Viral Video: ರೊಚ್ಚಿಗೆದ್ದ ಹೋರಿಯಿಂದ ಮಗನನ್ನು ರಕ್ಷಿಸಿದ ತಂದೆ; ಹೃದಯಸ್ಪರ್ಶಿ ವಿಡಿಯೋ ಕಂಡು ನೆಟ್ಟಿಗರು ಹೇಳಿದ್ದೇನು ಗೊತ್ತಾ?

ತಂದೆ ತನ್ನ ಮಕ್ಕಳನ್ನು ರಕ್ಷಿಸಲು ಯಾವ ಹಂತಕ್ಕೆ ಬೇಕಾದರೂ ಹೋಗಬಹುದು ಎಂದು ಸಾಮಾನ್ಯವಾಗಿ ಹೇಳಲಾಗುತ್ತದೆ. ಈ ಮಾತಿಗೆ ಪುಷ್ಠಿ ನೀಡುವಂತೆ ಸಾಮಾಜಿಕ ಜಾಲತಾಣದಲ್ಲಿ(Social media) ವಿಡಿಯೋವೊಂದು ವೈರಲ್(Viral)​ ಆಗಿದೆ. ನೆಟ್ಟಿಗರು ಕೂಡ ಈ ವಿಡಿಯೋದಲ್ಲಿ ತಂದೆ ತನ್ನ ಮಗನ(Son) ಮೇಲೆ ವಹಿಸಿದ ಕಾಳಜಿಯನ್ನು ಕಂಡು ಮೆಚ್ಚಿಕೊಂಡಿದ್ದಾರೆ. ವೈರಲ್​ ಆದ ವಿಡಿಯೋದಲ್ಲಿ ಟೆಕ್ಸಸ್‌ನ ರೋಡಿಯೊದಲ್ಲಿ ತನ್ನ ಮಗನನ್ನು ರೊಚ್ಚಿಗೆದ್ದ ಹೋರಿಯಿಂದ ರಕ್ಷಿಸಲು ತಂದೆ (Father) ಅನುಸರಿಸಿದ ಮಾರ್ಗವನ್ನು ಕಾಣಬಹುದು.

ಕೋಡಿ ಹುಕ್ಸ್ ಎಂಬ ವ್ಯಕ್ತಿಯು, ತನ್ನ ತಂದೆ ರೊಚ್ಚಿಗೆದ್ದ ಹೋರಿಯಿಂದ ತನ್ನನ್ನು ರಕ್ಷಿಸಿದ ವಿಡಿಯೋವನ್ನು ಹಂಚಿಕೊಂಡಿದ್ದಾನೆ. ತನ್ನ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿರುವ ಹುಕ್ಸ್​ ತನ್ನ ತಂದೆಯ ಕಾಳಜಿಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾನೆ. ಕೋಡಿ ಹುಕ್ಸ್ ಕೌಬಾಯ್ ಆಗಿದ್ದು, ರೊಚ್ಚಿಗೆದ್ದ ಹೋರಿಯ ವಿಚಿತ್ರ ವರ್ತನೆಯಿಂದ ನೆಲದ ಮೇಲೆ ಪ್ರಜ್ಞಾಹೀನನಾಗಿ ಬಿಳುತ್ತಾನೆ. ಆಗ ಅವನ 40 ವರ್ಷದ ತಂದೆ ಲ್ಯಾಂಡಿಸ್ ಹುಕ್ಸ್ ದೌಡಾಯಿಸಿದ್ದು, ತನ್ನ 18 ವರ್ಷದ ಬುಲ್ ರೈಡರ್ ಮಗನನ್ನು ಉಳಿಸಲು ಆತನ ಮೇಲೆಯೇ ಮಲಗಿ ಹೋರಿ ದಾಳಿ ನಡೆಸದಂತೆ ರಕ್ಷಿಸುತ್ತಾರೆ.

ಇದು ಕೇವಲ ಬೀಳುವ ವಿಡಿಯೋವಲ್ಲ. ನನ್ನ ತಂದೆ ಲ್ಯಾಂಡಿಸ್ ಹುಕ್ಸ್ ಮತ್ತು ಇನ್ನಿತರರು ನನ್ನನ್ನು ರಕ್ಷಿಸಿದ ರೀತಿ ಅವರಿಗೆ ದೊಡ್ಡ ಧನ್ಯವಾದ ಎಂಬ ಶೀರ್ಷಿಕೆಯೊಂದಿಗೆ ಕೋಡಿ ಹುಕ್ಸ್ ಈ ವಿಡಿಯೋವನ್ನು ಹಂಚಿಕೊಂಡಿದ್ದಾನೆ.

ಏನೇ ಇರಲಿ, ನಾನು ಅವನಿಗೆ ಏನು ಮಾಡಬೇಕೋ ಅದನ್ನು ಮಾಡುತ್ತೇನೆ. ಇದನ್ನು ಹೊರತು ಪಡಿಸಿ ಈ ಘಟನೆ ಕೌಬಾಯ್ ಜೀವನದ ಒಂದು ಭಾಗವಾಗಿದೆ. ಯಾರಾದರೂ ಕೆಳಗೆ ಬೀಳುತ್ತಾರೆ. ನೀವು ಅವರಿಗೆ ಸಹಾಯ ಮಾಡಬೇಕು. ಆದರೆ ನಾನು ಅಲ್ಲಿದ್ದಕ್ಕೆ ನನಗೆ ಸಂತೋಷವಾಗಿದೆ ಎಂದು ಲ್ಯಾಂಡಿಸ್ ಗುಡ್ ತನ್ನ ಮಗನ ಬಗ್ಗೆ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.

ವೈರಲ್​ ಆದ ವೀಡಿಯೊ ಎರಡು ಲಕ್ಷಕ್ಕೂ ಹೆಚ್ಚು ವ್ಯೂವ್ಸ್​ ಪಡೆದಿದೆ. ಅನೇಕರು ಈ ವಿಡಿಯೋವನ್ನು ಲೈಕ್​ ಮಾಡಿದ್ದಾರೆ. ಜತೆಗೆ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ಈ ವಿಡಿಯೋವನ್ನು ರೀ ಪೋಸ್ಟ್​ ಮಾಡಿದ್ದಾರೆ . ಮತ್ತೆ ಕೆಲವರು ತಮ್ಮ ಪ್ರತಿಕ್ರಿಯೆಯನ್ನು ಕಮೆಂಟ್​ ಮೂಲಕ ತಿಳಿಸಿದ್ದಾರೆ.

ಅಪ್ಪ ಒಂದು ವಿಲಕ್ಷಣ ದಂತಕಥೆ. ನೀವು ಅದೃಷ್ಟವಂತ ಒಬ್ಬೊರು ಕಮೆಂಟ್​ ಮಾಡಿದರೆ, ಮತ್ತೊಬ್ಬರು ಒಳ್ಳೆಯ ಅಪ್ಪಂದಿರು ಮತ್ತು ಒಳ್ಳೆಯ ಪುರುಷರು ಇನ್ನೂ ಇದ್ದಾರೆ ಎಂಬುದನ್ನು ನಿಮ್ಮ ತಂದೆ ನೆನಪಿಸುತ್ತಾರೆ ಎಂದು ಕಮೆಂಟ್​ ಮಾಡಿದ್ದಾರೆ. ಅದು ಪ್ರೀತಿ, ಅದು ಶಕ್ತಿ, ಅದು ನಿಜವಾದ ಮನುಷ್ಯತ್ವ ದೇವರು ನಿಮ್ಮಿಬ್ಬರನ್ನೂ ಆಶೀರ್ವದಿಸಲಿ ಎಂದು ಇನ್ನೋಬ್ಬರು ಕಮೆಂಟ್​ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ.

ಇದನ್ನೂ ಓದಿ:
ಕಚ್ಚಾ ಬಾದಾಮ್​ ಬಳಿಕ ವೈರಲ್​ ಆಗುತ್ತಿದೆ ಪೇರಳೆ ಹಣ್ಣಿನ ವ್ಯಾಪಾರಿಯ ಹಾಡು: ಇಲ್ಲಿದೆ ವಿಡಿಯೋ

ಹೂವುಗಳಿಂದ ತುಂಬಿದ ಗಾಡಿಯಲ್ಲಿ ಗ್ರ್ಯಾಂಡ್​ ಎಂಟ್ರಿ ಪಡೆದ ವಧು: ವಿಡಿಯೋ ವೈರಲ್​