Viral Video: ಈ ಡೈನೋಸಾರ್ ನೋಡಿ ಮಗು ಹೆದರಿದ್ದಕ್ಕೆ ಅರ್ಥವಿದೆ, ಆದರೆ ಅಮ್ಮ?
Scary Video : ಇಂಥ ಯಾವುದೇ ಜಾಗಗಳಿಗೆ ಮಕ್ಕಳನ್ನು ಕರೆದುಕೊಂಡು ಹೋಗುವಾಗ ಪೋಷಕರು ಅವರಿಗೆ ಸ್ಥೂಲವಾಗಿ ಒಂದು ಚಿತ್ರಣವನ್ನು ಕಟ್ಟಿಕೊಡಬೇಕು. ಇಲ್ಲವಾದರೆ ಈಗ ವಿಡಿಯೋದಲ್ಲಿ ಆದ ಆಘಾತವೇ ಸಂಭವಿಸುತ್ತದೆ. ಈ ಮಗು ಜೀವನಪೂರ್ತಿ ಆಘಾತದಲ್ಲೇ ಇರುತ್ತದೆ ಎಂದು ಕೆಲವರು. ಹಾಗೇನಿಲ್ಲ ದೊಡ್ಡದಾದ ಮೇಲೆ ಈ ವಿಡಿಯೋ ನೋಡಿ ನಗುತ್ತದೆ ಎಂದು ಕೆಲವರು.
Dinosaurs: ಈ ಘಟನೆಯಿಂದ ಮಗು (kid) ಶಾಶ್ವತವಾಗಿ ಆಘಾತಕ್ಕೆ ಒಳಗಾಗುತ್ತದೆ ಎಂದು ಕೆಲವರು. ನಾಳೆ ಅದು ಬೆಳೆದು ದೊಡ್ಡದಾದ ಮೇಲೆ ನಗುತ್ತದೆ ಎಂದು ಕೆಲವರು. ಇದು ನಿಜವಾದ ಡೈನೋಸರ್? ಎಂದು ಗೊಂದಲಕ್ಕೆ ಬಿದ್ದು ಭಯಪಡುವುದು ಮಗುವಿಗೆ ಸಹಜ. ಆದರೆ ಅಮ್ಮ? ಆಕೆ ಮಗುವಿನ ಮೇಲೆಯೇ ಬಿದ್ದಿದ್ದಾರೆ. ಅರೆ, ಆ ಡೈನೋಸಾರ್ ಪಾತ್ರಧಾರಿ ಸ್ವಲ್ಪ ಯೋಚಿಸಬೇಕಿತ್ತಲ್ಲವಾ, ಅವರಿಬ್ಬರೂ ಹೆದರಿ ಚೀರಾಡುತ್ತಿದ್ದಾಗ ಹಿಂದೆ ಸರಿದು ಸುಮ್ಮನಿರಬೇಕಿತ್ತು ಎಂದಿದ್ದಾರೆ ನೆಟ್ಟಿಗರು. ಈ ವಿಡಿಯೋ ಅನ್ನು ಜು. 18ರಂದು ಪೋಸ್ಟ್ ಮಾಡಲಾಗಿದ್ದು, ಸುಮಾರು 3.4 ಮಿಲಿಯನ್ ಜನರು ಲೈಕ್ ಮಾಡಿದ್ದಾರೆ.
ಇದನ್ನೂ ಓದಿ : Viral Video: ತೋಳ್ಬಲದ ಹಕೀಕತ್ತು; ಮುಂಬೈನಲ್ಲಿ ಬಹುಮಹಡಿಯಿಂದ ಪೀಠೋಪಕರಣ ಇಳಿಸುವ ದೃಶ್ಯ ವೈರಲ್ ಆಗಿದ್ದೇಕೆ?
ನಕಲಿ ಡೈನೋಸಾರ್ ನೋಡಿಯೇ ಹೀಗೆ ಹೆದರಿದರೆ ಗತಿ ಏನು? ತಾಯಿಗೆ ವಿವೇಚನೆ ಬೇಡವೆ, ಡೈನೋಸಾರ್ ನಾಶವಾಗಿ ಎಷ್ಟು ವರ್ಷಗಳಾದವು? ಎಂದು ಕೇಳಿದ್ದಾರೆ ಒಬ್ಬರು. ತನ್ನನ್ನು ತಾನು ಸಂಭಾಳಿಸಿಕೊಳ್ಳಲೂ ಆ ತಾಯಿಗೆ ಕಷ್ಟವಾಗಿದೆ ನಿಜ. ಆದರೆ ಮಗು, ಡೈನೋಸಾರ್ ನೋಡಿ ಆಘಾತಕ್ಕೆ ಒಳಗಾಗಿದ್ದು ಒಂದೆಡೆ ದಪ್ಪದೇಹದ ಅಮ್ಮ ತನ್ನ ಮೇಲೆ ಬಿದ್ದಿದ್ದರೆ! …ನಿಜಕ್ಕೂ ಅವರಿಬ್ಬರೂ ಬಿದ್ದಿದ್ದನ್ನು ನೋಡಿಯೇ ಭಯವಾಗುತ್ತಿದೆ ಎಂದಿದ್ದಾರೆ ಮತ್ತೊಬ್ಬರು.
ನಕಲಿ ಡೈನೋಸಾರ್ಗೆ ಹೆದರಿ ಬಿದ್ದ ಅಮ್ಮ ಮಗಳು
View this post on Instagram
ಮಕ್ಕಳನ್ನು ಇಂಥ ಜಾಗಗಳಿಗೆ ಕರೆದುಕೊಂಡು ಹೋಗುವಾಗ ಪೋಷಕರು ಮೊದಲೇ ಒಂದು ಚಿತ್ರಣವನ್ನು ನೀಡಿರಬೇಕು. ಬಹುಶಃ ತಾಯಿ ಮಗುವಿಗೆ ಈ ಬಗ್ಗೆ ಹೇಳಿರಲಿಲ್ಲವೇನೋ ಅಥವಾ ಆಕೆಗೇ ಇದರ ಬಗ್ಗೆ ಅರಿವಿರಲಿಲ್ಲವೇನೋ. ಅಂತೂ ಮಗು ಬೆಚ್ಚಿಬಿದ್ದು ಚೀರಾಡಿ ಅತ್ತಿದೆ. ವಿಡಿಯೋದಲ್ಲಿ ಮಗುವಿನ ಮೇಲೆ ಬಿದ್ದಿದ್ದಾಳೆ ಎನ್ನಿಸುತ್ತದೆ, ಸದ್ಯ ಆಕೆ ಬಿದ್ದಿಲ್ಲ!
ಇದನ್ನೂ ಓದಿ : Viral Video: ಲಂಡನ್; ವಿದ್ಯುದ್ದೀಪವೇ ಇಲ್ಲದ ಈ ದ್ವೀಪದಲ್ಲಿ ಈ ವ್ಯಕ್ತಿ ಒಂಟಿಯಾಗಿ ವಾಸಿಸುತ್ತಿರುವುದೇಕೆ?
ಅಮ್ಮ ಹೆದರದಿದ್ದರೆ ಮಗು ಹೀಗೆ ಬೀಳುತ್ತಿರಲಿಲ್ಲ, ಪೋಷಕರು ಬಹಳ ಗಟ್ಟಿಯಾಗಿರಬೇಕು, ಮನೋಸ್ಥೈರ್ಯ ಉಳ್ಳವರಾಗಬೇಕು. ನಿಜವಾಗಲೂ ಭಯಾನಕ ಅಥವಾ ಘೋರ ಪ್ರಸಂಗಗಗಳು ಬದುಕಿನಲ್ಲಿ ಎದುರಾದರೆ? ಆಗ ಪೋಷಕರೇ ಆಘಾತಕ್ಕೆ ಒಳಗಾದರೆ ಮಕ್ಕಳನ್ನು ಸಂಭಾಳಿಸುವವರು ಯಾರು? ಪುಟ್ಟ ಮೆದುಳು, ಪುಟ್ಟ ಹೃದಯ, ಬಟ್ಟಲುಗಣ್ಣುಗಳಲ್ಲಿ ಭಯ ಹೆಪ್ಪುಗಟ್ಟಬಾರದಲ್ಲ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
