ಕಾಡಿನ ರಾಜ ಸಿಂಹ ತುಂಬಾನೇ ಬಲಿಷ್ಟ ಪ್ರಾಣಿ. ಈ ಸಿಂಹಗಳೇ ಕಾಡಿನ ಇತರ ಪ್ರಾಣಿಗಳ ಮೇಲೆ ದಾಳಿ ಮಾಡುತ್ತಿರುತ್ತವೆ. ಇವುಗಳ ಘರ್ಜನೆಯನ್ನು ಕೇಳಿದ್ರೆ ಸಾಕು ಇತರ ಪ್ರಾಣಿಗಳು ಓಡಿ ಹೋಗುತ್ತವೆ. ಹೀಗೆ ಕಾಡಿನ ರಾಜ ಇತರ ಪ್ರಾಣಿಗಳ ಮೇಲೆ ಅಟ್ಯಾಕ್‌ ಮಾಡುವಂತಹ ಶಾಕಿಂಗ್‌ ದೃಶ್ಯಗಳನ್ನು ನೋಡಿರುತ್ತೀರಿ ಅಲ್ವಾ. ಆದ್ರೆ ನೀವು ಎಂದಾದರೂ ಸಿಂಹದ ಮೇಲೆ ಸಿಂಹಿಣಿ ದಾಳಿ ನಡೆಸುವುದನ್ನು ನೋಡಿದ್ದೀರಾ? ಇದೀಗ ಇಲ್ಲೊಂದು ಇಂತಹ ವಿಡಿಯೋ ವೈರಲ್ ಆಗಿದ್ದು, ಸಿಂಹಿಣಿಯರ ಗುಂಪೊಂದು ಒಂಟಿ ಸಿಂಹದ ಮೇಲೆ ಅಟ್ಯಾಕ್‌ ಮಾಡಿವೆ. ಹೌದು ನಮ್‌ ಮಕ್ಕಳ ತಂಟೆಗೆ ಬಂದ್ರೆ ಹುಷಾರ್‌ ಎನ್ನುತ್ತಾ ಮರಿಗಳನ್ನು ಜೋಪಾನ ಮಾಡುವ ಸಲುವಾಗಿ ಸಿಂಹವನ್ನು ಸಿಂಹಿಣಿಯರ ತಂಡ ಅಟ್ಟಾಡಿಸಿಕೊಂಡು ಹೋಗಿವೆ.
ಸಿಂಹಿಣಿಯರ ಗುಂಪೊಂದು ತಮ್ಮ ಮರಿಗಳ ಜೊತೆ ಕುಳಿತು ವಿಶ್ರಾಂತಿ ಪಡೆಯುತ್ತಿದ್ದ ವೇಳೆ ಒಂಟಿ ಸಿಂಹವೊಂದು ಅಲ್ಲಿಗೆ ಎಂಟ್ರಿ ಕೊಟ್ಟಿದ್ದು, ಇದು ಮರಿಗಳ ಮೇಲೆ ದಾಳಿ ಮಾಡಿದ್ರೆ ಏನಪ್ಪಾ ಮಾಡೋದು ಎಂದು ಸಿಂಹಿಣಿಯರು ಮರಿಗಳನ್ನು ರಕ್ಷಿಸುವ ಸಲುವಾಗಿ ಆ ಸಿಂಹವನ್ನು ಅಟ್ಟಾಡಿಸಿಕೊಂಡು ಹೋಗಿವೆ. ಇವುಗಳ ದಾಳಿಗೆ ಎದರಿ ಕಾಡಿನ ರಾಜ ಭಯದಿಂದ ಕಾಲ್ಕಿತ್ತಿದೆ.
ಈ ಕುರಿತ ವಿಡಿಯೋವನ್ನು AMAZINGNATURE ಹೆಸರಿನ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ ಸಿಂಹಿಣಿಯರ ಗುಂಪು ಒಂಟಿ ಸಿಂಹವನ್ನು ಅಟ್ಟಾಡಿಸಿಕೊಂಡು ಹೋಗುತ್ತಿರುವಂತಹ ದೃಶ್ಯವನ್ನು ಕಾಣಬಹುದು.
ಇದನ್ನೂ ಓದಿ: ವಿವಾಹಿತ ಮಹಿಳೆಯೊಂದಿಗೆ ಯುವಕನ ರೊಮ್ಯಾನ್ಸ್; ಗಂಡನ ಕೈಯಿಂದ ಹೆಂಡ್ತಿ ಲವರ್‌ಗೆ ಬಿತ್ತು ಗೂಸಾ
ಜನವರಿ 1 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 8.4 ಮಿಲಿಯನ್‌ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಈ ದೃಶ್ಯವಂತೂ ತುಂಬಾನೇ ಅದ್ಭುತವಾಗಿದೆʼ ಎಂದು ಕಾಮೆಂಟ್‌ ಬರೆದುಕೊಂಡಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼತಾಯಂದಿರೇ ಹಾಗೇ ತಮ್ಮ ಮಕ್ಕಳಿಗೆ ಯಾರು ತೊಂದ್ರೆ ಕೊಟ್ಟರೂ ಸುಮ್ನೆ ಇರೋಲ್ಲʼ ಎಂದು ಹೇಳಿದ್ದಾರೆ.
ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ