ಹಾಡಿದ್ದಾರೆ.
ಸದ್ಯ ವಧುವಿನ ಬಿಂದಾಸ್ ಡ್ಯಾನ್ಸ್ ನೆಟ್ಟಿಗರ ಮನ ಸೆಳೆದಿದೆ. ವಧುವಿನ ಗ್ರ್ಯಾಂಡ್ ಎಂಟ್ರಿ ನೋಡಿ ಎಲ್ಲರೂ ದಂಗಾಗಿದ್ದಾರೆ. ವಿಡಿಯೋದಲ್ಲಿ ವಧುವಿನ ಜತೆಗೆ ಆಕೆಯ ಸ್ನೇಹಿತರು, ಸಂಬಂಧಿಗಳೂ ಕೂಡ ಡ್ಯಾನ್ಸ್ ಮಾಡುವುದನ್ನು ಕಾಣಬಹುದಾಗಿದೆ.
ಇದನ್ನೂ ಓದಿ:
90ನೇ ವರ್ಷದ ಬರ್ತಡೇ ದಿನ ಬೆಸ್ಟ್ ಫ್ರೆಂಡ್ ನೋಡಿ ಅಚ್ಚರಿಗೊಂಡ ವೃದ್ಧೆ: ವಿಡಿಯೋ ವೈರಲ್
Published On - 1:24 pm, Thu, 3 March 22
