Viral Video: ಲತಾ ಮಂಗೇಶ್ಕರ್ ಹಾಡನ್ನು ಹಾಡಿ ನೆಟ್ಟಿಗರ ಮನಗೆದ್ದ ತಂದೆ ಮಗಳ ಜೋಡಿ
ಲತಾ ಮಂಗೇಶ್ಕರ್ ಮತ್ತು ಕಿಶೋರ್ ಕುಮಾರ್ ಅವರು ಹಾಡಿದ Tere Mere Milan Ki Yeh Raine ಹಾಡನ್ನು ತಂದೆ ಮಗಳ ಜೋಡಿಯೊಂದು ಹಾಡಿದೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಹಾಡುಗಾರರು ಭೌತಿಕವಾಗಿ ಪ್ರಪಂಚವನ್ನು ತೊರೆದರೂ ಅವರ ಕಂಠದಲ್ಲಿ ಮೂಡಿ ಬಂದ ಒಂದಷ್ಟು ಹಾಡುಗಳು ಕೇಳುಗರಿಗೆ ಮುದ ನೀಡುತ್ತಲೇ ಇರುತ್ತವೆ. ಅದೆಷ್ಟೂ ಮರೆಯಲಾಗದ ಹಾಡುಗಳನ್ನು ನೀಡಿ ಕಲಾವಿದರು ಮರೆಯಾಗಿದ್ದಾರೆ. ಅವರಲ್ಲಿ ಇತ್ತೀಚೆಗೆ ಮರೆಯಾದ ಭಾರತ ರತ್ನ ಲತಾ ಮಂಗೇಶ್ಕರ್ ಕೂಡ ಒಬ್ಬರು. ಗಾನ ಕೋಗಿಲೆ ಎಂದೇ ಖ್ಯಾತಿಗಳಿಸಿದ್ದ ಅವರು ಇಂದು ನಮ್ಮೊಂದಿಗಿಲ್ಲ. ಆದರೆ ಅವರ ಹಾಡುಗಳು ಮಾತ್ರ ಎಲ್ಲರನ್ನೂ ಖುಷಿಗೊಳಿಸುತ್ತವೆ. ಇದೀಗ ಲತಾ ಮಂಗೇಶ್ಕರ್ ಮತ್ತು ಕಿಶೋರ್ ಕುಮಾರ್ ಅವರು ಹಾಡಿದ Tere Mere Milan Ki Yeh Raine ಹಾಡನ್ನು ತಂದೆ ಮಗಳ ಜೋಡಿಯೊಂದು ಹಾಡಿದೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೋ ಹಂಚಿಕೊಳ್ಳಲಾಗಿದ್ದು, ನೆಟ್ಟಿಗರು ತಂದೆ ಮಗಳ ಹಾಡನ್ನು ಕೇಳಿ ಕಿವಿಗಳು ಪಾವನವಾಯಿತು ಎಂದು ಕಾಮೆಂಟ್ ಮಾಡಿದ್ದಾರೆ. ವಿಡಿಯೋದಲ್ಲಿ ಮೊದಲು ಯುವತಿ ಹಾಡನ್ನು ಆರಂಭ ಮಾಡಿದ್ದು, ನಂತರ ಆಕೆಯ ತಂದೆ ಜತೆಯಾಗಿದ್ದಾರೆ. 1973ರಲ್ಲಿ ಬಿಡುಗಡೆಯಾದ ಅಭಿಮಾನ್ ಚಿತ್ರದ ಹಾಡು ಇದಾಗಿದೆ. ಗಿಟಾರ್ ನುಡಿಸುತ್ತಾ ತಂದೆ ಮಗಳು ಹಾಡನ್ನು ಹಾಡಿದ್ದಾರೆ.
ಜೂಹಿ ಸಿಂಗ್ ಎನ್ನುವವರು ಸಾಮಾಜಿಕ ಜಾಲತಾಣದಲ್ಲಿ ಈ ಹಾಡಿನ ವಿಡಿಯೋ ಹಂಚಿಕೊಂಡಿದ್ದು, 25 ಸಾವಿರಕ್ಕೂ ಹೆಚ್ಚು ವೀಕ್ಷಣೆ ಪಡೆದಿದೆ. ಸದ್ಯ ವಿಡಿಯೋ ನೋಡಿದ ನೆಟ್ಟಿಗರು ಮೆಚ್ಚಿಕೊಂಡು ಕಾಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ:
ಮಿಲಿಟರಿ ಚೆಕ್ಪಾಯಿಂಟ್ನಲ್ಲಿ ಮಂಡಿಯೂರಿ ಯುವತಿಗೆ ಪ್ರಪೋಸ್ ಮಾಡಿದ ಉಕ್ರೇನ್ ಸೈನಿಕ: ವಿಡಿಯೋ ವೈರಲ್
Published On - 10:14 am, Wed, 9 March 22