Guinness World Record: 140 ಭಾಷೆಗಳಲ್ಲಿ ಹಾಡಿ ಗಿನ್ನಿಸ್‌ ವಿಶ್ವ ದಾಖಲೆ ಬರೆದ ಕೇರಳದ ಯುವತಿ
ಕೇರಳ ಮೂಲದ ಗಾಯಕಿ ಸುಚೇತಾ ಸತೀಶ್(18) ದುಬೈನಲ್ಲಿ ನಡೆದ ʻಕನ್ಸರ್ಟ್‌ ಫಾರ್‌ ಕ್ಲೈಮೇಟ್‌ʼ ಕಾರ್ಯಕ್ರಮದಲ್ಲಿ 9 ಗಂಟೆಗಳಲ್ಲಿ ಬರೋಬ್ಬರಿ 140 ಭಾಷೆಗಳಲ್ಲಿ ಹಾಡು ಹಾಡಿ ವಿಶ್ವ ದಾಖಲೆಯನ್ನು ಬರೆದಿದ್ದಾರೆ. ತನ್ನ ಸಾಧನೆಯ ಕುರಿತು ಸೋಶಿಯಲ್ ಮೀಡಿಯಾಗಳಲ್ಲಿ ಹಂಚಿಕೊಂಡಿದ್ದಾರೆ.
ಕೇರಳ ಮೂಲದ ಗಾಯಕಿ ಸುಚೇತಾ ಸತೀಶ್(18) ದುಬೈನಲ್ಲಿ ನಡೆದ ʻಕನ್ಸರ್ಟ್‌ ಫಾರ್‌ ಕ್ಲೈಮೇಟ್‌ʼ ಕಾರ್ಯಕ್ರಮದಲ್ಲಿ 9 ಗಂಟೆಗಳಲ್ಲಿ ಬರೋಬ್ಬರಿ 140 ಭಾಷೆಗಳಲ್ಲಿ ಹಾಡು ಹಾಡಿ ವಿಶ್ವ ದಾಖಲೆ(Guinness World Record) ಯನ್ನು ಬರೆದಿದ್ದಾರೆ. ಹವಾಮಾನ ಬದಲಾವಣೆ ಕುರಿತು ಜಾಗೃತಿ ಮೂಡಿಸುವ ಕಾರ್ಯಕ್ರಮದ ಇದಾಗಿದ್ದು, ಈಕೆ 140 ಭಾಷೆಗಳಲ್ಲಿ ಹಾಡಿ ಪ್ರದರ್ಶನ ನೀಡುವ ಪ್ರೇಕ್ಷಕರ ಮನಗೆದ್ದಿದ್ದಾರೆ. ನವೆಂಬರ್‌ 30 ರಿಂದ ಡಿಸೆಂಬರ್‌ 12 ರವರೆಗೆ ದುಬೈನಲ್ಲಿ ʻಕನ್ಸರ್ಟ್‌ ಫಾರ್‌ ಕ್ಲೈಮೇಟ್‌ʼ ಕಾರ್ಯಕ್ರಮ ಅದ್ದೂರಿಯಾಗಿ ನಡೆದಿದೆ. ಈ ಹಿಂದೆ 2021ರಲ್ಲಿ ಸುಚೇತಾ 120 ಭಾಷೆಗಳಲ್ಲಿ ಹಾಡಿ ಗಿನ್ನಿಸ್‌ ದಾಖಲೆ ಮಾಡಿದ್ದರು. ನಂತರ 121 ಭಾಷೆಗಳಲ್ಲಿ ಹಾಡಿದ್ದ ಪುಣೆ ಮೂಲದ ಗಾಯಕಿ ಮಂಜುಶ್ರೀ ಓಕ್‌ ಅವರ ರೆಕಾರ್ಡ್‌ನ್ನು ಬ್ರೇಕ್‌ ಮಾಡಿ ಮತ್ತೊಮ್ಮೆ ಹೊಸ ದಾಖಲೆ ಬರೆದಿದ್ದಾರೆ.
ವಿಶ್ವ ದಾಖಲೆಯ ಬಗ್ಗೆ ಸುಚೇತಾ ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ತನ್ನ ಸಾಧನೆಯ ಬಗ್ಗೆ ಹೆಮ್ಮೆಯ ಮಾತುಗಳನ್ನಾಡಿ, ಶುಭ ಹಾರೈಸಿದ ಎಲ್ಲರಿಗೂ ಧನ್ಯವಾದಗಳು ಎಂದು ಕ್ಯಾಪ್ಷನ್ ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: 3 ಲಕ್ಷಕ್ಕೂ ಹೆಚ್ಚು ನಗದು ಹೊಂದಿದ್ದ ನೋಟಿನ ಕಂತನ್ನು ಹರಿದು ತಿಂದ ಸಾಕು ನಾಯಿ
ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪುಟದ ಪ್ರಕಾರ , ದುಬೈನಲ್ಲಿರುವ ಭಾರತೀಯ ಕಾನ್ಸುಲೇಟ್ ಸಭಾಂಗಣದಲ್ಲಿ ಹವಾಮಾನ ಬದಲಾವಣೆಯ ಬಗ್ಗೆ ಜಾಗೃತಿ ಮೂಡಿಸಲು 140 ಭಾಷೆಗಳಲ್ಲಿ ಪ್ರದರ್ಶನ ನೀಡುವ ಮೂಲಕ ಸುಚೇತಾ ಸತೀಶ್, ಈ ಹಿಂದೆ ದಾಖಲೆ ಬರೆದಿದ್ದ ಪುಣೆ ಮೂಲದ ಗಾಯಕಿ ಮಂಜುಶ್ರೀ ಅವರ ದಾಖಲೆಯನ್ನು ಮುರಿದಿದ್ದಾರೆ. ದುಬೈನಲ್ಲಿ ನಡೆದ COP 28 ಶೃಂಗಸಭೆಯಲ್ಲಿ ಭಾಗವಹಿಸಿದ 140 ರಾಷ್ಟ್ರಗಳನ್ನು ಪ್ರತಿನಿಧಿಸಲು 140 ಸಂಖ್ಯೆಯನ್ನು ಆಯ್ಕೆ ಮಾಡಲಾಗಿದೆ.
ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 5:56 pm, Sun, 7 January 24