Viral Video: ವರನ ಜೊತೆ ತೆರಳಲ್ಲ ಎಂದ ವಧುವನ್ನು ಬಲವಂತವಾಗಿ ಕಳುಹಿಸಿಕೊಟ್ಟ ಕುಟುಂಬಸ್ಥರು

ಮದುವೆಯಲ್ಲಿ ಬೀಳ್ಕೊಡುವ ಸಮಯ ಬಹುಶಃ ಮದುವೆಯ ಆಚರಣೆಯ ಅತ್ಯಂತ ದುಃಖದ ಕ್ಷಣ. ಬಹುತೇಕ ಕಡೆಯ ಭಾರತೀಯ ಸಂಪ್ರದಾಯದ ಪ್ರಕಾರ, ವಧು ತನ್ನ ಪತಿ ಮತ್ತು ಅತ್ತೆಯೊಂದಿಗೆ ವಾಸಿಸಲು ತನ್ನ ತವರು ಮನೆಯನ್ನು ತೊರೆಯಬೇಕಾಗುತ್ತದೆ. ಇದು ವಧು ಮತ್ತು ಆಕೆಯ ಪೋಷಕರಿಗೆ ಭಾವನಾತ್ಮಕ ಕ್ಷಣವಾಗಿರುತ್ತದೆ. ಸಾಮಾನ್ಯವಾಗಿ ಮದುವೆ ಮನೆಯಲ್ಲಿ ವಧುವಿನ ಬೀಳ್ಕೊಡುವ ವೇಳೆ ಎಲ್ಲರೂ ದುಃಖಭರಿತರಾಗಿರುವುದನ್ನು ನೀವು ಕೂಡ ನೋಡಿರಬಹುದು. ಅಂತಹದ್ದೇ ಸನ್ನಿವೇಶದ ವಿಡಿಯೋವೊಂದು ವೈರಲ್ ಆಗಿದೆ. ವಧು ತನ್ನ ಬೀಳ್ಕೊಡುವ ಸಮಯದಲ್ಲಿ ಅಳಲಾರಂಭಿಸಿದ್ದಾಳೆ. ಅಷ್ಟೇ ಅಲ್ಲದೆ ಹೆತ್ತವರನ್ನು ಬಿಟ್ಟು ಹೋಗಲ್ಲ ಎಂದು ಹಠ ಮಾಡಿದ್ದಾಳೆ. ಇದೇ ವೇಳೆ ಕುಟುಂಬ ಸದಸ್ಯರು ಅವಳನ್ನು ಬಲವಂತವಾಗಿ ಎತ್ತಿಕೊಂಡು ಹೋಗಿ ವರನೊಂದಿಗೆ ಕಳುಹಿಸಿ ಕೊಡುತ್ತಿರುವುದು ನೀವು ಈ ವಿಡಿಯೋದಲ್ಲಿ ಕಾಣಬಹುದು.

ಮದುವೆ ಸಂಪ್ರದಾಯ ಮುಗಿಯುತ್ತಿದ್ದಂತೆ ವಧುವು ಗಂಡನ ಮನೆಗೆ ಹೋಗಲು ನಿರಾಕರಿಸಿದ್ದು, ತವರಿನಿಂದ ಕದಲುವುದಿಲ್ಲ ಎಂದು ಹಠ ಹಿಡಿದಿದ್ದಾಳೆ. ಇತ್ತ ಸಂಪ್ರದಾಯದ ಪ್ರಕಾರ ಕಳುಹಿಸಿ ಕೊಡಬೇಕಾದ ಅನಿವಾರ್ಯತೆ ಹೆತ್ತವರದು. ಹೀಗಾಗಿ ಮನೆಯವರು ಆಕೆಯ ಕೈಕಾಲು ಹಿಡಿದು ಹೊರಗೆ ಕರೆತಂದು ಬಲವಂತವಾಗಿ ಕಾರಿನಲ್ಲಿ ಕೂರಿಸಿದ್ದಾರೆ. ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

ವೀಡಿಯೋದಲ್ಲಿರುವ ಕುತೂಹಲಕಾರಿ ಸಂಗತಿಯೆಂದರೆ, ಕುಟುಂಬದ ಸದಸ್ಯರು ಆಕೆಯನ್ನು ಕಾರಿನಲ್ಲಿ ಕೂರಿಸಿದಾಗ ವಧು ಒಳಗೆ ಕೂರಲು ನಿರಾಕರಿಸಿದ್ದಾಳೆ. ಅದೇನೇ ಇದ್ದರೂ, ಕುಟುಂಬಸ್ಥರು ವಧುವನ್ನು ಹಾಗೂ ಹೀಗೂ ಮಾಡಿ ಅತ್ತೆಯ ಮನೆಗೆ ಕಳಹಿಸಿ ಕೊಟ್ಟಿದ್ದಾರೆ. ಈ ವಿಡಿಯೋ ಇದೀಗ ವೈರಲ್ ಆಗಿದ್ದು, ಕೆಲವರು ನಾಟಕ ಎಂದರೆ, ಮತ್ತೆ ಕೆಲವರು ಹೆತ್ತವರ ಪ್ರೀತಿ ಎಂದು ಕಮೆಂಟಿಸಿದ್ದಾರೆ.

ಇದನ್ನೂ ಓದಿ: IPL 2022: RCB ಮನೀಷ್ ಪಾಂಡೆಯನ್ನು ಯಾಕೆ ಖರೀದಿಸಬೇಕು ಅಂದರೆ…

ಇದನ್ನೂ ಓದಿ: IPL 2022: ಇವರೇ RCB ತಂಡದ ಮುಂದಿನ ಕ್ಯಾಪ್ಟನ್ ಎಂದ ಮಾಜಿ ಆರ್​ಸಿಬಿ ನಾಯಕ

(High voltage drama of the bride crying after marriage family members dragged her outside)