Viral Video: ಮದುವೆ ಮನೆಯಲ್ಲಿ ಪಾನಿಪುರಿ ರಸದೌತಣ! ನೀವೂ ಮಿಸ್ ಮಾಡಿಕೊಳ್ಳುತ್ತಿದ್ದೀರಾ?
ವಿಡಿಯೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೋ 2.3 ಮಿಲಿಯನ್ಗೂ ಹೆಚ್ಚಿನ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ನೂರಾರು ಕಾಮೆಂಟ್ಸ್ಗಳೂ ಸಹ ಲಭ್ಯವಾಗಿದೆ.
ಪಾನಿಪುರಿ ಎಂಬ ಹೆಸರು ಕೇಳಿದ್ರೆ ಸಾಕು ಬಾಯಲ್ಲಿ ನೀರುರುತ್ತೆ! ಅದೆಷ್ಟು ದಿನಗಳಾಯ್ತು ಅಲ್ವೇ? ರಸ್ತೆಯ ಬದಿಯಲ್ಲಿ ನಿಂತು ಸ್ನೇಹಿತರೊಡನೆ ಪೈಪೋಟಿಯೊಂದಿಗೆ ಪಾನಿ ಪುರಿ ತಿನ್ನದೇ.. ರಸ್ತೆ ಬದಿಯಲ್ಲಿ ಇರುವ ಗೂಡಂಗಡಿಗಳಿಂದ ಹಿಡಿದು ಬಣ್ಣದ ಲೈಟಿಂಗ್ಸ್ನೊಂದಿಗೆ ಕಂಗೊಳಿಸುವ ದೊಡ್ಡ ದೊಡ್ಡ ಹೋಟೆಲ್ಗಳಲ್ಲಿಯೂ ಪಾನಿಪುರಿ ಅಷ್ಟು ಫೇಮಸ್! ಅದೆಷ್ಟೋ ದುಡ್ಡುಕೊಟ್ಟು ವಿವಿಧ ಖಾದ್ಯಗಳನ್ನು ಸವಿದರೂ ಸಹ 25-30 ರೂಪಾಯಿ ಒಳಗೆ ಸಿಗುವ ಪಾನಿಪುರಿಯಷ್ಟು ಸ್ವಾದ ಇನ್ನೆಲ್ಲೂ ಸಿಗಲ್ಲ ಅಂತಾರೆ ನಮ್ಮ ಪಾನಿಪುರಿ ಪ್ರಿಯರು. ಇದೀಗ ಪಾನಿಪುರಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸುದ್ದಿಯಲ್ಲಿದೆ.
ಈಗೆಲ್ಲಾ ಮದುವೆ ಮನೆಯಲ್ಲಿ ಚಾಟ್ ಐಟಮ್ಸ್ಗಳನ್ನು ಇಡುವುದು ಟ್ರೆಂಡ್ ಆಗಿಬಿಟ್ಟಿದೆ. ಅದರಲ್ಲಿಯೂ ಪಾನಿಪುರಿ ಹೆಚ್ಚು ಫೇಮಸ್! ಈಗಷ್ಟೇ ವಿವಾಹವಾದ ನವಜೋಡಿಗಳು ಪಾನಿಪುರಿ ಸವಿಯುತ್ತಿದ್ದಾರೆ. ಮದುಮಗ ತನ್ನ ಸಂಗಾತಿಗೆ ಪಾನಿಪುರಿ ತಿನ್ನಿಸುವ ವಿಡಿಯೋ ಇದೀಗ ವೈರಲ್ ಆಗಿದೆ. ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ, ಆಹಾ.. ಪಾನಿಪುರಿ! ಎಂದು ನೆಟ್ಟಿಗರು ಹುಬ್ಬೇರಿಸಿದ್ದಾರೆ. ಇನ್ನು ಕೆಲವರು ಹಾರ್ಟ್ ಇಮೋಜಿಗಳೊಂದಿಗೆ ಪಾನಿಪುರಿ ಮೇಲಿನ ಪ್ರೀತಿಯನ್ನು ತೋರ್ಪಡಿಸಿದ್ದಾರೆ.
ಲಾಕ್ಡೌನ್ ಸಂದರ್ಭದಲ್ಲಿ ಪಾನಿಪುರಿಯನ್ನು ಮಿಸ್ ಮಾಡಿಕೊಂಡವರು ಮಿಸ್ ಯು ಪಾನಿಪುರಿ.. ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನು ಕೆಲವರು ಅದರ ಸ್ವಾದವನ್ನು ಬಣ್ಣಿಸಲುಂಟೇ? ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. ಹೆಂಡತಿಯ ಆಸೆಯನ್ನು ಪೂರೈಸಿದ ಮದುಮಗನಿಗೆ, ಇನ್ನು ಕೆಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ವಿಡಿಯೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೋ 2.3 ಮಿಲಿಯನ್ಗೂ ಹೆಚ್ಚಿನ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ನೂರಾರು ಕಾಮೆಂಟ್ಸ್ಗಳೂ ಸಹ ಲಭ್ಯವಾಗಿದೆ.
ಇದನ್ನೂ ಓದಿ:
Viral Video: ಅಲುಗಾಡುತ್ತಿರುವ ಸೇತುವೆಯ ಮೇಲೆ ಕೋತಿಯ ಫ್ಯಾಶನ್ ಶೋ! ಗಮ್ಮತ್ತಾಗಿದೆ ವಿಡಿಯೋ ನೀವೂ ನೋಡಿ